¹Tungod niini, ako nga binilanggo diha sa Ginoo, nagapangamuyo kaninyo, nga managgawi kamo sa takus gayud sa pagtawag diin kamo ginatawag:

¹I therefore, the prisoner in the Lord, beg you to walk worthily of the calling with which you were called,

²Nga may bug-os nga pagpaubos, ug kaaghop uban ang pagkamapailubon, mag-inantusay ang usa ug usa diha sa gugma;

²with all lowliness and humility, with patience, bearing with one another in love;

³Nga managtinguha sa pagbantay sa paghiusa sa Espiritu diha sa gapus sa pakigdait.

³being eager to keep the unity of the Spirit in the bond of peace.

⁴May usa ka lawas, ug usa ka Espiritu ingon man usab nga ginapanawag kamo sa usa usab ka paglaum sa pagtawag kaninyo;

⁴There is one body, and one Spirit, even as you also were called in one hope of your calling;

⁵Usa ka Ginoo, usa ka pagtoo, usa ka pagbautismo,

⁵one Lord, one faith, one baptism,

⁶Usa ka Dios ug Amahan sa tanan, siya nga anaa sa ibabaw sa tanan, ug anaa sa tanan, ug sa sulod sa tanan.

⁶one God and Father of all, who is over all, and through all, and in us all.

⁷Apan ang tagsatagsa kanato gihatagan sa gracia ingon sa taksanan sa hiyas ni Cristo.

⁷But to each one of us was the grace given according to the measure of the gift of Christ.

⁸Tungod niana siya nagaingon: Sa pagsaka niya sa kahitas-an, gidala niya ang pagkabihag nga binihag, ug mihatag ug mga hiyas sa mga tawo.

⁸Therefore he says, “When he ascended on high, he led captivity captive, and gave gifts to men.” Psalm 68:18

⁹(Ug kini siya misaka, unsa bay kahulogan, kondili nga mikanaug usab ngadto sa mga bahin nga labing halalum sa yuta?

⁹Now this, “He ascended,” what is it but that he also first descended into the lower parts of the earth?

¹⁰Ang mikanaug mao usab ang misaka sa kahitas-an nga labaw sa tanang mga langit, aron mapuno niya ang tanang mga butang).

¹⁰He who descended is the one who also ascended far above all the heavens, that he might fill all things.

¹¹Ug gihatag niya ang uban aron mahimo nga mga apostoles; ug ang uban, mga manalagna; ug ang uban, mga evangelista; ug ang uban, mga pastor ug mga magtutudlo,

¹¹He gave some to be apostles; and some, prophets; and some, evangelists; and some, shepherds or, pastors and teachers;

¹²Alang sa paghingpit sa mga balaan, alang sa buhat sa ministerio, alang sa paglig-on sa lawas ni Cristo.

¹²for the perfecting of the saints, to the work of serving, to the building up of the body of Christ;

¹³Hangtud nga makadangat kitang tanan sa paghiusa sa pagtoo, ug sa pag-ila sa Anak sa Dios, ngadto sa pagkahamtong nga tawo, ngadto sa sukdanan sa gitas-on sa kahupnganan ni Cristo;

¹³until we all attain to the unity of the faith, and of the knowledge of the Son of God, to a full grown man, to the measure of the stature of the fullness of Christ;

¹⁴Aron kita dili managpabilin nga mga bata nga ginalinolino ug ginapalid sa tanan nga hangin sa pagtolon-an, sa lipat-lipat sa mga tawo, sa bitik ingon sa mga lalang sa kasaypanan;

¹⁴that we may no longer be children, tossed back and forth and carried about with every wind of doctrine, by the trickery of men, in craftiness, after the wiles of error;

¹⁵Kondili managsulti kita sa kamatuoran uban ang gugma, managtubo kita sa tanang mga butang ngadto kaniya, nga mao ang ulo, si Cristo;

¹⁵but speaking truth in love, we may grow up in all things into him, who is the head, Christ;

¹⁶Nga gikan kaniya ang tibook nga lawas nabalay ug natibook, pinaagi niadtong lutahan nga nagapalig-on, sumala sa pagbuhat sumala sa hiarangan sa tagsatagsa ka bahin, nga nagapatubo sa lawas aron sa pagtukod sa iyang kaugalingon diha sa gugma.

¹⁶from whom all the body, being fitted and knit together through that which every joint supplies, according to the working in measure of each individual part, makes the body increase to the building up of itself in love.

¹⁷Busa, ginaingon ko kini, ug ginapamatud-an ko diha sa Ginoo, nga dili na kamo managgawi ingon sa paggawi sa mga Gentil, sa pagkawalay pulos usab sa ilang hunahuna,

¹⁷This I say therefore, and testify in the Lord, that you no longer walk as the rest of the Gentiles also walk, in the futility of their mind,

¹⁸Nga gingitngitan ang ilang pagsabut, nga nahamulag sa kinabuhi sa Dios, pinaagi sa kaburong nga anaa kanila, tungod sa pagpatig-a sa ilang kasingkasing;

¹⁸being darkened in their understanding, alienated from the life of God, because of the ignorance that is in them, because of the hardening of their hearts;

¹⁹Nga sa nawad-an sa pagbati, gitugyan nila ang ilang kaugalingon ngadto sa pagpatuyang, sa pagbuhat sa tanang kahugaw nga inubanan sa kahikaw.

¹⁹who having become callous gave themselves up to lust, to work all uncleanness with greediness.

²⁰Apan si Cristo wala ninyo hingkat-oni sa ingon niana;

²⁰But you did not learn Christ that way;

²¹Kong matuod man nga hingdunggan ninyo siya, ug diha kaniya gitudloan kamo, ingon nga ang kamatuoran anaa kang Jesus:

²¹if indeed you heard him, and were taught in him, even as truth is in Jesus:

²²Nga, mahatungod sa inyong daang paggawi sa kinabuhi, managhubo kamo sa daan nga tawo, nga maoy nakadunot kaninyo sumala sa mga kailibgon nga malimbongon;

²²that you put away, as concerning your former way of life, the old man, that grows corrupt after the lusts of deceit;

²³Ug aron pagabag-ohon kamo diha sa espiritu sa inyong salabutan;

²³and that you be renewed in the spirit of your mind,

²⁴Ug isul-ob ninyo ang bag-o nga tawo, nga sa pagkasama sa Dios gibuhat diha sa pagkamatarung ug pagkabalaan sa kamatuoran.

²⁴and put on the new man, who in the likeness of God has been created in righteousness and holiness of truth.

²⁵Tungod niini, sa nahuboan kamo sa bakak, managsulti kamo sa kamatuoran ang tagsatagsa sa iyang isigkatawo; kay mga bahin kita sa usa ug usa.

²⁵Therefore putting away falsehood, speak truth each one with his neighbor. For we are members of one another.

²⁶Managpanuyo kamo, ug ayaw kamo pagpakasala: dili unta matunoran sa adlaw ang inyong kasuko;

²⁶“Be angry, and don’t sin.” Psalm 4:4 Don’t let the sun go down on your wrath,

²⁷Dili ninyo paghatagan ug lugar ang yawa.

²⁷neither give place to the devil.

²⁸Ang kawatan, ayaw na pagpaka-wata: kondili hinonoa magsingkamot siya, nga magbuhat uban ang iyang mga kamot sa butang nga maayo, aron may ikahatag siya niadtong may kinahanglan.

²⁸Let him who stole steal no more; but rather let him labor, working with his hands the thing that is good, that he may have something to give to him who has need.

²⁹Ayaw pagpagulaa ang bisan unsa nga pulong nga malaw-ay gikan sa inyong baba; kondili ang maayo nga kinahanglanon sa pagpalig-on, aron kini makahatag ug kaayohan sa mga nagapatalinghug.

²⁹Let no corrupt speech proceed out of your mouth, but such as is good for building up as the need may be, that it may give grace to those who hear.

³⁰Ug ayaw ninyo pagpasub-a ang Espiritu Santo sa Dios; nga diha kaniya gipatikan kamo alang sa adlaw sa pagtubos.

³⁰Don’t grieve the Holy Spirit of God, in whom you were sealed for the day of redemption.

³¹Ipahilayo kaninyo ang tanan nga kapaitan, ug kasuko ug kaligutgut, ug mga sininggitay, ug pagpanunglo, uban ang tanan nga pagkamadinauton,

³¹Let all bitterness, wrath, anger, outcry, and slander, be put away from you, with all malice.

³²Ug magmalolot kamo ang usa ug usa, mga malomo ug kasingkasing, nga magpinasayloay kamo ang usa ug usa, ingon man usab nga gipasaylo kamo sa Dios nga diha kang Cristo.

³²And be kind to one another, tenderhearted, forgiving each other, just as God also in Christ forgave you.