¹¶ Katahi a Eripata Temani ka oho, ka mea,

¹Then Eliphaz the Temanite answered and said,

²Ki te anga matou ki te korero ki a koe, e pouri ranei koe? otira e taea e wai te pehi te kupu?

²If we assay to commune with thee, wilt thou be grieved? but who can withhold himself from speaking?

³Nana, he tokomaha i whakaakona e koe: nau hoki i whakakaha nga ringa kahakore.

³Behold, thou hast instructed many, and thou hast strengthened the weak hands.

⁴Ara ana i au kupu te tangata e hinga ana; nau hoki i kaha ai nga turi kua piko.

⁴Thy words have upholden him that was falling, and thou hast strengthened the feeble knees.

⁵Inaianei kua tae mai ki a koe, a e hemo ana koe: e pa ana ki a koe, ohorere ana koe.

⁵But now it is come upon thee, and thou faintest; it toucheth thee, and thou art troubled.

⁶He taka ianei kei tou wehi ki te Atua he okiokinga whakaaro mou? Kei te tapatahi o ou huarahi he tumanakohanga mou?

⁶Is not this thy fear, thy confidence, thy hope, and the uprightness of thy ways?

⁷¶ Maharatia ra, ko wai o nga tangata harakore i huna? I ngaro ranei ki hea te hunga tika?

⁷Remember, I pray thee, who ever perished, being innocent? or where were the righteous cut off?

⁸Ko taku hoki tenei i kite ai, ko te hunga e parau ana i te he, e rua ana i te raruraru, ko ia ra ano ta ratou e kokoti ai.

⁸Even as I have seen, they that plow iniquity, and sow wickedness, reap the same.

⁹Huna ana ratou e te ha o te Atua, moti iho ratou i te hau o tona riri.

⁹By the blast of God they perish, and by the breath of his nostrils are they consumed.

¹⁰Ko te hamama o te raiona, ko te reo o te raiona tutu, ko nga niho o nga kuao raiona, whati ana.

¹⁰The roaring of the lion, and the voice of the fierce lion, and the teeth of the young lions, are broken.

¹¹Ngaro ana te raiona katua i te kore kai, a marara noa atu nga kuao a te raiona.

¹¹The old lion perisheth for lack of prey, and the stout lion's whelps are scattered abroad.

¹²¶ Na i kawea pukutia mai he korero ki ahau, a kapohia ana e toku taringa he komuhumuhu.

¹²Now a thing was secretly brought to me, and mine ear received a little thereof.

¹³I nga whakaaroaronga, no nga kite o te po, i te mea ka au iho te moe a te tangata,

¹³In thoughts from the visions of the night, when deep sleep falleth on men,

¹⁴Ka pa te wehi ki ahau, me te ihiihi, a wiri ana oku wheua katoa.

¹⁴Fear came upon me, and trembling, which made all my bones to shake.

¹⁵Na ka tika atu he wairua i toku aroaro, tutu ana nga huruhuru o toku kikokiko.

¹⁵Then a spirit passed before my face; the hair of my flesh stood up:

¹⁶Tu ana ia, otiia kihai ahau i mohio ki tona mata; he ahua te mea i toku aroaro: tu puku ana; na ka rongo ahau i te reo e ki ana,

¹⁶It stood still, but I could not discern the form thereof: an image was before mine eyes, there was silence, and I heard a voice, saying,

¹⁷He nui atu ranei te tika o te tangata i to te Atua? He nui atu ranei i to tona Kaihanga to ma o te tangata?

¹⁷Shall mortal man be more just than God? shall a man be more pure than his maker?

¹⁸Nana, kahore rawa ia e whakawhirinaki ki ana pononga; a ki tana, he he kei ana anahera.

¹⁸Behold, he put no trust in his servants; and his angels he charged with folly:

¹⁹Tera atu to te hunga e noho ana i roto i nga whare uku, he puehu to ratou turanga; mongamonga kau ratou i te aroaro o te purehurehu.

¹⁹How much less in them that dwell in houses of clay, whose foundation is in the dust, which are crushed before the moth?

²⁰I waenganui o te ata, o te ahiahi, ka whakangaromia ratou; huna ana ratou ake tonu atu, te ai tetahi hei whakaaro atu.

²⁰They are destroyed from morning to evening: they perish for ever without any regarding it.

²¹Kahore ranei to ratou taura here teneti i motuhia i roto i a ratou? Mate ana ratou, kahore hoki he matauranga.

²¹Doth not their excellency which is in them go away? they die, even without wisdom.