¹¶ Ki te tino kaiwhakatangi. He Himene na Rawiri. E Ihowa, kua tirotirohia ahau e koe, kua mohiotia ano e koe.

¹למנצח לדוד מזמור יהוה חקרתני ותדע׃

²E matau ana koe ki toku nohoanga iho, ki toku whakatikanga ake; e mohio ana koe ki oku whakaaro i tawhiti.

²אתה ידעת שבתי וקומי בנתה לרעי מרחוק׃

³E kitea putia ana e koe toku ara me toku takotoranga iho; e matatau ana hoki koe ki oku ara katoa.

³ארחי ורבעי זרית וכל דרכי הסכנתה׃

⁴Kahore rawa hoki he kupu i toku arero, i toe i a koe te mohio, e Ihowa.

⁴כי אין מלה בלשוני הן יהוה ידעת כלה׃

⁵Kua hanga a muri, a mua, oku e koe: kua pa ano tou ringa ki ahau.

⁵אחור וקדם צרתני ותשת עלי כפכה׃

⁶He mea whakamiharo rawa, kei tawhiti atu hoki i ahau, tenei matauranga: kei runga noa atu, e kore e taea e ahau.

⁶פלאיה דעת ממני נשגבה לא אוכל לה׃

⁷¶ Me haere ahau ki hea i tou wairua? Me oma ranei ahau ki hea i tou aroaro?

⁷אנה אלך מרוחך ואנה מפניך אברח׃

⁸Ki te kake ahau ki te rangi, kei reira koe: ki te wharikitia e ahau toku moenga i roto i te reinga, kei reira ano koe.

⁸אם אסק שמים שם אתה ואציעה שאול הנך׃

⁹Ki te tango ahau ki nga pakau o te ata, a ka noho ki nga topito o te moana;

⁹אשא כנפי שחר אשכנה באחרית ים׃

¹⁰Kei reira ano tou ringa hei arahi i ahau, tou matau hei pupuru i ahau.

¹⁰גם שם ידך תנחני ותאחזני ימינך׃

¹¹Ki te mea ahau, He pono, tera ahau e hipokina e te pouri, a ko te marama i tetahi taha oku, i tetahi taha, ka meinga he po;

¹¹ואמר אך חשך ישופני ולילה אור בעדני׃

¹²Ahakoa te pouri kahore e huna mai i a koe, engari ka marama te po ano ko te ao: ki a koe rite tahi te pouri me te marama.

¹²גם חשך לא יחשיך ממך ולילה כיום יאיר כחשיכה כאורה׃

¹³I a koe hoki oku whatumanawa: nau hoki ahau i hipoki i roto i te kopu o toku whaea.

¹³כי אתה קנית כליתי תסכני בבטן אמי׃

¹⁴Ka whakawhetai ahau ki a koe; he mea whakawehi, he mea whakamiharo toku hanganga; he mahi whakamiharo au mahi, mohio rawa ano toku wairua ki tena.

¹⁴אודך על כי נוראות נפליתי נפלאים מעשיך ונפשי ידעת מאד׃

¹⁵Kihai i huna oku wahi i a koe, i ahau e hanga ngarotia ana, e ata whakairohia ana i nga wahi hohonu rawa o te whenua.

¹⁵לא נכחד עצמי ממך אשר עשיתי בסתר רקמתי בתחתיות ארץ׃

¹⁶I kite ou kanohi i ahau, kahore ano kia ahua noa: i tuhituhia katoatia ano hoki oku wahi ki tau pukapuka, i nga rangi i whakaahua ai, i te mea kahore ano tetahi i oti noa.

¹⁶גלמי ראו עיניך ועל ספרך כלם יכתבו ימים יצרו ולא אחד בהם׃

¹⁷¶ Kia pehea mai hoki te matenui o ou whakaaro ki ahau, e te Atua; koia ano te ranea, ina huihuia!

¹⁷ולי מה יקרו רעיך אל מה עצמו ראשיהם׃

¹⁸Ki te taua e ahau, maha atu i te onepu: ka oho ake ahau, kei a koe tonu ahau.

¹⁸אספרם מחול ירבון הקיצתי ועודי עמך׃

¹⁹He pono ka patua e koe, e te Atua, te tangata kino: mawehe koia atu i ahau, e nga tangata toto.

¹⁹אם תקטל אלוה רשע ואנשי דמים סורו מני׃

²⁰He kino hoki a ratou kupu mou: e whakahua noa ana ou hoariri i tou ingoa.

²⁰אשר יאמרך למזמה נשא לשוא עריך׃

²¹Kahore ianei ahau, e Ihowa, e kino ki te hunga e kino ana ki a koe? e whakarihariha hoki ki te hunga e whakatika ana ki a koe?

²¹הלוא משנאיך יהוה אשנא ובתקוממיך אתקוטט׃

²²He tino kino taku kino ki a ratou: waiho iho ratou e ahau hei hoariri moku.

²²תכלית שנאה שנאתים לאויבים היו לי׃

²³Tirohia iho ahau, e te Atua, kia matau hoki koe ki toku ngakau: whakamatautauria ahau, kia matau hoki koe ki oku whakaaro:

²³חקרני אל ודע לבבי בחנני ודע שרעפי׃

²⁴Kia kite mehemea kei ahau tetahi ara o te kino, ka arahi ai i ahau i te ara pumau.

²⁴וראה אם דרך עצב בי ונחני בדרך עולם׃