¹Asi Jesu wakaenda kugomo reMiorivhi.

¹but Jesus went unto the mount of Olives.

²Zvino mangwanani-ngwanani wakauyazve kutembere, vanhu vose ndokuuya kwaari; iye ndokugara pasi akavadzidzisa.

²And early in the morning he came again into the temple, and all the people came unto him; and he sat down, and taught them.

³Zvino vanyori nevaFarisi vakauya kwaari nemukadzi wakabatwa mukufeva, vakati vamumisa pakati,

³And the scribes and the Pharisees bring a woman taken in adultery; and having set her in the midst,

⁴vakati kwaari: Mudzidzisi, mukadzi uyu wabatwa achifeva, pachiitiko chaipo;

⁴they say unto him, Teacher, this woman hath been taken in adultery, in the very act.

⁵zvino Mozisi pamurairo wakatiraira kuti vakadaro vatakwe nemabwe; naizvozvo imwi munoti kudini?

⁵Now in the law Moses commanded us to stone such: what then sayest thou of her?

⁶Asi izvozvi vakareva vachimuidza, kuti vave nechavangamupomera. Asi Jesu wakakotamira pasi, akanyora pasi nemumwe, seusina kuvaona.

⁶And this they said, trying him, that they might have [whereof] to accuse him. But Jesus stooped down, and with his finger wrote on the ground.

⁷Zvino vakati vachiramba vachimubvunza, akatasamuka akati kwavari: Usina chivi pakati penyu, ngaatange kukanda ibwe kwaari.

⁷But when they continued asking him, he lifted up himself, and said unto them, He that is without sin among you, let him first cast a stone at her.

⁸Zvino akakotamirazve pasi, akanyora pasi.

⁸And again he stooped down, and with his finger wrote on the ground.

⁹Zvino ivo vanzwa, vachipiwa mhosva nehana dzavo, vakabuda umwe-umwe, kutanga kuvakuru kusvikira kune vekupedzisira; Jesu akasara ari oga, nemukadzi amire pakati.

⁹And they, when they heard it, went out one by one, beginning from the eldest, [even] unto the last: and Jesus was left alone, and the woman, where she was, in the midst.

¹⁰Jesu wakati atasamuka, akasaona munhu asi mukadzi, akati kwaari: Mai, varipi vaya vapomeri vako? Hakuna wakupa mhosva here?

¹⁰And Jesus lifted up himself, and said unto her, Woman, where are they? did no man condemn thee?

¹¹Iye ndokuti: Hakuna, Ishe. Jesu ndokuti kwaari: Neni handikupi mhosva. Enda, usachitadzazve.

¹¹And she said, No man, Lord. And Jesus said, Neither do I condemn thee: go thy way; from henceforth sin no more.

¹²Naizvozvo Jesu wakataurazve kwavari, achiti: Ini ndiri chiedza chenyika; unonditevera haangatongofambi murima, asi uchava nechiedza cheupenyu.

¹²Again therefore Jesus spake unto them, saying, I am the light of the world: he that followeth me shall not walk in the darkness, but shall have the light of life.

¹³Naizvozvo vaFarisi vakati kwaari: Iwe unopupura nezvako; uchapupu hwako hahuna chokwadi.

¹³The Pharisees therefore said unto him, Thou bearest witness of thyself; thy witness is not true.

¹⁴Jesu akapindura akati kwavari: Kunyange ndichipupura nezvangu ini, uchapupu hwangu ndehwechokwadi; nekuti ndinoziva kwandakabva, uye kwandinoenda; asi imwi hamuzivi kwandakabva, uye kwandinoenda.

¹⁴Jesus answered and said unto them, Even if I bear witness of myself, my witness is true; for I know whence I came, and whither I go; but ye know not whence I come, or whither I go.

¹⁵Imwi munotonga maererano nenyama; ini handitongi munhu.

¹⁵Ye judge after the flesh; I judge no man.

¹⁶Asi kunyange ini ndichitonga, kutonga kwangu ndekwechokwadi; nekuti handisi ndoga, asi ini naBaba vakandituma.

¹⁶Yea and if I judge, my judgment is true; for I am not alone, but I and the Father that sent me.

¹⁷Uye mumurairo wenyu makanyorwa kuti uchapupu hwevanhu vaviri ndehwechokwadi.

¹⁷Yea and in your law it is written, that the witness of two men is true.

¹⁸Ndini ndinopupura nezvangu, naBaba vakandituma vanopupura nezvangu.

¹⁸I am he that beareth witness of myself, and the Father that sent me beareth witness of me.

¹⁹Naizvozvo vakati kwaari: Baba vako varipi? Jesu akapindura akati: Hamuzivi ini, kana Baba vangu. Dai maindiziva ini, mungadai maiziva Baba vanguwo.

¹⁹They said therefore unto him, Where is thy Father? Jesus answered, Ye know neither me, nor my Father: if ye knew me, ye would know my Father also.

²⁰Jesu wakataura mashoko awa muchivigiro chezvipo, achidzidzisa mutembere; asi hakuna munhu wakamubata, nekuti awa rake rakange risati rasvika.

²⁰These words spake he in the treasury, as he taught in the temple: and no man took him; because his hour was not yet come.

²¹Naizvozvo Jesu wakatizve kwavari: Ini ndinoenda, uye muchanditsvaka, mukafira muzvivi zvenyu; ini pandinoenda, imwi hamugoni kuuyapo.

²¹He said therefore again unto them, I go away, and ye shall seek me, and shall die in your sin: whither I go, ye cannot come.

²²Naizvozvo vaJudha vakati: Uchazviuraya kanhi? Nekuti unoti: Pandinoenda ini, imwi hamugoni kuuya?

²²The Jews therefore said, Will he kill himself, that he saith, Whither I go, ye cannot come?

²³Zvino akati kwavari: Imwi munobva pasi, ini ndinobva kumusoro; imwi munobva panyika ino, ini handibvi panyika ino.

²³And he said unto them, Ye are from beneath; I am from above: ye are of this world; I am not of this world.

²⁴Naizvozvo ndareva kwamuri kuti, muchafira muzvivi zvenyu; nekuti kana musinganditendi kuti ndini iye, muchafira muzvivi zvenyu.

²⁴I said therefore unto you, that ye shall die in your sins: for except ye believe that I am [he], ye shall die in your sins.

²⁵Naizvozvo vakati kwaari: Ndiwe ani? Jesu ndokuti kwavari: Ndizvo zvandakuudzaiwo kubva pakutanga.

²⁵They said therefore unto him, Who art thou? Jesus said unto them, Even that which I have also spoken unto you from the beginning.

²⁶Ndine zvinhu zvizhinji zvekutaura nekutonga pamusoro penyu; asi wakandituma ndewechokwadi, uye izvo zvandakanzwa ini kwaari ndizvo zvandinotaura kunyika.

²⁶I have many things to speak and to judge concerning you: howbeit he that sent me is true; and the things which I heard from him, these speak I unto the world.

²⁷Havana kunzwisisa kuti unotaura kwavari zvaBaba.

²⁷They perceived not that he spake to them of the Father.

²⁸Naizvozvo Jesu wakati kwavari: Kana masimudza Mwanakomana wemunhu, ipapo muchaziva kuti ndini iye, uye handiiti chinhu pachangu, asi baba vangu sezvavakandidzidzisa, ndinotaura zvinhu izvi.

²⁸Jesus therefore said, When ye have lifted up the Son of man, then shall ye know that I am [he], and [that] I do nothing of myself, but as the Father taught me, I speak these things.

²⁹Zvino iye wakandituma uneni; Baba havana kundisiya ndoga, nekuti ini ndinoita nguva dzose zvinomufadza.

²⁹And he that sent me is with me; he hath not left me alone; for I do always the things that are pleasing to him.

³⁰Achiri kutaura izvi vazhinji vakatenda kwaari.

³⁰As he spake these things, many believed on him.

³¹Naizvozvo Jesu wakati kuvaJudha vakatenda kaari: Kana imwi muchirambira mushoko rangu, muri vadzidzi vangu zvirokwazvo;

³¹Jesus therefore said to those Jews that had believed him, If ye abide in my word, [then] are ye truly my disciples;

³²uye muchaziva chokwadi, uye chokwadi chichakusunungurai.

³²and ye shall know the truth, and the truth shall make you free.

³³Vakamupindura vakati: Tiri mbeu yaAbhurahamu, uye hatina kutongova varanda vemunhu; zvino iwe unoreva sei kuti muchasunungurwa?

³³They answered unto him, We are Abraham's seed, and have never yet been in bondage to any man: how sayest thou, Ye shall be made free?

³⁴Jesu akavapindura akati: Zvirokwazvo, zvirokwazvo, ndinoti kwamuri: Ani nani unoita chivi muranda wechivi.

³⁴Jesus answered them, Verily, verily, I say unto you, Every one that committeth sin is the bondservant of sin.

³⁵Uye muranda haagari mumba nekusingaperi; mwanakomana unogara nekusingaperi.

³⁵And the bondservant abideth not in the house for ever: the son abideth for ever.

³⁶Naizvozvo kana Mwanakomana achikusunugurai, muchava vakasununguka zvirokwazvo.

³⁶If therefore the Son shall make you free, ye shall be free indeed.

³⁷Ndinoziva kuti muri mbeu yaAbhurahamu; asi munotsvaka kundiuraya, nekuti shoko rangu harina nzvimbo mamuri.

³⁷I know that ye are Abraham's seed: yet ye seek to kill me, because my word hath not free course in you.

³⁸Ini ndinotaura izvo zvandakaona kuna Baba vangu; naizvozvo nemwi munoita izvo zvamakaona kuna baba venyu.

³⁸I speak the things which I have seen with [my] Father: and ye also do the things which ye heard from [your] father.

³⁹Vakapindura vakati kwaari: Baba vedu ndiAbhurahamu. Jesu akati kwavari: Dai maiva vana vaAbhurahamu, maiita mabasa aAbhurahamu.

³⁹They answered and said unto him, Our father is Abraham. Jesus saith unto them, If ye were Abraham's children, ye would do the works of Abraham.

⁴⁰Asi ikozvino munotsvaka kundiuraya, munhu wakakuudzai chokwadi, chandakanzwa kuna Mwari; izvo Abhurahamu haana kuzviita.

⁴⁰But now ye seek to kill me, a man that hath told you the truth, which I heard from God: this did not Abraham.

⁴¹Imwi munoita mabasa ababa venyu. Naizvozvo vakati kwaari: Hatina kuberekwa neupombwe isu; tina Baba vamwe, Mwari.

⁴¹Ye do the works of your father. They said unto him, We were not born of fornication; we have one Father, [even] God.

⁴²Jesu akati kwavari: Dai Mwari aiva Baba venyu, maindida; nekuti ini ndakabuda ndichibva kuna Mwari; nekuti handina kuzviuyira, asi iye wakandituma.

⁴²Jesus said unto them, If God were your Father, ye would love me: for I came forth and am come from God; for neither have I come of myself, but he sent me.

⁴³Sei musinganzwisisi nhaurwa yangu? Nekuti hamugoni kunzwa shoko rangu.

⁴³Why do ye not understand my speech? [Even] because ye cannot hear my word.

⁴⁴Imwi muri vababa venyu dhiabhorosi, munoda kuita zvishuvo zvababa venyu. Iye wakange ari mhondi kubva pakutanga, asingagari muchokwadi, nekuti maari hamuna chokwadi. Kana achitaura nhema, unotaura pachake; nekuti mutauri wenhema uye baba vadzo.

⁴⁴Ye are of [your] father the devil, and the lusts of your father it is your will to do. He was a murderer from the beginning, and standeth not in the truth, because there is no truth in him. When he speaketh a lie, he speaketh of his own: for he is a liar, and the father thereof.

⁴⁵Asi nekuti ini ndinoreva chokwadi, hamunditendi.

⁴⁵But because I say the truth, ye believe me not.

⁴⁶Ndiani kwamuri ungandipomera pamusoro pechivi? Uye kana ndichireva chokwadi, imwi munoregerei kunditenda?

⁴⁶Which of you convicteth me of sin? If I say truth, why do ye not believe me?

⁴⁷Uyo unobva kuna Mwari unonzwa mashoko aMwari; naizvozvo imwi hamunzwi, nekuti hamubvi kuna Mwari.

⁴⁷He that is of God heareth the words of God: for this cause ye hear [them] not, because ye are not of God.

⁴⁸Naizvozvo vaJudha vakapindura vakati kwaari: Isu hatina kureva kwazvo here kuti iwe uri muSamaria, uye une dhimoni?

⁴⁸The Jews answered and said unto him, Say we not well that thou art a Samaritan, and hast a demon?

⁴⁹Jesu akapindura, akati: Ini handina dhimoni, asi ndinokudza Baba vangu; asi imwi munondizvidza.

⁴⁹Jesus answered, I have not a demon; but I honor my Father, and ye dishonor me.

⁵⁰Asi ini handitsvaki rumbidzo yangu; uriko unotsvaka nekutonga.

⁵⁰But I seek not mine own glory: there is one that seeketh and judgeth.

⁵¹Zvirokwazvo, zvirokwazvo, ndinoti kwamuri: Kana munhu akachengeta shoko rangu, haangatongooni rufu nekusingaperi.

⁵¹Verily, verily, I say unto you, If a man keep my word, he shall never see death.

⁵²Naizvozvo vaJudha vakati kwaari: Ikozvino toziva kuti une dhimoni; Abhurahamu wakafa, nevaporofita, asi iwe unoti: Kana munhu akachengeta shoko rangu, haangatongoraviri rufu nekusingaperi.

⁵²The Jews said unto him, Now we know that thou hast a demon. Abraham died, and the prophets; and thou sayest, If a man keep my word, he shall never taste of death.

⁵³Iwe uri mukuru kuna baba vedu Abhurahamu, vakafa? Nevaporofita vakafa; iwe unozviita ani?

⁵³Art thou greater than our father Abraham, who died? and the prophets died: whom makest thou thyself?

⁵⁴Jesu akapindura akati: Kana ini ndichizvikudza, rukudzo rwangu harwusi chinhu; ndiBaba vangu vanondikudza, avo imwi vamunoti ndiMwari wenyu.

⁵⁴Jesus answered, If I glorify myself, my glory is nothing: it is my Father that glorifieth me; of whom ye say, that he is your God;

⁵⁵Uye hamuna kuvaziva; asi ini ndinovaziva, uye kana ndikati handivazivi, ndichava murevi wenhema semwi; asi ndinovaziva, ndinochengeta shoko ravo.

⁵⁵and ye have not known him: but I know him; and if I should say, I know him not, I shall be like unto you, a liar: but I know him, and keep his word.

⁵⁶Baba venyu Abhurahamu vakafara kuona zuva rangu, uye vakariona vakapembera.

⁵⁶Your father Abraham rejoiced to see my day; and he saw it, and was glad.

⁵⁷Naizvozvo vaJudha vakati kwaari: Hausati wava nemakore makumi mashanu, zvino wakaona Abhurahamu here?

⁵⁷The Jews therefore said unto him, Thou art not yet fifty years old, and hast thou seen Abraham?

⁵⁸Jesu akati kwavari: Zvirokwazvo, zvirokwazvo, ndinoti kwamuri: Abhurahamu asati avapo, ini ndiripo.

⁵⁸Jesus said unto them, Verily, verily, I say unto you, Before Abraham was born, I am.

⁵⁹Ipapo vakanonga mabwe kuti vaposhere kwaari; asi Jesu wakazvivanza, akabuda mutembere, achigura nepakati pavo; akapfuura saizvozvo.

⁵⁹They took up stones therefore to cast at him: but Jesus hid himself, and went out of the temple.