¹And Peter and John went up together into the temple at the hour of prayer, [which is] the ninth [hour];

¹O Petri ai o Iovano zhanas andek than ande khangeri kana sas o chaso le rhugimasko, kodo sas kal trin pala miazutso.

²and a certain man who was lame from his mother's womb was being carried, whom they placed every day at the gate of the temple called Beautiful, to ask alms of those who were going into the temple;

²Kotse sas iek manush kai nashti phirelas de sar kerdilo, kai anenas les, ai thonas les swako dies angal e khangeri kai busholas shukar, te mangel love katar kodola kai gele ande tampla

³who, seeing Peter and John about to enter into the temple, asked to receive alms.

³Kado manush kana dikhlia le Petres ai le Iovanos sar zhan ande tampla, manglia lendar love.

⁴And Peter, looking stedfastly upon him with John, said, Look on us.

⁴Petri ai o Iovano dikhen pe leste ai phende, "Dikh pe amende,"

⁵And he gave heed to them, expecting to receive something from them.

⁵ai wo dikhelas pe lende, ai azhukerelas te den les vari so.

⁶But Peter said, Silver and gold I have not; but what I have, this give I to thee: In the name of Jesus Christ the Nazaraean rise up and walk.

⁶Antunchi o Petri phendia leske, "Nai ma chi rup ai chi sumnakai, numa so si ma dav les tuke, anda o anav le Jesus Kristosko andai Nazareth. Wushti opre ai phir."

⁷And having taken hold of him [by] the right hand he raised him up, and immediately his feet and ankle bones were made strong.

⁷Ai line les vastestar katar o vas chacho, ai vazde les ande punrhende, ai strazo leske punrhe vortosaile.

⁸And leaping up he stood and walked, and entered with them into the temple, walking, and leaping, and praising God.

⁸Ai anda iek data, wushtilo opre, ai phirdia, ai gelo lensa ande tampla, phirelas, xutelas, ai naisilas le Devles.

⁹And all the people saw him walking and praising God;

⁹Savorhe dikhle les sar phirelas ai sar naisilas le Devles;

¹⁰and they recognised him, that it was *he* who sat for alms at the Beautiful gate of the temple; and they were filled with wonder and amazement at what had happened to him.

¹⁰ai preznaisarde ke kodo sas kai beshelas pashai tampla ke busholas shukar, ai mangelas love, ai savorhe chudisaile kana dikhle so kerdilia leske.

¹¹And as he held Peter and John, all the people ran together to them in the portico which is called Solomon's, greatly wondering.

¹¹Ai sar kado manush chi mai mekelas le Petres ai le Iovanos, savorhe chudisaile, ai gele lende andek than kai sas anglai tampla kai busholas Solomon.

¹²And Peter, seeing it, answered the people, Men of Israel, why are ye astonished at this? or why do ye gaze on us as if we had by our own power or piety made him to walk?

¹²Kana o Petri dikhlia kodia, mothol o narodoske, "Tume kai san ande Israel, sostar chuden tume anda kadala bucha? Sostar dikhen pe amende kadia, ke sar te avilino amende e putiera vai katar amaro lashimos kai kerdiam te phirel kado manush?

¹³The God of Abraham and Isaac and Jacob, the God of our fathers, has glorified his servant Jesus, whom *ye* delivered up, and denied him in the presence of Pilate, when *he* had judged that he should be let go.

¹³O Del le Abrahamosko, ai le Isaakosko, ai ke Iakovosko, O Del amare dadengo, luvudisardia pesko Shav O Jesus; kai dian les ka Pilate, ai phendian ke chi mangen les, ai kai o Pilate mangelas te mekel les.

¹⁴But *ye* denied the holy and righteous one, and asked that a man [that was] a murderer should be granted to you;

¹⁴Numa chi manglian le Swuntos ai kodoles kai sas chacho, ai manglian te meken kodoles kai mudarelas.

¹⁵but the originator of life ye slew, whom God raised from among [the] dead, whereof *we* are witnesses.

¹⁵Kerdian te mudaren kodoles kai sas o Baro o traio, kai O Del zhuvindisardia andal mule, ai ame dikhliam ai marturia sam.

¹⁶And, by faith in his name, his name has made this [man] strong whom ye behold and know; and the faith which is by him has given him this complete soundness in the presence of you all.

¹⁶Katar o pachamos ande lesko anav, si ke lesko anav, chachardia kodoles kai dikhen ai zhanen; pala pachamos ande leste si kai kado manush sastilo antrego angla tumende.

¹⁷And now, brethren, I know that ye did it in ignorance, as also your rulers;

¹⁷Akana, murhe phral, zhanav ke chi zhanenas anda kodia tume, ai tume bare kerdian kadia le Jesusosa.

¹⁸but God has thus fulfilled what he had announced beforehand by the mouth of all the prophets, that his Christ should suffer.

¹⁸Numa O Del kerdia kadia, so sas phendo mai anglal katar o mui peske profetongo, ke O Kristo trobulas te chinuil.

¹⁹Repent therefore and be converted, for the blotting out of your sins, so that times of refreshing may come from [the] presence of the Lord,

¹⁹Kein tume anda tumare bezexa, ai parhuven tumaro traio, saxke te aven tumare bezexa iertime. Antunchi O Del sai kerela te avel pe tumende vriama lashe.

²⁰and he may send Jesus Christ, who was foreordained for you,

²⁰Wo tradel palpale tumenge le Jesusos. Wo si O Kristo de demult kai sas alosardia amenge.

²¹whom heaven indeed must receive till [the] times of [the] restoring of all things, of which God has spoken by the mouth of his holy prophets since time began.

²¹Akana O Kristo trobul te beshel ando rhaio zhi kai avel e vriama kai sa avela neviardo, sar O Del phendiasas katar pesko Swuntsi profeturia de dumult.

²²Moses indeed said, A prophet shall [the] Lord your God raise up to you out of your brethren like me: him shall ye hear in everything whatsoever he shall say to you.

²²O Moses phendia, "O Del, tumaro Del vazdel les mashkar tumende ieke profetos sar mande, ai ashunena leste so godi mothola tumenge.

²³And it shall be that whatsoever soul shall not hear that prophet shall be destroyed from among the people.

²³Ai kon godi chi ashunela kodo le profetos, avela lino avri mashkar tumende.

²⁴And indeed all the prophets from Samuel and those in succession after [him], as many as have spoken, have announced also these days.

²⁴Sa le profeturia kai dine duma de katar o Samuel, vi won phende pa kadala dies.

²⁵*Ye* are the sons of the prophets and of the covenant which God appointed to our fathers, saying to Abraham, And in thy seed shall all the families of the earth be blessed.

²⁵Tume san le shav le profetonge, ai so O Del shinadia sas amare dadensa kai phendiasas le Abrahamoske, sa le niamon la phuviake avena Swuntsome pala chiro narodo.

²⁶To you first God, having raised up his servant, has sent him, blessing you in turning each one [of you] from your wickedness.

²⁶O Del vazdia pesko Shav Jesus, ai tradia les tumende mai anglal te swuntsol tume, kana duriardia tumendar le bezexa."