¹Zhanes tu mishto, ke mai anglal sar te avel O Kristo avela trutno vriama.

¹But know this, that in the last days, grievous times will come.

²Ke le manush rodena swako pengo mishtimos, avela lenge drago lenge, ai avela lenge drago le love, bariarenape, ai barimatange avena, ai dena duma nasul pa Del, ai chi mai pachana o mui penge niamongo, ai chi naisina anda kancheste, ai chi respektina le dieli kai si swunto,

²For men will be lovers of self, lovers of money, boastful, arrogant, blasphemers, disobedient to parents, unthankful, unholy,

³nas le drago iek kavreske, ai bi milako, ai xoxavena sagda, ai kerena chingara, ai chi avela lenge drago o lashimos,

³without natural affection, unforgiving, slanderers, without self-control, fierce, no lovers of good,

⁴ai avena defial nasul ai mangen te maren ai dukhaven kodola manushen kai si lashe, ai avena nasul penge vortachensa, ai xoliavona sigo, ai avena bare barimatange, ai avela lenge drago mai but e lumia ke sar O Del.

⁴traitors, headstrong, conceited, lovers of pleasure rather than lovers of God;

⁵Zhana ande khangeri numa chi pachanape so ashunena. Ashun, durion katar kasavendar manush.

⁵holding a form of godliness, but having denied its power. Turn away from these, also.

⁶Ai uni anda lende den andel khera, ai thon zor pel zhuvlia le kovlia le bezexalia kai si le andel ginduria dieli bi malade,

⁶For some of these are people who creep into houses, and take captive gullible women loaded down with sins, led away by various lusts,

⁷zhuvlia kai roden sagda te sichon, numa kai shoxar chi aresle te zhanen o chachimos.

⁷always learning, and never able to come to the knowledge of the truth.

⁸Sa sar o Jannes ai o Jambres kai chi lenaspe pala Moses. Sakadia kadala manush chi lenpe pala chachimos: won si manush kai lenge goji nai lashi, ai lengo pachamos chi mol kanchi.

⁸Even as Jannes and Jambres opposed Moses, so do these also oppose the truth; men corrupted in mind, who concerning the faith, are rejected.

⁹Numa chi zhana dur: ke sa e lumia dela po gor ke dzile le, sar kerdilia le Janneske ai le Jambreske.

⁹But they will proceed no further. For their folly will be evident to all men, as theirs also came to be.

¹⁰Numa tu lian tu pala murho sicharimos, ai sar traiivas, ai so sas murhe ginduria, murho pachamos,ai murhi rhavda, murhi dragostia, ai sar inkeravas le Devlesa, ai zhanes murhe vutuimata, ai murhe chinuria.

¹⁰But you did follow my teaching, conduct, purpose, faith, patience, love, steadfastness,

¹¹Tu zhanes so godi kerdilia pe mansa ando Antioch, ando Iconium, ai ando Listra; ai savendar vutuimata sas ma! Numa O Kristo skepisardia ma anda swako fielo.

¹¹persecutions, and sufferings: those things that happened to me at Antioch, Iconium, and Lystra. I endured those persecutions. Out of them all the Lord delivered me.

¹²Ke kon godi mangel te traiil iek traio vorta le Devlesa ando Jesus Kristo avena chinuime.

¹²Yes, and all who desire to live godly in Christ Jesus will suffer persecution.

¹³Numa le manush kai si nasul ai xoxamle zhana sagda mai dur ando nasulimos, ai rimona le kolavren, ai vi won rimonape.

¹³But evil men and impostors will grow worse and worse, deceiving and being deceived.

¹⁴Numa tu inker so sichilian ai so sas tu dino sa che ilesa. Tu zhanes katar savo gazda sichilian.

¹⁴But you remain in the things which you have learned and have been assured of, knowing from whom you have learned them.

¹⁵Ke de sar sanas glata tu zhanes e Swunto Vorba le Devleski, kai sai del tu e goji kai ingerel ka skepimos katar o pachamos ando Jesus Kristo.

¹⁵From infancy, you have known the holy Scriptures which are able to make you wise for salvation through faith, which is in Christ Jesus.

¹⁶Sa e Swunto Vorba le Devleski avel katar O Del ai traiil pala leste ai trobul te sicharel o chachimos, te sikavel so nai vorta, ai te lasharel le dosha, ai e Vorba sikavel leske sar te traiil vorta,

¹⁶Every Scripture is God-breathed and or, Every writing inspired by God is profitable for teaching, for reproof, for correction, and for instruction in righteousness,

¹⁷saxke o manush le Devlesko te avel vorta gata, ai te avel les swako fielo te kerel so godi si mishtimos.

¹⁷that the man of God may be complete, thoroughly equipped for every good work.