¹Paul and Timotheus, bondmen of Jesus Christ, to all the saints in Christ Jesus who are in Philippi, with [the] overseers and ministers;

¹O Pavlo ai o Timote, le slugi le Jesus Kristoske, ka sa le kai pachanpe ando Jesus Kristo kai si ando Philippi, ai kodola kai inkeren e khangeri ai vi kodola kai zhutin ande khangeri.

²grace to you, and peace from God our Father and [the] Lord Jesus Christ.

²O Del amaro Dat ai le Devles O Jesus Kristo te del tume o lashimos ai e pacha.

³I thank my God for my whole remembrance of you,

³Naisiv murhe Devleske anda tumende swako data kai dav ma goji tumende;

⁴constantly in my every supplication, making the supplication for you all with joy,

⁴swako data kai rhugiv ma tumenge, rhugiv ma raduimasa.

⁵because of your fellowship with the gospel, from the first day until now;

⁵Ke tume zhutisardian ma te ingerav e lashi viasta, de katar o pervo dies zhi akana.

⁶having confidence of this very thing, that he who has begun in you a good work will complete it unto Jesus Christ's day:

⁶Zhanav ai pachav ma: ke O Del kai nachinaisardia kadia buchi e lashi ande tumende, zhala angle zhi kai godi getola la zhi ka dies kai avela la O Jesus Kristo.

⁷as it is righteous for me to think this as to you all, because ye have *me* in your hearts, and that both in my bonds and in the defence and confirmation of the glad tidings ye are all participators in my grace.

⁷Chaches ke kadia gindiv pa tumende savorhe ke tume san ande murho ilo! Ke vi tume lian anda lashimos kai O Del dia ma, akana kai sim phanglo ai vi kana chi simas phanglo te thav partia ai te sikavav o chachimos la lashia viastako, tume kai savorhe san ande kado lashimos kai si me.

⁸For God is my witness how I long after you all in [the] bowels of Christ Jesus.

⁸O Del zhanel ke o chachimos mothav, kana mothav ke drago san mange savorhe ande dragostia kai avel katar O Jesus Kristo.

⁹And this I pray, that your love may abound yet more and more in full knowledge and all intelligence,

⁹O rhugimos kai mangav katar O Del tumenge: mangav te bariol tumari dragostia mai but ai mai but, ando zhanglimos ai ande goji, saxke te sai alon so si mishto.

¹⁰that ye may judge of and approve the things that are more excellent, in order that ye may be pure and without offence for Christ's day,

¹⁰Ai kadia aven vuzhe ai khonik nashtila te thol tumenge dosh kana avela o dies le Kristosko.

¹¹being complete as regards the fruit of righteousness, which [is] by Jesus Christ, to God's glory and praise.

¹¹Tumaro traio avela pherdo fruti le chachimaski, kai O Jesus Kristo kerel ando barimos ai o luvudimos le Devlesko.

¹²But I would have you know, brethren, that the circumstances in which I am have turned out rather to the furtherance of the glad tidings,

¹²Murhe phral, mangav te zhanen, ke so kerdilia mange sas te zhal angle e lashi viasta.

¹³so that my bonds have become manifest [as being] in Christ in all the praetorium and to all others;

¹³Kadia si kai sa le ketani kai garaven o baro kher ai sa le kolaver zhanen ke ande lantsuria sim kai kerdem buchi le Kristoski.

¹⁴and that the most of the brethren, trusting in [the] Lord through my bonds, dare more abundantly to speak the word of God fearlessly.

¹⁴Kai zhanen ma andel lantsuria, si mai but phral kai pachanpe ando Del sai mothon bi darako pa E Vorba le Devleski.

¹⁵Some indeed also for envy and strife, but some also for good will, preach the Christ.

¹⁵Chaches ke uni anda lende mothon pa Kristo ke zhaluzole anda mande ai xoliasa keren kodia, numa aver den duma pa Kristo penge ilesa.

¹⁶These indeed out of love, knowing that I am set for the defence of the glad tidings;

¹⁶Won keren kodia ande dragostia, ke won zhanen ke O Del dia ma kadia buchi te thav partia la lashia viastaki.

¹⁷but those out of contention, announce the Christ, not purely, supposing to arouse tribulation for my bonds.

¹⁷Numa le kolaver chi mothon pa Kristo penge ilesa, numa ande xoli ke won gindin ke mai butiaren murho chino zhi kai sim andel lantsuria.

¹⁸What is it then? at any rate, in every way, whether in pretext or in truth, Christ is announced; and in this I rejoice, yea, also I will rejoice;

¹⁸Nai mange kanchi! Te avela lenge ginduria chorhe vai lashe, numa mishto ke den duma pa Kristo. Me raduiv ma anda kodia ai mai raduiva ma.

¹⁹for I know that this shall turn out for me to salvation, through your supplication and [the] supply of the Spirit of Jesus Christ;

¹⁹Ke zhanav ke kodia avela pe murho mishtimos pala tumare rhugimata, ai o zhutimos kai anel O Swunto Duxo le Jesus Kristosko.

²⁰according to my earnest expectation and hope, that in nothing I shall be ashamed, but in all boldness, as always, now also Christ shall be magnified in my body whether by life or by death.

²⁰Ande murho azhukerimos ai zhanav ke chi azhukerav intaino, chi avel mange lazhav kanchestar, numa akana sar mai anglal O Kristo avela luvudime ande murho stato bi darako, ande murho traio vai ande murhi martia.

²¹For for me to live [is] Christ, and to die gain;

²¹Ke O Kristo si murho traio, ai te merava mai mishto.

²²but if to live in flesh [is my lot], this is for me worth the while: and what I shall choose I cannot tell.

²²Numa te mai traiiva ando stato, te sai mai kerav iek buchi kai trobul, chi zhanav so te alov.

²³But I am pressed by both, having the desire for departure and being with Christ, [for] [it is] very much better,

²³Haliarav ke tsirdino sim pa dui riga, drago mange te mekav kodo traio te avav le Kristosa, ai kodia avela mai mishto.

²⁴but remaining in the flesh [is] more necessary for your sakes;

²⁴Numa mai but zhutimos avela tumenge te mai traiiv.

²⁵and having confidence of this, I know that I shall remain and abide along with you all, for your progress and joy in faith;

²⁵Ai zhanav ke kadia si, zhanav te beshava ai traiiva tumensa savorhensa te zhutiv tume te barion ando pachamos, ai te aven raduime ando pachamos.

²⁶that your boasting may abound in Christ Jesus through me by my presence again with you.

²⁶Ai kadia kana avava pale tumensa, avela tumen pala mande anda soste te luvudin tume, ande tumaro traio le Kristosa.

²⁷Only conduct yourselves worthily of the glad tidings of the Christ, in order that whether coming and seeing you, or absent, I may hear of what concerns you, that ye stand firm in one spirit, with one soul, labouring together in the same conflict with the faith of the glad tidings;

²⁷Numa traiin kadia sar e lashi viasta le Kristoski sikavel, te zhava te dikhav tume vai nichi, sai ashunava ke tume beshen ande Vorba le Devleski ande iek gindo, ai ke maren tume andek than, sa ieke ilesa, pala pachamos kai del e lashi viasta.

²⁸and not frightened in anything by the opposers, which is to them a demonstration of destruction, but of your salvation, and that from God;

²⁸Na meken te daraven tume ande kancheste tumare duzhmaia; ke kodia avela lenge iek semno, ke won xasavona, ai tumenge avela o semno ke san po lasho drom le skepimasko, ai kodia avel katar O Del.

²⁹because to you has been given, as regards Christ, not only the believing on him but the suffering for him also,

²⁹Ke O Del dia tume e voia te keren buchi le Kristoski, na ferdi te pachan tume anda leste, numa vi ke chinuin leske.

³⁰having the same conflict which ye have seen in me, and now hear of in me.

³⁰Akana vi tume maren tume mansa. Ai kadia kai maras ame sa kodo si kai dikhlian man ke maravas ma mai anglal, ai kai inker kerav tume zhanen.