¹¶ Whakapaingia a Ihowa, e toku wairua. E Ihowa, e toku Atua, he nui rawa koe; he honore, he kororia ou kakahu.

¹Bless the LORD, O my soul. O LORD my God, thou art very great; thou art clothed with honour and majesty.

²E roropi nei i te marama ki a koe ano he kakahu, e hora nei i nga rangi ano he kakahu tauarai.

²Who coverest thyself with light as with a garment: who stretchest out the heavens like a curtain:

³E whakanoho nei i nga kurupae o ona ruma ki nga wai: e mea nei i nga kapua hei hariata mona: e haere nei i runga i nga pakau o te hau.

³Who layeth the beams of his chambers in the waters: who maketh the clouds his chariot: who walketh upon the wings of the wind:

⁴E mea nei i nga hau hei karere mana, i te mura ahi hei kaimahi mana.

⁴Who maketh his angels spirits; his ministers a flaming fire:

⁵Nana nei i whakatu te whenua ki runga ki ona turanga, kei nekenekehia ake ake.

⁵Who laid the foundations of the earth, that it should not be removed for ever.

⁶Nau ano i hipoki ki te rire hei kakahu: tu ana nga wai i runga i nga maunga.

⁶Thou coveredst it with the deep as with a garment: the waters stood above the mountains.

⁷Rere ana ratou i tau riri: tahuti tonu atu i te reo o tau whatitiri;

⁷At thy rebuke they fled; at the voice of thy thunder they hasted away.

⁸Puke ake ana ra nga maunga, heke iho ana ma nga whawharua ki te wahi i whakaritea e koe mo ratou.

⁸They go up by the mountains; they go down by the valleys unto the place which thou hast founded for them.

⁹Kua whakatakotoria e koe he rohe kei koni mai ratou, kei hoki mai hei taupoki mo te whenua.

⁹Thou hast set a bound that they may not pass over; that they turn not again to cover the earth.

¹⁰¶ Nana i tono nga puna ki roto ki nga awaawa, e rere nei i waenga o nga puke.

¹⁰He sendeth the springs into the valleys, which run among the hills.

¹¹Hei wai mo nga kirehe katoa o te parae: na noa te matewai o nga kaihe mohoao.

¹¹They give drink to every beast of the field: the wild asses quench their thirst.

¹²Kei reira nga nohoanga o nga manu o te rangi, e korihi nei i roto i nga manga.

¹²By them shall the fowls of the heaven have their habitation, which sing among the branches.

¹³He mea whakamakuku nana nga puke i ona ruma: ka makona te whenua i nga hua o au mahi.

¹³He watereth the hills from his chambers: the earth is satisfied with the fruit of thy works.

¹⁴Ko ia hei whakatupu i te tarutaru ma te kararehe, i te otaota hei mea ma te tangata; kia whakaputaina ake ai he taro i te whenua;

¹⁴He causeth the grass to grow for the cattle, and herb for the service of man: that he may bring forth food out of the earth;

¹⁵He waina hei whakahari i te ngakau o te tangata, he hinu e piata ai tona mata, me te taro hei whakakaha i te ngakau o te tangata.

¹⁵And wine that maketh glad the heart of man, and oil to make his face to shine, and bread which strengtheneth man's heart.

¹⁶Ki tonu i te wai nga rakau a Ihowa, nga hita o Repanona i whakatokia e ia.

¹⁶The trees of the LORD are full of sap; the cedars of Lebanon, which he hath planted;

¹⁷Hanga ake e nga manu he ohanga ki reira: te taaka, ko nga kauri tona whare.

¹⁷Where the birds make their nests: as for the stork, the fir trees are her house.

¹⁸Hei piringa nga puke tiketike mo nga koati mohoao: nga kohatu mo nga rapeti.

¹⁸The high hills are a refuge for the wild goats; and the rocks for the conies.

¹⁹¶ I hanga e ia te marama hei tohu taima: e matau ana te ra ki tona torengitanga.

¹⁹He appointed the moon for seasons: the sun knoweth his going down.

²⁰Ko koe hei whakapouri, a kua po: na ngoki mai ana nga kirehe katoa o te ngahere.

²⁰Thou makest darkness, and it is night: wherein all the beasts of the forest do creep forth.

²¹Ko nga kuao raiona ngengere ana ratou, he mea kai, he rapu kai ma ratou i te Atua.

²¹The young lions roar after their prey, and seek their meat from God.

²²Ko te putanga mai o te ra ka poto atu ratou, takoto ana i o ratou kuhunga.

²²The sun ariseth, they gather themselves together, and lay them down in their dens.

²³Ko te tangata ka haere ki ana hanga, ki tana mahi, a ahiahi noa.

²³Man goeth forth unto his work and to his labour until the evening.

²⁴Ano te tini o au mahi, e Ihowa! he mohio rawa tau mahi i aua mea katoa; ki tonu te whenua i au taonga.

²⁴O LORD, how manifold are thy works! in wisdom hast thou made them all: the earth is full of thy riches.

²⁵Kei ko ra ko te moana, tona nui tuauriuri: kei reira nga mea ngokingoki e kore e taea te tatau, nga kirehe hoki, ana nonohi, ana nunui.

²⁵So is this great and wide sea, wherein are things creeping innumerable, both small and great beasts.

²⁶Kei reira nga kaipuke e teretere ana: kei reira taua rewiatana i hanga e koe hei takaro ki reira.

²⁶There go the ships: there is that leviathan, whom thou hast made to play therein.

²⁷E tatari katoa ana enei ki a koe, kia hoatu e koe te kai ma ratou i te wa e tika ai.

²⁷These wait all upon thee; that thou mayest give them their meat in due season.

²⁸Ko tau e hoatu ai ma ratou, kohikohia ana e ratou: te wherahanga o tou ringa, makona tonu ratou i te pai.

²⁸That thou givest them they gather: thou openest thine hand, they are filled with good.

²⁹Ko te hunanga o tou mata, pororaru ana ratou: ka kapohia e koe to ratou manawa, ka marere ratou, a ka hoki ano ki to ratou puehu.

²⁹Thou hidest thy face, they are troubled: thou takest away their breath, they die, and return to their dust.

³⁰Ko tau tononga mai i tou wairua, kua hanga ratou; a whakahoutia ana e koe te mata o te whenua.

³⁰Thou sendest forth thy spirit, they are created: and thou renewest the face of the earth.

³¹¶ Kia whai kororia a Ihowa ake ake, kia hari a Ihowa ki ana mahi:

³¹The glory of the LORD shall endure for ever: the LORD shall rejoice in his works.

³²Tana tirohanga iho ki te whenua, ru ana: kua pa ki nga puke, na pongere ana.

³²He looketh on the earth, and it trembleth: he toucheth the hills, and they smoke.

³³Ka waiata ahau ki a Ihowa i ahau e ora ana: ka himene ki toku Atua i ahau ano i te ao nei.

³³I will sing unto the LORD as long as I live: I will sing praise to my God while I have my being.

³⁴Kia reka toku whakaaronga ki a ia, ka hari ahau ki a Ihowa.

³⁴My meditation of him shall be sweet: I will be glad in the LORD.

³⁵Kia moti nga tangata hara i runga i te whenua, ko te hunga kino kia poto katoa atu. Whakapaingia a Ihowa, e toku wairua. Whakamoemititia a Ihowa.

³⁵Let the sinners be consumed out of the earth, and let the wicked be no more. Bless thou the LORD, O my soul. Praise ye the LORD.