¹Kwaiva neumwe wairwara, wainzi Razaro weBhetaniya, mumusha waMaria nemukoma wake Marita.

¹Now a certain man was sick, Lazarus of Bethany, of the village of Mary and her sister Martha.

²Waiva iye Maria wakazodza Ishe nemafuta, akapusika tsoka dzake nevhudzi rake, hanzvadzi yake Razaro wakange achirwara.

²And it was that Mary who anointed the Lord with ointment, and wiped his feet with her hair, whose brother Lazarus was sick.

³Naizvozvo hanzvadzi dzakatumira kwaari dzichiti: Ishe, tarirai uyo wamunoda unorwara.

³The sisters therefore sent unto him, saying, Lord, behold, he whom thou lovest is sick.

⁴Jesu wakati anzwa akati: Ukosha uhwu hahwusviki murufu, asi ndehwembiri yaMwari, kuti Mwanakomana waMwari arumbidzwe nahwo.

⁴But when Jesus heard it, he said, This sickness is not unto death, but for the glory of God, that the Son of God may be glorified thereby.

⁵Zvino Jesu wakange achida Marita nemunin'ina wake naRazaro.

⁵Now Jesus loved Martha, and her sister, and Lazarus.

⁶Naizvozvo wakati anzwa kuti unorwara, ipapo akagara amwe mazuva maviri panzvimbo paakange ari.

⁶When therefore he heard that he was sick, he abode at that time two days in the place where he was.

⁷Shure kweizvozvo wakati kuvadzidzi: Hendeizve Judhiya.

⁷Then after this he saith to the disciples, Let us go into Judaea again.

⁸Vadzidzi vakati kwaari: Rabhi*, vaJudha vachangobva kutsvaka kukutakai nemabwe; zvino moendazve ikoko here?

⁸The disciples say unto him, Rabbi, the Jews were but now seeking to stone thee; and goest thou thither again?

⁹Jesu akapindura akati: Hapana maora gumi nemaviri masikati here? Kana munhu achifamba masikati, haagumburwi, nekuti unoona chiedza chenyika ino.

⁹Jesus answered, Are there not twelve hours in the day? If a man walk in the day, he stumbleth not, because he seeth the light of this world.

¹⁰Asi kana munhu achifamba usiku, unogumburwa, nekuti hamuna chiedza maari.

¹⁰But if a man walk in the night, he stumbleth, because the light is not in him.

¹¹Wakataura zvinhu izvi, shure kweizvozvo ndokuti kwavari: Shamwari yedu Razaro yarara; asi ndinoenda kuti ndimumutse.

¹¹These things spake he: and after this he saith unto them, Our friend Lazarus is fallen asleep; but I go, that I may awake him out of sleep.

¹²Naizvozvo vadzidzi vake vakati: Ishe, kana arere, uchanaya.

¹²The disciples therefore said unto him, Lord, if he is fallen asleep, he will recover.

¹³Asi Jesu wakareva zverufu rwake; asi ivo vakafunga kuti unoreva kuzorora kwehope.

¹³Now Jesus had spoken of his death: but they thought that he spake of taking rest in sleep.

¹⁴Naizvozvo ipapo Jesu akavaudza pachena: Razaro wafa.

¹⁴Then Jesus therefore said unto them plainly, Lazarus is dead.

¹⁵Zvino ndinofara nekuda kwenyu kuti ndakange ndisipo, kuti mugotenda; asi hendei kwaari.

¹⁵And I am glad for your sakes that I was not there, to the intent ye may believe; nevertheless let us go unto him.

¹⁶Naizvozvo Tomasi, wainzi Dhidhimo, wakati kuna vamwe vadzidzi pamwe naye: Hendei isuwo kuti tinofa naye.

¹⁶Thomas therefore, who is called Didymus, said unto his fellow-disciples, Let us also go, that we may die with him.

¹⁷Zvino Jesu wakati achisvika, akawana atova muguva mazuva mana.

¹⁷So when Jesus came, he found that he had been in the tomb four days already.

¹⁸Zvino Bhetaniya rakange riri pedo neJerusarema, masitadhiya* anenge gumi nemashanu kubva ipapo;

¹⁸Now Bethany was nigh unto Jerusalem, about fifteen furlongs off;

¹⁹nevazhinji vevaJudha vakange vauya kuna Marita naMaria, kuti vavanyaradze pamusoro pehanzvadzi yavo.

¹⁹and many of the Jews had come to Martha and Mary, to console them concerning their brother.

²⁰Zvino Marita wakati angonzwa kuti Jesu wouya, akaenda kunomuchingamidza; asi Maria wakagara mumba.

²⁰Martha therefore, when she heard that Jesus was coming, went and met him: but Mary still sat in the house.

²¹Marita ndokuti kuna Jesu: Ishe, dai maiva pano, hanzvadzi yangu ingadai isina kufa.

²¹Martha therefore said unto Jesus, Lord, if thou hadst been here, my brother had not died.

²²Asi naikozvino ndinoziva kuti zvipi zvazvo zvamunokumbira kuna Mwari, Mwari uchakupai.

²²And even now I know that, whatsoever thou shalt ask of God, God will give thee.

²³Jesu akati kwaari: Hanzvadzi yako ichamukazve.

²³Jesus saith unto her, Thy brother shall rise again.

²⁴Marita akati kwaari: Ndinoziva kuti uchamukazve pakumuka nezuva rekupedzisira.

²⁴Martha saith unto him, I know that he shall rise again in the resurrection at the last day.

²⁵Jesu akati kwaari: Ndini kumuka neupenyu; unotenda kwandiri, kunyange akafa, uchararama;

²⁵Jesus said unto her, I am the resurrection, and the life: he that believeth on me, though he die, yet shall he live;

²⁶uye umwe neumwe unorarama uye unotenda kwandiri, haangatongofi nekusingaperi. Unotenda izvi here?

²⁶and whosoever liveth and believeth on me shall never die. Believest thou this?

²⁷Akati kwaari: Hongu, Ishe; ini ndinotenda kuti ndimwi Kristu, Mwanakomana waMwari, waizouya panyika.

²⁷She saith unto him, Yea, Lord: I have believed that thou art the Christ, the Son of God, [even] he that cometh into the world.

²⁸Zvino wakati areva izvi akaenda, akanodana Maria munin'ina wake pachivande, akati: Mudzidzisi wasvika, unokudana.

²⁸And when she had said this, she went away, and called Mary her sister secretly, saying, The Teacher is her, and calleth thee.

²⁹Iye wakati achingozvinzwa, akakurumidza kusimuka akaenda kwaari.

²⁹And she, when she heard it, arose quickly, and went unto him.

³⁰Zvino Jesu wakange asati asvika pamusha, asi wakange achiri panzvimbo Marita paakamuchingamidza.

³⁰(Now Jesus was not yet come into the village, but was still in the place where Martha met him.)

³¹Naizvozvo vaJudha vakange vanaye mumba vachimunyaradza, vakati vachiona Maria kuti wakasimuka nekukurumidza achibuda, vakamutevera vachiti: Unoenda kuguva kuti acheme.

³¹The Jews then who were with her in the house, and were consoling her, when they saw Mary, that she rose up quickly and went out, followed her, supposing that she was going unto the tomb to weep there.

³²Zvino Maria, wakati achisvika pakange pana Jesu, achimuona, akawira patsoka dzake, achiti kwaari: Ishe, dai maiva pano, hanzvadzi yangu ingadai isina kufa.

³²Mary therefore, when she came where Jesus was, and saw him, fell down at his feet, saying unto him, Lord, if thou hadst been here, my brother had not died.

³³Naizvozvo Jesu wakati achimuona achichema, vaJudhawo vachichema vakange vauya naye, akagomera mumweya, akazvitambudza,

³³When Jesus therefore saw her weeping, and the Jews [also] weeping who came with her, he groaned in the spirit, and was troubled,

³⁴akati: Mamuradzikepi? Vakati kwaari: Ishe, uyai muone.

³⁴and said, Where have ye laid him? They say unto him, Lord, come and see.

³⁵Jesu akachema misodzi.

³⁵Jesus wept.

³⁶Zvino vaJudha vakati: Tarirai kuti waimuda sei.

³⁶The Jews therefore said, Behold how he loved him!

³⁷Asi vamwe vavo vakati: Uyu wakasvinudza meso ebofu, haagoni kuita here kuti uyuwo asafa?

³⁷But some of them said, Could not this man, who opened the eyes of him that was blind, have caused that this man also should not die?

³⁸Naizvozvo Jesu wakagomerazve mukati make asvika paguva. Zvino raiva bako, nebwe rakange rakaradzikwa pamusoro paro.

³⁸Jesus therefore again groaning in himself cometh to the tomb. Now it was a cave, and a stone lay against it.

³⁹Jesu akati: Bvisai ibwe. Marita hanzvadzi yewakafa akati kwaari: Ishe, wotonhuhwa; nekuti une mazuva mana.

³⁹Jesus saith, Take ye away the stone. Martha, the sister of him that was dead, saith unto him, Lord, by this time the body decayeth; for he hath been [dead] four days.

⁴⁰Jesu akati kwaari: Handina kutaura here kwauri, kuti kana ukatenda, uchaona kubwinya kwaMwari?

⁴⁰Jesus saith unto her, Said I not unto thee, that, if thou believedst, thou shouldest see the glory of God?

⁴¹Naizvozvo vakabvisa ibwe, pakange paradzikwa wakafa. Jesu ndokusimudzira meso kumusoro, ndokuti: Baba, ndinokuvongai nekuti imwi mandinzwa.

⁴¹So they took away the stone. And Jesus lifted up his eyes, and said, Father, I thank thee that thou heardest me.

⁴²Asi ini ndanga ndichiziva kuti munondinzwa nguva dzose; asi nekuda kwechaunga chakakomberedza ndareva, kuti vatende kuti imwi makandituma.

⁴²And I knew that thou hearest me always: but because of the multitude that standeth around I said it, that they may believe that thou didst send me.

⁴³Zvino wakati areva izvozvi, akadanidzira nenzwi guru, akati: Razaro, buda!

⁴³And when he had thus spoken, he cried with a loud voice, Lazarus, come forth.

⁴⁴Uyo wakange afa ndokubuda, akasungwa makumbo nemaoko nemicheka yeguva, nechiso chake chakapombwa nemucheka wekumeso. Jesu akati kwavari: Musunungurei, mumurege aende.

⁴⁴He that was dead came forth, bound hand and foot with grave-clothes; and his face was bound about with a napkin. Jesus saith unto them, Loose him, and let him go.

⁴⁵Naizvozvo vazhinji vevaJudha, vakange vauya kuna Maria vakati vaona Jesu zvaakaita, vakatenda kwaari.

⁴⁵Many therefore of the Jews, who came to Mary and beheld that which he did, believed on him.

⁴⁶Asi vamwe vavo vakaenda kuvaFarisi, ndokuvaudza zvinhu Jesu zvaakange aita.

⁴⁶But some of them went away to the Pharisees, and told them the things which Jesus had done.

⁴⁷Naizvozvo vapristi vakuru nevaFarisi vakaunganidza dare remakurukota, vakati: Todini? Nekuti uyu munhu unoita zviratidzo zvizhinji.

⁴⁷The chief priests therefore and the Pharisees gathered a council, and said, What do we? for this man doeth many signs.

⁴⁸Kana tikamurega akadaro, vose vachatenda kwaari; nevaRoma vachauya vakatora zviri zviviri nzvimbo nerudzi rwedu.

⁴⁸If we let him thus alone, all men will believe on him: and the Romans will come and take away both our place and our nation.

⁴⁹Asi umwe wavo, Kayafasi, wakange ari mupristi mukuru gore iroro, akati kwavari: Hamuzivi chinhu imwi,

⁴⁹But a certain one of them, Caiaphas, being high priest that year, said unto them, Ye know nothing at all,

⁵⁰uye hamurangariri kuti zvakatinakira kuti munhu umwe afire vanhu, uye rudzi rwose rurege kuparara.

⁵⁰nor do ye take account that it is expedient for you that one man should die for the people, and that the whole nation perish not.

⁵¹Asi haana kureva izvi pachake, asi zvaakange ari mupristi mukuru gore iro, wakaporofita kuti Jesu waizofira rudzi urwo,

⁵¹Now this he said not of himself: but, being high priest that year, he prophesied that Jesus should die for the nation;

⁵²uye kwete rudzi urwo rwoga, asi kutiwo aunganidze vana vaMwari vakapararira vave umwe.

⁵²and not for the nation only, but that he might also gather together into one the children of God that are scattered abroad.

⁵³Zvino kubva pazuva iro vakarangana kuti vamuuraye.

⁵³So from that day forth they took counsel that they might put him to death.

⁵⁴Naizvozvo Jesu haana kuzombofamba pachena pakati pevaJudha, asi wakabvapo akaenda kunyika iri pedo nerenje, kuguta rainzi Efuremu, ndokugarako nevadzidzi vake.

⁵⁴Jesus therefore walked no more openly among the Jews, but departed thence into the country near to the wilderness, into a city called Ephraim; and there he tarried with the disciples.

⁵⁵Zvino pasika yevaJudha yakange yaswedera; vazhinji ndokubuda mumaruwa vakakwira kuJerusarema pasika isati yasvika, kuti vazvichenure.

⁵⁵Now the passover of the Jews was at hand: and many went up to Jerusalem out of the country before the passover, to purify themselves.

⁵⁶Naizvozvo vakatsvaka Jesu, vakataurirana vamire mutembere, vachiti: Munofungei? Kuti haangatongouyi kumutambo here?

⁵⁶They sought therefore for Jesus, and spake one with another, as they stood in the temple, What think ye? That he will not come to the feast?

⁵⁷Zvino vose vapristi vakuru nevaFarisi vakange vapa murairo kuti kana kune unoziva kwaari, azivise, kuti vamubate.

⁵⁷Now the chief priests and the Pharisees had given commandment, that, if any man knew where he was, he should show it, that they might take him.