¹Ka tapa, na inveng adia moh khu dia na din leh, mikhual adinga na khut na kichiam leh,

¹My son, if you have become collateral for your neighbor, if you have struck your hands in pledge for a stranger;

²Na kama thute a awk na hiha, na kama thute a mat na hih leh,

²You are trapped by the words of your mouth. You are ensnared with the words of your mouth.

³Tuin hiai hihin, ka tapa, nang leh nang kihonkhiain, na inveng khut sungah na hongom chih theiin; kuanin, nang leh nang kiniamkhiak inla, na inveng vangen ngutngut in.

³Do this now, my son, and deliver yourself, since you have come into the hand of your neighbor. Go, humble yourself. Press your plea with your neighbor.

⁴Na mitte ihmu sak kenla, na mitvunte leng lusu sak sam ken.

⁴Give no sleep to your eyes, nor slumber to your eyelids.

⁵Gamvakpa khuta sakhipi bangin kihonkhia in, thangkampa khuta vasa bangin.

⁵Free yourself, like a gazelle from the hand of the hunter, like a bird from the snare of the fowler.

⁶Miksi kiangah hoh in, nang thadah; a lampite ngaihtuah inla, pil in:

⁶Go to the ant, you sluggard. Consider her ways, and be wise;

⁷Hausa, heutu, hiam vaihawmmi, neilouin,

⁸Nipi chiangin a an a sutuaha, pawltak chiangin a an a kaikhawm hi.

⁸provides her bread in the summer, and gathers her food in the harvest.

⁹Bang tan ihmu ding na hia, aw thadah? Na ihmutna akipan chikchianga thou ding na hia?

⁹How long will you sleep, sluggard? When will you arise out of your sleep?

¹⁰Neukha ihmut lai, neukha lusuk, ihmu dinga neukha khutte khep:

¹⁰A little sleep, a little slumber, a little folding of the hands to sleep:

¹¹Huchiin na gentheihna guta bangin a hongpai dia, huan na taksapna mi kigalvan bangin.

¹¹so your poverty will come as a robber, and your scarcity as an armed man.

¹²Mi phatuam lou, mi gilou; kam kiuangsak toh a vaka;

¹²A worthless person, a man of iniquity, is he who walks with a perverse mouth;

¹³A mittein chiamtehna a bawla, a khetein thu a gena, a khutzung tein chiamtehna a bawl;

¹³who winks with his eyes, who signals with his feet, who motions with his fingers;

¹⁴A lungtang sungah hoihlouhna a oma, gilou a gel gige; kilemlouhna a tuh naknak.

¹⁴in whose heart is perverseness, who devises evil continually, who always sows discord.

¹⁵Huaijiakin a tuahsiatna thakhatin a hongtung dia; thakhata kek gawp in a om dia, a hihdamna beiin.

¹⁵Therefore his calamity will come suddenly. He will be broken suddenly, and that without remedy.

¹⁶Toupan a muhdah thil guk a oma; ahi, amah adia kihhuai sagih a om hi:

¹⁶There are six things which Yahweh hates; yes, seven which are an abomination to him:

¹⁷Mit kiuangsakte, lei juauthei, mi hoih sisan suah khutte;

¹⁷haughty eyes, a lying tongue, hands that shed innocent blood;

¹⁸Ngaihtuahna gilou ngaihtuah lungtang, siatna hih dinga kin tai khete;

¹⁸a heart that devises wicked schemes, feet that are swift in running to mischief,

¹⁹Juau thugen palai taklou, leh unaute laka kilemlouhna tuh.

¹⁹a false witness who utters lies, and he who sows discord among brothers.

²⁰Ka tapa, na pa thupiak juiin, huan na nu dan mangngilh ken:

²⁰My son, keep your father’s commandment, and don’t forsake your mother’s teaching.

²¹Na lungtang tungah vial gige inla, na ngawng kimah khihin.

²¹Bind them continually on your heart. Tie them around your neck.

²²Na vak chiangin, nang a honpi ding: na ihmut chiangin, nang a honveng ding hi; huan na khanloh chiangin, nang a honhoupih ding.

²²When you walk, it will lead you. When you sleep, it will watch over you. When you awake, it will talk with you.

²³Thupiak lah khawnvak ahi ngala: huan dan vakna ahi; huchiin hilhna taihilhna hinna lampi ahi:

²³For the commandment is a lamp, and the law is light. Reproofs of instruction are the way of life,

²⁴Numei gilou akipan nang honkem ding, mikhual lei maitangphatna akipanin.

²⁴to keep you from the immoral woman, from the flattery of the wayward wife’s tongue.

²⁵Na lungtangin a kilawmna lunggulh ken; a mitvuntein nang honman kei hen.

²⁵Don’t lust after her beauty in your heart, neither let her captivate you with her eyelids.

²⁶Numaei kijuaknu jiakin pasal tanghou thema matin a om hi: huchiin angkawmnun hinna manpha a zong sek hi.

²⁶For a prostitute reduces you to a piece of bread. The adulteress hunts for your precious life.

²⁷Min a ang sungah mei a la thei diam, a puante a kang kei diam?

²⁷Can a man scoop fire into his lap, and his clothes not be burned?

²⁸Ahihkeileh mi suangkuangthei sa tungah a vak thei diam, a khete a kang kei diam?

²⁸Or can one walk on hot coals, and his feet not be scorched?

²⁹Huchibangin kuapeuh a inveng ji huan; kuapeuh amah khoih gawtlouh a om kei ding.

²⁹So is he who goes in to his neighbor’s wife. Whoever touches her will not be unpunished.

³⁰Miten guta a musit kei ua, a gil kiallaia a kha lungtaisak dinga a guk leh:

³⁰Men don’t despise a thief, if he steals to satisfy himself when he is hungry:

³¹Himahleh muha a om leh, azah sagihin a din ding; a ina vantengteng a pe ding hi.

³¹but if he is found, he shall restore seven times. He shall give all the wealth of his house.

³²Kuapeuh angkawm theisiamna bei ahi: amah kha hihse dinga a hih ahi.

³²He who commits adultery with a woman is void of understanding. He who does it destroys his own soul.

³³Liamnate leh zumhuaite a mu ding; huan a zahpihhuaina nulmang ahi kei ding.

³³He will get wounds and dishonor. His reproach will not be wiped away.

³⁴Mullitna lah mi thangpaihna ahi ngala; huchiin phulak ni chiangin a hawi kei ding hi.Tatna a limsak kei dinga; thilpiak tampi pe lechin leng, lungdamin a om kei ding hi.

³⁴For jealousy arouses the fury of the husband. He won’t spare in the day of vengeance.

³⁵Tatna a limsak kei dinga; thilpiak tampi pe lechin leng, lungdamin a om kei ding hi.

³⁵He won’t regard any ransom, neither will he rest content, though you give many gifts.