¹Shure kwemazuva maviri kwaiva nepasika nomutambo wechingwa chisina mbiriso; vapristi vakuru nevanyori ndokutsvaka kuti vangamubata sei neumhare vamuuraye.

¹And the passover and the unleavened food were after two days, and the chief priests and the scribes were seeking how, by guile, having taken hold of him, they might kill him;

²Asi vakati: Kwete pamutambo, zvimwe kungava nebongozozo revanhu.

²and they said, `Not in the feast, lest there shall be a tumult of the people.`

³Zvino wakati ari paBhetaniya, mumba maSimoni wamaperembudzi, agere pakudya, kwakauya mukadzi, ane chinu chearibhasiteri* chechizoro chenaridho* chakakosha zvikuru; akaputsa chinu chearibhasiteri, akachidurura pamusoro wake.

³And he, being in Bethany, in the house of Simon the leper, at his reclining (at meat), there came a woman having an alabaster box of ointment, of spikenard, very precious, and having broken the alabaster box, did pour on his head;

⁴Asi kwaiva nevamwe vakatsamwa mukati mavo, vakati: Kutambisa ikoku kwechizoro kwaitirwei?

⁴and there were certain much displeased within themselves, and saying, `For what hath this waste of the ointment been made?

⁵Nekuti ichi chingadai chatengeswa nemadhenari* anopfuura mazana matatu, akapiwa varombo. Vakamutsutsumwira.

⁵for this could have been sold for more than three hundred denaries, and given to the poor;` and they were murmuring at her.

⁶Asi Jesu wakati: Musiyei; munomutambudzirei? Wandiitira basa rakanaka.

⁶And Jesus said, `Let her alone; why are ye giving her trouble? a good work she wrought on me;

⁷Nekuti varombo munavo nguva dzose, uye nguva ipi neipi yamunoda, munogona kuvaitira zvakanaka; asi ini hamuneni nguva dzose.

⁷for the poor always ye have with you, and whenever ye may will ye are able to do them good, but me ye have not always;

⁸Waita zvaanogona; wakagara azodzera muviri wangu kuvigwa.

⁸what she could she did, she anticipated to anoint my body for the embalming.

⁹Zvirokwazvo ndinoti kwamuri: Kose kose kunozoparidzirwa evhangeri iyi panyika yose, zvaakaitawo zvicharehwa, chive chirangaridzo chake.

⁹Verily I say to you, wherever this good news may be proclaimed in the whole world, what also this woman did shall be spoken of — for a memorial of her.`

¹⁰Zvino Judhasi Isikariyoti, umwe wevanegumi nevaviri, wakaenda kuvaprisita vakuru, kuti amutengese kwavari.

¹⁰And Judas the Iscariot, one of the twelve, went away unto the chief priests that he might deliver him up to them,

¹¹Uye vakati vachizvinzwa, vakafara, vakavimbisa kumupa mari. Akatsvaka kuti ungamutengesa sei panguva yakafanira.

¹¹and having heard, they were glad, and promised to give him money, and he was seeking how, conveniently, he might deliver him up.

¹²Nezuva rekutanga rechingwa chisina mbiriso, pavaibaya pasika, vadzidzi vake vakati kwaari: Ndekupi kwamunoda kuti tiende kunogadzirira kuti mudye pasika?

¹²And the first day of the unleavened food, when they were killing the passover, his disciples say to him, `Where wilt thou, [that,] having gone, we may prepare, that thou mayest eat the passover?`

¹³Akatuma vaviri vevadzidzi vake, akati kwavari: Endai muguta, ipapo munhu uchasangana nemwi akatakura chirongo chemvura; mumutevere,

¹³And he sendeth forth two of his disciples, and saith to them, `Go ye away to the city, and there shall meet you a man bearing a pitcher of water, follow him;

¹⁴uye chero paanenge apinda, muti kumwene weimba: Mudzidzisi wati: Imba yevaeni iripi, pandichadyira pasika nevadzidzi vangu?

¹⁴and wherever he may go in, say ye to the master of the house — The Teacher saith, Where is the guest-chamber, where the passover, with my disciples, I may eat?

¹⁵Uye iye uchakutaridzai imba huru yekumusoro yakarongedzwa, yakagadzirwa; tigadzirirei ipapo.

¹⁵and he will shew you a large upper room, furnished, prepared — there make ready for us.`

¹⁶Vadzidzi vake vakabuda, vakasvika muguta, vakawana sezvaakange areva kwavari; vakagadzirira pasika.

¹⁶And his disciples went forth, and came to the city, and found as he said to them, and they made ready the passover.

¹⁷Kuzoti ava madekwani akasvika nevanegumi nevaviri.

¹⁷And evening having come, he cometh with the twelve,

¹⁸Zvino vakati vagara vachidya, Jesu akati: Zvirokwazvo ndinoti kwamuri: Umwe wenyu unodya neni uchanditengesa.

¹⁸and as they are reclining, and eating, Jesus said, `Verily I say to you — one of you, who is eating with me — shall deliver me up.`

¹⁹Ndokubva vatanga kushungurudzika, umwe neumwe akati kwaari: Zirokwazvo handisi ini here? neumwe: Zvirokwazvo handisi ini here?

¹⁹And they began to be sorrowful, and to say to him, one by one, `Is it I?` and another, `Is it I?`

²⁰Asi wakapindura akati kwavari: Umwe wevanegumi nevaviri, unoseva neni mundiro.

²⁰And he answering said to them, `One of the twelve who is dipping with me in the dish;

²¹Mwanakomana wemunhu unoenda zvirokwazvo, sezvazvakanyorwa pamusoro pake; asi une nhamo munhu uyo, Mwanakomana wemunhu waanotengeswa naye! Zvaiva nani kwaari kana munhu uyo aiva asina kuzvarwa.

²¹the Son of Man doth indeed go, as it hath been written concerning him, but wo to that man through whom the Son of Man is delivered up; good were it to him if that man had not been born.`

²²Zvino vakati vachidya, Jesu akatora chingwa, akaropafadza, akamedura, ndokupa kwavari, akati: Torai, idyai, ichi ndicho muviri wangu.

²²And as they are eating, Jesus having taken bread, having blessed, brake, and gave to them, and said, `Take, eat; this is my body.`

²³Akatora mukombe, akati avonga akapa kwavari, vakamwa vose pauri.

²³And having taken the cup, having given thanks, he gave to them, and they drank of it — all;

²⁴Zvino akati kwavari: Iri iropa rangu, iro resungano itsva, rinoteurirwa vazhinji.

²⁴and he said to them, `This is my blood of the new covenant, which for many is being poured out;

²⁵Zvirokwazvo ndinoti kwamuri: Handichazotongomwi zvechibereko chemuzambiringa, kusvikira zuva iro randichazochimwa naro chava chitsva muushe hwaMwari.

²⁵verily I say to you, that no more may I drink of the produce of the vine till that day when I may drink it new in the reign of God.`

²⁶Zvino vakati vaimba rwiyo rwekurumbidza vakabuda vakaenda kugomo reMiorivhi.

²⁶And having sung an hymn, they went forth to the mount of the Olives,

²⁷Zvino Jesu akati kwavari: Mose muchagumburwa nekuda kwangu usiku huno, nekuti kwakanyorwa kuchinzi: Ndicharova mufudzi, makwai agopararira.

²⁷and Jesus saith to them — `All ye shall be stumbled at me this night, because it hath been written, I will smite the shepherd, and the sheep shall be scattered abroad,

²⁸Asi shure kwekumutswa kwangu, ndichatungamira kuenda kuGarirea.

²⁸but after my having risen I will go before you to Galilee.`

²⁹Asi Petro akati kwaari: Kunyange vose vakagumburwa, asi kwete ini.

²⁹And Peter said to him, `And if all shall be stumbled, yet not I;`

³⁰Jesu ndokuti kwaari: Zvirokwazvo ndinoti kwauri: Nhasi, neusiku huno, jongwe risati rarira kaviri, uchandiramba katatu.

³⁰And Jesus said to him, `Verily I say to thee, that to-day, this night, before a cock shall crow twice, thrice thou shalt deny me.`

³¹Asi iye wakareva zvakanyanya kusimba, achiti: Kunyange ndikatofanira kufa nemwi, handingatongokurambiyi. Nevosewo vakadaro.

³¹And he spake the more vehemently, `If it may be necessary for me to die with thee — I will in nowise deny thee;` and in like manner also said they all.

³²Zvino vakasvika panzvimbo yainzi Getsemani; akati kuvadzidzi vake: Garai pano, ndichindonyengetera.

³²And they come to a spot, the name of which [is] Gethsemane, and he saith to his disciples, `Sit ye here till I may pray;`

³³Akatora pamwe naye Petro naJakobho naJohwani, akatanga kuvhunduka nekunetseka zvikuru.

³³and he taketh Peter, and James, and John with him, and began to be amazed, and to be very heavy,

³⁴Akati kwavari: Mweya wangu unoshungurudzika kwazvo kusvikira pakufa; garai pano murinde.

³⁴and he saith to them, `Exceeding sorrowful is my soul — to death; remain here, and watch.`

³⁵Akapfuura zvishoma, akawira pasi, akanyengetera, kuti kana zvaibvira, nguva ipfuure kwaari.

³⁵And having gone forward a little, he fell upon the earth, and was praying, that, if it be possible the hour may pass from him,

³⁶Zvino akati: Abha*, Baba, zvinhu zvose zvinogoneka kwamuri. Bvisai mukombe uyu kwandiri, asi kwete zvandinoda ini, asi zvamunoda imwi.

³⁶and he said, `Abba, Father; all things are possible to Thee; make this cup pass from me; but, not what I will, but what Thou.`

³⁷Zvino akasvika, akavawana vavete; akati kuna Petro: Simoni, uvete here? Wakonewa kurinda awa rimwe here?

³⁷And he cometh, and findeth them sleeping, and saith to Peter, `Simon, thou dost sleep! thou wast not able to watch one hour!

³⁸Rindai munyengetere, kuti murege kupinda mumuedzo. Mweya unoda hawo, asi nyama ine utera.

³⁸Watch ye and pray, that ye may not enter into temptation; the spirit indeed is forward, but the flesh weak.`

³⁹Akaendazve, akanyengetera achireva mashoko mwamwechete.

³⁹And again having gone away, he prayed, the same word saying;

⁴⁰Zvino paakadzoka, akavawana vavatazve, nekuti meso avo akange orema; vakasaziva zvavangamupindura.

⁴⁰and having returned, he found them again sleeping, for their eyes were heavy, and they had not known what they might answer him.

⁴¹Akauya rwechitatu, akati kwavari: Chirambai muvete zvino muzorore. Zvaringana; nguva yasvika; tarirai, Mwanakomana wemunhu wokumikidzwa mumaoko avatadzi.

⁴¹And he cometh the third time, and saith to them, `Sleep on henceforth, and rest — it is over; the hour did come; lo, the Son of Man is delivered up to the hands of the sinful;

⁴²Simukai, tiende; tarirai, wonditengesa wava pedo.

⁴²rise, we may go, lo, he who is delivering me up hath come nigh.`

⁴³Pakarepo achataura, Judhasi akasvika, umwe wevanegumi nevaviri, chaunga chikuru chinaye chine minondo netsvimbo, chichibva kuvapristi vakuru nevanyori nevakuru.

⁴³And immediately — while he is yet speaking — cometh near Judas, one of the twelve, and with him a great multitude, with swords and sticks, from the chief priests, and the scribes, and the elders;

⁴⁴Zvino iye wakamutengesa wakange avapa chiratidzo, achiti: Uyo wandinongotsvoda ndiye; mumutore muende naye makamuchengetedza.

⁴⁴and he who is delivering him up had given a token to them, saying, `Whomsoever I shall kiss, he it is, lay hold on him, and lead him away safely,`

⁴⁵Zvino wakati asvika, pakarepo akaswedera kwaari akati: Rabhi*! Rabhi! Akamutsvoda.

⁴⁵and having come, immediately, having gone near him, he saith, `Rabbi, Rabbi,` and kissed him.

⁴⁶Vakabva vaisa maoko avo kwaari, vakamubata.

⁴⁶And they laid on him their hands, and kept hold on him;

⁴⁷Zvino umwe wevakange vamirepo wakavhomora munondo akatema muranda wemupristi mukuru, akagura nzeve yake.

⁴⁷and a certain one of those standing by, having drawn the sword, struck the servant of the chief priest, and took off his ear.

⁴⁸Zvino Jesu akapindura akati kwavari: Mabuda semakanangana negororo neminondo netsvimbo kuzondibata here?

⁴⁸And Jesus answering said to them, `As against a robber ye came out, with swords and sticks, to take me!

⁴⁹Ndakange ndinemwi mutembere zuva nezuva ndichidzidzisa, asi hamuna kundibata, asi izvi zvaitwa kuti magwaro azadziswe.

⁴⁹daily I was with you in the temple teaching, and ye did not lay hold on me — but that the Writings may be fulfilled.`

⁵⁰Vose ndokumusiya vakatiza.

⁵⁰And having left him they all fled;

⁵¹Zvino rimwe jaya rakamutevera, rakamonera mucheka werineni rakashama. Majaya akaribata;

⁵¹and a certain young man was following him, having put a linen cloth about [his] naked body, and the young men lay hold on him,

⁵²ndokubva rasiya mucheka werineni, rikavatiza rakashama.

⁵²and he, having left the linen cloth, did flee from them naked.

⁵³Zvino vakaendesa Jesu kumupristi mukuru; vakaunganira kwaari vapristi vakuru vose nevakuru nevanyori.

⁵³And they led away Jesus unto the chief priest, and come together to him do all the chief priests, and the elders, and the scribes;

⁵⁴Petro akamutevera ari kure kusvikira mukati meruvanze rwomupristi mukuru; akange agere pamwe nevaranda, achidziya moto.

⁵⁴and Peter afar off did follow him, to the inside of the hall of the chief priest, and he was sitting with the officers, and warming himself near the fire.

⁵⁵Zvino vapristi vakuru nedare rose remakurukota vakatsvaka uchapupu hwakanangana naJesu, kuti vamuuraye; asi havana kuhuwana.

⁵⁵And the chief priests and all the sanhedrim were seeking against Jesus testimony — to put him to death, and they were not finding,

⁵⁶Nekuti vazhinji vaimupupurira nhema, asi uchapupu hauna kupindirana.

⁵⁶for many were bearing false testimony against him, and their testimonies were not alike.

⁵⁷Ndokubva kwasimuka vamwe vakamupupurira nhema vachiti:

⁵⁷And certain having risen up, were bearing false testimony against him, saying —

⁵⁸Isu takamunzwa achiti: Ini ndichaputsa tembere iyi yakaitwa nemaoko, uye mumazuva matatu ndichavaka imwe isina kuitwa nemaoko.

⁵⁸`We heard him saying — I will throw down this sanctuary made with hands, and by three days, another made without hands I will build;`

⁵⁹Asi kunyange zvakadaro uchapupu hwavo hauna kupindirana.

⁵⁹and neither so was their testimony alike.

⁶⁰Zvino mupristi mukuru akasimuka pakati pavo, akabvunza Jesu, achiti: Haupinduri chinhu here? Vanopupurei ava chakanangana newe?

⁶⁰And the chief priest, having risen up in the midst, questioned Jesus, saying, `Thou dost not answer anything! what do these testify against thee?`

⁶¹Asi wakanyarara, akasapindura chinhu. Mupristi mukuru akamubvunzazve, akati kwaari: Iwe uri Kristu, Mwanakomana woWakaropafadzwa here?

⁶¹and he was keeping silent, and did not answer anything. Again the chief priest was questioning him, and saith to him, `Art thou the Christ — the Son of the Blessed?`

⁶²Jesu akati: Ndini iye. Uye muchaona Mwanakomana wemunhu agere kuruoko rwerudyi rwesimba, achiuya nemakore ekudenga.

⁶²and Jesus said, `I am; and ye shall see the Son of Man sitting on the right hand of the power, and coming with the clouds, of the heaven.`

⁶³Mupristi mukuru ndokubvarura nguvo dzake akati: Tichadirei zvapupu?

⁶³And the chief priest, having rent his garments, saith, `What need have we yet of witnesses?

⁶⁴Manzwa kunyomba; munofungei? Zvino vose vakamurasha kuti ave nemhosva yerufu.

⁶⁴Ye heard the evil speaking, what appeareth to you?` and they all condemned him to be worthy of death,

⁶⁵Vamwe vakatanga kumupfira, nekufukidza chiso chake, nekumurova netsiva, nekuti kwaari: Porofita! Varanda vakamurova nembama dzamaoko avo.

⁶⁵and certain began to spit on him, and to cover his face, and to buffet him, and to say to him, `Prophesy;` and the officers were striking him with their palms.

⁶⁶Zvino Petro achiri paruvanze pasi, pakasvika umwe wevarandakadzi vemupristi mukuru;

⁶⁶And Peter being in the hall beneath, there doth come one of the maids of the chief priest,

⁶⁷achiona Petro achizvidziyisa, akamutarira akati: Iwewo wakange una Jesu weNazareta.

⁶⁷and having seen Peter warming himself, having looked on him, she said, `And thou wast with Jesus of Nazareth!`

⁶⁸Asi wakaramba, achiti: Handizivi kana kunzwisisa zvaunoreva. Akabuda panze akaenda kumusuwo; jongwe rikarira.

⁶⁸and he denied, saying, `I have not known [him], neither do I understand what thou sayest;` and he went forth without to the porch, and a cock crew.

⁶⁹Zvino murandakadzi akamuonazve, akatanga kuti kuna vakange vamirepo: Uyu ndewavo.

⁶⁹And the maid having seen him again, began to say to those standing near — `This is of them;`

⁷⁰Asi wakarambazve. Zvino shure kwechinguvana, vakange vamirepo vakatizve kuna Petro: Zvirokwazvo, uri wavo, nekuti newe uri muGarirea nemutauro wako unotenderana nazvo.

⁷⁰and he was again denying. And after a little again, those standing near said to Peter, `Truly thou art of them, for thou also art a Galilean, and thy speech is alike;`

⁷¹Akatanga kupa rushambwa nekupika, achiti: Handimuzivi munhu uyu wamunoreva.

⁷¹and he began to anathematize, and to swear — `I have not known this man of whom ye speak;`

⁷²Zvino jongwe rikarira rwechipiri. Petro ndokurangarira shoko Jesu raakange areva kwaari rekuti: Jongwe risati rarira kaviri, uchandiramba katatu. Zvino wakati achifunga izvozvo akachema.

⁷²and a second time a cock crew, and Peter remembered the saying that Jesus said to him — `Before a cock crow twice, thou mayest deny me thrice;` and having thought thereon — he was weeping.