¹Busa, manig-ingon kamo sa Dios, sama sa mga anak nga hinigugma.

¹Be therefore imitators of God, as beloved children.

²Ug managgawi kamo sa gugma ingon man usab nga si Cristo nahigugma kaninyo, ug gitugyan niya ang iyang kaugalingon alang kanato, nga hatag ug halad ngadto sa Dios alang sa pahumot nga maamyon.

²Walk in love, even as Christ also loved you, and gave himself up for us, an offering and a sacrifice to God for a sweet-smelling fragrance.

³Apan ang pagpakighilawas ug ang tanang kahugaw, kun kaibug, ayaw gayud ninyo paghisguti sanglit kana dili angay sa mga nangahimong balaan:

³But sexual immorality, and all uncleanness, or covetousness, let it not even be mentioned among you, as becomes saints;

⁴Bisan ang kalaw-ayan, bisan ang pagsulti nga binuang, bisan ang katistis, nga dili angay; kondili hinonoa himoa ninyo ang mga pagpasalamat.

⁴nor filthiness, nor foolish talking, nor jesting, which are not appropriate; but rather giving of thanks.

⁵Kay sa tinuod gayud hingbaloan ninyo kini, nga bisan kinsa nga makihi-lawason, kun mahugaw, kun tawong mahikaw nga mao ang magsisimba sa mga dios-dios, siya walay panulondon sa gingharian ni Cristo ug sa Dios.

⁵Know this for sure, that no sexually immoral person, nor unclean person, nor covetous man, who is an idolater, has any inheritance in the Kingdom of Christ and God.

⁶Ayaw kamo palimbong pinaagi sa mga pulong nga walay pulos, kay tungod niining mga butanga nagaabut ang kaligutgut sa Dios sa ibabaw sa mga anak sa pagkadili-masinugtanon.

⁶Let no one deceive you with empty words. For because of these things, the wrath of God comes on the children of disobedience.

⁷Busa, dili kamo magmaambiton kanila.

⁷Therefore don’t be partakers with them.

⁸Kay kaniadto mga kangitngit kamo; apan karon kamo mao ang kahayag diha sa Ginoo; managlakat kamo ingon nga mga anak sa kahayag.

⁸For you were once darkness, but are now light in the Lord. Walk as children of light,

⁹(Kay ang bunga sa kahayag anaa sa tibook nga kaayo ug sa pagkamatarung ug sa kamatuoran),

⁹for the fruit of the Spirit is in all goodness and righteousness and truth,

¹⁰Nga pagapakaayohon ninyo ang kahamut-an sa Ginoo.

¹⁰proving what is well pleasing to the Lord.

¹¹Ug dili kamo mag-ambit sa mga walay bunga nga mga buhat sa kangitngit; kondili hinonoa pagabadlongon ninyo sila.

¹¹Have no fellowship with the unfruitful works of darkness, but rather even reprove them.

¹²Kay maka-uulaw bisan lamang ang paghisgut sa mga butang nga gibuhat nila sa tago.

¹²For the things which are done by them in secret, it is a shame even to speak of.

¹³Apan ang tanang mga butang kong pagabadlongon, gipasundayag sa kahayag; kay ang tanan nga gipasundayag, mao ang kahayag,

¹³But all things, when they are reproved, are revealed by the light, for everything that reveals is light.

¹⁴Tungod niini, siya nagaingon: Pagmata, ikaw nga nagakatulog, ug bumangon ka gikan sa mga minatay, ug si Cristo magahayag kanimo.

¹⁴Therefore he says, “Awake, you who sleep, and arise from the dead, and Christ will shine on you.”

¹⁵Busa, matngoni ninyo ang inyong paggawi nga dili ingon sa mga dili maalamon, kondili sama sa mga maalamon.

¹⁵Therefore watch carefully how you walk, not as unwise, but as wise;

¹⁶Nga pahimuslan ang higayon, kay ang mga adlaw dautan.

¹⁶redeeming the time, because the days are evil.

¹⁷Busa, dili kamo magpakabuang, kondili sabton ninyo kong unsa ang kabubut-on sa Ginoo.

¹⁷Therefore don’t be foolish, but understand what the will of the Lord is.

¹⁸Ug dili kamo maghuboghubog sa vino kay diha niana adunay kangil-ad; kondili himoa nga mapuno kamo sa Espiritu;

¹⁸Don’t be drunken with wine, in which is dissipation, but be filled with the Spirit,

¹⁹Nga magsinultihay kamo nga may mga salmo ug mga awit, ug mga alawiton nga espirituhanon, nga magaawit ug magaambahan nga dinuyogan sa inyong kasingkasing ngadto sa Ginoo;

¹⁹speaking to one another in psalms, hymns, and spiritual songs; singing, and making melody in your heart to the Lord;

²⁰Nga magahatag ug mga pagpasalamat sa kanunay tungod sa tanang mga butang, sa ngalan sa atong Ginoong Jesucristo ngadto sa Dios bisan sa Amahan;

²⁰giving thanks always concerning all things in the name of our Lord Jesus Christ, to God, even the Father;

²¹Magpinasakupay kamo ang usa ug usa diha sa kahadlok kang Cristo:

²¹subjecting yourselves one to another in the fear of Christ.

²²Mga asawa, managpasakup kamo, sa inyong mga kaugalingong bana, ingon nga sa Ginoo.

²²Wives, be subject to your own husbands, as to the Lord.

²³Kay ang bana mao ang ulo sa asawa, maingon man nga si Cristo usab mao ang ulo sa iglesia, sanglit siya mao ang Manluluwas sa lawas.

²³For the husband is the head of the wife, and Christ also is the head of the assembly, being himself the savior of the body.

²⁴Apan maingon nga ang iglesia nahasakup kang Cristo, maingon man usab ang mga asawa magpasakup sa ilang mga bana diha sa tanang butang.

²⁴But as the assembly is subject to Christ, so let the wives also be to their own husbands in everything.

²⁵Mga bana, higugmaon ninyo ang inyong mga asawa, maingon man nga si Cristo usab nahigugma sa iglesia, ug gitugyan niya ang iyang kaugalingon alang kaniya,

²⁵Husbands, love your wives, even as Christ also loved the assembly, and gave himself up for it;

²⁶Aron kini balaanon niya sa ginahinloan niya pinaagi sa paghugas sa tubig uban sa pulong,

²⁶that he might sanctify it, having cleansed it by the washing of water with the word,

²⁷Aron itugyan niya ngadto sa iyang kaugalingon ang iglesia nga mahimayaon, nga walay buling, bisan kunot, bisan unsang butanga nga sama niini, kondili nga siya magmaputli ug walay ikasaway.

²⁷that he might present the assembly to himself gloriously, not having spot or wrinkle or any such thing; but that it should be holy and without blemish.

²⁸Ingon niini usab, ang mga bana kinahanglan nga mahigugma sa ilang kaugalingong mga asawa, ingon sa ilang kaugalingong mga lawas. Ang nahigugma sa iyang asawa, nahigugma sa iyang kaugalingon.

²⁸Even so husbands also ought to love their own wives as their own bodies. He who loves his own wife loves himself.

²⁹Kay wala gayud ing tawo nga nagdumot sa iyang kaugalingon nga unod, kondili nagaalima kaniya ug nagapalangga kaniya, ingon man usab kini gibuhat ni Cristo sa iglesia.

²⁹For no man ever hated his own flesh; but nourishes and cherishes it, even as the Lord also does the assembly;

³⁰Kay mga bahin kita sa iyang lawas.

³⁰because we are members of his body, of his flesh and bones.

³¹Tungod niini nga hinungdan, pagabiyaan sa usa ka tawo ang iyang amahan ug ang iyang inahan, ug makig-hiusa sa iyang asawa, ug silang duha mahimong usa ka unod.

³¹“For this cause a man will leave his father and mother, and will be joined to his wife. The two will become one flesh.” Genesis 2:24

³²Kini nga tinago daku, apan nagasulti ako mahatungod kang Cristo ug sa iglesia.

³²This mystery is great, but I speak concerning Christ and of the assembly.

³³Labut pa ang tagsatagsa usab kaninyo, sa kinaugalingon maghigugma gayud sa iyang asawa, ingon sa iyang kaugalingon: ug ang asawa magtahod sa bana.

³³Nevertheless each of you must also love his own wife even as himself; and let the wife see that she respects her husband.