¹Ary Jesosy, nony nahita ny vahoaka, dia niakatra teo an-tendrombohitra; ary rehefa tafapetraka Izy, dia nanatona Azy ny mpianany.

¹And having seen the multitudes, he went up to the mount, and he having sat down, his disciples came to him,

²Dia niloa-bava Izy ka nampianatra azy hoe:

²and having opened his mouth, he was teaching them, saying:

³Sambatra ny malahelo am-panahy; fa azy ny fanjakan'ny lanitra.

³`Happy the poor in spirit — because theirs is the reign of the heavens.

⁴Sambatra ny ory; fa izy no hampifalina.

⁴`Happy the mourning — because they shall be comforted.

⁵Sambatra ny malemy fanahy; fa izy no handova ny tany (Sal. 37. 11).

⁵`Happy the meek — because they shall inherit the land.

⁶Sambatra ny noana sy mangetaheta ny fahamarinana; fa izy no hovokisana.

⁶`Happy those hungering and thirsting for righteousness — because they shall be filled.

⁷Sambatra ny miantra; fa izy no hiantrana.

⁷`Happy the kind — because they shall find kindness.

⁸Sambatra ny madio am-po; fa izy no hahita an'Andriamanitra,

⁸`Happy the clean in heart — because they shall see God.

⁹Sambatra ny mpampihavana; fa izy no hatao hoe zanak'Andriamanitra.

⁹`Happy the peacemakers — because they shall be called Sons of God.

¹⁰Sambatra izay enjehina noho ny fahamarinana; fa azy ny fanjakan'ny lanitra.

¹⁰`Happy those persecuted for righteousness` sake — because theirs is the reign of the heavens.

¹¹Sambatra ianareo, raha haratsin'ny olona sy enjehiny ary asiany izay teny ratsy rehetra hitenenany lainga anareo noho ny amiko.

¹¹`Happy are ye whenever they may reproach you, and may persecute, and may say any evil thing against you falsely for my sake —

¹²Mifalia sy miravoravoa ianareo, fa lehibe ny valim-pitianareo any an-danitra; fa toy izany ihany no nanenjehany ny mpaminany izay talohanareo.

¹²rejoice ye and be glad, because your reward [is] great in the heavens, for thus did they persecute the prophets who were before you.

¹³Hianareo no fanasin'ny tany; fa raha ny fanasina no tonga matsatso, inona indray no hahasira azy? Tsy misy heriny hanaovana na inona na inona intsony izy, fa hariana any ivelany ka hohitsahin'ny olona.

¹³`Ye are the salt of the land, but if the salt may lose savour, in what shall it be salted? for nothing is it good henceforth, except to be cast without, and to be trodden down by men.

¹⁴Hianareo no fahazavan'izao tontolo izao. Tsy azo afenina izay tanàna miorina eo an-tampon-tendrombohitra.

¹⁴`Ye are the light of the world, a city set upon a mount is not able to be hid;

¹⁵Ary koa, tsy misy olona mandrehitra jiro ka mametraka azy ao ambanin'ny vata famarana, fa apetrany eo amin'ny fanaovan-jiro, ka dia mazava amin'izay rehetra ao an-trano izany.

¹⁵nor do they light a lamp, and put it under the measure, but on the lamp-stand, and it shineth to all those in the house;

¹⁶Aoka hazava eo imason'ny olona toy izany koa ny fahazavanareo, mba hahitany ny asa soa ataonareo ka hankalazany ny Rainareo Izay any an-danitra.

¹⁶so let your light shine before men, that they may see your good works, and may glorify your Father who [is] in the heavens.

¹⁷Aza ataonareo fa tonga Aho handrava ny lalàna na ny mpaminany; tsy tonga Aho handrava, fa hanatanteraka.

¹⁷`Do not suppose that I came to throw down the law or the prophets — I did not come to throw down, but to fulfill;

¹⁸Fa lazaiko aminareo marina tokoa: Mandra-pahafoan'ny lanitra sy ny tany, dia tsy hisy ho foana akory amin'ny lalàna, na dia litera iray na tendron-tsoratra iray aza, mandra-pahatanterak'izy rehetra.[Dia yod, izay litera kely indrindra amin'ny Abidy Hebreo]

¹⁸for, verily I say to you, till that the heaven and the earth may pass away, one iota or one tittle may not pass away from the law, till that all may come to pass.

¹⁹Ary amin'izany na zovy na zovy no mamaha ny anankiray amin'ireo didy madinika indrindra ireo ka mampianatra ny olona toy izany, dia hatao hoe kely indrindra amin'ny fanjakan'ny lanitra izy. Fa na zovy na zovy no mankatò sy mampianatra ireo dia izy no hatao hoe lehibe amin'ny fanjakan'ny lanitra.

¹⁹`Whoever therefore may loose one of these commands — the least — and may teach men so, least he shall be called in the reign of the heavens, but whoever may do and may teach [them], he shall be called great in the reign of the heavens.

²⁰Fa lazaiko aminareo: Raha tsy mihoatra noho ny an'ny mpanora-dalàna sy ny Fariseo ny fahamarinanareo, dia tsy hiditra amin'ny fanjakan'ny lanitra mihitsy ianareo.

²⁰`For I say to you, that if your righteousness may not abound above that of the scribes and Pharisees, ye may not enter to the reign of the heavens.

²¹Efa renareo fa voalaza tamin'ny ntaolo hoe: Aza mamono olona (Eks. 20. 13); ary izay mamono olona dia miendrika hohelohina amin'ny fitsarana.

²¹`Ye heard that it was said to the ancients: Thou shalt not kill, and whoever may kill shall be in danger of the judgment;

²²Fa Izaho kosa milaza aminareo hoe: Izay rehetra tezitra amin'ny rahalahiny dia miendrika hohelohina amin'ny fitsarana; ary na zovy na zovy no hanao amin'ny rahalahiny hoe: Olom-poana ianao, dia miendrika hohelohina amin'ny Synedriona; ary na zovy na zovy no hanao hoe: Foka ialahy, dia miendrika ho ao amin'ny helo mirehitra afo. [Na: tezitra foana] [Gr. Gehena]

²²but I — I say to you, that every one who is angry at his brother without cause, shall be in danger of the judgment, and whoever may say to his brother, Empty fellow! shall be in danger of the sanhedrim, and whoever may say, Rebel! shall be in danger of the gehenna of the fire.

²³Ary amin'izany, raha mitondra ny fanatitrao ho eo amin'ny alitara ianao, ary eo no mahatsiaro fa ny rahalahinao manana alahelo aminao,

²³`If, therefore, thou mayest bring thy gift to the altar, and there mayest remember that thy brother hath anything against thee,

²⁴dia avelao eo anoloan'ny alitara ny fanatitrao, ka mandehana aloha, ataovy izay hihavananao amin'ny rahalahinao, ary rehefa miverina, dia vao atero ny fanatitrao.

²⁴leave there thy gift before the altar, and go — first be reconciled to thy brother, and then having come bring thy gift.

²⁵Mihavàna faingana amin'ilay manana ady aminao, raha mbola miara-dia aminy ianao, fandrao ilay manana ady aminao hanolotra anao amin'ny mpitsara, ary ny mpitsara kosa hanolotra anao amin'ny mpamatotra, ka hatao ao an-tranomaizina ianao.

²⁵`Be agreeing with thy opponent quickly, while thou art in the way with him, that the opponent may not deliver thee to the judge, and the judge may deliver thee to the officer, and to prison thou mayest be cast,

²⁶Lazaiko aminao marina tokoa: Tsy ho afaka ao mihitsy ianao, ambara-pandoanao ny variraiventy farany indrindra.

²⁶verily I say to thee, thou mayest not come forth thence till that thou mayest pay the last farthing.

²⁷Efa, renareo fa voalaza hoe: Aza mijangajanga (Eks. 20. 14).

²⁷`Ye heard that it was said to the ancients: Thou shalt not commit adultery;

²⁸Fa Izaho kosa milaza aminareo fa izay rehetra mijery vehivavy hila azy dia efa nijangajanga taminy tam-pony sahady.

²⁸but I — I say to you, that every one who is looking on a woman to desire her, did already commit adultery with her in his heart.

²⁹Fa raha ny masonao ankavanana no manafintohina anao, dia esory hiala iny, ka ario ho afaka aminao; fa mahasoa anao na dia very aza ny iray momba ny tenanao, ka tsy ny tenanao rehetra no hariana any amin'ny helo.[Ny teny Grika adika hoe manafintohina amin'ny Testamenta Vaovao, dia mamandrika no tena dikany]

²⁹`But, if thy right eye doth cause thee to stumble, pluck it out and cast from thee, for it is good to thee that one of thy members may perish, and not thy whole body be cast to gehenna.

³⁰Ary raha ny tananao ankavanana no manafintohina anao, dia tapaho Izy, ka ario ho afaka aminao; fa mahasoa anao na dia very aza ny iray momba ny tenanao, ka tsy ny tenanao rehetra no ho lasa ho any amin'ny helo.

³⁰`And, if thy right hand doth cause thee to stumble, cut it off, and cast from thee, for it is good to thee that one of thy members may perish, and not thy whole body be cast to gehenna.

³¹Ary voalaza hoe: Na zovy na zovy no misaotra ny vadiny, dia aoka izy hanome an-dravehivavy taratasy fisaoram-bady (Deo. 24. 1).

³¹`And it was said, That whoever may put away his wife, let him give to her a writing of divorce;

³²Fa Izaho kosa milaza aminareo hoe: Izay rehetra misaotra ny vadiny afa-tsy noho ny fijangajangana ihany dia mampijangajanga azy; ary na zovy na zovy no manambady izay voasaotra, dia mijangajanga.

³²but I — I say to you, that whoever may put away his wife, save for the matter of whoredom, doth make her to commit adultery; and whoever may marry her who hath been put away doth commit adultery.

³³Ary koa, efa renareo fa voalaza tamin'ny ntaolo hoe: Aza mianian-tsy tò, fa efao amin'i Jehovah ny fianiananao (Lev. 19. 12).

³³`Again, ye heard that it was said to the ancients: Thou shalt not swear falsely, but thou shalt pay to the Lord thine oaths;

³⁴Fa Izaho kosa milaza aminareo hoe: Aza mianiana akory na amin'ny lanitra, fa seza fiandrianan'Andriamanitra izany;

³⁴but I — I say to you, not to swear at all; neither by the heaven, because it is the throne of God,

³⁵na amin'ny tany, fa fitoeran-tongony izany; na amin'i Jerosalema, fa tanànan'ny Mpanjaka lehibe izany.

³⁵nor by the earth, because it is His footstool, nor by Jerusalem, because it is a city of a great king,

³⁶Aza mianiana amin'ny lohanao; fa tsy mahay mahafotsy na mahamainty na dia singam-bolo iray akory aza ianao.

³⁶nor by thy head mayest thou swear, because thou art not able one hair to make white or black;

³⁷Fa aoka ny teninareo ho Eny, eny; Tsia, tsia; fa izay mihoatra noho izany dia avy amin'ny ratsy.[Na amin'ilay ratsy]

³⁷but let your word be, Yes, Yes, No, No, and that which is more than these is of the evil.

³⁸Efa renareo fa voalaza hoe: Maso solon'ny maso, ary nify solon'ny nify (Eks. 21. 24).

³⁸`Ye heard that it was said: Eye for eye, and tooth for tooth;

³⁹Fa Izaho kosa milaza aminareo hoe: Aza manohitra izay manisy ratsy anareo; fa na zovy na zovy no mamely tahamaina ny takolakao ankavanana, atolory azy koa ny anankiray.

³⁹but I — I say to you, not to resist the evil, but whoever shall slap thee on thy right cheek, turn to him also the other;

⁴⁰Ary izay te hiady aminao ka tahaka ny akanjonao, dia avelao ho azy koa ny lambanao.

⁴⁰and whoever is willing to take thee to law, and thy coat to take — suffer to him also the cloak.

⁴¹Ary na zovy na zovy no hanery anao handeha maily iray, mandehana miaraka aminy maily roa.[Na: kilometatra]

⁴¹`And whoever shall impress thee one mile, go with him two,

⁴²Omeo izay mangataka aminao; ary aza ilaoza-mihodina izay te hisambotra aminao.

⁴²to him who is asking of thee be giving, and him who is willing to borrow from thee thou mayest not turn away.

⁴³Efa renareo fa voalaza hoe: Tiava ny namanao (Lev. 19. 18), ary mankahalà ny fahavalonao.

⁴³`Ye heard that it was said: Thou shalt love thy neighbor, and shalt hate thine enemy;

⁴⁴Fa Izaho kosa milaza aminareo hoe: Tiava ny fahavalonareo, ary mivavaha ho an'izay manenjika anareo,

⁴⁴but I — I say to you, Love your enemies, bless those cursing you, do good to those hating you, and pray for those accusing you falsely, and persecuting you,

⁴⁵mba ho tonga zanaky ny Rainareo Izay any an-danitra ianareo; fa Izy mampiposaka ny masoandrony amin'ny ratsy fanahy sy ny tsara fanahy ary mampilatsaka ny ranonorana amin'ny marina sy ny tsy marina.

⁴⁵that ye may be sons of your Father in the heavens, because His sun He doth cause to rise on evil and good, and He doth send rain on righteous and unrighteous.

⁴⁶Fa raha izay tia anareo ihany no tianareo, inona no valim-pitia azonareo? Moa na dia ny mpamory hetra aza tsy mba manao izany koa va?

⁴⁶`For, if ye may love those loving you, what reward have ye? do not also the tax-gatherers the same?

⁴⁷Ary raha ny rahalahinareo ihany no arahabainareo, inona no ataonareo mihoatra noho ny sasany? Moa na dia ny jentilisa aza tsy mba manao toy izany ihany va?Koa amin izany aoka ho tanteraka ianareo toy ny fahatanterahan'ny Rainareo Izay any an-danitra.

⁴⁷and if ye may salute your brethren only, what do ye abundant? do not also the tax-gatherers so?

⁴⁸Koa amin izany aoka ho tanteraka ianareo toy ny fahatanterahan'ny Rainareo Izay any an-danitra.

⁴⁸ye shall therefore be perfect, as your Father who [is] in the heavens is perfect.