¹Akana sa o dies mai anglal O Dies O Baro le Zhidovongo, O Jesus zhanelas ke lesko chaso avilo te mukhel kadia lumia ai te zhal kai Dat. De zurales sas leske drago leske manush kai sas ande kadia lumia, ai sas leske drago leske manush zhando gor.

¹And before the feast of the passover, Jesus knowing that his hour hath come, that he may remove out of this world unto the Father, having loved his own who [are] in the world — to the end he loved them.

²O Jesus ai leske disipluria xanas, o beng vunzhe thodiasas ando ilo le Judasosko Iscariot, o shav le Simonosko, te purhil les

²And supper being come, the devil already having put [it] into the heart of Judas of Simon, Iscariot, that he may deliver him up,

³O Jesus zhanelas ke O Dat diasas swako diela ande leske vas, ke avilo katar O Del, ai zhalatar ka Del.

³Jesus knowing that all things the Father hath given to him — into [his] hands, and that from God he came forth, and unto God he goeth,

⁴Wushtilo katar e skafidi, ai shudia peske tsalia pa peste, ai lia iek pishtiri ai phandiolas pe lasa.

⁴doth rise from the supper, and doth lay down his garments, and having taken a towel, he girded himself;

⁵Pala kadia shordia pai ande iek balai, ai thodiape te xalavel le punrhe le disiplonge, ai te kosel le la pishtiriasa kai phandiolas pe lasa.

⁵afterward he putteth water into the basin, and began to wash the feet of his disciples, and to wipe with the towel with which he was being girded.

⁶Ai avilo ka Simon Petri, ai o Petri phendia leske, "Devla, tu xalaves murhe punrhe?"

⁶He cometh, therefore, unto Simon Peter, and that one saith to him, `Sir, thou — dost thou wash my feet?`

⁷O Jesus phendia leske, "So kerav chi haliares akana, numa haliaresa mai angle."

⁷Jesus answered and said to him, `That which I do thou hast not known now, but thou shalt know after these things;`

⁸O Petri phendia leske, "Na chi iek data chi xalavesa murhe punrhe!" O Jesus phendia leske, "Te na xalavav che punrhe tu chi mai avesa murho disiplo."

⁸Peter saith to him, `Thou mayest not wash my feet — to the age.` Jesus answered him, `If I may not wash thee, thou hast no part with me;`

⁹O Simon Petri phendia leske, "Devla, na ferdi murhe punrhe! Numa vi murhe vas ai vi murho shero!"

⁹Simon Peter saith to him, `Sir, not my feet only, but also the hands and the head.`

¹⁰O Jesus phendia leske, "Kodo kai si xalado mai trobul ferdi te xalavel peske punrhe, te avel antrego vuzho; ai tume vuzhe, numa na savorhe."

¹⁰Jesus saith to him, `He who hath been bathed hath no need save to wash his feet, but he is clean altogether; and ye are clean, but not all;`

¹¹Ke zhanelas savo si te purhila les, sa anda kodia phendia, "Chi san savorhe vuzhe."

¹¹for he knew him who is delivering him up; because of this he said, `Ye are not all clean.`

¹²Pala kadia kana xaladia lenge punrhe, ai lia pe peste peske tsalia thodiape kai skafidi, ai phendia lenge, "Haliardian so me kerdem tumenge?"

¹²When, therefore, he washed their feet, and took his garments, having reclined (at meat) again, he said to them, `Do ye know what I have done to you?

¹³"Tume akharen ma o Gazda ai Devla; ai vorta phenen; ke sim.

¹³ye call me, The Teacher and The Lord, and ye say well, for I am;

¹⁴Te xaladem tumare punrhe, tumaro Devla ai tumaro Gazda; vi tume trobul te xalaven tumare punrhe iek kavreske.

¹⁴if then I did wash your feet — the Lord and the Teacher — ye also ought to wash one another`s feet.

¹⁵Ke sikadem tumenge sar te keren, kaste te keren sar me kerdem tumenge.

¹⁵`For an example I gave to you, that, according as I did to you, ye also may do;

¹⁶Chachimasa, chachimasa, phenav tumenge, e sluga nai mai bari sar pesko Gazda; chi o manush kai si tradino nai mai baro katar kodo kai tradia les.

¹⁶verily, verily, I say to you, a servant is not greater than his lord, nor an apostle greater than he who sent him;

¹⁷Te zhanena kadala dieli, tume san raduime ferdi te thona tume te keren le!

¹⁷if these things ye have known, happy are ye, if ye may do them;

¹⁸"Chi phenav, ke dav duma pa savorhende; zhanav save alosardem; numa trobul o ramomos te kerdiol, so phenel, "Kodo kai xal manrho mansa vazdia peske kur pe mande.

¹⁸not concerning you all do I speak; I have known whom I chose for myself; but that the Writing may be fulfilled: He who is eating the bread with me, did lift up against me his heel.

¹⁹Akana phenav tumenge mai anglal sar te kerdiol, kashte kana kerdiola, tume sai pachan ke sim me wo.

¹⁹`From this time I tell you, before its coming to pass, that, when it may come to pass, ye may believe that I am [he];

²⁰Chachimasa, chachimasa, phenav tumenge, kodo kai premila kodoles kai me tradem, premil man; ai kodo kai premil man, premil kodoles kai tradia man."

²⁰verily, verily, I say to you, he who is receiving whomsoever I may send, doth receive me; and he who is receiving me, doth receive Him who sent me.`

²¹Kana O Jesus phendia kadia, sas buntuime ande pesko duxo, ai phendia, "Magdata, chachimasa, chachimasa phenav tumenge, 'Iek anda tumende purhila ma.'"

²¹These things having said, Jesus was troubled in the spirit, and did testify, and said, `Verily, verily, I say to you, that one of you will deliver me up;`

²²Le disipluria dikhenas pe iek kavreste, chi zhanenas pa kaste del duma.

²²the disciples were looking, therefore, one at another, doubting concerning whom he speaketh.

²³Iek anda leske disipluria, kodo kai O Jesus sas leske drago, beshelas pasha Jesus.

²³And there was one of his disciples reclining (at meat) in the bosom of Jesus, whom Jesus was loving;

²⁴O Simon Petri kerel leske semno, te phushel savo si kado kai O Jesus phenel pa leste.

²⁴Simon Peter, then, doth beckon to this one, to inquire who he may be concerning whom he speaketh,

²⁵Ai kodia disiplo bandilo po kolin le Jesusosko, ai phendia leske, "Gazda, kon si kodo?"

²⁵and that one having leant back on the breast of Jesus, respondeth to him, `Sir, who is it?`

²⁶O Jesus phendia leske, "Kodo si kai dava les o kotor manrho pala te thav les ando tiari." Antunchi thodia o manrho ando tiari, ai dia les ka Judas Iscariot, o shav le Simonosko.

²⁶Jesus answereth, `That one it is to whom I, having dipped the morsel, shall give it;` and having dipped the morsel, he giveth [it] to Judas of Simon, Iscariot.

²⁷Ai sar o kotor manrho sas dino o beng dia ande leste. O Jesus phendia leske, "So si tu te keres, keres les sigo."

²⁷And after the morsel, then the Adversary entered into that one, Jesus, therefore, saith to him, `What thou dost — do quickly;`

²⁸Numa chi iek anda kodola kai sas kai skafidi chi haliarde sostar phenelas leske kadia.

²⁸and none of those reclining at meat knew for what intent he said this to him,

²⁹Ke uni anda lende gindinas, ke o Judas sas leste gonorho le lovenge, ai O Jesus phendia leske, "Chin amenge so trobul ame kana avela O Dies O Baro le Zhidovongo; vai te del vari so le chorhenge.

²⁹for certain were thinking, since Judas had the bag, that Jesus saith to him, `Buy what we have need of for the feast;` or that he may give something to the poor;

³⁰O Judas lia o kotor manrho, ai grebisailo te anklel avri; ai vunzhe e riat sas.

³⁰having received, therefore, the morsel, that one immediately went forth, and it was night.

³¹Kana o Judas anklisto avri, O Jesus phendia, "Akana O Shav le Manushesko sas luvudime, ai O Del sas luvudime ande leste."

³¹When, therefore, he went forth, Jesus saith, `Now was the Son of Man glorified, and God was glorified in him;

³²Te sas O Del luvudime ande leste, O Del vi wo luvudila les ande peste, ai luvudila les mai sigo.

³²if God was glorified in him, God also will glorify him in Himself; yea, immediately He will glorify him.

³³Murhe tsinorhe shave, me sim tumensa pe xantsi vriama. Tume rodena ma; ai sar phendem le Zhidovonge, tume nashtin te aven kai me zhav.

³³`Little children, yet a little am I with you; ye will seek me, and, according as I said to the Jews — Whither I go away, ye are not able to come, to you also I do say [it] now.

³⁴Phenav tumenge magdata akana, dav tumen iek nevo zakono, aven drago iek kavreske; sar sanas mange drago, vi tume aven drago iek kavreske.

³⁴`A new commandment I give to you, that ye love one another; according as I did love you, that ye also love one another;

³⁵Pala kodo savorhe zhanena ke tume san murhe disipluria, te avena drago iek kavreske.

³⁵in this shall all know that ye are my disciples, if ye may have love one to another.`

³⁶O Simon Petri phendia leske, "Devla, kai zhas tu?" Jesus phendia leske, "Nashtis akana te aves pala mande kai zhav; numa avesa pala mande mai palal."

³⁶Simon Peter saith to him, `Sir, whither dost thou go away?` Jesus answered him, `Whither I go away, thou art not able now to follow me, but afterward thou shalt follow me.`

³⁷O Petri phendia leske, "Devla, Sostar nashtiv te zhav pala tute akana? Ke me dav murho traio pala tute."

³⁷Peter saith to him, `Sir, wherefore am I not able to follow thee now? my life for thee I will lay down;`

³⁸O Jesus phendia leske, "De sa cho traio pala mande: Chachimasa, chachimasa, phenav tuke, mai anglal sar te bashel o kurkorsho, tu phenesa trivar ke chi zhanes ma."

³⁸Jesus answered him, `Thy life for me thou wilt lay down! verily, verily, I say to thee, a cock will not crow till thou mayest deny me thrice.`