¹Now there was a certain [man] sick, Lazarus of Bethany, of the village of Mary and Martha her sister.

¹Ek manush kai busholas Lazarus naswalosas. Beshlo ande foro kai busholas Bethany leske pheiasa, e Maria ai e Martha.

²It was [the] Mary who anointed the Lord with ointment and wiped his feet with her hair, whose brother Lazarus was sick.

²Kodia Maria sas kai thodia pel punrhe le Devleske e duxi, ai koslia leske punrhe peske balensa, ai lako phral o Lazarus naswalo sas.

³The sisters therefore sent to him, saying, Lord, behold, he whom thou lovest is sick.

³Le dui pheia trade ieke manushes te phenen ka Jesus, "Devla, kodo kai si tuke drago si naswalo."

⁴But when Jesus heard [it], he said, This sickness is not unto death, but for the glory of God, that the Son of God may be glorified by it.

⁴Kana O Jesus ashundia kodia, phendia, "Kodo naswalimos le Lazarusosko nai merimasko, numa te anel o luvudimos ka Del, ai vi O Shav le Devlesko avela luvudime."

⁵Now Jesus loved Martha, and her sister, and Lazarus.

⁵O Jesus drago sas leske e Martha, ai laki phei e Maria, ai o Lazarus.

⁶When therefore he heard, He is sick, he remained two days then in the place where he was.

⁶Kana O Jesus ashundia ke o Lazarus naswalo sas, mai beshlo dui dies ando than kai sas.

⁷Then after this he says to his disciples, Let us go into Judaea again.

⁷Pala kodia phendia peske disiplonge, "Aven palpale ande Judea."

⁸The disciples say to him, Rabbi, [even but] now the Jews sought to stone thee, and goest thou thither again?

⁸Leske disipluria phende leske, "Gazda, de xantsi vriama palpale le Zhiduvuria mangenas te shuden bax pe tute; ai tu manges te zhas palpale kotse?"

⁹Jesus answered, Are there not twelve hours in the day? If any one walk in the day, he does not stumble, because he sees the light of this world;

⁹O Jesus phendia lenge, "Nai desh u dui chasuria ando iek dies? Te si vari kon kai phirel adiese, chi perel, ke dikhel e vediara la lumiaki.

¹⁰but if any one walk in the night, he stumbles, because the light is not in him.

¹⁰Numa te si vari kon kai phirela e riate, perel, ke nai les vediara ande leste.

¹¹These things said he; and after this he says to them, Lazarus, our friend, is fallen asleep, but I go that I may awake him out of sleep.

¹¹Pala kodola vorbi, phendia lenge, "O Lazarus, amaro vortako sovel; numa zhav te wushtiavav les."

¹²The disciples therefore said to him, Lord, if he be fallen asleep, he will get well.

¹²Antunchi leske disipluria phende, "Gazda, te sovela, sastiola."

¹³But Jesus spoke of his death, but *they* thought that he spoke of the rest of sleep.

¹³Numa O Jesus dia duma pa lesko merimos; numa won gindinas ke wo dia duma pa sovimos sar kana sovel.

¹⁴Jesus therefore then said to them plainly, Lazarus has died.

¹⁴Antunchi O Jesus phendia lenge, "O Lazarus mulo.

¹⁵And I rejoice on your account that I was not there, in order that ye may believe. But let us go to him.

¹⁵Ai pala tumende raduime sim ke chi simas lesa, ke kadia si te pachan tume; aven leste akana."

¹⁶Thomas therefore, called Didymus, said to his fellow disciples, Let *us* also go, that we may die with him.

¹⁶O Thomas phendia, kai sas akhardo Didimus, phendia le avre disiplonge, "Aven vi ame te meras lesa!"

¹⁷Jesus therefore [on] arriving found him to have been four days already in the tomb.

¹⁷Kana O Jesus areslo, ashundia ke o Lazarus sas de shtar dies ando greposhevo.

¹⁸Now Bethany was near Jerusalem, about fifteen stadia off,

¹⁸Ai sar o Bethany nai dur katar o Jerusalem, pashe trin kilmeturia vai dui maili.

¹⁹and many of the Jews came to Martha and Mary, that they might console them concerning their brother.

¹⁹But Zhiduvuria avile te dikhen e Martha, ai Maria, ke nekezhime kai mulo lengo phral.

²⁰Martha then, when she heard Jesus is coming, went to meet him; but Mary sat in the house.

²⁰Kana e Martha ashundia ke O Jesus avelas, geli karing leste, numa e Maria beshli tele ando kher.

²¹Martha therefore said to Jesus, Lord, if thou hadst been here, my brother had not died;

²¹E Martha phendia ka Jesus, "Gazda, te avilianas katse, murho phral nas te avel mulo!

²²but even now I know, that whatsoever thou shalt ask of God, God will give thee.

²²Numa vi akana zhanav, ke so godi manges katar O Del, O Del del les tuke."

²³Jesus says to her, Thy brother shall rise again.

²³O Jesus phendia lake, "Cho phral zhuvindila."

²⁴Martha says to him, I know that he will rise again in the resurrection in the last day.

²⁴E Martha phendia, "Zhanav ke wo zhuvindila kana savorhe wushtena paluno dies,"

²⁵Jesus said to her, I am the resurrection and the life: he that believes on me, though he have died, shall live;

²⁵O Jesus phendia lake, "Me sim o zhuvindimos ai o traio: Kon pachalape ande mande, traiila, marka te merela;

²⁶and every one who lives and believes on me shall never die. Believest thou this?

²⁶Ai kon godi traiil ai pachalape ande mande shoxar chi merela. Pachas tu kadia?" Woi phenel leske,

²⁷She says to him, Yea, Lord; I believe that thou art the Christ, the Son of God, who should come into the world.

²⁷"E, Gazda, pachav ma ke tu san O Kristo, O Shav le Devlesko, kai trobulas te avel ande lumia.

²⁸And having said this, she went away and called her sister Mary secretly, saying, The teacher is come and calls thee.

²⁸Kana phendia kadia. Martha gelitar te akharel chorial peska pheia e Maria, phenelas, "O Gazda katse lo ai akharel tu."

²⁹She, when she heard [that], rises up quickly and comes to him.

²⁹Kana e Maria ashundia kadala vorbi, strazo wushtili, ai geli karing leste.

³⁰Now Jesus had not yet come into the village, but was in the place where Martha came to meet him.

³⁰Ke O Jesus chi areslo sas ando gav inker, numa kotse sas kai e Martha arakhlia les.

³¹The Jews therefore who were with her in the house and consoling her, seeing Mary that she rose up quickly and went out, followed her, saying, She goes to the tomb, that she may weep there.

³¹Le Zhiduvuria kai sas ando kher la Mariasa te pochin la, dikhle ke strazo wushtili ai geli avri, gele pala late, phenenas; "Woi zhal ka greposhevo te rovel."

³²Mary therefore, when she came where Jesus was, seeing him, fell at his feet, saying to him, Lord, if thou hadst been here, my brother had not died.

³²Kana e Maria aresli kai sas O Jesus. Ai dikhlia les, peli ka leske punrhe, ai phenel leske, "Gazda, te avilianas katse, murho phral nas te merel."

³³Jesus therefore, when he saw her weeping, and the Jews who came with her weeping, was deeply moved in spirit, and was troubled,

³³O Jesus dikhlia ke rovel, woi ai vi le Zhiduvuria kai avile lasa, nekezhisailo ando pesko duxo, ai sas leske mila.

³⁴and said, Where have ye put him? They say to him, Lord, come and see.

³⁴Ai wo phushlia len, "Kai groposardian les?" Won phende leske, "Gazda, aidi ai dikh."

³⁵Jesus wept.

³⁵O Jesus ruiia.

³⁶The Jews therefore said, Behold how he loved him!

³⁶Pe kodia le Zhiduvuria phende, "Dikhen sar sas leske drago!"

³⁷And some of them said, Could not this [man], who has opened the eyes of the blind [man], have caused that this [man] also should not have died?

³⁷Ai uni anda lende phende, "Wo kai phuterdia le iakha le korheske, nashti kerdia vi kado manush te na merel?"

³⁸Jesus therefore, again deeply moved in himself, comes to the tomb. Now it was a cave, and a stone lay upon it.

³⁸Mai iek data O Jesus nekezhisailo ande peste, ai gelo ka greposhevo. Sas iek podruma, ai ek bax thodino anglal.

³⁹Jesus says, Take away the stone. Martha, the sister of the dead, says to him, Lord, he stinks already, for he is four days [there].

³⁹O Jesus phendia lenge, "Len o bax!" E Martha, e phei le muleski, phendia leske, "Gazda, vunzhe khandel; ke de shtar dies katse lo!"

⁴⁰Jesus says to her, Did I not say to thee, that if thou shouldest believe, thou shouldest see the glory of God?

⁴⁰O Jesus phendia lake, "Chi phendem tuke, ke te pachasa tu, dikhesa o barimos le Devlesko?"

⁴¹They took therefore the stone away. And Jesus lifted up his eyes on high and said, Father, I thank thee that thou hast heard me;

⁴¹Line o bax ai O Jesus vazdia le iakha opre, ai phendia, "Murho Dat, naisiv tuke ke kerdian so mangav.

⁴²but I knew that thou always hearest me; but on account of the crowd who stand around I have said [it], that they may believe that thou hast sent me.

⁴²Me zhanav ke tu ashunes ma sagda; numa dem duma pala o narodo katse, kaste te pachanpe ke tu tradian ma."

⁴³And having said this, he cried with a loud voice, Lazarus, come forth.

⁴³Kana phendia kodia, tsipisardia ieke glaso zurales, "Lazarus, ankli avri!"

⁴⁴And the dead came forth, bound feet and hands with graveclothes, and his face was bound round with a handkerchief. Jesus says to them, Loose him and let him go.

⁴⁴Ai o mulo anklisto, le vas ai le punrhe phangle andel le derzi, ai lesko mui phanglo poxtan parno. O Jesus phendia lenge, "Phutren les, ai meken les te zhal."

⁴⁵Many therefore of the Jews who came to Mary and saw what he had done, believed on him;

⁴⁵But andel le Zhiduvuria avile karing e Maria ai dikhle so kerdia O Jesus, ai pachaiepe ande leste.

⁴⁶but some of them went to the Pharisees and told them what Jesus had done.

⁴⁶Numa uni anda lende gele kal le Farizeanonge, ai phende lenge so kerdia O Jesus.

⁴⁷The chief priests, therefore, and the Pharisees gathered a council, and said, What do we? for this man does many signs.

⁴⁷Antunchi le Farizeanuria ai le bare rasha chidinisaile andek than, ai phende, "So te keras." Ke kado manush kerel but mirakluria!

⁴⁸If we let him thus alone, all will believe on him, and the Romans will come and take away both our place and our nation.

⁴⁸Te mekasa les te kerel, savorhe pachanpe ande leste; ai le Romanuria avena ai pharhaven amari tampla ai amaro them!"

⁴⁹But a certain one of them, Caiaphas, being high priest that year, said to them, Ye know nothing

⁴⁹Iek anda lende, kai busholas Caiaphas, kai sas o baro rashai kodo bersh, phendia lenge, "Tume chi zhanen kanchi!

⁵⁰nor consider that it is profitable for you that one man die for the people, and not that the whole nation perish.

⁵⁰Tume chi haliaren ke mai mishto tumenge te avel iek manush te merel pala sa o narodo, de sar pala sa o them te avela pharhado?"

⁵¹But this he did not say of himself; but, being high priest that year, prophesied that Jesus was going to die for the nation;

⁵¹Wo chi phendia kodia anda peste; numa sar sas o baro rashai kodo bersh, profesisardia ke O Jesus trobul te merel pala o them le Zhidovongo.

⁵²and not for the nation only, but that he should also gather together into one the children of God who were scattered abroad.

⁵²Ai na ferdi pala kado them, numa vi te chiden ande iek stato sa le shave le Devleske kai si pe swako rig.

⁵³From that day therefore they took counsel that they might kill him.

⁵³De katar kodo dies, phenenas mashkar pende sar te mudaren les.

⁵⁴Jesus therefore walked no longer openly among the Jews, but went away thence into the country near the desert, to a city called Ephraim, and there he sojourned with the disciples.

⁵⁴Sa anda kodia O Jesus chi mai phiravelas anglal le Zhiduvuria, numa gelotar karing iek rik kai si e pusta, ande ek gav kai busholas Ephraim, kai beshlo peske disiplonsa.

⁵⁵But the passover of the Jews was near, and many went up to Jerusalem out of the country before the passover, that they might purify themselves.

⁵⁵Ai O Dies O Baro le Zhidovongo pashiol; ai but manush andai them avenas ando o Jerusalem mai anglal sar o dies o baro, te vuzharenpe anda penge bezexa.

⁵⁶They sought therefore Jesus, and said among themselves, standing in the temple, What do ye think? that he will not come to the feast?

⁵⁶Won rodenas le Jesusos, kana chidenape ande tampla, ai phenenas iek kavreske, "So gindin? Chi avela po dies o baro?"

⁵⁷Now the chief priests and the Pharisees had given commandment that if any one knew where he was, he should make it known, that they might take him.

⁵⁷Le bare rasha ai le Farizeanuria dine iek ordina, "Ke te si vari kon kai zhanena kai lo O Jesus, trobul te phenel les, ke trobul te astarel les."