¹Therefore thou art inexcusable, O man, every one who judgest, for in that in which thou judgest another, thou condemnest thyself; for thou that judgest doest the same things.

¹Tu kai keres kris pel kolaver chi san iertime; kon godi avesa ke kana keres kris pel kolaver, ai vi tu keres sa kodola dieli, tu korkorho keres kris pe tute.

²But we know that the judgment of God is according to truth upon those who do such things.

²Ke zhanas ke O Del kerel kris vorta ai chachi pe kodola kai keren kodolendar dieli.

³And thinkest thou this, O man, who judgest those that do such things, and practisest them [thyself], that *thou* shalt escape the judgment of God?

³Tu gindis ke skepisar katar e kris le Devleski, tu kai keres kris pe kodola kai keren kadala dieli, kana vi tu keres sar lende?

⁴or despisest thou the riches of his goodness, and forbearance, and long-suffering, not knowing that the goodness of God leads thee to repentance?

⁴Vai tu, nai tuke drago o lashimos le Devlesko kai azhukerel ai rhevdil; tu chi zhanes ke o lashimos le Devlesko trobul te parhuvel cho traio.

⁵but, according to thy hardness and impenitent heart, treasurest up to thyself wrath, in [the] day of wrath and revelation of [the] righteous judgment of God,

⁵Numa zuralo cho ilo, chi manges te parhudios anda kodia, tu lashares tuke kris mai bari kana avela o dies, kai O Del sikavela peski xoli ai peski kris kai si chachi.

⁶who shall render to each according to his works:

⁶Ai kai O Del dela sakones pala so kerdia.

⁷to them who, in patient continuance of good works, seek for glory and honour and incorruptibility, life eternal.

⁷Dela o traio kai chi mai getolpe kodolen kai roden te keren o mishtimos, ai roden o barimos ai o luvudimos, ai o traio kai chi merel.

⁸But to those that are contentious, and are disobedient to the truth, but obey unrighteousness, [there shall be] wrath and indignation,

⁸Numa sikavela xoliariko zurales pe kodola kai xoliavon pe leste, ai chi keren o chachimos, numa keren le chorhe dieli,

⁹tribulation and distress, on every soul of man that works evil, both of Jew first, and of Greek;

⁹O chino ai o nekazo avela pe kodola kai keren o baio; pel Zhiduvuria mai anglal, numa vi pe kodola kai nai Zhiduvuria.

¹⁰but glory and honour and peace to every one that works good, both to Jew first and to Greek:

¹⁰Numa O Del dela o barimos, ai o luvudimos, ai e pacha kodolenge kai keren o lashimos; kal Zhiduvuria mai anglal, numa vi ka kodola kai Nai Zhiduvuria.

¹¹for there is no acceptance of persons with God.

¹¹Ke le Devleske savorhe iek fialuri.

¹²For as many as have sinned without law shall perish also without law; and as many as have sinned under law shall be judged by law,

¹²Kodola kai keren bezexa bi te zhanen o zakono le Mosesosko xasavona bi le zakonosko; numa kodola kai keren bezexa ai zhanen o zakono avena dine pe kris pala zakono kai zhanen.

¹³(for not the hearers of the law [are] just before God, but the doers of the law shall be justified.

¹³Ke le manush kai si drago le Devleske, nai kodola kai ferdi ashunen o zakono, numa kodola kai keren so mothol o zakone.

¹⁴For when [those of the] nations, which have no law, practise by nature the things of the law, these, having no law, are a law to themselves;

¹⁴Kana kodola kai Nai Zhiduvuria, kai chi zhanen o zakono le Zhidovongo, keren anda pende so mothol o zakono, si le iek zakono lenge, marka ke nai le o zakono.

¹⁵who shew the work of the law written in their hearts, their conscience also bearing witness, and their thoughts accusing or else excusing themselves between themselves;)

¹⁵Sikaven kadia, ke sar trobul te keres kai si phendo, katar e kris ramome ande lenge ile. Lengo ilo sikavel lenge, vi ke lenge ginduria kai univar kerel kris pe lende, ai univar chacharel le.

¹⁶in [the] day when God shall judge the secrets of men, according to my glad tidings, by Jesus Christ.

¹⁶Eta, so sikadiola o dies kai O Del dela pe kris katar o Kristo, so godi si garado andel traiuria le manushenge ai sar mothol e lashi viasta le Devleski kai me mothav.

¹⁷But if *thou* art named a Jew, and restest in the law, and makest thy boast in God,

¹⁷Numa tu des tu o anav Zhidovo, inkerdios katar o zakono, ai barimata keres che Devlesa,

¹⁸and knowest the will, and discerningly approvest the things that are more excellent, being instructed out of the law;

¹⁸zhanes e voia le Devleski, ai o zakono sichardia tu, te alos so si mishto;

¹⁹and hast confidence that thou thyself art a leader of the blind, a light of those who [are] in darkness,

¹⁹tu gindis ke sai sikaves o drom le korhenge, ai sai aves iek vediara kodolenge kai si ando tuniariko,

²⁰an instructor of the foolish, a teacher of babes, having the form of knowledge and of truth in the law:

²⁰tu sichares kodolen kai chi zhanen, ai sichares le ternen pa Del, ke tu zhanes ke o zakono sikavel vorta so si, o chachimos ai zhanglimos.

²¹thou then that teachest another, dost thou not teach thyself? thou that preachest not to steal, dost thou steal?

²¹Apo, tu kai sichares le kolavren, sostar chi sichares tu tut? Tu kai mothos ke chi trobul te chores, sostar tu chores?

²²thou that sayest [man should] not commit adultery, dost thou commit adultery? thou that abhorrest idols, dost thou commit sacrilege?

²²Tu kai mothos ke chi trobul te phires pala kolavreski rhomni. Sostar tu keres kurvimos? Tu kai nai tuke drago le ikoni, Sostar chores andal tampluria?

²³thou who boastest in law, dost thou by transgression of the law dishonour God?

²³Barimata keres ke si tu o zakono, numa nai tuke lazhav katar O Del kai keres so mothol o zakono te na keres.

²⁴For the name of God is blasphemed on your account among the nations, according as it is written.

²⁴Ke E Vorba le Devleski mothol, pala tumende le Zhiduvuria o kolaver narodo mothol nasulimos pa Del.

²⁵For circumcision indeed profits if thou keep [the] law; but if thou be a law-transgressor, thy circumcision is become uncircumcision.

²⁵Te keresa so mothol o zakono, o semno nai intaino, numa te na keresa so mothol o zakono, kadia si sar te na avilino semno pe tute.

²⁶If therefore the uncircumcision keep the requirements of the law, shall not his uncircumcision be reckoned for circumcision,

²⁶Ai o manush kai nas semno pe leste (nai Zhidovo), kerel o zakono sar lende ai kerel so phenel o zakono, O Del gindil pa leste sar ek Zhidovo.

²⁷and uncircumcision by nature, fulfilling the law, judge thee, who, with letter and circumcision, [art] a law-transgressor?

²⁷O manush kai nai semno pe leste ando stato kerel o zakono solaxasa, numa tu kai san ek Zhidovo chi keres o zakono, marka ke si tu o zakono ramome, ai ke te san semnosa.

²⁸For he is not a Jew who [is] one outwardly, neither that circumcision which is outward in flesh;

²⁸Chaches, o chacho Zhidovo nai ferdi kodo kai miazol, ai kai si semnome kai dichol avrial o stato,

²⁹but he [is] a Jew [who is so] inwardly; and circumcision, of the heart, in spirit, not in letter; whose praise [is] not of men, but of God.

²⁹numa o chacho Zhidovo si kodo kai si andral, ai kan si semno ande lesko ilo, iek semno kai avel katar O Swunto Duxo le Devlesko, ai na katar o zakono kai si ramome, o chacho Zhidovo avel lesko barimos na katar le manush, numa katar O Del.