¹ויען יהוה את איוב מן הסערה ויאמר׃

¹Unya si Jehova mitubag kang Job gikan sa alimpulos, ug miingon:

²מי זה מחשיך עצה במלין בלי דעת׃

²Kinsa kini nga nagangitngit sa tambag Pinaagi sa mga pulong nga walay kahibalo?

³אזר נא כגבר חלציך ואשאלך והודיעני׃

³Baksan mo karon ang imong hawak ingon nga usa ka tawo; Kay pangutan-on ko ikaw karon, ug tubagon mo ako.

⁴איפה היית ביסדי ארץ הגד אם ידעת בינה׃

⁴Diin ka man sa pagtukod ko sa kalibutan? Sumulti ka, kong daw anaay imong salabutan.

⁵מי שם ממדיה כי תדע או מי נטה עליה קו׃

⁵Kinsa ang nagbuot sa gidak-on niini, kong ikaw nasayud man ugaling? Kun kinsa ba ang nagabitad sa pasul sa ibabaw niana?

⁶על מה אדניה הטבעו או מי ירה אבן פנתה׃

⁶Unsa ba ang gihimong patukoranan niini? Kun kinsa ba ang nagapahaluna sa pamag-ang niana,

⁷ברן יחד כוכבי בקר ויריעו כל בני אלהים׃

⁷Sa nagakadungan pag-awit ang mga bitoon sa kabuntagon, Ug ang tanang mga anak sa Dios nagkaduyog sa pagsinggit sa kalipay?

⁸ויסך בדלתים ים בגיחו מרחם יצא׃

⁸Kun kinsa ba ang nagtak-um sa mga pultahan sa dagat, Sa nabukas kini, ingon sa daw nagagula kini gikan sa taguangkan;

⁹בשומי ענן לבשו וערפל חתלתו׃

⁹Sa gihimo nako ang panganod nga maoy bisti niana, Ug ang dagkung kangitngit maoy bakbak niana,

¹⁰ואשבר עליו חקי ואשים בריח ודלתים׃

¹⁰Ug sa gipahamutang nako niini ang akong utlanan, Ug gipahaluna ang mga rehas ug mga pultahan,

¹¹ואמר עד פה תבוא ולא תסיף ופא ישית בגאון גליך׃

¹¹Ug nag-ingon: Kutob ra dinhi ang imong kadangatan, apan dili na molabaw; Ug anhi ra dinhi ang pagapuyan sa imong mga balod nga mapahitas-on!

¹²המימיך צוית בקר ידעתה שחר מקמו׃

¹²Nakagsugo ka ba sa kabuntagon sukad sa sinugdan sa imong mga adlaw, Ug gikatultulan mo ba ang kaadlawon sa iyang pinuy-anan;

¹³לאחז בכנפות הארץ וינערו רשעים ממנה׃

¹³Aron kini makaghupot sa mga kinatumyan sa yuta, Ug mauyog niana ang mga tawong dautan?

¹⁴תתהפך כחמר חותם ויתיצבו כמו לבוש׃

¹⁴Kini nabalhin ingon sa yanang sa ilalum sa patikan; Ug ang tanang mga butang nahiluna sama sa usa ka bisti:

¹⁵וימנע מרשעים אורם וזרוע רמה תשבר׃

¹⁵Ug gikan sa mga tawong dautan ang ilang mga suga gipanguha, Ug ang taas nga bukton naputol.

¹⁶הבאת עד נבכי ים ובחקר תהום התהלכת׃

¹⁶Nakaadto ka ba sa mga tubod sa ilalum sa dagat? Kun nakalakaw ka ba sa luklukanan sa kahiladman?

¹⁷הנגלו לך שערי מות ושערי צלמות תראה׃

¹⁷Gipadayag ba kanimo ang mga ganghaan sa kamatayon? Kun nakakita ka ba sa mga pultahan sa landong sa kamatayon?

¹⁸התבננת עד רחבי ארץ הגד אם ידעת כלה׃

¹⁸Nakita ba nimo ang tibook gilapdon sa yuta? Magpahayag ka, kong nasayud ka man ugaling niining tanan.

¹⁹אי זה הדרך ישכן אור וחשך אי זה מקמו׃

¹⁹Hain ba ang dalan padulong sa pinuy-anan sa kahayag? Ug mahatungod sa kangitngitan hain ba ang dapit niini,

²⁰כי תקחנו אל גבולו וכי תבין נתיבות ביתו׃

²⁰Aron kini madala mo sa iyag kinutoban, Ug aron makita mo ang agianan padulong sa balay niini?

²¹ידעת כי אז תולד ומספר ימיך רבים׃

²¹Sa walay duhaduha , ikaw nahibalo, sanglit daan ka na man nga natawo, Ug daku may uyamut ang gidaghanon sa imong mga adlaw!

²²הבאת אל אצרות שלג ואצרות ברד תראה׃

²²Nakasulod ka ba sa kabahandian sa nieve, Kun nakita ba nimo ang mga kabahandian sa ulan-nga-yelo,

²³אשר חשכתי לעת צר ליום קרב ומלחמה׃

²³Nga akong gitagana alang sa panahon sa kasamok, Alang sa adlaw sa gubat ug sa pakig-away?

²⁴אי זה הדרך יחלק אור יפץ קדים עלי ארץ׃

²⁴Hain ba ang dalan diin atua gibahin ang kahayag, Kun diin ang hangin nga timog ginasabwag sa ibabaw sa yuta?

²⁵מי פלג לשטף תעלה ודרך לחזיז קלות׃

²⁵Kinsa ba ang nagkutkut ug kanal alang sa tubig nga mosalanap; Kun usa ka agianan alang sa kilat sa dalugdug;

²⁶להמטיר על ארץ לא איש מדבר לא אדם בו׃

²⁶Sa pagpaulan niini sa yuta diin walay tawo nga nagpuyo; Didto sa kamingawan diin walay bisan usa ka tawo;

²⁷להשביע שאה ומשאה ולהצמיח מצא דשא׃

²⁷Aron sa pagtagbaw sa yutang awaaw ug sa biniyaan, Ug aron sa pagpatubo sa linghod nga balili?

²⁸היש למטר אב או מי הוליד אגלי טל׃

²⁸May amahan ba ang ulan? Kun kinsa ba ang nag-anak sa mga tulo sa yamog?

²⁹מבטן מי יצא הקרח וכפר שמים מי ילדו׃

²⁹Kang kinsa bang taguangkan naggikan ang yelo? Ug ang tun-og sa gabii sa langit nga maputi kinsa ba ang nag-anak niini?

³⁰כאבן מים יתחבאו ופני תהום יתלכדו׃

³⁰Ang katubigan mitago sa ilang kaugalingon ug nangahimo ingon sa bato, Ug ang ibabaw sa kahiladman natibugol.

³¹התקשר מעדנות כימה או משכות כסיל תפתח׃

³¹Makabugkos ka ba sa mga pungpong sa mga Pleyades, Kun makabadbad ka ba sa mga gitagkos sa Orion?

³²התציא מזרות בעתו ועיש על בניה תנחם׃

³²Makamando ka ba sa mga Mazaroth sa ilang panahon? Kun makadumala ka ba sa Oso ug sa iyang mga kakuyog?

³³הידעת חקות שמים אם תשים משטרו בארץ׃

³³Nahibalo ka ba sa mga tulomanon sa mga langit? Makahimo ka ba sa pagtukod sa gingharian niini diha sa yuta?

³⁴התרים לעב קולך ושפעת מים תכסך׃

³⁴Makahimo ka ba sa pagpatugbaw sa imong tingog sa kapanganoran, Aron ang kadagaya sa tubig makalapaw kanimo?

³⁵התשלח ברקים וילכו ויאמרו לך הננו׃

³⁵Makasugo ka ba sa mga kilat, aron sila manlakaw, Ug manag-ingon kanimo: Ania kami?

³⁶מי שת בטחות חכמה או מי נתן לשכוי בינה׃

³⁶Kinsa ba ang nagbutang ug kaalam sa kinasulorang bahin? Kun kinsa ba ang naghatag ug salabutan sa utok?

³⁷מי יספר שחקים בחכמה ונבלי שמים מי ישכיב׃

³⁷Kinsa ba ang makaihap sa mga panganod pinaagi sa kaalam? Kun kinsa ba ang arang makabubo sa mga botella sa langit,

³⁸בצקת עפר למוצק ורגבים ידבקו׃

³⁸Sa diha nga ang abug managkatapok, Ug ang tibugol sa yuta managkaipon?

³⁹התצוד ללביא טרף וחית כפירים תמלא׃

³⁹Makapangita ba ikaw sa tukbonon sa baye nga leon, Kun makatagbaw ka ba sa mga batan-ong leon,

⁴⁰כי ישחו במעונות ישבו בסכה למו ארב׃

⁴⁰Sa diha nga sila nagalubog sa ilang mga lungib, Ug nanagpuyo sa mga langub aron sa pagbanhig?

⁴¹מי יכין לערב צידו כי ילדו אל אל ישועו יתעו לבלי אכל׃

⁴¹Kinsa ba ang nagaandam sa uwak sa iyang makaon, Sa diha nga ang iyang mga kuyabog nanagsangpit sa Dios, Ug nanghisalaag tungod sa kakulangan sa makaon?