¹Ang tawong dautan mokalagiw bisan walay tawo nga magalutos; Apan ang matarung maisug ingon sa leon.

¹The wicked flee when no man pursueth; but the righteous are bold as a lion.

²Kay sa kalapasan sa usa ka yuta daghanan ang mga principe niana; Apan pinaagi sa mga tawo nga may salabutan ug kahibalo ang kahimtang niini pagalugwayan.

²By the transgression of a land many are the princes thereof; but by a man of understanding [and] of knowledge, [its] stability is prolonged.

³Ang usa ka tawo sa kawalad-on nga magalupig sa mga kabus Mahasama sa ulan nga nagabanlas nga dili magabilin ug makaon.

³A poor man who oppresseth the helpless is a sweeping rain which leaveth no food.

⁴Kadtong mobiya sa Kasugoan nagadayeg sa tawong dautan; Apan ang mga magabantay sa Kasugoan nakig-bisog batok kanila.

⁴They that forsake the law praise the wicked; but such as keep the law contend with them.

⁵Ang dautang mga tawo dili makasabut sa justicia; Apan sila nga nangita kang Jehova makasabut sa tanang mga butang.

⁵Evil men understand not judgment; but they that seek Jehovah understand everything.

⁶Maayo pa ang kabus nga nagalakat sa iyang pagkahingpit sa kasingkasing, Kay kaniya nga sukwahi sa iyang mga dalan, bisan siya dato.

⁶Better is the poor that walketh in his integrity, than he that is perverse, double in ways, though he be rich.

⁷Bisan kinsa nga nagabantay sa Kasugoan maoy usa ka anak nga manggialamon; Apan kadtong kauban sa mga ulitan nagapakaulaw sa iyang amahan.

⁷Whoso observeth the law is a son that hath understanding; but he that is a companion of profligates bringeth shame to his father.

⁸Kadtong nagapadaghan sa iyang manggad pinaagi sa tubo ug abut, Nagahipos niini alang kaniya nga may kalooy sa kabus.

⁸He that by usury and unjust gain increaseth his substance gathereth it for him that is gracious to the poor.

⁹Kadtong nagapalingog-iingog sa iyang igdulungog gikan sa pagpamati sa Kasugoan, Bisan ang iyang pag-ampo maoy usa ka dulumtanan.

⁹He that turneth away his ear from hearing the law, even his prayer is an abomination.

¹⁰Bisan kinsa nga nagapasalaag sa matul-id ngadto sa usa ka dautan nga dalan, Siya mahulog sa kaugalingon niyang gahong; Apan ang hingpit magapanunod sa maayo.

¹⁰Whoso causeth the upright to go astray in an evil way, shall himself fall into his own pit; but the perfect shall inherit good.

¹¹Ang adunahan nga tawo manggialamon sa iyang kaugalingong hunahuna; Apan ang kabus nga may salabutan magasusi kaniya.

¹¹A rich man is wise in his own eyes; but the poor that hath understanding searcheth him out.

¹²Sa diha nga ang matarung makadaug adunay dakung himaya; Apan sa diha nga ang dautan motindog, ang mga tawo manago sa ilang kaugalingon.

¹²When the righteous triumph, there is great glory; but when the wicked rise, men conceal themselves.

¹³Kadtong nagatabon sa iyang kalapasan dili mouswag; Apan bisan kinsa nga nagasugid ug nagabiya kanila makadawat ug kalooy.

¹³He that covereth his transgressions shall not prosper; but whoso confesseth and forsaketh [them] shall obtain mercy.

¹⁴Malipayon ang tawo nga mahadlokon sa kanunay; Apan kadtong nagapagahi sa iyang kasingkasing mahulog ngadto sa dautang buhat.

¹⁴Happy is the man that feareth always; but he that hardeneth his heart shall fall into evil.

¹⁵Maingon sa usa ka leon nga nagangulob, ug sa usa ka oso nga nagasarasay, Ingon niana ang usa ka dautan nga punoan ibabaw sa usa ka kabus nga katawohan.

¹⁵A roaring lion, and a ranging bear, is a wicked ruler over a poor people.

¹⁶Ang principe nga kulang sa salabutan maoy daku usab nga madaugdaugon; Apan siya nga nagadumot sa pagkaibug magapalugway sa iyang mga adlaw.

¹⁶The prince void of intelligence is also a great oppressor: he that hateth covetousness shall prolong [his] days.

¹⁷Ang tawo nga mahimug-atan sa dugo sa bisan kinsang tawo Mokalagiw ngadto sa gahong; ayaw pagpapunggi sa tawo siya.

¹⁷A man laden with the blood of [any] person, fleeth to the pit: let no man stay him.

¹⁸Bisan kinsa nga nagalakat sa katarung pagagawason; Apan kadtong sukwahi sa iyang mga dalan mahulog sa walay langan.

¹⁸Whoso walketh in integrity shall be saved; but he that is perverted in [his] double ways, shall fall in one [of them].

¹⁹Kadtong nagabaul sa iyang yuta makabaton ug daghang mga makaon; Apan siya nga nagasunod sa mga tawo sa kakawangan makabaton sa hilabihan uyamut nga kakabus.

¹⁹He that tilleth his land shall be satisfied with bread; but he that followeth the worthless shall have poverty enough.

²⁰Ang usa ka matinumanon nga tawo magamadagayaon sa mga panalangin; Apan kadtong nagadali sa pagkaadunahan dili makalikay sa silot.

²⁰A faithful man aboundeth with blessings; but he that maketh haste to be rich shall not be innocent.

²¹Ang may pagkapinalabi sa mga tawo dili maayo; Ni ang usa ka tawo magmalinapason tungod lamang sa usa ka tipik nga tinapay.

²¹To have respect of persons is not good; but for a piece of bread will a man transgress.

²²Kadtong may usa ka dautan nga mata nagadali sa pagkab-ut sa mga bahandi, Ug wala mahibalo nga ang kawalad-on modangat kaniya.

²²He that hath an evil eye hasteth after wealth, and knoweth not that poverty shall come upon him.

²³Kadtong nagabadlong sa usa ka tawo makakaplag ug labawng kalooy sa dili madugay Kay kaniya nga nagaulo-ulo uban sa dila.

²³He that rebuketh a man shall afterwards find more favour than he that flattereth with the tongue.

²⁴Bisan kinsa nga mangawat sa iyang amahan kun sa iyang inahan, ug moingon: Dili kini Kalapasan, Apan maong tawo maoy kauban sa usa ka maglalaglag.

²⁴Whoso robbeth his father and his mother, and saith, It is no transgression, the same is the companion of a destroyer.

²⁵Kadtong may hakog nga espiritu nagaagda sa panag-away; Apan kadtong nagabutang sa iyang pagsalig kang Jehova mahimong matambok.

²⁵He that is puffed up in soul exciteth contention; but he that relieth upon Jehovah shall be made fat.

²⁶Kadtong nagasalig sa iyang kaugalingong kasingkasing maoy usa ka buang; Apan bisan kinsa nga nagalakat sa pagkamanggialamon pagaluwason.

²⁶He that confideth in his own heart is a fool; but whoso walketh wisely, he shall be delivered.

²⁷Kadtong nagahatag sa kabus dili makulangan; Apan kadtong nagatago sa iyang mga mata makabaton ug daghang mga panghimaraut.

²⁷He that giveth unto the poor shall not lack; but he that withdraweth his eyes shall have many a curse.

²⁸Kong ang dautan motindog, ang mga tawo manago sa ilang kaugalingon; Apan sa diha nga sila mangahanaw, ang mga matarung modaghan.

²⁸When the wicked rise, men hide themselves; but when they perish, the righteous increase.