¹Evel ma oa Jezuz o tremen, e welas un den a oa dall abaoe e c'hanedigezh.

¹As he passed by, he saw a man blind from birth.

²E ziskibien a c'houlennas digantañ: Mestr, piv en deus pec'het, hemañ pe e gerent, dre ma'z eo ganet dall?

²His disciples asked him, “Rabbi, who sinned, this man or his parents, that he was born blind?”

³Jezuz a respontas: N'eo ket en defe hemañ pe e dud pec'het, met abalamour ma vefe oberoù Doue disklêriet ennañ.

³Jesus answered, “Neither did this man sin, nor his parents; but, that the works of God might be revealed in him.

⁴E-pad ma'z eo deiz, eo ret din kas da benn oberoù an hini en deus va c'haset; an noz a zeu, ha den ne c'hell labourat enni.

⁴ I must work the works of him who sent me, while it is day. The night is coming, when no one can work.

⁵E-pad ma'z on er bed, ez on sklêrijenn ar bed.

⁵ While I am in the world, I am the light of the world.”

⁶O vezañ lavaret kement-se, e krañchas d'an douar, hag e reas fank gant e halv; neuze e frotas daoulagad an dall gant ar fank-se,

⁶When he had said this, he spat on the ground, made mud with the saliva, anointed the blind man’s eyes with the mud,

⁷hag e lavaras dezhañ: Kae, hag en em walc'h e stank Siloa (da lavarout eo: Kaset). Mont a reas di, en em walc'has, hag ez eas kuit o welout sklaer.

⁷and said to him, “Go, wash in the pool of Siloam” (which means “Sent”). So he went away, washed, and came back seeing.

⁸An amezeien hag ar re o devoa e welet a-raok, pa oa dall, a lavare: N'eo ket hemañ an hini en em zalc'he azezet, hag a c'houlenne an aluzen?

⁸The neighbors therefore, and those who saw that he was blind before, said, “Isn’t this he who sat and begged?”

⁹Darn a lavare: Eñ eo; darn all a lavare: Heñvel eo outañ; eñ e-unan a lavare: Me va-unan eo.

⁹Others were saying, “It is he.” Still others were saying, “He looks like him.” He said, “I am he.”

¹⁰Int a lavaras eta dezhañ: Penaos eo bet digoret da zaoulagad dit?

¹⁰They therefore were asking him, “How were your eyes opened?”

¹¹Eñ a respontas: Un den a c'halver Jezuz en deus graet fank, en deus eouliet gantañ va daoulagad, ha lavaret din: Kae da stank Siloa, hag en em walc'h enni. Me a zo eta aet, hag ez on en em walc'het, hag e welan.

¹¹He answered, “A man called Jesus made mud, anointed my eyes, and said to me, ‘Go to the pool of Siloam, and wash.’ So I went away and washed, and I received sight.”

¹²Int a lavaras dezhañ: Pelec'h emañ an den-se? Eñ a lavaras: N'ouzon ket.

¹²Then they asked him, “Where is he?” He said, “I don’t know.”

¹³Kas a rejont d'ar farizianed an hini a oa bet dall.

¹³They brought him who had been blind to the Pharisees.

¹⁴Un deiz sabad e oa, p'en devoa Jezuz graet ar fank, ha p'en devoa digoret e zaoulagad dezhañ.

¹⁴It was a Sabbath when Jesus made the mud and opened his eyes.

¹⁵Ar farizianed a c'houlenne eta digantañ ivez penaos en devoa adkavet ar gweled. Eñ a lavaras dezho: Lakaet en deus fank din war va daoulagad, hag ez on en em walc'het hag e welan.

¹⁵Again therefore the Pharisees also asked him how he received his sight. He said to them, “He put mud on my eyes, I washed, and I see.”

¹⁶Neuze hiniennoù eus ar farizianed a lavaras: An den-se n'eo ket a-berzh Doue, peogwir ne vir ket ar sabad. Reoù all a lavare: Penaos e c'hell un den fall ober hevelep mirakloù? Hag e oant dizunvan etrezo.

¹⁶Some therefore of the Pharisees said, “This man is not from God, because he doesn’t keep the Sabbath.” Others said, “How can a man who is a sinner do such signs?” There was division among them.

¹⁷Lavarout a rejont a-nevez d'an dall: Ha te, petra a lavarez diwar e benn, p'en deus digoret dit da zaoulagad? Eñ a respontas: Ur profed eo.

¹⁷Therefore they asked the blind man again, “What do you say about him, because he opened your eyes?” He said, “He is a prophet.”

¹⁸Met ar Yuzevien ne gredjont ket e oa bet an den-se dall, hag e oa digoret e zaoulagad dezhañ, ken ma lakajont gervel e dud.

¹⁸The Jews therefore did not believe concerning him, that he had been blind, and had received his sight, until they called the parents of him who had received his sight,

¹⁹Hag e c'houlennjont diganto, o lavarout: Hennezh eo ho mab, a lavarit eo bet ganet dall? Penaos eta e wel bremañ?

¹⁹and asked them, “Is this your son, whom you say was born blind? How then does he now see?”

²⁰E dud a respontas: Ni a oar eo hor mab, hag eo bet ganet dall;

²⁰His parents answered them, “We know that this is our son, and that he was born blind;

²¹met n'ouzomp ket penaos e wel bremañ, ha n'ouzomp ket piv en deus digoret dezhañ e zaoulagad. Oad en deus, goulennit digantañ, komz a raio e-unan eus ar pezh a sell outañ.

²¹but how he now sees, we don’t know; or who opened his eyes, we don’t know. He is of age. Ask him. He will speak for himself.”

²²E dud a lavare kement-se, abalamour m'o devoa aon rak ar Yuzevien; ar Yuzevien o devoa lakaet en o fenn, penaos piv bennak a anavezje Jezuz evit ar C'hrist, a vije kaset kuit eus ar sinagogenn.

²²His parents said these things because they feared the Jews; for the Jews had already agreed that if any man would confess him as Christ, he would be put out of the synagogue.

²³Dre-se e dud a lavaras: Oad en deus, goulennit digantañ.

²³Therefore his parents said, “He is of age. Ask him.”

²⁴Gervel a rejont eta evit an eil wech an den a oa bet dall, hag e lavarjont dezhañ: Ro gloar da Zoue, ni a oar an den-se a zo ur pec'her.

²⁴So they called the man who was blind a second time, and said to him, “Give glory to God. We know that this man is a sinner.”

²⁵Eñ a respontas: N'ouzon ket hag-eñ eo ur pec'her; un dra a ouzon eo penaos e oan dall, ha penaos e welan bremañ.

²⁵He therefore answered, “I don’t know if he is a sinner. One thing I do know: that though I was blind, now I see.”

²⁶Int a lavaras c'hoazh dezhañ: Petra en deus graet dit? Penaos en deus digoret da zaoulagad dit?

²⁶They said to him again, “What did he do to you? How did he open your eyes?”

²⁷Eñ a respontas dezho: E lavaret em eus dija deoc'h, ha n'hoc'h eus ket e selaouet? Perak e fell deoc'h e glevout a-nevez? C'hoantaat a rit ivez dont da vezañ e ziskibien?

²⁷He answered them, “I told you already, and you didn’t listen. Why do you want to hear it again? You don’t also want to become his disciples, do you?”

²⁸Neuze e tismegañsjont anezhañ hag e lavarjont: Te eo a zo e ziskibl, evidomp-ni, ni a zo diskibien Moizez.

²⁸They insulted him and said, “You are his disciple, but we are disciples of Moses.

²⁹Ni a oar en deus Doue komzet ouzh Moizez, met evit hemañ, n'ouzomp ket a-belec'h eo.

²⁹We know that God has spoken to Moses. But as for this man, we don’t know where he comes from.”

³⁰An den a respontas: Un dra souezhus eo, penaos n'ouzoc'h ket a-belec'h eo; ha koulskoude en deus digoret va daoulagad din!

³⁰The man answered them, “How amazing! You don’t know where he comes from, yet he opened my eyes.

³¹Ha, ni a oar penaos Doue ne selaou ket ar re fall; met mar deu unan bennak da enoriñ Doue ha da ober e volontez, e selaou anezhañ.

³¹We know that God doesn’t listen to sinners, but if anyone is a worshipper of God, and does his will, he listens to him. Psalm 66:18, Proverbs 15:29; 28:9

³²N'eus bet klevet biskoazh en defe den digoret daoulagad un den ganet dall.

³²Since the world began it has never been heard of that anyone opened the eyes of someone born blind.

³³Ma ne vije ket hemañ eus Doue, ne c'hellje ober netra.

³³If this man were not from God, he could do nothing.”

³⁴Int a respontas dezhañ: Te a zo bet ganet holl er pec'hed, hag e kelennez ac'hanomp! Hag e kasjont anezhañ kuit.

³⁴They answered him, “You were altogether born in sins, and do you teach us?” They threw him out.

³⁵Jezuz a glevas penaos o devoa e gaset kuit, hag o vezañ en em gavet gantañ, e lavaras dezhañ: Ha krediñ a rez e Mab Doue?

³⁵Jesus heard that they had thrown him out, and finding him, he said, “Do you believe in the Son of God?”

³⁶Eñ a respontas: Piv eo Aotrou, evit ma kredin ennañ?

³⁶He answered, “Who is he, Lord, that I may believe in him?”

³⁷Ha Jezuz a lavaras dezhañ: Gwelet ec'h eus anezhañ, eñ e-unan eo an hini a gomz ouzhit.

³⁷Jesus said to him, “You have both seen him, and it is he who speaks with you.”

³⁸Neuze e lavaras: Krediñ a ran, Aotrou, hag ec'h azeulas anezhañ.

³⁸He said, “Lord, I believe!” and he worshiped him.

³⁹Ha Jezuz a lavaras: Me a zo deuet er bed-mañ da varn, evit ma welo ar re na welont ket, ha ma teuio dall ar re a wel.

³⁹Jesus said, “I came into this world for judgment, that those who don’t see may see; and that those who see may become blind.”

⁴⁰Hag hiniennoù eus ar farizianed a oa gantañ, o klevout kement-se, a lavaras dezhañ: Ha ni, bez' omp-ni ivez dall?

⁴⁰Those of the Pharisees who were with him heard these things, and said to him, “Are we also blind?”

⁴¹Jezuz a lavaras dezho: Ma vijec'h dall, n'ho pije ket a bec'hed; met bremañ e lavarit: Gwelout a reomp; abalamour da gement-se ho pec'hed a chom.

⁴¹Jesus said to them, “If you were blind, you would have no sin; but now you say, ‘We see.’ Therefore your sin remains.