¹Patalinghugi, Oh Magbalantay sa Israel, Ikaw nga nagamando kang Jose sama sa usa ka panon sa mga carnero; Ikaw nga nagalingkod ibabaw sa querubin, magpasidlak ikaw.

¹{To the chief Musician. On Shoshannim-Eduth. Of Asaph. A Psalm.} Give ear, O Shepherd of Israel, thou that leadest Joseph like a flock; thou that sittest [between] the cherubim, shine forth.

²Pakuwa ang imong kagahum sa atubangan ni Ephraim ug ni Benjamin ug ni Manases, Ug umari ka aron sa pagluwas kanamo.

²Before Ephraim and Benjamin and Manasseh, stir up thy strength, and come to our deliverance.

³Pabalika kami, Oh Dios; Ug pasidlaka ang imong nawong, ug kami mamaluwas.

³O God, restore us; and cause thy face to shine, and we shall be saved.

⁴Oh Jehova, Dios sa mga panon, Hangtud anus-a ba ikaw masuko batok sa pag-ampo sa imong katawohan?

⁴Jehovah, God of hosts, how long will thine anger smoke against the prayer of thy people?

⁵Imong gipakaon sila sa tinapay sa mga luha, Ug gihatagan mo sila ug mga luha nga pagaimnon sa hilabihan nga pagkadaghan.

⁵Thou hast fed them with the bread of tears, and given them tears to drink in large measure:

⁶Gihimo mo kami nga usa ka pagkabingkil sa among mga isigkatawo; Ug ang among mga kaaway nanagpangatawa sa taliwala sa ilang kaugalingon.

⁶Thou hast made us a strife unto our neighbours, and our enemies mock among themselves.

⁷Pabalika kami, Oh Dios sa mga panon; Ug pasidlaka ang imong nawong, ug kami mamaluwas.

⁷Restore us, O God of hosts; and cause thy face to shine, and we shall be saved.

⁸Ikaw nagdala ug usa ka parras gikan sa Egipto: Gipapahawa mo ang mga nasud, ug gitanum mo kini.

⁸Thou broughtest a vine out of Egypt; thou didst cast out the nations, and plant it:

⁹Nag-andam ka ug dapit sa atubangan niini, Ug gipatidlum ang iyang gamut niini, ug napuno ang yuta.

⁹Thou preparedst space before it, and it took deep root, and filled the land;

¹⁰Ang kabukiran gitabonan sa landong niini; Ug ang mga balagon niini maingon sa mga cedro sa Dios.

¹⁰The mountains were covered with its shadow, and the branches thereof were [like] cedars of ùGod;

¹¹Ug mingkaylap ang mga sanga niini ngadto sa dagat, Ug ang mga udlot niini ngadto sa Suba.

¹¹It sent out its boughs unto the sea, and its shoots unto the river.

¹²Ngano man nga gipukan mo ang mga kuta niini, Sa pagkaagi nga ang tanan nga managpanlabay sa dalan mamupo niana?

¹²Why hast thou broken down its fences, so that all who pass by the way do pluck it?

¹³Ang baboy nga ihalas nga gikan sa kakahoyan magapang-it niana, Ug ang mga mananap nga ihalas sa kapatagan magakaon niana.

¹³The boar out of the forest doth waste it, and the beast of the field doth feed off it.

¹⁴Bumalik ka, nagahangyo kami kanimo, Oh Dios sa mga panon. Sud-onga gikan sa langit, ug tanawa, ug du-awa kining parrasa,

¹⁴O God of hosts, return, we beseech thee; look down from the heavens, and behold, and visit this vine;

¹⁵Ug ang harog nga gitanum sa imong toong kamot, Ug ang sanga nga imong gipalig-on alang sa imong kaugalingon.

¹⁵Even the stock which thy right hand hath planted, and the young plant thou madest strong for thyself.

¹⁶Kini nasunog sa kalayo, naputol kini: Sila nangamatay tungod sa pagbadlong sa imong nawong.

¹⁶It is burned with fire, it is cut down; they perish at the rebuke of thy countenance.

¹⁷Itapion ang imong kamot ibabaw sa tawo sa imong toong kamot, Ibabaw sa anak sa tawo nga imong gipalig-on alang sa imong kaugalingon.

¹⁷Let thy hand be upon the man of thy right hand, upon the son of man whom thou hast made strong for thyself.

¹⁸Mao kini nga kami dili magabalik gikan kanimo: Banhawon mo kami, ug kami magatawag sa imong ngalan.

¹⁸So will we not go back from thee. Revive us, and we will call upon thy name.

¹⁹Pabalika kami, Oh Jehova nga Dios sa mga panon; Pasidlaka ang imong nawong, ug kami mamaluwas.

¹⁹Restore us, O Jehovah, God of hosts; cause thy face to shine, and we shall be saved.