¹NAEGUENG papa y talangamo, O Jeova, ya unopeyo: sa pobleyo yan nesesitaoyo.

¹{A Prayer of David.} Incline thine ear, Jehovah, answer me; for I am afflicted and needy.

²Adaje y antijo; sa debotoyo: O jago ni y Yuusso, nalibre y tentagomo sa jaangoco gue guiya jago.

²Keep my soul, for I am godly; O thou my God, save thy servant who confideth in thee.

³Gaease nu guajo, O Jeova: sa juaagang jao todot dia.

³Be gracious unto me, O Lord; for unto thee do I call all the day.

⁴Namagof y anten y tentagomo; sa iya jago, O Jeova, nae jujatsa julo y antijo.

⁴Rejoice the soul of thy servant; for unto thee, Lord, do I lift up my soul.

⁵Sa jago, Jeova, y mauleg yan y chadig manasie; yan dangculo y minaasemo güije todo gui umaagangjao.

⁵For thou, Lord, art good, and ready to forgive, and art of great loving-kindness unto all that call upon thee.

⁶Jungog, O Señot y tinayuyutto: yan ecungog y inagang y guinagagaojo.

⁶Give ear, O Jehovah, unto my prayer, and attend to the voice of my supplications.

⁷Sa y jaanen y chinatsagaco juagangjao: ya jago y unopeyo.

⁷In the day of my distress I will call upon thee, for thou wilt answer me.

⁸Sa y entalo y yuus sija, taya taegüenao iya jago, O Jeova; ni jafa na chocho parejo yan y chechomo.

⁸Among the gods there is none like unto thee, Lord, and there is nothing like unto thy works.

⁹Todo y nasion sija ni y finatinasmo, manmato y manmanadora gui menamo, O Jeova; yan ufanalaba y naanmo.

⁹All nations whom thou hast made shall come and worship before thee, O Lord, and shall glorify thy name.

¹⁰Sa jago dangculojao yan unfatitinas y manmaman na güinaja: jagoja na maesa Yuus.

¹⁰For thou art great, and doest wondrous things: thou art God, thou alone.

¹¹Fanagüeyo ni y chalanmo, O Señot: ya bae jufamocat gui minagajetmo: ya naetnon y jinason corasonjo para umaañao ni y naanmo.

¹¹Teach me thy way, Jehovah; I will walk in thy truth: unite my heart to fear thy name.

¹²Sa bae jualaba jao, O Jeova, Yuusso, contodo y corasonjo: yan junamalag y naanmo para taejinecog.

¹²I will praise thee, O Lord my God, with my whole heart; and I will glorify thy name for evermore.

¹³Sa sendangculo y minaasemo para guajo; sa guinin unnalibre y antijo guinin iya papapa guiya sasalaguan.

¹³For great is thy loving-kindness toward me, and thou hast delivered my soul from the lowest Sheol.

¹⁴O Yuus, y mansobetbio mangajulo contra guajo, yan y inetnon y managuaguat na taotao jagasja maaliligao y antijo: yan ti mapolo jao gui menañija.

¹⁴O God, the proud are risen against me, and the assembly of the violent seek after my soul, and they have not set thee before them.

¹⁵Lao jago, O Jeova, si Yuus jao ni y bila minaase yan cariñoso, ñateng para binibo yan dangculo na minaase yan minagajet.

¹⁵But thou, Lord, art a ùGod merciful and gracious, slow to anger, and abundant in goodness and truth.

¹⁶O birajao, guiya guajo ya gaease nu guajo: nae ni y minetgotmo y tentagomo, yan nalibre y lajin y tentagomo palaoan.

¹⁶Turn toward me, and be gracious unto me; give thy strength unto thy servant, and save the son of thine handmaid.

¹⁷Fanueyo ni y señat para y mauleg: para ujalie ayo sija y chumatliiyo ya ufanmamajlao: sa jago, Jeova, y umayudayo yan cumonsuelayo.

¹⁷Shew me a token for good, that they which hate me may see it, and be ashamed; for thou, Jehovah, hast helped me and comforted me.