¹Dayegon mo si Jehova, Oh kalag ko; Ug ang tanan nga ania sa sulod nako dayega ninyo ang iyang balaan nga ngalan.

¹Praise Yahweh, my soul! All that is within me, praise his holy name!

²Dayegon mo si Jehova, Oh kalag ko, Ug ayaw hikalimti ang tanan niyang mga kaayohan:

²Praise Yahweh, my soul, and don’t forget all his benefits;

³Nga mao ang nagapasaylo sa tanan mong kasal-anan; Nga mao ang nagaayo sa tanan mong mga balatian;

³who forgives all your sins; who heals all your diseases;

⁴Nga mao ang nagabawi sa imong kinabuhi gikan sa pagkalaglag; Nga mao ang nagapurongpurong kanimo sa mahigugmaong-kalolot ug sa malomong mga kalooy;

⁴who redeems your life from destruction; who crowns you with loving kindness and tender mercies;

⁵Nga mao ang nagatagbaw sa maayong mga butang sa imong tinguha, Aron nga ang imong pagkabatanon nabag-o sama sa agila.

⁵who satisfies your desire with good things, so that your youth is renewed like the eagle’s.

⁶Si Jehova nagabuhat ug mga buhat nga matarung, Ug mga paghukom alang niadtong mga dinaugdaug.

⁶Yahweh executes righteous acts, and justice for all who are oppressed.

⁷Iyang gipahibalo ang iyang mga dalan ngadto kang Moises, Ang iyang mga binuhatan ngadto sa mga anak sa Israel.

⁷He made known his ways to Moses, his deeds to the children of Israel.

⁸Si Jehova maloloy-on man ug puno sa gracia, Mahinay sa pagkasuko, ug madagayaon sa mahigugmaong-kalolot.

⁸Yahweh is merciful and gracious, slow to anger, and abundant in loving kindness.

⁹Dili man sa kanunay magabadlong siya; Ni magatipig siya sa iyang kasuko sa walay katapusan.

⁹He will not always accuse; neither will he stay angry forever.

¹⁰Wala niya buhata kanato ang angay sa atong mga sala, Ni magabalus siya kanato sa angay sa atong mga kasal-anan.

¹⁰He has not dealt with us according to our sins, nor repaid us for our iniquities.

¹¹Kay ingon nga ang mga langit hataas ibabaw sa yuta, Ingon man kadaku ang iyang mahigugmaong-kalolot ngadto kanila nga may kahadlok kaniya.

¹¹For as the heavens are high above the earth, so great is his loving kindness toward those who fear him.

¹²Ingon sa pagkahalayo sa silangan gikan sa kasadpan, Sa mao nga gilay-on iyang gipahilayo kanato ang atong mga kalapasan.

¹²As far as the east is from the west, so far has he removed our transgressions from us.

¹³Sama sa usa ka amahan nga nalooy sa iyang mga anak, Sa mao nga pagkaagi nalooy si Jehova kanila nga may kahadlok kaniya.

¹³Like a father has compassion on his children, so Yahweh has compassion on those who fear him.

¹⁴Kay siya nahibalo sa atong kahimtang; Nahinumdum siya nga kita mga abug lamang.

¹⁴For he knows how we are made. He remembers that we are dust.

¹⁵Mahitungod sa tawo, ang iyang mga adlaw ingon sa balili; Ingon sa bulak sa kapatagan, mao man ang iyang paglabong.

¹⁵As for man, his days are like grass. As a flower of the field, so he flourishes.

¹⁶Kay ang hangin molabay sa ibabaw niya, ug kini mahanaw; Ug ang dapit nga gitugkan niini dili na makaila kaniya.

¹⁶For the wind passes over it, and it is gone. Its place remembers it no more.

¹⁷Apan ang mahigugmaong-kalolot ni Jehova nagagikan sa walay katapusan ngadto sa walay katapusan ibabaw kanila nga may kahadlok kaniya, Ug ang iyang pagkamatarung ngadto sa mga anak sa mga anak;

¹⁷But Yahweh’s loving kindness is from everlasting to everlasting with those who fear him, his righteousness to children’s children;

¹⁸Alang niadtong nanagbantay sa iyang tugon, Ug niadtong mga nahinumdum sa iyang mga lagda sa pagtuman kanila.

¹⁸to those who keep his covenant, to those who remember to obey his precepts.

¹⁹Gitukod ni Jehova ang iyang trono didto sa kalangitan; Ug ang iyang gingharian nagagahum sa ibabaw sa tanan.

¹⁹Yahweh has established his throne in the heavens. His kingdom rules over all.

²⁰Dayegon ninyo si Jehova, kamo nga mga manolonda niya, Nga mga gamhanan sa kalig-on nga nanagtuman sa iyang pulong, Nga nanagpatalinghug sa tingog sa iyang pulong.

²⁰Praise Yahweh, you angels of his, who are mighty in strength, who fulfill his word, obeying the voice of his word.

²¹Dayegon ninyo si Jehova, ngatanan kamong mga panon niya, Kamong mga alagad niya, nga nanagbuhat sa iyang kabubut-on.

²¹Praise Yahweh, all you armies of his, you servants of his, who do his pleasure.

²²Dayegon ninyo si Jehova, kamong tanan niyang mga binuhat, Sa tanang mga dapit sa iyang gingharian: Dayegon mo si Jehova, Oh kalag ko.

²²Praise Yahweh, all you works of his, in all places of his dominion. Praise Yahweh, my soul!