¹Pakutanga wakange aripo Shoko, uye Shoko wakange ana Mwari, uye Shoko wakange ari Mwari.

¹In the beginning was the Word, and the Word was with God, and the Word was God.

²Iye uyu wakange ana Mwari pakutanga.

²The same was in the beginning with God.

³Zvinhu zvose zvakaitwa naye, uye kunze kwake hakuna kuitwa chinhu chimwe chakaitwa.

³All things were made by him; and without him was not any thing made that was made.

⁴Maari maiva neupenyu, uye upenyu hwaiva chiedza chevanhu,

⁴In him was life; and the life was the light of men.

⁵uye chiedza chinovhenekera murima, asi rima harina kuchigamuchira.

⁵And the light shineth in darkness; and the darkness comprehended it not.

⁶Kwakauya munhu wakatumwa kubva kuna Mwari, zita rake riri Johwani.

⁶There was a man sent from God, whose name was John.

⁷Iye wakauyira uchapupu, kuti apupure zvechiedza, kuti vose vatende naye.

⁷The same came for a witness, to bear witness of the Light, that all men through him might believe.

⁸Iye wakange asiri icho chiedza, asi wakatumwa kuti apupure pamusoro pechiedza.

⁸He was not that Light, but was sent to bear witness of that Light.

⁹Chaiva chiedza chechokwadi, chinovhenekera munhu umwe neumwe unouya panyika.

⁹That was the true Light, which lighteth every man that cometh into the world.

¹⁰Wakange ari munyika, nenyika yakaitwa naye, asi nyika haina kumuziva.

¹⁰He was in the world, and the world was made by him, and the world knew him not.

¹¹Wakauya kune zvake, asi vake havana kumugamuchira.

¹¹He came unto his own, and his own received him not.

¹²Asi vose vakamugamuchira, wakavapa kodzero kuti vave vana vaMwari, ivo vanotenda kuzita rake;

¹²But as many as received him, to them gave he power to become the sons of God, even to them that believe on his name:

¹³vakaberekwa kwete neropa, kana nechido chenyama, kana nechido chemurume, asi naMwari.

¹³Which were born, not of blood, nor of the will of the flesh, nor of the will of man, but of God.

¹⁴Shoko ndokuzova nyama, akagara pakati pedu, uye takaona kubwinya kwake, kubwinya sekwewakaberekwa umwe woga waBaba, azere nenyasha nechokwadi.

¹⁴And the Word was made flesh, and dwelt among us, (and we beheld his glory, the glory as of the only begotten of the Father,) full of grace and truth.

¹⁵Johwani wakapupura pamusoro pake, akadanidzira achiti: Uyu ndiye wandaireva ndichiti: Uyu unouya shure kwangu wakanditangira; nekuti wakange aripo mberi kwangu.

¹⁵John bare witness of him, and cried, saying, This was he of whom I spake, He that cometh after me is preferred before me: for he was before me.

¹⁶Nepakuzara kwake isu tose takagamuchira, uye nyasha nenyasha.

¹⁶And of his fulness have all we received, and grace for grace.

¹⁷Nekuti murairo wakapiwa naMozisi, nyasha nechokwadi zvakauya naJesu Kristu.

¹⁷For the law was given by Moses, but grace and truth came by Jesus Christ.

¹⁸Hakuna wakatongoona Mwari; Mwanakomana wakaberekwa umwe woga, uri pachifuva chaBaba, ndiye wakamuzivisa.

¹⁸No man hath seen God at any time, the only begotten Son, which is in the bosom of the Father, he hath declared him.

¹⁹Uye uhwu ndihwo uchapupu hwaJohwani, apo vaJudha vakatuma vapristi nevaRevhi kubva kuJerusarema kuti vanomubvunza kuti: Iwe ndiwe ani?

¹⁹And this is the record of John, when the Jews sent priests and Levites from Jerusalem to ask him, Who art thou?

²⁰Akabvuma, uye haana kuramba; ndokubvuma achiti: Ini handisi Kristu.

²⁰And he confessed, and denied not; but confessed, I am not the Christ.

²¹Zvino vakamubvunza vachiti: Saka kudini? Iwe uri Erija here? Akati: Handisi. Iwe uri uya muporofita here? Akapindura akati: Kwete.

²¹And they asked him, What then? Art thou Elias? And he saith, I am not. Art thou that prophet? And he answered, No.

²²Naizvozvo vakati kwaari: Ndiwe ani? Kuti tipe mhinduro vatituma; unoti kudini pamusoro pako?

²²Then said they unto him, Who art thou? that we may give an answer to them that sent us. What sayest thou of thyself?

²³Akati: Ini ndini inzwi reunodanidzira murenje: Ruramisai nzira yaIshe; sezvakareva muporofita Isaya.

²³He said, I am the voice of one crying in the wilderness, Make straight the way of the Lord, as said the prophet Esaias.

²⁴Ava vakange vatumwa vaibva kuvaFarisi.

²⁴And they which were sent were of the Pharisees.

²⁵Zvino vakamubvunza, vakati kwaari: Unogobhabhatidzirei, kana iwe usiri Kristu, kana Eria, kana muporofita uya?

²⁵And they asked him, and said unto him, Why baptizest thou then, if thou be not that Christ, nor Elias, neither that prophet?

²⁶Johwani akavapindura, achiti: Ini ndinobhabhatidza nemvura; asi pakati penyu pamire umwe imwi wamusingazivi;

²⁶John answered them, saying, I baptize with water: but there standeth one among you, whom ye know not;

²⁷ndiye unouya shure kwangu, uri mberi kwangu, wandisina kufanira ini kuti ndisunungure rukanda rweshangu yake.

²⁷He it is, who coming after me is preferred before me, whose shoe's latchet I am not worthy to unloose.

²⁸Izvozvi zvakaitika paBhetabhara, mhiri kwaJoridhani, kwaibhabhatidza Johwani.

²⁸These things were done in Bethabara beyond Jordan, where John was baptizing.

²⁹Ava mangwana Johwani wakaona Jesu achiuya kwaari, akati: Tarirai, gwayana raMwari, rinobvisa rotakura chivi chenyika.

²⁹The next day John seeth Jesus coming unto him, and saith, Behold the Lamb of God, which taketh away the sin of the world.

³⁰Uyu ndiye ini wandaitaura nezvake ndichiti: Shure kwangu kunouya murume, wakanditangira, nekuti wakange ariko mberi kwangu.

³⁰This is he of whom I said, After me cometh a man which is preferred before me: for he was before me.

³¹Neni ndakange ndisingamuzivi; asi kuti aziviswe kuna Israeri, nekuda kweizvozvo ini ndakauya ndichibhabhatidza nemvura.

³¹And I knew him not: but that he should be made manifest to Israel, therefore am I come baptizing with water.

³²Johwani ndokupupura, achiti: Ndakaona Mweya achiburuka kudenga senjiva, akagara pamusoro pake.

³²And John bare record, saying, I saw the Spirit descending from heaven like a dove, and it abode upon him.

³³Neni ndakange ndisingamuzivi; asi wakandituma kubhabhatidza nemvura, ndiye wakati kwandiri: Uyo waunoona Mweya achiburukira pamusoro pake nekugara pamusoro pake, ndiye unobhabhatidza neMweya Mutsvene.

³³And I knew him not: but he that sent me to baptize with water, the same said unto me, Upon whom thou shalt see the Spirit descending, and remaining on him, the same is he which baptizeth with the Holy Ghost.

³⁴Zvino ini ndakaona ndikapupura kuti uyu Mwanakomana waMwari.

³⁴And I saw, and bare record that this is the Son of God.

³⁵Ava mangwanazve Johwani wakange amire, nevaviri vevadzidzi vake;

³⁵Again the next day after John stood, and two of his disciples;

³⁶zvino wakatarisa Jesu achifamba-famba, akati: Tarirai Gwayana raMwari.

³⁶And looking upon Jesus as he walked, he saith, Behold the Lamb of God!

³⁷Vadzidzi vaviri ndokumunzwa achitaura, ndokutevera Jesu.

³⁷And the two disciples heard him speak, and they followed Jesus.

³⁸Zvino Jesu atendeuka wakavaona vachitevera, akati kwavari: Munotsvakei? Vakati kwaari: Rabhi* (ndokuti kana zvichishandurwa, Mudzidzisi) munogarepi?

³⁸Then Jesus turned, and saw them following, and saith unto them, What seek ye? They said unto him, Rabbi, (which is to say, being interpreted, Master,) where dwellest thou?

³⁹Akati kwavari: Uyai muone. Vakauya vakaona paaigara; ndokugara naye zuva iroro; rakange riri awa rinenge regumi.

³⁹He saith unto them, Come and see. They came and saw where he dwelt, and abode with him that day: for it was about the tenth hour.

⁴⁰Andiriya munin'ina waSimoni Petro waiva umwe wevaviri vakange vazvinzwa naJohwani vakamutevera.

⁴⁰One of the two which heard John speak, and followed him, was Andrew, Simon Peter's brother.

⁴¹Iye wakatanga kuwana mukoma wake chaiye Simoni akati kwaari: Tamuwana Mesiasi; ndiko kuti Kristu, kana zvichishandurwa.

⁴¹He first findeth his own brother Simon, and saith unto him, We have found the Messias, which is, being interpreted, the Christ.

⁴²Zvino akamuisa kuna Jesu. Jesu ndokuti amutarira akati: Iwe uri Simoni mwanakomana waJona; iwe uchanzi Kefasi (zvinoshandurwa kunzi Petro).

⁴²And he brought him to Jesus. And when Jesus beheld him, he said, Thou art Simon the son of Jona: thou shalt be called Cephas, which is by interpretation, A stone.

⁴³Ava mangwana Jesu akada kubuda aende Garirea, ndokuwana Firipi, ndokuti kwaari: Nditevere.

⁴³The day following Jesus would go forth into Galilee, and findeth Philip, and saith unto him, Follow me.

⁴⁴Zvino Firipi wakange ari weBhetisaidha, muguta raAndiriyasi naPetro.

⁴⁴Now Philip was of Bethsaida, the city of Andrew and Peter.

⁴⁵Firipi akawana Nataniyeri, ndokuti kwaari: Tamuwana iye Mozisi waakanyora nezvake pamurairo nevaporofita, Jesu weNazareta, mwanakomana waJosefa.

⁴⁵Philip findeth Nathanael, and saith unto him, We have found him, of whom Moses in the law, and the prophets, did write, Jesus of Nazareth, the son of Joseph.

⁴⁶Nataniyeri ndokuti kwaari: Chinhu chakanaka chinogona kubva muNazareta here? Firipi akati kwaari: Uya uone.

⁴⁶And Nathanael said unto him, Can there any good thing come out of Nazareth? Philip saith unto him, Come and see.

⁴⁷Jesu wakaona Nataniyeri achiuya kwaari, ndokuti pamusoro pake: Tarirai muIsraeri wechokwadi, musina kunyengera maari.

⁴⁷Jesus saw Nathanael coming to him, and saith of him, Behold an Israelite indeed, in whom is no guile!

⁴⁸Nataniyeri akati kwaari: Mandizivirepi? Jesu akapindura, akati kwaari: Firipi asati akudana, pawanga uri munyasi momuonde, ndakuona.

⁴⁸Nathanael saith unto him, Whence knowest thou me? Jesus answered and said unto him, Before that Philip called thee, when thou wast under the fig tree, I saw thee.

⁴⁹Nataniyeri akapindura ndokuti kwaari: Rabhi, imwi muri Mwanakomana waMwari, imwi muri Mambo waIsraeri.

⁴⁹Nathanael answered and saith unto him, Rabbi, thou art the Son of God; thou art the King of Israel.

⁵⁰Jesu akapindura ndokuti kwaari: Unotenda nekuti ndati kwauri, ndakuona munyasi momuonde. Uchaona zvinhu zvikuru kune izvi.

⁵⁰Jesus answered and said unto him, Because I said unto thee, I saw thee under the fig tree, believest thou? thou shalt see greater things than these.

⁵¹Zvino akati kwaari: Zvirokwazvo, zvirokwazvo, ndinoti kwamuri: Kubva ikozvino muchaona denga razaruka, nevatumwa vaMwari vachikwira nekuburukira pamusoro peMwanakomana wemunhu.

⁵¹And he saith unto him, Verily, verily, I say unto you, Hereafter ye shall see heaven open, and the angels of God ascending and descending upon the Son of man.