¹Neuze Jezuz a voe kaset gant ar Spered el lec'h distro, evit bezañ temptet gant an diaoul.

¹Then Jesus was led up by the Spirit into the wilderness to be tempted by the devil.

²Goude m'en devoe yunet daou-ugent devezh ha daou-ugent nozvezh, en devoe naon.

²When he had fasted forty days and forty nights, he was hungry afterward.

³An tempter, o vezañ tostaet outañ, a lavaras dezhañ: Mar dout Mab Doue, gourc'hemenn d'ar mein-se dont da vezañ bara.

³The tempter came and said to him, “If you are the Son of God, command that these stones become bread.”

⁴Met eñ a respontas: Skrivet eo: An den ne vevo ket a vara hepken, met gant pep ger a zeu eus genou Doue.

⁴But he answered, “It is written, ‘Man shall not live by bread alone, but by every word that proceeds out of the mouth of God.’” Deuteronomy 8:3

⁵Neuze an diaoul en kasas er gêr santel, a lakaas anezhañ war lein an templ,

⁵Then the devil took him into the holy city. He set him on the pinnacle of the temple,

⁶hag a lavaras dezhañ: Mar dout Mab Doue, en em daol d'an traoñ, rak skrivet eo: Gourc'hemenn a raio d'e aeled kaout evezh ouzhit, ha: dougen a raint ac'hanout etre o daouarn, gant aon na stokfe da droad ouzh ur maen bennak.

⁶and said to him, “If you are the Son of God, throw yourself down, for it is written, ‘He will put his angels in charge of you.’ and, ‘On their hands they will bear you up, so that you don’t dash your foot against a stone.’” Psalm 91:11-12

⁷Jezuz a respontas dezhañ: Skrivet eo ivez: Na dempti ket an Aotrou da Zoue.

⁷Jesus said to him, “Again, it is written, ‘You shall not test the Lord, your God.’” Deuteronomy 6:16

⁸An diaoul en kasas c'hoazh war ur menez uhel meurbet, a ziskouezas dezhañ holl rouantelezhioù ar bed hag o gloar,

⁸Again, the devil took him to an exceedingly high mountain, and showed him all the kingdoms of the world, and their glory.

⁹hag a lavaras dezhañ: An holl draoù-se a roin dit, mar daoulinez da'm azeuliñ.

⁹He said to him, “I will give you all of these things, if you will fall down and worship me.”

¹⁰Jezuz a respontas dezhañ: A-dreñv din, Satan! Rak skrivet eo: Azeuliñ a ri an Aotrou da Zoue, ha ne serviji nemetañ.

¹⁰Then Jesus said to him, “Get behind me, TR and NU read “Go away” instead of “Get behind me” Satan! For it is written, ‘You shall worship the Lord your God, and you shall serve him only.’” Deuteronomy 6:13

¹¹Neuze an diaoul en lezas; ha setu, aeled a zeuas hag a servijas anezhañ.

¹¹Then the devil left him, and behold, angels came and served him.

¹²Met pa glevas Jezuz e oa bet lakaet Yann er prizon, en em dennas e Galilea.

¹²Now when Jesus heard that John was delivered up, he withdrew into Galilee.

¹³O vezañ kuitaet Nazared, e teuas da chom e Kafarnaoum, kêr arvorek, war harzoù Zabulon ha Neftali,

¹³Leaving Nazareth, he came and lived in Capernaum, which is by the sea, in the region of Zebulun and Naphtali,

¹⁴evit ma vije peurc'hraet ar pezh a oa bet lavaret gant ar profed Izaia:

¹⁴that it might be fulfilled which was spoken through Isaiah the prophet, saying,

¹⁵Douar Zabulon ha douar Neftali, ar vro a zo war hent ar mor, en tu all d'ar Jordan, Galilea ar baganed,

¹⁵“The land of Zebulun and the land of Naphtali, toward the sea, beyond the Jordan, Galilee of the Gentiles,

¹⁶ar bobl a oa azezet en deñvalijenn, he deus gwelet ur sklêrijenn vras; hag ar sklêrijenn a zo savet war ar re a oa azezet e bro hag e skeud ar marv.

¹⁶the people who sat in darkness saw a great light, to those who sat in the region and shadow of death, to them light has dawned.” Isaiah 9:1-2

¹⁷Adalek neuze, Jezuz en em lakaas da brezeg, ha da lavarout: Ho pet keuz rak rouantelezh an neñvoù a zo tost.

¹⁷From that time, Jesus began to preach, and to say, “Repent! For the Kingdom of Heaven is at hand.”

¹⁸Hag, evel ma valee a-hed mor Galilea, e welas daou vreur, Simon a c'halver Pêr, hag Andrev e vreur, o teurel o roued er mor, rak pesketaerien e oant.

¹⁸Walking by the sea of Galilee, he TR reads “Jesus” instead of “he” saw two brothers: Simon, who is called Peter, and Andrew, his brother, casting a net into the sea; for they were fishermen.

¹⁹Lavarout a reas dezho: Heuilhit ac'hanon, ha me ho raio pesketaerien dud.

¹⁹He said to them, “Come after me, and I will make you fishers for men.”

²⁰Kerkent, o lezel o rouedoù, e heuilhjont anezhañ.

²⁰They immediately left their nets and followed him.

²¹Hag ac'hano, o vont un tamm a-raokoc'h, e welas daou vreur all, Jakez mab Zebedea, ha Yann e vreur, a oa en ur vag gant Zebedea o zad, o fichañ o rouedoù. Gervel a reas anezho.

²¹Going on from there, he saw two other brothers, James the son of Zebedee, and John his brother, in the boat with Zebedee their father, mending their nets. He called them.

²²Int, raktal, o lezel o bag hag o zad, a heulias anezhañ.

²²They immediately left the boat and their father, and followed him.

²³Jezuz a valeas dre holl C'halilea, o kelenn en o sinagogennoù, o prezeg keloù mat ar rouantelezh, hag o yac'haat kement kleñved ha kement mac'hagn a oa e-touez ar bobl.

²³Jesus went about in all Galilee, teaching in their synagogues, preaching the Good News of the Kingdom, and healing every disease and every sickness among the people.

²⁴Ar vrud anezhañ en em skuilhe dre holl Siria, hag e tegasent dezhañ an holl re glañv, re dalc'het gant meur a boan ha gant meur a zroug, re dalc'het gant diaoulien, re loariek, re seizet, hag eñ a yac'hae anezho.

²⁴The report about him went out into all Syria. They brought to him all who were sick, afflicted with various diseases and torments, possessed with demons, epileptics, and paralytics; and he healed them.

²⁵Ul lod bras a dud a heulie anezhañ eus Galilea, eus Dekapoliz, eus Jeruzalem, eus Judea, hag eus an tu all d'ar Jordan.

²⁵Great multitudes from Galilee, Decapolis, Jerusalem, Judea and from beyond the Jordan followed him.