¹Zvino nezuva retatu kwakava nemuchato muKana yeGarirea; namai vaJesu vakange varipo.

¹And the third day there was a marriage in Cana of Galilee; and the mother of Jesus was there:

²NaJesuwo wakange akokwa pamwe nevadzidzi vake kumuchato.

²And both Jesus was called, and his disciples, to the marriage.

³Waini yakati ichishaikwa, mai vaJesu vakati kwaari: Havana waini.

³And when they wanted wine, the mother of Jesus saith unto him, They have no wine.

⁴Jesu akati kwavari: Mukadzi, ndinei newe? Nguva yangu haisati yasvika.

⁴Jesus saith unto her, Woman, what have I to do with thee? mine hour is not yet come.

⁵Mai vake vakati kuvaranda: Chipi nechipi chaanokuudzai, itai.

⁵His mother saith unto the servants, Whatsoever he saith unto you, do it.

⁶Zvino kwakange kwakaiswapo zvirongo zvitanhatu zvemabwe semanatsiro emaJudha, chimwe nechimwe chaipinda zviyero zviviri kana zvitatu.

⁶And there were set there six waterpots of stone, after the manner of the purifying of the Jews, containing two or three firkins apiece.

⁷Jesu akati kwavari: Zadzai zvirongo nemvura. Vakazvizadza kusvikira pamuromo.

⁷Jesus saith unto them, Fill the waterpots with water. And they filled them up to the brim.

⁸Ndokubva ati kwavari: Cherai ikozvino, mutakurire kumubati wechikafu. Vakazvitakura.

⁸And he saith unto them, Draw out now, and bear unto the governor of the feast. And they bare it.

⁹Mubati wechikafu wakati aravira mvura ikava waini, asingazivi kwainobva (asi varanda vakange vachera mvura vaiziva), mubati wechikafu akadana muwani,

⁹When the ruler of the feast had tasted the water that was made wine, and knew not whence it was: (but the servants which drew the water knew;) the governor of the feast called the bridegroom,

¹⁰ndokuti kwaari: Munhu umwe neumwe pakutanga unopa waini yakanaka, kana vanyatsomwa, isina kunyatsonaka; iwe wachengeta waini yakanaka kusvikira zvino.

¹⁰And saith unto him, Every man at the beginning doth set forth good wine; and when men have well drunk, then that which is worse: but thou hast kept the good wine until now.

¹¹Uku kutanga kwezviratidzo kwakaita Jesu paKana yeGarirea, akaratidza kubwinya kwake; vadzidzi vake vakatenda kwaari.

¹¹This beginning of miracles did Jesus in Cana of Galilee, and manifested forth his glory; and his disciples believed on him.

¹²Shure kweizvozvo wakaburukira Kapenaume, iye, namai vake, nevanin'ina vake, nevadzidzi vake; vakagarako mazuva asiri mazvinji.

¹²After this he went down to Capernaum, he, and his mother, and his brethren, and his disciples: and they continued there not many days.

¹³Zvino pasika yevaJudha yakange yaswedera, Jesu ndokukwira kuJerusarema.

¹³And the Jews' passover was at hand, and Jesus went up to Jerusalem.

¹⁴Akawanawo mutembere avo vanotengesa nzombe nemakwai nenjiva, nevatsinhanisi vemari vagere.

¹⁴And found in the temple those that sold oxen and sheep and doves, and the changers of money sitting:

¹⁵Zvino wakati aita tyava yerwonzi, akavadzinga vose mutembere, nemakwai nemombe; akateura mari yevatsinhanisi, ndokupidigura matafura.

¹⁵And when he had made a scourge of small cords, he drove them all out of the temple, and the sheep, and the oxen; and poured out the changers' money, and overthrew the tables;

¹⁶Akati kune vaitengesa njiva: Bvisai zvinhu izvi pano; musaita imba yaBaba vangu imba yekutengeserana.

¹⁶And said unto them that sold doves, Take these things hence; make not my Father's house an house of merchandise.

¹⁷Vadzidzi vake ndokurangarira kuti kwakanyorwa kuchinzi: Kushingairira imba yenyu kwandidya kukandipedza.

¹⁷And his disciples remembered that it was written, The zeal of thine house hath eaten me up.

¹⁸Naizvozvo vaJudha vakapindura, vakati kwaari: Unotiratidza chiratidzo chei, chekuti unoita zvinhu izvi?

¹⁸Then answered the Jews and said unto him, What sign shewest thou unto us, seeing that thou doest these things?

¹⁹Jesu akapindura akati kwavari: Pazai tembere iyi, uye mumazuva matatu ndichaimutsa.

¹⁹Jesus answered and said unto them, Destroy this temple, and in three days I will raise it up.

²⁰Naizvozvo vaJudha vakati: Makore makumi mana nematanhatu tembere iyi ichivakwa, zvino iwe ungaimutsa nemazuva matatu here?

²⁰Then said the Jews, Forty and six years was this temple in building, and wilt thou rear it up in three days?

²¹Asi iye waireva zvetembere yemuviri wake.

²¹But he spake of the temple of his body.

²²Naizvozvo wakati amuka kuvakafa, vadzidzi vake vakarangarira kuti wakange areva izvi kwavari; ndokutenda magwaro, neshoko Jesu rakange areva.

²²When therefore he was risen from the dead, his disciples remembered that he had said this unto them; and they believed the scripture, and the word which Jesus had said.

²³Zvino wakati ava muJerusarema papasika, pamutambo, vazhinji vakatenda kuzita rake pavakaona zviratidzo zvaaiita.

²³Now when he was in Jerusalem at the passover, in the feast day, many believed in his name, when they saw the miracles which he did.

²⁴Asi Jesu pachake haana kuzvikumikidza kwavari, nekuti wakange achivaziva vose.

²⁴But Jesus did not commit himself unto them, because he knew all men,

²⁵Uye nekuti wakange asingatsvaki kuti ani nani apupure zvemunhu; nekuti wakange achiziva pachake zvakange zviri mumunhu.

²⁵And needed not that any should testify of man: for he knew what was in man.