¹Pulong nga matinumanon: Kong ang usa ka tawo nagapangita sa katungdanan sa usa ka obispo magatinguha siya ug usa ka maayong buhat.

¹The word [is] faithful: if any one aspires to exercise oversight, he desires a good work.

²Busa, ang obispo kinahanglan nga dili mabadlonganon, bana sa usa ka asawa, kasarangan, buotan, maugdang, maabiabihon, may katakus sa pagtudlo;

²The overseer then must be irreproachable, husband of one wife, sober, discreet, decorous, hospitable, apt to teach;

³Dili palainum sa vino, dili palaaway; apan malolot, dili tiglalis, dili mahigug-maon sa salapi;

³not given to excesses from wine, not a striker, but mild, not addicted to contention, not fond of money,

⁴Tawo nga nagadumala ug maayo sa iyang panimalay, nga ang iyang mga anak anaa sa ubos sa pagpasakup kaniya sa bug-os nga kaugdang:

⁴conducting his own house well, having [his] children in subjection with all gravity;

⁵(Apan kong usa ka tawo dili mahibalong magdumala sa iyang panimalay unsaon man niya sa pag-alima ang iglesia sa Dios?)

⁵(but if one does not know how to conduct his own house, how shall he take care of the assembly of God?)

⁶Dili ang usa ka bag-o nga kinabig, tingali unya nga sa nagapaburot siya, mahulog siya sa silot sa yawa.

⁶not a novice, that he may not, being inflated, fall into [the] fault of the devil.

⁷Labut pa niini siya kinahanglan usab, nga may maayong pagpamatuod nga gikan kanila nga anaa sa gawas; tingali siya mahulog ngadto sa kaulawan ug sa bitik sa yawa.

⁷But it is necessary that he should have also a good testimony from those without, that he may fall not into reproach and [the] snare of the devil.

⁸Ingon man usab ang mga diacono kinahanglan magmaugdang, dili mag-duruha ang sinultihan, dili palainum sa vino, dili mahigugmaon sa maka-uulaw nga ganancia.

⁸Ministers, in like manner, grave, not double-tongued, not given to much wine, not seeking gain by base means,

⁹Nga nagabaton sa tinago sa pagtoo sa usa ka maputli nga kaisipan.

⁹holding the mystery of the faith in a pure conscience.

¹⁰Ug kini sila pagasulayan usab una; unya paalagara sila ingon nga mga diacono kong dili na sila mabadlonganon.

¹⁰And let these be first proved, then let them minister, being without charge [against them].

¹¹Ingon man usab ang mga babaye magmaugdang sila, dili magmalibakon, mga kasarangan, mga matinumanon sa tanang butang.

¹¹[The] women in like manner grave, not slanderers, sober, faithful in all things.

¹²Ang mga diacono mabana sa usa ka asawa, nga magadumala ug maayo sa ilang mga anak, ug sa ilang panimalay.

¹²Let [the] ministers be husbands of one wife, conducting [their] children and their own houses well:

¹³Kay ang mga nagaalagad ug maayo, ingon nga mga diacono, nanghiagum sa ilang kaugalingon ug dungganon nga kahimtang, ug may daku nga kaisug sa pagtoo, nga anaa kang Cristo Jesus.

¹³for those who shall have ministered well obtain for themselves a good degree, and much boldness in faith which [is] in Christ Jesus.

¹⁴Kining mga butanga gisulat ko kanimo nga gilauman ko ang pag-anha diha sa madali kanimo:

¹⁴These things I write to thee, hoping to come to thee more quickly;

¹⁵Apan kong ako malangan ug dugay, aron masayran mo kong unsa ang paggawi sa mga tawo sa balay sa Dios, nga mao ang iglesia sa Dios nga buhi, haligi ug patukoranan sa kamatuoran.

¹⁵but if I delay, in order that thou mayest know how one ought to conduct oneself in God's house, which is [the] assembly of [the] living God, [the] pillar and base of the truth.

¹⁶Ug sa walay langtugi, daku ang tinago sa pagka-diosnon: Ang Dios nga gipadayag diha sa unod, gipakamatarung sa Espiritu; nakit-an sa mga manolonda; giwali sa taliwala sa mga kanasuran: gitohoan dinhi sa kalibutan; gibayaw sa himaya.

¹⁶And confessedly the mystery of piety is great. God has been manifested in flesh, has been justified in [the] Spirit, has appeared to angels, has been preached among [the] nations, has been believed on in [the] world, has been received up in glory.