¹Bulahan sila nga mga hingpit sa dalan, Nga nanaglakaw sa Kasugoan ni Jehova.

¹Blessed are the undefiled in the way, who walk in the law of the LORD.

²Bulahan sila nga nanagbantay sa iyang mga pagpamatuod, Nga sa bug-os nilang kasingkasing nanagpangita kaniya.

²Blessed are they that keep his testimonies, and that seek him with the whole heart.

³Oo, sila wala magbuhat sa dili-pagkamatarung; Sila nanaglakaw sa iyang mga dalan.

³They also do no iniquity: they walk in his ways.

⁴Ikaw nagsugo kanamo mahatungod sa imong mga lagda, Aron among pagabantayan sila sa makugihon gayud.

⁴Thou hast commanded us to keep thy precepts diligently.

⁵Oh hinaut unta nga mahamutang ang akong mga dalan Sa pagtuman sa imong kabalaoran!

⁵O that my ways were directed to keep thy statutes!

⁶Unya dili na ako pagapakaulawan, Sa mabantayan ko na ang tanan mong mga sugo.

⁶Then shall I not be ashamed, when I have respect unto all thy commandments.

⁷Magapasalamat ako kanimo uban sa katul-id sa kasingkasing, Sa pagkakat-on ko sa imong mga matarung nga paghukom.

⁷I will praise thee with uprightness of heart, when I shall have learned thy righteous judgments.

⁸Pagabantayan ko ang imong kabalaoran: Oh hinaut unta nga ako dili mo gayud pagabiyaan.

⁸I will keep thy statutes: O forsake me not utterly.

⁹Unsay igahinlo sa usa ka batan-on sa iyang dalan? Pinaagi sa pagmatngon subay sa imong pulong.

⁹Wherewithal shall a young man cleanse his way? by taking heed thereto according to thy word.

¹⁰Uban sa bug-os ko nga kasingkasing gipangita ko ikaw: Oh ayaw itugot nga ako mahisalaag gikan sa imong mga sugo.

¹⁰With my whole heart have I sought thee: O let me not wander from thy commandments.

¹¹Sa akong kasingkasing ginatipigan ko ang imong pulong, Aron dili ako makasala batok kanimo.

¹¹Thy word have I hid in mine heart, that I might not sin against thee.

¹²Dalayegon ikaw, Oh Jehova: Tudloi ako sa imong kabalaoran.

¹²Blessed art thou, O LORD: teach me thy statutes.

¹³Sa akong mga ngabil gisugilon ko Ang tanang mga tulomanon sa imong baba.

¹³With my lips have I declared all the judgments of thy mouth.

¹⁴Nagakalipay ako sa dalan sa imong mga pagpamatuod, Ingon sa gidaghanon sa tanang mga bahandi.

¹⁴I have rejoiced in the way of thy testimonies, as much as in all riches.

¹⁵Sa imong mga lagda magapalandong ako, Ug magatahud ako sa imong mga dalan.

¹⁵I will meditate in thy precepts, and have respect unto thy ways.

¹⁶Magakalipay ako sa akong kaugalingon diha sa imong kabalaoran: Dili ako malimot sa imong pulong.

¹⁶I will delight myself in thy statutes: I will not forget thy word.

¹⁷Ibubo sa kadagaya ang kalooy mo sa imong alagad, aron mabuhi ako; Sa ingon niini magabantay ako sa imong pulong.

¹⁷Deal bountifully with thy servant, that I may live, and keep thy word.

¹⁸Bukha ang akong mga mata, aron makatan-aw ako Sa mga katingalahang butang gikan sa imong Kasugoan.

¹⁸Open thou mine eyes, that I may behold wondrous things out of thy law.

¹⁹Ako dumuloong dinhi sa yuta: Ayaw itungina ang imong mga sugo gikan kanako.

¹⁹I am a stranger in the earth: hide not thy commandments from me.

²⁰Nadugmok ang akong kalag tungod sa pagpangandoy Sa imong mga tulomanon sa tanang mga panahon.

²⁰My soul breaketh for the longing that it hath unto thy judgments at all times.

²¹Gibadlong mo ang mga palabilabihon nga mga tinunglo, Nga nanghimulag gikan sa imong mga sugo.

²¹Thou hast rebuked the proud that are cursed, which do err from thy commandments.

²²Palaa gikan kanako ang kaulawan ug ang pagkatalamayon; Kay ang imong mga pagpamatuod gibantayan ko.

²²Remove from me reproach and contempt; for I have kept thy testimonies.

²³Ang mga principe usab nanaglingkod ug nanagsulti batok kanako; Apan ang imong alagad nagapalandong sa imong kabalaoran.

²³Princes also did sit and speak against me: but thy servant did meditate in thy statutes.

²⁴Ang imong mga pagpamatuod usab maoy akong kalipay Ug akong mga magtatambag

²⁴Thy testimonies also are my delight and my counsellors.

²⁵Mipilit sa abug ang akong kalag: Buhion mo ako sumala sa imong pulong.

²⁵My soul cleaveth unto the dust: quicken thou me according to thy word.

²⁶Gipahayag ko ang akong mga dalan, ug ikaw mitubag kanako: Tudloi ako sa imong kabalaoran.

²⁶I have declared my ways, and thou heardest me: teach me thy statutes.

²⁷Ipasabut kanako ang dalan sa imong mga lagda: Sa ingon niini magapalandong ako sa imong mga katingalahang buhat.

²⁷Make me to understand the way of thy precepts: so shall I talk of thy wondrous works.

²⁸Natunaw ang akong kalag tungod sa kaguol: Lig-ona ako sumala sa imong pulong.

²⁸My soul melteth for heaviness: strengthen thou me according unto thy word.

²⁹Ipahalayo gikan kanako ang dalan sa kabakakan; Ug ihatag kanako ang imong Kasugoan sa pagkamapuanguron.

²⁹Remove from me the way of lying: and grant me thy law graciously.

³⁰Napili ko ang dalan sa pagkamatinumanon: Gibutang ko ang imong mga tulomanon sa atubangan ko .

³⁰I have chosen the way of truth: thy judgments have I laid before me.

³¹Napabilin ako sa dakung pagmatngon sa imong mga pagpamatuod: Oh Jehova, ayaw ako ibutang sa kaulawan.

³¹I have stuck unto thy testimonies: O LORD, put me not to shame.

³²Sa dalan sa imong mga sugo magadalagan ako, Sa diha nga pagapadakuon mo ang akong kasingkasing.

³²I will run the way of thy commandments, when thou shalt enlarge my heart.

³³Tudloi ako, Oh Jehova, sa dalan sa imong kabalaoran; Ug pagabantayan ko kini hangtud sa katapusan.

³³Teach me, O LORD, the way of thy statutes; and I shall keep it unto the end.

³⁴Hatagi ako ug salabutan, ug pagabantayan ko ang imong Kasugoan; Oo, pagatumanon ko kini uban sa bug-os ko nga kasingkasing.

³⁴Give me understanding, and I shall keep thy law; yea, I shall observe it with my whole heart.

³⁵Mandoi ako sa dalan sa imong mga sugo; Kay niini anaa ang akong kalipay

³⁵Make me to go in the path of thy commandments; for therein do I delight.

³⁶Ikiling mo ang akong kasingkasing ngadto sa imong mga pagpamatuod, Ug dili ngadto sa kailibgon.

³⁶Incline my heart unto thy testimonies, and not to covetousness.

³⁷Ilikay ang akong mga mata gikan sa pagtan-aw sa kakawangan, Ug hatagi ako ug kinabuhi sa imong mga dalan.

³⁷Turn away mine eyes from beholding vanity; and quicken thou me in thy way.

³⁸Palig-ona ang imong pulong nganhi sa imong alagad, Nga nagatudlo sa pagkahadlok kanimo.

³⁸Stablish thy word unto thy servant, who is devoted to thy fear.

³⁹Kuhaa gikan kanako ang kaulawan nga akong nahadlokan; Kay maayo ang imong mga tulomanon.

³⁹Turn away my reproach which I fear: for thy judgments are good.

⁴⁰Ania karon, ginatinguha ko ang imong mga lagda: Hatagi ako ug kinabuhi sa imong pagkamatarung.

⁴⁰Behold, I have longed after thy precepts: quicken me in thy righteousness.

⁴¹Ipadangat usab nganhi kanako ang imong mahigugmaong-kalolot, Oh Jehova, Bisan ang imong kaluwasan, sumala sa imong pulong.

⁴¹Let thy mercies come also unto me, O LORD, even thy salvation, according to thy word.

⁴²Sa ingon niana, makabaton ako ug tubag alang kaniya nga nagapakaulaw kanako; Kay misalig ako sa imong pulong.

⁴²So shall I have wherewith to answer him that reproacheth me: for I trust in thy word.

⁴³Ug ayaw pagkuhaa sa tuman ang pulong sa kamatuoran gikan sa akong baba; Kay ako milaum diha sa imong mga tulomanon.

⁴³And take not the word of truth utterly out of my mouth; for I have hoped in thy judgments.

⁴⁴Sa ingon niana, pagabantayan ko sa kanunay ang imong Kasugoan Sa katuigan nga walay katapusan.

⁴⁴So shall I keep thy law continually for ever and ever.

⁴⁵Ug magalakaw ako sa kagawasan; Kay gipangita ko ang imong mga lagda.

⁴⁵And I will walk at liberty: for I seek thy precepts.

⁴⁶Ug igasulti ko usab ang imong mga pagpamatuod sa atubangan sa mga hari, Ug wala mahamutang sa kaulawan.

⁴⁶I will speak of thy testimonies also before kings, and will not be ashamed.

⁴⁷Ug sa akong kaugalingon magakalipay ako sa imong mga sugo, Nga gihigugma ko.

⁴⁷And I will delight myself in thy commandments, which I have loved.

⁴⁸Pagabayawon ko usab ang akong mga kamot ngadto sa imong mga sugo, nga gihigugma ko; Ug magapalandong ako diha sa imong kabalaoran.

⁴⁸My hands also will I lift up unto thy commandments, which I have loved; and I will meditate in thy statutes.

⁴⁹Hinumdumi ang pulong nga gihatag mo sa imong alagad, Tungod kay imo akong gipalaum.

⁴⁹Remember the word unto thy servant, upon which thou hast caused me to hope.

⁵⁰Mao kini ang kalipay ko sa akong kagul-anan; Kay ang imong pulong naghatag kanako ug kinabuhi.

⁵⁰This is my comfort in my affliction: for thy word hath quickened me.

⁵¹Ang mga palabilabihon nanagyubit kanako sa hilabihan gayud: Apan wala ako mobulag gikan sa imong Kasugoan.

⁵¹The proud have had me greatly in derision: yet have I not declined from thy law.

⁵²Nahinumdum ako, Oh Jehova, sa kanhi mong mga tulomanon, Ug nalipay ako sa akong kaugalingon.

⁵²I remembered thy judgments of old, O LORD; and have comforted myself.

⁵³Ang mainit nga kaligutgut migahum kanako, Tungod sa tawong dautan nga mibulag gikan sa imong Kasugoan.

⁵³Horror hath taken hold upon me because of the wicked that forsake thy law.

⁵⁴Ang imong kabalaoran nahimo nga mga alawiton ko Sa balay sa akong pagpanlangyaw.

⁵⁴Thy statutes have been my songs in the house of my pilgrimage.

⁵⁵Sa kagabhion nahinumdum ako sa imong ngalan, Oh Jehova, Ug gibantayan ko ang imong Kasugoan.

⁵⁵I have remembered thy name, O LORD, in the night, and have kept thy law.

⁵⁶Kini nabatonan ko, Tungod kay gibantayan ko ang imong mga lagda.

⁵⁶This I had, because I kept thy precepts.

⁵⁷Si Jehova mao ang akong bahin: Ako miingon nga magabantay ako sa imong mga pulong.

⁵⁷Thou art my portion, O LORD: I have said that I would keep thy words.

⁵⁸Ang imong paglaban gipakilooy ko uban sa bug-os ko nga kasingkasing: Kaloy-i ako sumala sa imong pulong.

⁵⁸I intreated thy favour with my whole heart: be merciful unto me according to thy word.

⁵⁹Gipalandong ko ang akong mga dalan, Ug gipabalik ko ang akong mga tiil ngadto sa imong mga pagpamatuod.

⁵⁹I thought on my ways, and turned my feet unto thy testimonies.

⁶⁰Midali ako, ug wala magdugay, Sa pagtuman sa imong mga sugo.

⁶⁰I made haste, and delayed not to keep thy commandments.

⁶¹Ang mga gapus sa mga dautan gipanglikus kanako; Apan wala ko hikalimti ang imong Kasugoan.

⁶¹The bands of the wicked have robbed me: but I have not forgotten thy law.

⁶²Sa tungang gabii mobangon ako sa pagpasalamat kanimo Tungod sa imong mga tulomanon nga matarung.

⁶²At midnight I will rise to give thanks unto thee because of thy righteous judgments.

⁶³Kauban ako sa tanang mga may kahadlok kanimo, Ug kanila nga nanagtuman sa imong mga lagda.

⁶³I am a companion of all them that fear thee, and of them that keep thy precepts.

⁶⁴Ang yuta, Oh Jehova, napuno sa imong mahigugmaong-kalolot: Tudloi ako sa imong kabalaoran.

⁶⁴The earth, O LORD, is full of thy mercy: teach me thy statutes.

⁶⁵Maayo ang gibuhat mo sa imong alagad, Oh Jehova, sumala sa imong pulong.

⁶⁵Thou hast dealt well with thy servant, O LORD, according unto thy word.

⁶⁶Tudloi ako sa maayong paghukom ug kinaadman;

⁶⁶Teach me good judgment and knowledge: for I have believed thy commandments.

⁶⁷Sa wala pa ako pagsakita, nahisalaag ako; Apan karon nagabantay ako sa imong pulong.

⁶⁷Before I was afflicted I went astray: but now have I kept thy word.

⁶⁸Ikaw maayo ug nagabuhat sa maayo; Tudloi ako sa imong kabalaoran.

⁶⁸Thou art good, and doest good; teach me thy statutes.

⁶⁹Batok kanako nanagmugna ug bakak ang mga palabilabihon: Uban sa bug-os ko nga kasingkasing magatuman ako sa imong mga lagda.

⁶⁹The proud have forged a lie against me: but I will keep thy precepts with my whole heart.

⁷⁰Matambok ang ilang kasingkasing ingon sa sibu; Apan nagakalipay ako diha sa imong Kasugoan.

⁷⁰Their heart is as fat as grease; but I delight in thy law.

⁷¹Maayo pa alang kanako nga gisakit ako; Aron ako makakat-on diha sa imong kabalaoran.

⁷¹It is good for me that I have been afflicted; that I might learn thy statutes.

⁷²Labing maayo alang kanako ang Kasugoan sa imong baba Kay sa mga linibo nga bulawan ug salapi.

⁷²The law of thy mouth is better unto me than thousands of gold and silver.

⁷³Ang imong mga kamot nagbuhat kanako ug nag-umol kanako: Ihatag kanako ang salabutan, aron ako makakat-on sa imong mga sugo.

⁷³Thy hands have made me and fashioned me: give me understanding, that I may learn thy commandments.

⁷⁴Sila nga may mga kahadlok kanimo motan-aw kanako ug managkalipay, Kay diha sa imong pulong milaum ako.

⁷⁴They that fear thee will be glad when they see me; because I have hoped in thy word.

⁷⁵Nahibalo ako, Oh Jehova, nga ang imong mga paghukom matarung man, Ug nga sa imong pagka-matinumanon gisakit mo ako.

⁷⁵I know, O LORD, that thy judgments are right, and that thou in faithfulness hast afflicted me.

⁷⁶Itugot, nagaampo ako kanimo, nga ang imong mahigugmaong-kalolot mahimo nga akong kalipay, Sumala sa imong pulong alang sa imong alagad.

⁷⁶Let, I pray thee, thy merciful kindness be for my comfort, according to thy word unto thy servant.

⁷⁷Ipadangat kanako ang imong malomong kalooy, aron mabuhi ako; Kay ang imong Kasugoan maoy akong kalipay.

⁷⁷Let thy tender mercies come unto me, that I may live: for thy law is my delight.

⁷⁸Ipabutang sa kaulawan ang mga palabilabihon; tungod kay gidaug nila ako sa mga pagbutang-butang: Apan ako magapalandong diha sa imong mga lagda.

⁷⁸Let the proud be ashamed; for they dealt perversely with me without a cause: but I will meditate in thy precepts.

⁷⁹Pabalika nganhi kanako kadtong mga nangahadlok kanimo; Ug sila manghibalo sa imong mga pagpamatuod.

⁷⁹Let those that fear thee turn unto me, and those that have known thy testimonies.

⁸⁰Mahingpit unta ang akong kasingkasing diha sa imong kabalaoran, Aron ako dili maulawan.

⁸⁰Let my heart be sound in thy statutes; that I be not ashamed.

⁸¹Nangandoy ang akong kalag tungod sa imong kaluwasan; Apan milaum ako sa imong pulong.

⁸¹My soul fainteth for thy salvation: but I hope in thy word.

⁸²Ang akong mga mata nangaloy sa pagpaabut sa imong pulong, Samtang ako nagaingon: Anus-a pa ba nimo ako lipaya?

⁸²Mine eyes fail for thy word, saying, When wilt thou comfort me?

⁸³Kay ako nahimong sama sa panit nga sudlanan sa vino nga anaa sa asohan; Apan wala ko hikalimti ang imong kabalaoran.

⁸³For I am become like a bottle in the smoke; yet do I not forget thy statutes.

⁸⁴Pipila na ba lamang ang mga adlaw sa imong alagad? Anus-a pa ba nimo buhata ang paghukom batok niadtong nanaglutos kanako?

⁸⁴How many are the days of thy servant? when wilt thou execute judgment on them that persecute me?

⁸⁵Ang mga palabilabihon nanagkalot ug mga gahong alang kanako, Nga dili subay sumala sa imong Kasugoan.

⁸⁵The proud have digged pits for me, which are not after thy law.

⁸⁶Ang tanan nimong mga sugo matinumanon man: Sila nanaglutos kanako sa pagkadili-matarung; tabangan mo ako.

⁸⁶All thy commandments are faithful: they persecute me wrongfully; help thou me.

⁸⁷Diriyot na ako nila malamoy dinhi sa ibabaw sa yuta; Apan wala ko pagbiyai ang imong mga lagda.

⁸⁷They had almost consumed me upon earth; but I forsook not thy precepts.

⁸⁸Buhion mo ako sumala sa imong mahigugmaong-kalolot; Sa ingon niana pagatumanon ko ang mga pagpamatuod sa imong baba.

⁸⁸Quicken me after thy lovingkindness; so shall I keep the testimony of thy mouth.

⁸⁹Sa walay katapusan Oh Jehova, ang imong pulong nahamutang sa langit.

⁸⁹For ever, O LORD, thy word is settled in heaven.

⁹⁰Ang imong pagkamatinumanon alang man ngadto sa tanang mga kaliwatan: Imong gitukod ang yuta, ug kini nagapadayon.

⁹⁰Thy faithfulness is unto all generations: thou hast established the earth, and it abideth.

⁹¹Sumala sa imong mga tulomanon sila nanagpadayon hangtud niining adlawa; Kay ang tanang mga butang maoy imong mga sulogoon.

⁹¹They continue this day according to thine ordinances: for all are thy servants.

⁹²Gawas kong ang imong Kasugoan mahimo ko nga kalipay, Sa akong kasakit mahanaw unya ako

⁹²Unless thy law had been my delights, I should then have perished in mine affliction.

⁹³Dili ko gayud hikalimtan ang imong mga lagda; Kay tungod kanila gibanhaw mo ako.

⁹³I will never forget thy precepts: for with them thou hast quickened me.

⁹⁴Ako imo man, luwasa ako; Kay gipangita ko ang imong mga lagda.

⁹⁴I am thine, save me: for I have sought thy precepts.

⁹⁵Ang mga dautan nanaghulat kanako, sa paglaglag kanako; Apan ako magapalandong sa imong mga pagpamatuod.

⁹⁵The wicked have waited for me to destroy me: but I will consider thy testimonies.

⁹⁶Nakita ko ang katapusan sa bugos nga pagkahingpit; Apan ang imong sugo halapad sa hilabihan gayud.

⁹⁶I have seen an end of all perfection: but thy commandment is exceeding broad.

⁹⁷Oh hilabihan ang paghigugma ko sa imong Kasugoan! Kini mao ang akong gipalandong sa tibook nga adlaw.

⁹⁷O how I love thy law! it is my meditation all the day.

⁹⁸Ang imong mga sugo nakapahimo kanako nga labi pang manggialamon kay sa akong mga kaaway; Kay sila ania kanako sa kanunay.

⁹⁸Thou through thy commandments hast made me wiser than mine enemies: for they are ever with me.

⁹⁹Aduna akoy labaw pang salabutan kay sa tanan ko nga mga magtutudlo; Kay ang imong mga pagpamatuod maoy akong gipalandong.

⁹⁹I have more understanding than all my teachers: for thy testimonies are my meditation.

¹⁰⁰Labi pang masinabuton ako kay sa mga tigulang, Tungod kay gibantayan ko ang imong mga lagda.

¹⁰⁰I understand more than the ancients, because I keep thy precepts.

¹⁰¹Gikan sa tanang mga dalan nga dautan, gipunggan ko ang akong mga tiil, Aron nga ako makatuman sa imong pulong.

¹⁰¹I have refrained my feet from every evil way, that I might keep thy word.

¹⁰²Wala ako tumipas gikan sa imong mga tulomanon; Kay imong gitudloan ako.

¹⁰²I have not departed from thy judgments: for thou hast taught me.

¹⁰³Pagkatam-is gayud sa imong mga pulong sa akong pagtilaw! Oo, labing matam-is pa kay sa dugos sa akong baba!

¹⁰³How sweet are thy words unto my taste! yea, sweeter than honey to my mouth!

¹⁰⁴Pinaagi sa imong mga lagda nakabaton ako ug salabutan: Tungod niini gidumtan ko ang tagsatagsa ka dalan sa kabakakan.

¹⁰⁴Through thy precepts I get understanding: therefore I hate every false way.

¹⁰⁵Ang imong pulong maoy lamparahan sa akong mga tiil, Ug kahayag sa akong alagianan.

¹⁰⁵Thy word is a lamp unto my feet, and a light unto my path.

¹⁰⁶Nakapanumpa ako ug gimatudan ko kini, Nga ako magabantay sa matarung mong mga tulomanon.

¹⁰⁶I have sworn, and I will perform it, that I will keep thy righteous judgments.

¹⁰⁷Ginasakit ako sa hilabihan gayud: Buhion mo ako, Oh Jehova, sumala sa imong pulong.

¹⁰⁷I am afflicted very much: quicken me, O LORD, according unto thy word.

¹⁰⁸Dawata, nangaliyupo ako kanimo, ang mga halad-nga-kinabubut-on sa akong baba, Oh Jehova, Ug tudloi ako sa imong mga tulomanon.

¹⁰⁸Accept, I beseech thee, the freewill offerings of my mouth, O LORD, and teach me thy judgments.

¹⁰⁹Ang kalag ko sa kanunay ania sa akong kamot; Apan wala ko hikalimti ang imong Kasugoan.

¹⁰⁹My soul is continually in my hand: yet do I not forget thy law.

¹¹⁰Gibutangan ako ug lit-ag sa mga datuan; apan ako wala mahisalaag gikan sa imong mga lagda.

¹¹⁰The wicked have laid a snare for me: yet I erred not from thy precepts.

¹¹¹Ingon nga panulondon gidawat ko ang imong mga pagpamatuod sa walay katapusan; Kay sila mao ang kalipay sa akong kasingkasing.

¹¹¹Thy testimonies have I taken as an heritage for ever: for they are the rejoicing of my heart.

¹¹²Gikiling ko ang akong kasingkasing sa pagbuhat sa imong kabalaoran Sa gihapon, bisan ngadto sa katapusan.

¹¹²I have inclined mine heart to perform thy statutes alway, even unto the end.

¹¹³Gidumtan ko sila nga may maduha-duhaon nga hunahuna; Apan gihigugma ko ang imong Kasugoan.

¹¹³I hate vain thoughts: but thy law do I love.

¹¹⁴Ikaw mao ang akong dapit nga dalangpanan ug ang akong taming: Sa imong pulong nagalaum ako.

¹¹⁴Thou art my hiding place and my shield: I hope in thy word.

¹¹⁵Pahalayo kamo gikan kanako, kamong mga mamumuhat sa kadautan, Aron nga magabantay ako sa mga sugo sa akong Dios.

¹¹⁵Depart from me, ye evildoers: for I will keep the commandments of my God.

¹¹⁶Sapnaya ako sumala sa imong pulong, aron ako mabuhi; Ug ayaw ako pagpakaulawi sa akong paglaum.

¹¹⁶Uphold me according unto thy word, that I may live: and let me not be ashamed of my hope.

¹¹⁷Sapnaya ako sa itaas, ug maluwas ako, Ug magatahud diha sa imong kabalaoran sa kanunay.

¹¹⁷Hold thou me up, and I shall be safe: and I will have respect unto thy statutes continually.

¹¹⁸Gitalikdan mo kadtong tanan nga nangasayup gikan sa imong kabalaoran; Kay ang ilang limbong mao ang kabakakan.

¹¹⁸Thou hast trodden down all them that err from thy statutes: for their deceit is falsehood.

¹¹⁹Ang tanang mga dautan sa yuta gisalikway mo sama sa taya: Tungod niana gihigugma ko ang imong mga pagpamatuod.

¹¹⁹Thou puttest away all the wicked of the earth like dross: therefore I love thy testimonies.

¹²⁰Ang unod ko mikurog tungod sa kahadlok kanimo; Ug sa imong mga paghukom nahadlok ako.

¹²⁰My flesh trembleth for fear of thee; and I am afraid of thy judgments.

¹²¹Ang justicia ug ang pagkamatarung gibuhat ko: Ayaw ako itugyan sa mga nanagdaugdaug kanako.

¹²¹I have done judgment and justice: leave me not to mine oppressors.

¹²²Himoa ang pasalig mo sa imong alagad alang sa kaayohan: Ayaw itugot nga ang palabilabihon modaugdaug kanako.

¹²²Be surety for thy servant for good: let not the proud oppress me.

¹²³Ang akong mga mata nangaloy sa pagpaabut sa imong kaluwasan, Ug tungod sa imong pulong nga matarung.

¹²³Mine eyes fail for thy salvation, and for the word of thy righteousness.

¹²⁴Buhata sa imong alagad sumala sa imong mahigugmaong-kalolot, Ug tudloi ako sa imong kabalaoran.

¹²⁴Deal with thy servant according unto thy mercy, and teach me thy statutes.

¹²⁵Ako mao ang imong alagad; ihatag kanako ang salabutan, Aron nga ako mahibalo sa imong mga pagpamatuod.

¹²⁵I am thy servant; give me understanding, that I may know thy testimonies.

¹²⁶Mao na ang panahon nga si Jehova magabuhat; Kay gihimo nila nga walay kapuslanan ang imong Kasugoan.

¹²⁶It is time for thee, LORD, to work: for they have made void thy law.

¹²⁷Tungod niana gihigugma ko ang imong mga sugo Labaw kay sa bulawan, oo, labaw kay sa bulawan nga inulay.

¹²⁷Therefore I love thy commandments above gold; yea, above fine gold.

¹²⁸Tungod niana gipakamahal ko ang tanan mong mga lagda mahatungod sa tanang mga butang nga matarung; Ug gidumtan ko ang tagsatagsa ka dalan sa kabakakan.

¹²⁸Therefore I esteem all thy precepts concerning all things to be right; and I hate every false way.

¹²⁹Mga katingalahan ang imong mga pagpamatuod; Busa nagabantay kanila ang akong kalag.

¹²⁹Thy testimonies are wonderful: therefore doth my soul keep them.

¹³⁰Ang sinugdan sa imong mga pulong nagahatag ug kahayag; Nagahatag kini ug salabutan alang sa mga walay-pagtagad.

¹³⁰The entrance of thy words giveth light; it giveth understanding unto the simple.

¹³¹Gibuka ko ug daku ang akong baba, ug nagahangus; Kay nangandoy ako sa dakung kainit sa imong mga sugo.

¹³¹I opened my mouth, and panted: for I longed for thy commandments.

¹³²Lingia ako, malooy ka kanako, Maingon sa nabatasan mo niadtong mga nahigugma sa imong ngalan.

¹³²Look thou upon me, and be merciful unto me, as thou usest to do unto those that love thy name.

¹³³Pasunda ang akong mga lakang sa imong pulong; Ug ayaw itugot nga may bisan unsa nga kadautan nga magagahum kanako.

¹³³Order my steps in thy word: and let not any iniquity have dominion over me.

¹³⁴Tubsa ako gikan sa pagdaugdaug sa tawo: Aron magatuman ako sa imong mga lagda.

¹³⁴Deliver me from the oppression of man: so will I keep thy precepts.

¹³⁵Ipasidlak ang imong nawong ibabaw sa imong alagad; Ug tudloi ako sa imong kabalaoran.

¹³⁵Make thy face to shine upon thy servant; and teach me thy statutes.

¹³⁶Mga inagay-ay sa tubig nanaligdig gikan sa akong mga mata, Tungod kay sila wala managtuman sa imong Kasugoan.

¹³⁶Rivers of waters run down mine eyes, because they keep not thy law.

¹³⁷Matarung ikaw, Oh Jehova, Ug matul-id ang imong mga paghukom.

¹³⁷Righteous art thou, O LORD, and upright are thy judgments.

¹³⁸Gisugo mo ang imong mga pagpamatuod diha sa pagkamatarung Ug sa pagkamatinumanon uyamut.

¹³⁸Thy testimonies that thou hast commanded are righteous and very faithful.

¹³⁹Ang akong pagsingkamot miut-ut kanako, Tungod kay ang akong mga kabatok nanghikalimot sa imong mga pulong.

¹³⁹My zeal hath consumed me, because mine enemies have forgotten thy words.

¹⁴⁰Ang imong pulong maulay gayud sa hilabihan, Tungod niana ang imong alagad nahagugma niini.

¹⁴⁰Thy word is very pure: therefore thy servant loveth it.

¹⁴¹Diyutay ako ug tinamay; Apan wala ko hikalimti ang imong mga lagda.

¹⁴¹I am small and despised: yet do not I forget thy precepts.

¹⁴²Ang imong pagkamatarung mao ang pagkamatarung nga walay katapusan, Ug ang imong Kasugoan mao ang kamatuoran.

¹⁴²Thy righteousness is an everlasting righteousness, and thy law is the truth.

¹⁴³Kasamok ug kaguol minggahum kanako; Apan ang imong mga sugo maoy akong kalipay.

¹⁴³Trouble and anguish have taken hold on me: yet thy commandments are my delights.

¹⁴⁴Walay katapusan ang pagkamatarung sa imong mga pagpamatuod: Ihatag kanako ang salabutan ug ako mabuhi.

¹⁴⁴The righteousness of thy testimonies is everlasting: give me understanding, and I shall live.

¹⁴⁵Misangpit ako uban sa bug-os ko nga kasingkasing; tubaga ako, Oh Jehova: Bantayan ko gayud ang imong kabalaoran.

¹⁴⁵I cried with my whole heart; hear me, O LORD: I will keep thy statutes.

¹⁴⁶Kanimo misangpit ako; luwasa ako, Ug pagabantayan ko ang imong mga pagpamatuod.

¹⁴⁶I cried unto thee; save me, and I shall keep thy testimonies.

¹⁴⁷Giunhan ko ang banag-banag sa kabuntagon, ug mitu-aw ako : Milaum ako diha sa imong mga pulong.

¹⁴⁷I prevented the dawning of the morning, and cried: I hoped in thy word.

¹⁴⁸Giunhan sa akong mga mata ang pagtukaw sa kagabhion, Aron ako makapalandong sa imong pulong.

¹⁴⁸Mine eyes prevent the night watches, that I might meditate in thy word.

¹⁴⁹Patalinghugi ang akong tingog sumala sa imong mahigugmaong-kalolot: Buhion mo ako, Oh Jehova, sumala sa imong mga tulomanon.

¹⁴⁹Hear my voice according unto thy lovingkindness: O LORD, quicken me according to thy judgment.

¹⁵⁰Nanagpahiduol sila kanako ang nanagsunod sa kadautan; Halayo sila sa imong Kasugoan.

¹⁵⁰They draw nigh that follow after mischief: they are far from thy law.

¹⁵¹Ikaw ania sa haduol, Oh Jehova, Ug ang tanan mong mga sugo mga kamatuoran man.

¹⁵¹Thou art near, O LORD; and all thy commandments are truth.

¹⁵²Kanhi nahibalo na ako gikan sa imong mga pagpamatuod, Nga gitukod mo sila sa walay katapusan.

¹⁵²Concerning thy testimonies, I have known of old that thou hast founded them for ever.

¹⁵³Palandunga ang akong kasakitan, ug luwasa ako; Kay wala ko hikalimti ang imong Kasugoan.

¹⁵³Consider mine affliction, and deliver me: for I do not forget thy law.

¹⁵⁴Labani ang akong katungod, ug tubsa ako: Buhion mo ako sumala sa imong pulong.

¹⁵⁴Plead my cause, and deliver me: quicken me according to thy word.

¹⁵⁵Halayo sa mga dautan ang kaluwasan; Kay wala nila pangitaa ang imong kabalaoran.

¹⁵⁵Salvation is far from the wicked: for they seek not thy statutes.

¹⁵⁶Dagku ang imong mga malomong-kalooy, Oh Jehova: Buhion mo ako sumala sa imong mga tulomanon.

¹⁵⁶Great are thy tender mercies, O LORD: quicken me according to thy judgments.

¹⁵⁷Daghan ang akong mga maglulutos ug ang akong mga kabatok; Ngani wala ako motipas gikan sa imong mga pagpamatuod.

¹⁵⁷Many are my persecutors and mine enemies; yet do I not decline from thy testimonies.

¹⁵⁸Nakita ko ang mga mabudhion, ug nasubo ako, Tungod kay sila wala managbantay sa imong pulong.

¹⁵⁸I beheld the transgressors, and was grieved; because they kept not thy word.

¹⁵⁹Palandunga kong giunsa ko sa paghigugma ang imong mga lagda: Buhion mo ako Oh Jehova, sumala sa imong mahigugmaongkalolot.

¹⁵⁹Consider how I love thy precepts: quicken me, O LORD, according to thy lovingkindness.

¹⁶⁰Kamatuoran mao ang natingban sa imong pulong; Ug ang tagsatagsa sa imong matarung mga tulomanon nagapadayon sa walay katapusan.

¹⁶⁰Thy word is true from the beginning: and every one of thy righteous judgments endureth for ever.

¹⁶¹Ang mga principe nanaglutos kanako sa walay gipasiparan; Apan ang akong kasingkasing nagabarug nga may kahadlok sa imong mga pulong.

¹⁶¹Princes have persecuted me without a cause: but my heart standeth in awe of thy word.

¹⁶²Nagakalipay ako sa imong pulong, Ingon sa usa nga nakakaplag ug daghang mga inagaw.

¹⁶²I rejoice at thy word, as one that findeth great spoil.

¹⁶³Akong gidumtan ug gipakaluod ko ang kabakakan; Apan gihigugma ko ang imong Kasugoan.

¹⁶³I hate and abhor lying: but thy law do I love.

¹⁶⁴Makapito sa usa ka adlaw ginadayeg ko ikaw, Tungod sa imong matarung mga tulomanon.

¹⁶⁴Seven times a day do I praise thee because of thy righteous judgments.

¹⁶⁵Ang mga nahagugma sa imong Kasugoan adunay pakigdait nga daku; Ug kanila wala ang kahigayonan sa pagkapangdol.

¹⁶⁵Great peace have they which love thy law: and nothing shall offend them.

¹⁶⁶Sa imong kaluwasan milaum ako, Oh Jehova, Ug nagtuman ako sa imong mga sugo.

¹⁶⁶LORD, I have hoped for thy salvation, and done thy commandments.

¹⁶⁷Ang akong kalag nagbantay sa imong mga pagpamatuod; Ug gihigugma ko sila sa hilabihan gayud.

¹⁶⁷My soul hath kept thy testimonies; and I love them exceedingly.

¹⁶⁸Gibantayan ko ang imong mga lagda ug ang imong mga pagpamatuod; Kay ang tanan ko nga mga dalan anaa sa atubangan mo.

¹⁶⁸I have kept thy precepts and thy testimonies: for all my ways are before thee.

¹⁶⁹Ipahaduol ang akong pagtu-aw sa atubangan nimo, Oh Jehova Hatagi ako ug salabutan sumala sa imong pulong

¹⁶⁹Let my cry come near before thee, O LORD: give me understanding according to thy word.

¹⁷⁰Ipadangat ang akong pag-ampo sa atubangan mo: Luwasa ako sumala sa imong pulong.

¹⁷⁰Let my supplication come before thee: deliver me according to thy word.

¹⁷¹Ipapamulong sa akong mga ngabil ang pagdayeg; Kay ikaw nagatudlo kanako sa imong kabalaoran.

¹⁷¹My lips shall utter praise, when thou hast taught me thy statutes.

¹⁷²Ipaawit sa akong dila ang imong pulong; Kay ang tanan mong mga sugo mga matarung man.

¹⁷²My tongue shall speak of thy word: for all thy commandments are righteousness.

¹⁷³Ipaandam ang imong kamot sa pagtabang kanako; Kay gipili ko ang imong mga lagda.

¹⁷³Let thine hand help me; for I have chosen thy precepts.

¹⁷⁴Gihidlaw ako sa imong kaluwasan, Oh Jehova, Ug ang imong Kasugoan mao ang akong kalipay.

¹⁷⁴I have longed for thy salvation, O LORD; and thy law is my delight.

¹⁷⁵Buhion mo ang akong kalag, ug kini magadayeg kanimo; Ug patabangi ako sa imong mga tulomanon.

¹⁷⁵Let my soul live, and it shall praise thee; and let thy judgments help me.

¹⁷⁶Ako nahisalaag sama sa usa ka nawala nga carnero; pangitaa ang imong alagad; Kay wala ko hikalimti ang imong mga sugo.

¹⁷⁶I have gone astray like a lost sheep; seek thy servant; for I do not forget thy commandments.