¹The wicked flee when no man pursueth; but the righteous are bold as a lion.

¹¶ E rere ana te hunga kino i te mea kahore he kaiwhai: ko te tangata tika ano ia, ano he raiona te maia.

²By the transgression of a land many are the princes thereof; but by a man of understanding [and] of knowledge, [its] stability is prolonged.

²¶ He he no tetahi whenua i tokomaha ai ona rangatira; na kia ai he tangata e mahara ana, e matau ana, ka mau roa ai tona ahua.

³A poor man who oppresseth the helpless is a sweeping rain which leaveth no food.

³¶ Ko te tangata rawakore e tukino ana i nga ware, ko tona rite kei te ua ta e kore ai te kai.

⁴They that forsake the law praise the wicked; but such as keep the law contend with them.

⁴¶ Ko te hunga e whakarere ana i te ture, he whakamoemiti ta ratou ki te tangata kino: ko ta nga kaipupuri ia o te ture he ngangare ki a ratou.

⁵Evil men understand not judgment; but they that seek Jehovah understand everything.

⁵¶ E kore te hunga kino e mohio ki te whakawa: ko te hunga ia e rapu ana i a Ihowa, ka mohio ratou ki nga mea katoa.

⁶Better is the poor that walketh in his integrity, than he that is perverse, double in ways, though he be rich.

⁶¶ He pai ki te rawakore e haere ana i runga i tona tapatahi, i te tangata he parori ke ona ara, ahakoa he whai taonga ia.

⁷Whoso observeth the law is a son that hath understanding; but he that is a companion of profligates bringeth shame to his father.

⁷¶ Ko te tangata e pupuri ana i te ture, he tamaiti mohio ia; engari ko te tangata whakahoa ki te hunga kakai, ka whakama tona papa i a ia.

⁸He that by usury and unjust gain increaseth his substance gathereth it for him that is gracious to the poor.

⁸¶ Ko te tangata e whakanui ana i ona rawa ki te moni whakatupu, ki te whakapiki utu, e kohia ana e ia era ma te tangata e atawhaitia ai te rawakore.

⁹He that turneth away his ear from hearing the law, even his prayer is an abomination.

⁹¶ Ko te tangata e tahuri ke ana tona taringa, a kahore e rongo ki te ture, ko tana inoi nei ano he mea whakarihariha.

¹⁰Whoso causeth the upright to go astray in an evil way, shall himself fall into his own pit; but the perfect shall inherit good.

¹⁰¶ Ko te tangata i meinga ai te hunga tika kia kotiti ke ki te ara he, ka taka a ia ano ki tana ake poka: ka whiwhi ia te hunga ngakau tapatahi ki te pai.

¹¹A rich man is wise in his own eyes; but the poor that hath understanding searcheth him out.

¹¹¶ Ki te whakaaro a te tangata taonga he nui tona whakaaro mohio; otiia e rapua ana tana e te rawakore whai whakaaro.

¹²When the righteous triumph, there is great glory; but when the wicked rise, men conceal themselves.

¹²¶ Nui atu te ataahua, ina koa te hunga tika: engari ki te ara te hunga kino, ka huna nga tangata i a ratou.

¹³He that covereth his transgressions shall not prosper; but whoso confesseth and forsaketh [them] shall obtain mercy.

¹³¶ Ko te tangata e hipoki ana i ona he, e kore tana e kake; ko te tangata ia e whaki ana, a e whakarere ana, ka tohungia.

¹⁴Happy is the man that feareth always; but he that hardeneth his heart shall fall into evil.

¹⁴¶ Ka hari te tangata e wehi tonu ana: ko te tangata ia e whakapakeke ana i tona ngakau, ka taka ki te kino.

¹⁵A roaring lion, and a ranging bear, is a wicked ruler over a poor people.

¹⁵¶ E rite ana ki te raiona e hamama ana, ki te pea e kopikopiko ana, te tangata kino e kingi ana ki te iwi rawakore.

¹⁶The prince void of intelligence is also a great oppressor: he that hateth covetousness shall prolong [his] days.

¹⁶¶ Ko te rangatira kore whakaaro he nui ano tana tukino: ko te tangata ia e kino ana ki te apo ka roa ona ra.

¹⁷A man laden with the blood of [any] person, fleeth to the pit: let no man stay him.

¹⁷¶ Ko te tangata e waha ana i te toto o te tangata, ka rere ia ki roto ki te rua; kaua tetahi e pupuri i a ia.

¹⁸Whoso walketh in integrity shall be saved; but he that is perverted in [his] double ways, shall fall in one [of them].

¹⁸¶ Ko te tangata he tapatahi nei te haere, ka ora: ko te tangata ia he parori ke ona ara, hinga tonu iho.

¹⁹He that tilleth his land shall be satisfied with bread; but he that followeth the worthless shall have poverty enough.

¹⁹¶ Ko te tangata e ngaki ana i tona oneone, ka makona i te taro; ko te tangata ia e whai ana i te hunga wairangi, ka whiwhi nui ki te rawakore.

²⁰A faithful man aboundeth with blessings; but he that maketh haste to be rich shall not be innocent.

²⁰¶ Ko te tangata pono, ka nui nga manaaki mona: ko te tangata ia e hikaka ana ki te mea taonga, e kore ia e kore te whiwhi i te he.

²¹To have respect of persons is not good; but for a piece of bread will a man transgress.

²¹¶ Ko te whakapai kanohi ehara i te mea pai: ehara ano hoki i te mea pai kia he te tangata mo te kongakonga taro.

²²He that hath an evil eye hasteth after wealth, and knoweth not that poverty shall come upon him.

²²¶ Ko te tangata he kino tona kanohi e takare tonu ana ki te taonga; kahore hoki ia e whakaaro ka tae mai te kore o te rawa ki a ia.

²³He that rebuketh a man shall afterwards find more favour than he that flattereth with the tongue.

²³¶ Ko te tangata i riria ai te he o tetahi ka nui atu te manako ki a ia i muri iho, i te manako ki te tangata i whakapati nei tona arero.

²⁴Whoso robbeth his father and his mother, and saith, It is no transgression, the same is the companion of a destroyer.

²⁴¶ Ko te tangata e pahua ana i tona papa, i tona whaea, a e ki ana, Ehara i te he; he hoa ia no te kaiwhakangaro.

²⁵He that is puffed up in soul exciteth contention; but he that relieth upon Jehovah shall be made fat.

²⁵¶ Ko ta te tangata ngakau apo he whakapatari pakanga: ko te tangata ia e okioki ana ki a Ihowa ka tetere.

²⁶He that confideth in his own heart is a fool; but whoso walketh wisely, he shall be delivered.

²⁶¶ He kuware te tangata e whakawhirinaki ana ki tona ake ngakau: ko te tangata ia e haere ana i runga i te whakaaro nui, ka mawhiti.

²⁷He that giveth unto the poor shall not lack; but he that withdraweth his eyes shall have many a curse.

²⁷¶ Ko te tangata e hoatu ana ki te rawakore, e kore ia e hapa; ko te tangata ia e kaupare ana i ona kanohi, ka maha nga kanga mona.

²⁸When the wicked rise, men hide themselves; but when they perish, the righteous increase.

²⁸¶ Ka ara te hunga kino, ka huna nga tangata i a ratou: na ki te ngaro ratou, ka tupu te hunga tika.