¹Zvino zvakaitika apo Jesu apedza kuraira vadzidzi vake gumi nevaviri, akabvira ipapo kudzidzisa nekuparidza pamaguta avo.

¹And it came to pass, when Jesus had made an end of commanding his twelve disciples, he departed thence to teach and to preach in their cities.

²Zvino Johwani wakati anzwa ari mutirongo mabasa aKristu, akatuma vaviri vevadzidzi vake,

²Now when John had heard in the prison the works of Christ, he sent two of his disciples,

³akati kwaari: Imwi ndimwi unouya here, kana titarisire umwe?

³And said unto him, Art thou he that should come, or do we look for another?

⁴Jesu akapindura akati kwavari: Endai munoudza Johwani zvinhu zvamunonzwa nezvamunoona:

⁴Jesus answered and said unto them, Go and shew John again those things which ye do hear and see:

⁵Mapofu anoonazve, uye vanokamhina vanofamba, vane maperembudzi vanonatswa, nevematsi vanonzwa, vakafa vanomutswa, nevarombo vanoparidzirwa evhangeri;

⁵The blind receive their sight, and the lame walk, the lepers are cleansed, and the deaf hear, the dead are raised up, and the poor have the gospel preached to them.

⁶wakaropafadzwa ani nani usingagumbuswi neni.

⁶And blessed is he, whosoever shall not be offended in me.

⁷Ava vakati vachienda, Jesu akatanga kuudza zvaunga pamusoro paJohwani akati: Makange mabuda kurenje kunoonei? Rutsanga runozungunuswa nemhepo here?

⁷And as they departed, Jesus began to say unto the multitudes concerning John, What went ye out into the wilderness to see? A reed shaken with the wind?

⁸Asi makange mabuda kunoonei? Munhu wakapfeka nguvo dzakapfava here? Tarirai, vanopfeka zvakapfava vari mudzimba dzemadzimambo.

⁸But what went ye out for to see? A man clothed in soft raiment? behold, they that wear soft clothing are in kings' houses.

⁹Asi makange mabuda kunoonei? Muporofita here? Hongu, ndinoti kwamuri: Kunyange unopfuura kwazvo muporofita;

⁹But what went ye out for to see? A prophet? yea, I say unto you, and more than a prophet.

¹⁰nekuti uyu ndiye wakanyorwa pamusoro pake zvichinzi: Tarira, ini ndinotuma mutumwa wangu pamberi pechiso chako, uchagadzira nzira yako pamberi pako.

¹⁰For this is he, of whom it is written, Behold, I send my messenger before thy face, which shall prepare thy way before thee.

¹¹Zvirokwazvo ndinoti kwamuri: Hakuna kumuka pakati pevakaberekwa nevakadzi mukuru kuna Johwani Mubhabhatidzi. Asi mudukusa muushe hwekumatenga mukuru kwaari.

¹¹Verily I say unto you, Among them that are born of women there hath not risen a greater than John the Baptist: notwithstanding he that is least in the kingdom of heaven is greater than he.

¹²Uye kubva pamazuva aJohwani Mubhabhatidzi kusvikira zvino, ushe hwekumatenga hunopambwa, nevapambi vanohutora nesimba.

¹²And from the days of John the Baptist until now the kingdom of heaven suffereth violence, and the violent take it by force.

¹³Nekuti vaporofita vose nemurairo vakaporofita kusvikira kuna Johwani;

¹³For all the prophets and the law prophesied until John.

¹⁴kana muchida kuzvigamuchira, uyu ndiye Eria wakange achizouya.

¹⁴And if ye will receive it, this is Elias, which was for to come.

¹⁵Une nzeve dzekunzwa, ngaanzwe.

¹⁵He that hath ears to hear, let him hear.

¹⁶Asi ndicharifananidza nei zera iri? Rakafanana nevana vagere pamisika, vachidanidzira kushamwari dzavo,

¹⁶But whereunto shall I liken this generation? It is like unto children sitting in the markets, and calling unto their fellows,

¹⁷vachiti: Takakuridzirai nyere, asi hamuna kutamba; takakuririrai, asi hamuna kuchema.

¹⁷And saying, We have piped unto you, and ye have not danced; we have mourned unto you, and ye have not lamented.

¹⁸Nekuti Johwani wakauya asingadyi kana kumwa, asi vanoti: Une dhimoni.

¹⁸For John came neither eating nor drinking, and they say, He hath a devil.

¹⁹Mwanakomana wemunhu wakauya achidya, achimwa, zvino vanoti: Tarirai munhu unokara mumwi wewaini, shamwari yevateresi nevatadzi. Asi njere dzinoruramiswa nevana vadzo.

¹⁹The Son of man came eating and drinking, and they say, Behold a man gluttonous, and a winebibber, a friend of publicans and sinners. But wisdom is justified of her children.

²⁰Ipapo akatanga kutsiura maguta makange maitwa mabasa ake esimba mazhinji, nekuti haana kutendeuka, akati:

²⁰Then began he to upbraid the cities wherein most of his mighty works were done, because they repented not:

²¹Une nhamo, Korazini! Une nhamo, Bhetisaidha! Nekuti dai akaitwa muTire neSidhoni mabasa esimba akaitwa mamuri, vangadai vakatendeuka kare vakapfeka masaga nedota.

²¹Woe unto thee, Chorazin! woe unto thee, Bethsaida! for if the mighty works, which were done in you, had been done in Tyre and Sidon, they would have repented long ago in sackcloth and ashes.

²²Asi ndinoti kwamuri: Zvicharerukira Tire neSidhoni nezuva rekutongwa kupfuura imwi.

²²But I say unto you, It shall be more tolerable for Tyre and Sidon at the day of judgment, than for you.

²³Newe Kapenaume, wakasimudzirwa kudenga, uchawisirwa pasi muHadhesi; nekuti dai akaitwa muSodhoma mabasa esimba akaitwa mauri, vangadai vachipo kusvikira zuva rino.

²³And thou, Capernaum, which art exalted unto heaven, shalt be brought down to hell: for if the mighty works, which have been done in thee, had been done in Sodom, it would have remained until this day.

²⁴Asi ndinoti kwamuri: Zvicharerukira nyika yeSodhoma nezuva rekutongwa kupfuura iwe.

²⁴But I say unto you, That it shall be more tolerable for the land of Sodom in the day of judgment, than for thee.

²⁵Nenguva iyo Jesu akapindura akati: Ndinokutendai, Baba, Ishe wedenga nenyika, nekuti makavanzira zvinhu izvi vakachenjera nevakangwara, mukazvizarurira vacheche.

²⁵At that time Jesus answered and said, I thank thee, O Father, Lord of heaven and earth, because thou hast hid these things from the wise and prudent, and hast revealed them unto babes.

²⁶Hongu Baba, nekuti zvakadaro zvakava zvakanaka pamberi penyu.

²⁶Even so, Father: for so it seemed good in thy sight.

²⁷Zvinhu zvose zvakakumikidzwa kwandiri naBaba vangu; uye hakuna unoziva Mwanakomana kunze kwaBaba; hakunazve unoziva Baba kunze kweMwanakomana, uye ani nani Mwanakomana waanenge achida kuzarurira.

²⁷All things are delivered unto me of my Father: and no man knoweth the Son, but the Father; neither knoweth any man the Father, save the Son, and he to whomsoever the Son will reveal him.

²⁸Uyai kwandiri mose makaneta makaremerwa, uye ini ndichakupai zororo.

²⁸Come unto me, all ye that labour and are heavy laden, and I will give you rest.

²⁹Torai joko rangu muise pamusoro penyu, mudzidze kwandiri, nekuti ndiri munyoro, ndakaderera mumoyo; uye muchawana zororo pamweya yenyu;

²⁹Take my yoke upon you, and learn of me; for I am meek and lowly in heart: and ye shall find rest unto your souls.

³⁰nekuti joko rangu rakanakisa, nemutoro wangu wakareruka.

³⁰For my yoke is easy, and my burden is light.