¹¶ Whakamoemititia a Ihowa. Whakamoemititia a Ihowa i runga i nga rangi: whakamoemititia ia i nga wahi tiketike.

¹Hallelujah! Praise Jehovah from the heavens; praise him in the heights.

²Whakamoemititia ia, e ana anahera katoa: whakamoemititia ia, e ana mano whaioio.

²Praise ye him, all his angels; praise ye him, all his hosts.

³Whakamoemititia ia, e te ra, e te marama: whakamoemititia ia, e nga whetu whakamarama katoa.

³Praise him, sun and moon; praise him, all ye stars of light.

⁴Whakamoemititia ia, e nga rangi o nga rangi, e nga wai hoki o runga atu i nga rangi.

⁴Praise him, ye heavens of heavens, and ye waters that are above the heavens.

⁵Kia whakamoemititia e ratou te ingoa o Ihowa: nana hoki i whakahau, a kua hanga ratou.

⁵Let them praise the name of Jehovah, for he it is that commanded, and they were created:

⁶Nana hoki aua mea i whakapumau ake ake: i whakatakotoria e ia he tikanga e kore e taka.

⁶And he established them for ever and ever; he made [for them] a statute which shall not pass.

⁷¶ Whakamoemititia a Ihowa, i runga i te whenua, e nga tarakona, e nga rire katoa;

⁷Praise Jehovah from the earth, ye sea-monsters, and all deeps;

⁸E te kapura, e te whatu; e te hukarere, e te kohu; e te tupuhi, e mahi nei i tana kupu;

⁸Fire and hail, snow and vapour, stormy wind fulfilling his word;

⁹E nga maunga, e nga puke katoa; e nga rakau hua, e nga hita katoa;

⁹Mountains and all hills, fruit-trees and all cedars;

¹⁰E nga kirehe, e nga kararehe katoa; e nga mea ngokingoki, e nga manu whai pakau:

¹⁰Beasts and all cattle, creeping things and winged fowl;

¹¹E nga kingi o te whenua, e nga iwi katoa; e nga rangatira, e nga kaiwhakawa katoa o te whenua:

¹¹Kings of the earth and all peoples, princes and all judges of the earth;

¹²E nga taitama, e nga taitamahine; e nga koroheke ratou ko nga tamariki:

¹²Both young men and maidens, old men with youths, --

¹³Kia whakamoemititia e ratou te ingoa o Ihowa: nona anake hoki te ingoa e nui ana; kei runga ake i te whenua, i te rangi, tona kororia.

¹³Let them praise the name of Jehovah: for his name alone is exalted; his majesty is above the earth and the heavens.

¹⁴Ko ia hoki te kaiwhakaara o te haona o tana iwi; e whakamoemititia ana e ana tangata tapu katoa; e nga tama a Iharaira, e te iwi e tata ana ki a ia. Whakamoemititia a Ihowa.

¹⁴And he hath lifted up the horn of his people, the praise of all his saints, [even] of the children of Israel, a people near unto him. Hallelujah!