¹Children, obey your parents in [the] Lord, for this is just.

¹Tume le glate trobul angla Del te pachan o mui tumare niamongo, ke kodia si vorta, malades.

²Honour thy father and thy mother, which is the first commandment with a promise,

²"Respektisar che dades ai cha da" ai kado si o pervo zakono zhidovisko kai sas dino kai si les iek shinaimos:

³that it may be well with thee, and that thou mayest be long-lived on the earth.

³O shinaimos si: "Te respektis che dades ai cha da, tu traiis lungo vriama pe phuv ai avel tu but mishtimos."

⁴And [ye] fathers, do not provoke your children to anger, but bring them up in [the] discipline and admonition of [the] Lord.

⁴Ai tume le dada, na keren tumare glatensa bi malades ai te xoliavon, numa bariaren le ando sicharimos, ai sicharen le pa Del.

⁵Bondmen, obey masters according to flesh, with fear and trembling, in simplicity of your heart as to the Christ;

⁵Tume le slugi, pachan o mui tumare gazdengo kai si katse pe phuv, respektin le ai izdran angla lende; ai chache ilesa, sar te podaisardianas le Kristos.

⁶not with eye-service as men-pleasers; but as bondmen of Christ, doing the will of God from [the] soul,

⁶Na raduin tume ferdi te keren kodia kana tumare gazda len sama pe tumende te aven lenge drago; numa kerel e voia le Devleski sa tumare ilesa, sar slugi le Kristoske.

⁷serving with good will as to the Lord, and not to men;

⁷Keren tumari buchi sar slugi la voiasa, sar te kerdianas buchi le Devleski, ai na ferdi le manushenge.

⁸knowing that whatever good each shall do, this he shall receive of [the] Lord, whether bond or free.

⁸Den tume goji, ke kon godi, sluga vai iek kai kerel buchi pala pochin, lela katar O Del so trobul te avel leske pala mishtimos kai kerdia.

⁹And, masters, do the same things towards them, giving up threatening, knowing that both their and your Master is in heaven, and there is no acceptance of persons with him.

⁹Ai tume le gazda, keren sakadia karing tumare slugi; ai na daraven le ke chinuina le. Den tume goji ke tumaro gazda si ando rhaio; ai kai leske savorhe iekfielo le.

¹⁰For the rest, brethren, be strong in [the] Lord, and in the might of his strength.

¹⁰Murhe phral, roden tumari zor ando Del ai ande leski putiera.

¹¹Put on the panoply of God, that ye may be able to stand against the artifices of the devil:

¹¹Len pe tumende sa e armia kai O Del del tume, saxke te inkeren kai xetrenia le bengeski ai te na peren ando atsaimos le bengesko.

¹²because our struggle is not against blood and flesh, but against principalities, against authorities, against the universal lords of this darkness, against spiritual [power] of wickedness in the heavenlies.

¹²Ke chi maras ame le manushensa kai si les stato ai rat, numa maras ame kodolensa kai nai le stato, o nasulimos kai poronchil pe lumia kai ame chi dikhas, le angeluria le bengeske, le putieri kai poronchin pe kadia lumia kai si tuniariko.

¹³For this reason take [to you] the panoply of God, that ye may be able to withstand in the evil day, and, having accomplished all things, to stand.

¹³Anda kodia, len pe tumende sa e armia le Devleski akana! Ai porme kana avela o dies o chorho, te maresa zurales o duzhmaia zhando gor, ai kana nakhela kodo dies o chorho tu inker sai inkeres.

¹⁴Stand therefore, having girt about your loins with truth, and having put on the breastplate of righteousness,

¹⁴Te aven gata: te avel tume o chachimos sar iek prashtia chidi pe tumaro mashkar; len pe tumende so si vorta sar iek charolakolinako;

¹⁵and shod your feet with [the] preparation of the glad tidings of peace:

¹⁵Len le papucha kai grebin tume te ingeren e lashi viasta la pachaki;

¹⁶besides all [these], having taken the shield of faith with which ye will be able to quench all the inflamed darts of the wicked one.

¹⁶ai opral pa sa kadala dieli, len o buklie sar o vusharimos le pachamasko, kai kodolesa sai mudarena sa le flishila iagake kai aven katar o beng.

¹⁷Have also the helmet of salvation, and the sword of the Spirit, which is God's word;

¹⁷Len e staji le skepimaski, ai e sabia le Swuntone Duxoski, kadia si E Vorba le Devleski.

¹⁸praying at all seasons, with all prayer and supplication in [the] Spirit, and watching unto this very thing with all perseverance and supplication for all the saints;

¹⁸Rhugis ande swako vriama ando Swunto Duxo sar wo ingerel. Rhugis tu swako data kana trobul vari so, arakhes tu ai sagda rhugis ai na aterdios. Na bustren te rhugis pala sa le shave le Devleske.

¹⁹and for me in order that utterance may be given to me in [the] opening of my mouth to make known with boldness the mystery of the glad tidings,

¹⁹Rhugin tume vi mange, saxke O Del te del ma le vorbe le chache kana dava duma, ai kana phenava sa murhe ilesa te kerav te zhanen e lashi viasta kai si garadi.

²⁰for which I am an ambassador [bound] with a chain, that I may be bold in it as I ought to speak.

²⁰Me sim ek tradino te phenav e lashi viasta le Devleski, marka ke sim phanglo le lantsona akana. Rhugin tume te sai dav duma bi darako sar trobulpe te kerav.

²¹But in order that *ye* also may know what concerns me, how I am getting on, Tychicus, the beloved brother and faithful minister in [the] Lord, shall make all things known to you;

²¹Tychicus, amaro kuchi phral fidel lo ai zhutil ande buchi le Devleski, wo mothola tumenge sa pa mande, saxke te zhanen so kerdiol anda mande.

²²whom I have sent to you for this very thing, that ye may know of our affairs and that he may encourage your hearts.

²²Me tradav les tumende, saxke te mothol tumenge sar sam, ai te mai raduinpe tumare ile.

²³Peace to the brethren, and love with faith, from God [the] Father and [the] Lord Jesus Christ.

²³O Del O Dat ai le Devles O Jesus Kristo te del sa le phralen e pacha ai e dragostia le pachamasa.

²⁴Grace with all them that love our Lord Jesus Christ in incorruption.

²⁴O lashimos le Devlesko te avel sa kodolensa kai si lenge drago amaro Devles O Jesus Kristo andek dragostia kai shoxar chi merel.