¹Dayegon mo si Jehova, Oh kalag ko; Ug ang tanan nga ania sa sulod nako dayega ninyo ang iyang balaan nga ngalan.

¹By David. Bless, O my soul, Jehovah, And all my inward parts — His Holy Name.

²Dayegon mo si Jehova, Oh kalag ko, Ug ayaw hikalimti ang tanan niyang mga kaayohan:

²Bless, O my soul, Jehovah, And forget not all His benefits,

³Nga mao ang nagapasaylo sa tanan mong kasal-anan; Nga mao ang nagaayo sa tanan mong mga balatian;

³Who is forgiving all thine iniquities, Who is healing all thy diseases,

⁴Nga mao ang nagabawi sa imong kinabuhi gikan sa pagkalaglag; Nga mao ang nagapurongpurong kanimo sa mahigugmaong-kalolot ug sa malomong mga kalooy;

⁴Who is redeeming from destruction thy life, Who is crowning thee — kindness and mercies,

⁵Nga mao ang nagatagbaw sa maayong mga butang sa imong tinguha, Aron nga ang imong pagkabatanon nabag-o sama sa agila.

⁵Who is satisfying with good thy desire, Renew itself as an eagle doth thy youth.

⁶Si Jehova nagabuhat ug mga buhat nga matarung, Ug mga paghukom alang niadtong mga dinaugdaug.

⁶Jehovah is doing righteousness and judgments For all the oppressed.

⁷Iyang gipahibalo ang iyang mga dalan ngadto kang Moises, Ang iyang mga binuhatan ngadto sa mga anak sa Israel.

⁷He maketh known His ways to Moses, To the sons of Israel His acts.

⁸Si Jehova maloloy-on man ug puno sa gracia, Mahinay sa pagkasuko, ug madagayaon sa mahigugmaong-kalolot.

⁸Merciful and gracious [is] Jehovah, Slow to anger, and abundant in mercy.

⁹Dili man sa kanunay magabadlong siya; Ni magatipig siya sa iyang kasuko sa walay katapusan.

⁹Not for ever doth He strive, Nor to the age doth He watch.

¹⁰Wala niya buhata kanato ang angay sa atong mga sala, Ni magabalus siya kanato sa angay sa atong mga kasal-anan.

¹⁰Not according to our sins hath He done to us, Nor according to our iniquities Hath He conferred benefits upon us.

¹¹Kay ingon nga ang mga langit hataas ibabaw sa yuta, Ingon man kadaku ang iyang mahigugmaong-kalolot ngadto kanila nga may kahadlok kaniya.

¹¹For, as the height of the heavens [is] above the earth, His kindness hath been mighty over those fearing Him.

¹²Ingon sa pagkahalayo sa silangan gikan sa kasadpan, Sa mao nga gilay-on iyang gipahilayo kanato ang atong mga kalapasan.

¹²As the distance of east from west He hath put far from us our transgressions.

¹³Sama sa usa ka amahan nga nalooy sa iyang mga anak, Sa mao nga pagkaagi nalooy si Jehova kanila nga may kahadlok kaniya.

¹³As a father hath mercy on sons, Jehovah hath mercy on those fearing Him.

¹⁴Kay siya nahibalo sa atong kahimtang; Nahinumdum siya nga kita mga abug lamang.

¹⁴For He hath known our frame, Remembering that we [are] dust.

¹⁵Mahitungod sa tawo, ang iyang mga adlaw ingon sa balili; Ingon sa bulak sa kapatagan, mao man ang iyang paglabong.

¹⁵Mortal man! as grass [are] his days, As a flower of the field so he flourisheth;

¹⁶Kay ang hangin molabay sa ibabaw niya, ug kini mahanaw; Ug ang dapit nga gitugkan niini dili na makaila kaniya.

¹⁶For a wind hath passed over it, and it is not, And its place doth not discern it any more.

¹⁷Apan ang mahigugmaong-kalolot ni Jehova nagagikan sa walay katapusan ngadto sa walay katapusan ibabaw kanila nga may kahadlok kaniya, Ug ang iyang pagkamatarung ngadto sa mga anak sa mga anak;

¹⁷And the kindness of Jehovah [Is] from age even unto age on those fearing Him, And His righteousness to sons` sons,

¹⁸Alang niadtong nanagbantay sa iyang tugon, Ug niadtong mga nahinumdum sa iyang mga lagda sa pagtuman kanila.

¹⁸To those keeping His covenant, And to those remembering His precepts to do them.

¹⁹Gitukod ni Jehova ang iyang trono didto sa kalangitan; Ug ang iyang gingharian nagagahum sa ibabaw sa tanan.

¹⁹Jehovah in the heavens Hath established His throne, And His kingdom over all hath ruled.

²⁰Dayegon ninyo si Jehova, kamo nga mga manolonda niya, Nga mga gamhanan sa kalig-on nga nanagtuman sa iyang pulong, Nga nanagpatalinghug sa tingog sa iyang pulong.

²⁰Bless Jehovah, ye His messengers, Mighty in power — doing His word, To hearken to the voice of His Word.

²¹Dayegon ninyo si Jehova, ngatanan kamong mga panon niya, Kamong mga alagad niya, nga nanagbuhat sa iyang kabubut-on.

²¹Bless Jehovah, all ye His hosts, His ministers — doing His pleasure.

²²Dayegon ninyo si Jehova, kamong tanan niyang mga binuhat, Sa tanang mga dapit sa iyang gingharian: Dayegon mo si Jehova, Oh kalag ko.

²²Bless Jehovah, all ye His works, In all places of His dominion. Bless, O my soul, Jehovah!