¹¶ Ko nga whakatauki a Horomona tama a Rawiri, kingi o Iharaira;

¹Proverbs of Solomon, son of David, king of Israel:

²E mohiotia ai te whakaaro nui, te ako; e kitea ai nga kupu o te matauranga;

²to know wisdom and instruction; to discern the words of understanding;

³E riro mai ai te ako a te ngakau mahara, te tika, te whakawa, te mea ano e rite ana;

³to receive the instruction of wisdom, righteousness and judgment, and equity;

⁴Hei hoatu i te ngakau tupato ki nga kuware, i te matauranga, i te ngarahu pai ki te taitamariki;

⁴to give prudence to the simple, to the young man knowledge and discretion.

⁵Kia whakarongo ai te tangata whakaaro nui, kia nui ake ai tona mohio; kia whiwhi ai te tangata tupato ki nga whakaaro mohio:

⁵He that is wise will hear, and will increase learning; and the intelligent will gain wise counsels:

⁶E mohio ai ia ki te whakatauki, ki te kupu whakarite, ki nga kupu a nga whakaaro nui, ki a ratou korero whakapeka.

⁶to understand a proverb and an allegory, the words of the wise and their enigmas.

⁷¶ Ko te wehi ki a Ihowa te timatanga o te matauranga; e whakahawea ana te whakaarokore ki te whakaaro nui, ki te ako.

⁷The fear of Jehovah is the beginning of knowledge: fools despise wisdom and instruction.

⁸Whakarongo, e taku tama, ki te ako a tou papa, kaua hoki e whakarerea te ture a tou whaea;

⁸Hear, my son, the instruction of thy father, and forsake not the teaching of thy mother;

⁹Ka waiho hoki ena hei pare ataahua mo tou matenga, hei mekameka whakapaipai mo tou kaki.

⁹for they shall be a garland of grace unto thy head, and chains about thy neck.

¹⁰¶ E taku tama, ki te whakawaia koe e te hunga hara, kaua e whakaae.

¹⁰My son, if sinners entice thee, consent not.

¹¹Ki te mea ratou, Tatou ka haere, ka whakapapa atu, ka whakaheke toto; kia whanga puku tatou, he mea takekore, mo te tangata harakore:

¹¹If they say, Come with us, let us lay wait for blood, let us lurk secretly for the innocent without cause;

¹²Horomia oratia ratou e tatou, peratia me ta te rua tupapaku; ka riro tinana ratou, ka pera me te hunga e heke atu ana ki te poka:

¹²let us swallow them up alive as Sheol, and whole, as those that go down into the pit;

¹³Ka kitea e tatou nga taonga utu nui katoa, ka whakakiia o tatou whare ki ta tatou e pahua ai:

¹³we shall find all precious substance, we shall fill our houses with spoil:

¹⁴Maka mai tou wahi ki roto ki to matou; kia kotahi te putea ma tatou katoa.

¹⁴cast in thy lot among us; we will all have one purse:

¹⁵E taku tama, kaua e haere tahi i te ara me ratou; kaiponuhia tou waewae i to ratou huarahi;

¹⁵-- my son, walk not in the way with them, keep back thy foot from their path;

¹⁶E rere ana hoki o ratou waewae ki te kino, e hohoro ana ratou ki te whakaheke toto.

¹⁶for their feet run to evil, and they make haste to shed blood.

¹⁷He maumau hoki te hora o te kupenga ki te tirohanga a tetahi manu.

¹⁷For in vain the net is spread in the sight of anything which hath wings.

¹⁸Ko ratou, he whakaheke i o ratou toto ano i whakapapa ai ratou; he whakamate i a ratou ano i piri ai ratou.

¹⁸And these lay wait for their own blood; they lurk secretly for their own lives.

¹⁹Ka pena nga huarahi o te hunga apo taonga; ko te ora ano o ona rangatira e tangohia.

¹⁹So are the paths of every one that is greedy of gain: it taketh away the life of its possessors.

²⁰¶ E hamama ana te whakaaro nui i te huarahi; e puaki ana tona reo i nga waharoa;

²⁰Wisdom crieth without; she raiseth her voice in the broadways;

²¹E karanga ana ia i te tino wahi whakaminenga; i te wahi tuwhera o nga kuwaha, i roto i te pa, e puaki ana ana kupu;

²¹she calleth in the chief [place] of concourse, in the entry of the gates; in the city she uttereth her words:

²²E te hunga kuware, kia pehea ake te roa o to koutou aroha ki te kuwaretanga? O te hiahia ranei o te hunga whakahi ki to ratou whakahi? O te whakakino ranei a te hunga wairangi ki te matauranga?

²²How long, simple ones, will ye love simpleness, and scorners take pleasure in their scorning, and the foolish hate knowledge?

²³Tahuri mai ki taku ako: na ka ringihia e ahau toku wairua ki a koutou, ka whakaaturia aku kupu ki a koutou.

²³Turn you at my reproof: behold, I will pour forth my spirit unto you, I will make known to you my words.

²⁴I karanga atu hoki ahau, heoi kihai koutou i pai mai; i totoro atu toku ringa, a kihai tetahi i whai whakaaro mai;

²⁴Because I have called, and ye refused; I have stretched out my hand, and no one regarded;

²⁵Heoi whakakahoretia iho e koutou toku whakaaro katoa, kihai hoki i aro ki taku ako:

²⁵and ye have rejected all my counsel, and would none of my reproof:

²⁶Mo reira ka kata ahau i te ra o to koutou aitua; ka tawai ina pa te pawera ki a koutou.

²⁶I also will laugh in your calamity, I will mock when your fear cometh;

²⁷Ina tae mai to koutou pawera ano he tupuhi, a ka pa mai to koutou aitua ano he paroro; ina tae mai te pouri me te ngakau mamae ki a koutou.

²⁷when your fear cometh as sudden destruction, and your calamity cometh as a whirlwind; when distress and anguish come upon you:

²⁸Ko reira ratou karanga ai ki ahau, a e kore ahau e whakahoki kupu atu; ka rapu nui ratou i ahau, otiia e kore ahau e kitea e ratou:

²⁸-- then will they call upon me, but I will not answer; they will seek me early, and shall not find me.

²⁹Mo ratou i kino ki te matauranga; kihai hoki i whiriwhiria e ratou te wehi ki a Ihowa;

²⁹Because they hated knowledge, and did not choose the fear of Jehovah;

³⁰Kihai i aro mai ki oku whakaaro; whakahawea ana ratou ki taku kupu riri katoa.

³⁰they would none of my counsel, they despised all my reproof:

³¹Na reira ka kai ratou i nga hua o to ratou nei ara, ka whakakiia ano hoki ki nga mea i titoa e ratou.

³¹therefore shall they eat of the fruit of their way, and be filled with their own devices.

³²Ko te tahuritanga atu hoki o nga kuware hei patu i a ratou; ko te ngakau warea ano hoki o nga wairangi hei huna i a ratou.

³²For the turning away of the simple shall slay them, and the prosperity of the foolish shall cause them to perish.

³³Ko te tangata ia e rongo ana ki ahau, ka au tona noho, ka tea hoki i te wehi ki te kino.

³³But whoso hearkeneth unto me shall dwell safely, and shall be at rest from fear of evil.