¹Sezvo vazhinji vakaedza kuronga rondedzero yezvinhu zvakatendeka zvizere pakati pedu,

¹Forasmuch as many have taken in hand to draw up a narrative concerning those matters which have been fulfilled among us,

²sezvavakapa kwatiri ivo avo kubva pakutanga vakazvionera, uye vari varanda veshoko,

²even as they delivered them unto us, who from the beginning were eyewitnesses and ministers of the word,

³zvakaonekwa zvakanaka kwandiriwo, ndanyatsoongorora zvinhu zvose kubva pakutanga, kuti ndikunyorerei nekutevedzanisa, imwi Teofiro makakurumbira,

³it seemed good to me also, having traced the course of all things accurately from the first, to write unto thee in order, most excellent Theophilus;

⁴kuti muzive chokwadi chezvinhu zvamakadzidziswa.

⁴that thou mightest know the certainty concerning the things wherein thou wast instructed.

⁵Kwaivapo nemazuva aHerodhe mambo weJudhiya umwe mupristi wainzi Zakaria, weboka raAbhiya; nemukadzi wake waibva kuvanasikana vaAroni, nezita rake riri Erizabheti.

⁵There was in the days of Herod, king of Judaea, a certain priest named Zacharias, of the course of Abijah: and he had a wife of the daughters of Aaron, and her name was Elisabeth.

⁶Uye vari vaviri vakange vakarurama pamberi paMwari, vachifamba nemurairo wose nezviga zvaIshe, vasina chavangapomerwa.

⁶And they were both righteous before God, walking in all the commandments and ordinances of the Lord blameless.

⁷Uye vakange vasina mwana, nekuti Erizabheti wakange ari mhanje, uye vakange vaenda pamakore vari vaviri.

⁷And they had no child, because that Elisabeth was barren, and they both were [now] well stricken in years.

⁸Zvino zvakaitika kuti wakati achiita ushumiri hweupristi pamberi paMwari, pachidanho cheboka rake,

⁸Now it came to pass, while he executed the priest's office before God in the order of his course,

⁹maererano netsika yeushumiri hweupristi, wakabatwa nemujenya kuti apise zvipfungaidzo zvinonhuwira apinda mutembere yaIshe.

⁹according to the custom of the priest's office, his lot was to enter into the temple of the Lord and burn incense.

¹⁰Zvino chaunga chose chavanhu chakange chichinyengetera kunze nenguva yezvipfungaidzo zvinonhuhwira.

¹⁰And the whole multitude of the people were praying without at the hour of incense.

¹¹Zvino kwakaonekwa kwaari mutumwa waIshe, amire kurutivi rwerudyi rwearitari yezvifungaidzo zvinonhuhwira.

¹¹And there appeared unto him an angel of the Lord standing on the right side of altar of incense.

¹²Zvino Zakaria wakati achimuona akavhiringidzika, kutya kukamuwira.

¹²And Zacharias was troubled when he saw [him], and fear fell upon him.

¹³Asi mutumwa wakati kwaari: Usatya Zakaria; nekuti munyengetero wako wanzwikwa, nemukadzi wako Erizabheti uchakuberekera mwanakomana, ugotumidza zita rake Johwani.

¹³But the angel said unto him, Fear not, Zacharias: because thy supplication is heard, and thy wife Elisabeth shall bear thee a son, and thou shalt call his name John.

¹⁴Uye uchava nemufaro nekupembera, nevazhinji vachafarira kuberekwa kwake.

¹⁴And thou shalt have joy and gladness; and many shall rejoice at his birth.

¹⁵Nekuti uchava mukuru pamberi paIshe, haangatongomwi waini kana zvinodhaka; uye uchazadzwa neMweya Mutsvene kunyange kubva padumbu ramai vake.

¹⁵For he shall be great in the sight of the Lord, and he shall drink no wine nor strong drink; and he shall be filled with the Holy Spirit, even from his mother's womb.

¹⁶Nevazhinji vevana vaIsraeri uchatendeusira kuna Ishe Mwari wavo;

¹⁶And many of the children of Israel shall be turn unto the Lord their God.

¹⁷uye iye uchafamba pamberi pake mumweya nesimba raEria, kutendeusira moyo yemadzibaba kuvana, nevasingateereri kuuchenjeri hwevakarurama, kugadzirira Ishe vanhu vakagadzirwa.

¹⁷And he shall go before his face in the spirit and power of Elijah, to turn the hearts of the fathers to the children, and the disobedient [to walk] in the wisdom of the just; to make ready for the Lord a people prepared [for him].

¹⁸Zakaria akati kumutumwa: Izvozvi ndichazviziva nei? Nekuti ini ndava mukweguru, nemukadzi wangu waenda pamazuva ake.

¹⁸And Zacharias said unto the angel, Whereby shall I know this? for I am an old man, and my wife well stricken in years.

¹⁹Mutumwa achipindura akati kwaari: Ini ndini Gabhirieri, unomira pamberi paMwari; ndatumwa kuti nditaure kwauri, ndikuparidzire mashoko awa akanaka.

¹⁹And the angel answering said unto him, I am Gabriel, that stand in the presence of God; and I was sent to speak unto thee, and to bring thee these good tidings.

²⁰Zvino tarira, uchava chimumumu, usingagoni kutaura, kusvikira zuva rinoitika zvinhu izvi, nekuti hauna kutenda mashoko angu, achazadziswa nenguva yawo.

²⁰And behold, thou shalt be silent and not able to speak, until the day that these things shall come to pass, because thou believedst not my words, which shall be fulfilled in their season.

²¹Vanhu vakange vakamirira Zakaria, vakashamisika nekunonoka kwake mutembere.

²¹And the people were waiting for Zacharias, and they marvelled while he tarried in the temple.

²²Zvino wakati abuda, akakonewa kutaura kwavari; vakaziva kuti wakange aona dzengerere mutembere; iye akavaninira nemaoko, akaramba ari chimumu.

²²And when he came out, he could not speak unto them: and they perceived that he had seen a vision in the temple: and he continued making signs unto them, and remained dumb.

²³Zvino zvakaitika kuti mazuva okushumira kwake akati achangopera, akaenda kumba kwake.

²³And it came to pass, when the days of his ministration were fulfilled, he departed unto his house.

²⁴Zvino shure kwemazuva iwayo, mukadzi wake Erizabheti akatora mimba, akazvivanza mwedzi mishanu, achiti:

²⁴And after these days Elisabeth his wife conceived; and she hid herself five months, saying,

²⁵IShe wandiitira saizvozvi nemazuva aakanditarira, kuti abvise ruzvidzo rwangu pakati pevanhu.

²⁵Thus hath the Lord done unto me in the days wherein he looked upon [me], to take away my reproach among men.

²⁶Zvino nemwedzi wechitanhatu mutumwa Gabrieri wakatumwa naMwari kuguta reGarirea rinonzi Nazareta,

²⁶Now in the sixth month the angel Gabriel was sent from God unto a city of Galilee, named Nazareth,

²⁷kumhandara, yakange yatsidza kuwanikwa nemurume ainzi Josefa, weimba yaDhavhidhi; zita remhandara riri Maria.

²⁷to a virgin betrothed to a man whose name was Joseph, of the house of David; and the virgin's name was Mary.

²⁸Mutumwa akapinda kwaari akati: Hekanhi, iwe une nyasha! Ishe unewe, wakaropafadzwa iwe pakati pavakadzi.

²⁸And he came in unto her, and said, Hail, thou that art highly favored, the Lord [is] with thee.

²⁹Iye wakati achimuona akavhiringidzwa neshoko rake, akafunganya kuti uku kukwazisa rudzii kwakadai.

²⁹But she was greatly troubled at the saying, and cast in her mind what manner of salutation this might be.

³⁰Zvino mutumwa akati kwaari: Usatya Maria; nekuti wawana nyasha kuna Mwari.

³⁰And the angel said unto her, Fear not, Mary: for thou hast found favor with God.

³¹Zvino tarira, uchava nemimba, ugozvara mwanakomana, uchatumidza zita rake kuti Jesu.

³¹And behold, thou shalt conceive in thy womb, and bring forth a son, and shalt call his name JESUS.

³²Iye uchava mukuru, uchanzi Mwanakomana weWekumusoro-soro; Ishe Mwari uchapa kwaari chigaro cheushe chababa vake Dhavhidhi.

³²He shall be great, and shall be called the Son of the Most High: and the Lord God shall give unto him the throne of his father David:

³³Uchatonga pamusoro peimba yaJakobho kusvikira narinhi, neushe hwake hahwungavi nemugumo.

³³and he shall reign over the house of Jacob for ever; and of his kingdom there shall be no end.

³⁴Maria ndokuti kumutumwa: Izvi zvingava sei, nekuti handizivi murume?

³⁴And Mary said unto the angel, How shall this be, seeing I know not a man?

³⁵Mutumwa akapindura akati kwaari: Mweya Mutsvene uchauya pamusoro pako, nesimba reWokumusoro-soro richakudzikatira; naizvozvo icho chitsvene chichaberekwa newe chichanzi Mwanakomana waMwari.

³⁵And the angel answered and said unto her, The Holy Spirit shall come upon thee, and the power of the Most High shall overshadow thee: wherefore also the holy thing which is begotten shall be called the Son of God.

³⁶Uye tarira, Erizabheti hama yako, iyewo wava nemimba yemwanakomana pakuchembera kwake; nemwedzi uno wava wechitanhatu kuna iye wainzi mhanje.

³⁶And behold, Elisabeth thy kinswoman, she also hath conceived a son in her old age; and this is the sixth month with her that was called barren.

³⁷Nekuti naMwari hakuna chinhu chisingazogoneki.

³⁷For no word from God shall be void of power.

³⁸Maria ndokuti: Tarirai, murandakadzi waIshe; ngazvive kwandiri seshoko renyu. Mutumwa ndokubva kwaari.

³⁸And Mary said, Behold, the handmaid of the Lord; be it unto me according to thy word. And the angel departed from her.

³⁹Zvino Maria akasimuka nemazuva iwayo akaenda kunyika yazvikomo nekukurumidza, kuguta raJudha;

³⁹And Mary arose in these days and went into the hill country with haste, into a city of Judah;

⁴⁰akapinda mumba maZakaria, akakwazisa Erizabheti.

⁴⁰and entered into the house of Zacharias and saluted Elisabeth.

⁴¹Zvino zvakaitika kuti Erizabheti wakati achinzwa kukwazisa kwaMaria, mwana akatamba mudumbu rake; naErizabheti akazadzwa neMweya Mutsvene,

⁴¹And it came to pass, when Elisabeth heard the salutation of Mary, the babe leaped in her womb; and Elisabeth was filled with the Holy Spirit;

⁴²akadanidzira nenzwi guru, akati: Wakaropafadzwa iwe pakati pavakadzi, uye chakaropafadzwa chibereko chedumbu rako!

⁴²and she lifted up her voice with a loud cry, and said, Blessed [art] thou among women, and blessed [is] the fruit of thy womb.

⁴³Ko zvandibvira nepi, kuti mai vaIshe wangu vauye kandiri?

⁴³And whence is this to me, that the mother of my Lord should come unto me?

⁴⁴Nekuti tarira, inzwi rekukwazisa kwako rangoti richisvika munzeve dzangu, mwana watamba mudumbu rangu nemufaro.

⁴⁴For behold, when the voice of thy salutation came into mine ears, the babe leaped in my womb for joy.

⁴⁵Uye wakaropafadzwa unotenda, nekuti zvakataurwa naIshe kwaari zvichazadziswa.

⁴⁵And blessed [is] she that believed; for there shall be a fulfilment of the things which have been spoken to her from the Lord.

⁴⁶Maria akati: Moyo wangu unokudza Ishe,

⁴⁶And Mary said, My soul doth magnify the Lord,

⁴⁷nemweya wangu unofara muna Mwari Muponesi wangu;

⁴⁷And my spirit hath rejoiced in God my Saviour.

⁴⁸nekuti wakatarira kuninipiswa kwemurandakadzi wake; nekuti tarira, kubva zvino mazera ose achati ndakaropafadzwa.

⁴⁸For he hath looked upon the low estate of his handmaid: For behold, from henceforth all generations shall call me blessed.

⁴⁹Nekuti une masimba wakandiitira zvinhu zvikuru; nezita rake idzvene.

⁴⁹For he that is mighty hath done to me great things; And holy is his name.

⁵⁰Netsitsi dzake dziri kuna avo vanomutya kubva kumazera nemazera.

⁵⁰And his mercy is unto generations and generations On them that fear him.

⁵¹Wakaita zvinesimba noruoko rwake; wakaparadzira vanozvikudza mundangariro dzemoyo yavo.

⁵¹He hath showed strength with his arm; He hath scattered the proud in the imagination of their heart.

⁵²Wakaburusa vane masimba pazvigaro zvoushe, akasimudza vakaderera.

⁵²He hath put down princes from [their] thrones, And hath exalted them of low degree.

⁵³Vanenzara wakavagutsa nezvinhu zvakanaka, asi vafumi wakavaendesa vasina chinhu.

⁵³The hungry he hath filled with good things; And the rich he hath sent empty away.

⁵⁴Wakabatsira Israeri muranda wake kuti arangarire tsitsi,

⁵⁴He hath given help to Israel his servant, That he might remember mercy

⁵⁵sezvaakataura kumadzibaba edu, kuna Abhurahamu nekumbeu yake kusvikira rinhi narinhi.

⁵⁵(As he spake unto our fathers) Toward Abraham and his seed for ever.

⁵⁶Maria akagara naye mwedzi inenge mitatu, akadzokera kumba kwake.

⁵⁶And Mary abode with her about three months, and returned unto her house.

⁵⁷Zvino nguva yaErizabheti yekusununguka kwake yakazara; akabereka mwanakomana.

⁵⁷Now Elisabeth's time was fulfilled that she should be delivered; and she brought forth a son.

⁵⁸Zvino vavakidzani nehama dzake vakati vanzwa kuti Ishe wakange amuitira tsitsi dzake huru, vakafara naye.

⁵⁸And her neighbors and her kinsfolk heard that the Lord had magnified his mercy towards her; and they rejoiced with her.

⁵⁹Zvino zvakaitika kuti nezuva rerusere vakauya kuzodzingisa mucheche, vakamutumidza maererano nezita rababa vake Zakaria.

⁵⁹And it came to pass on the eighth day, that they came to circumcise the child; and they would have called him Zacharias, after the name of the father.

⁶⁰Asi mai vake vakapindura vakati: Kwete, asi uchanzi Johwani.

⁶⁰And his mother answered and said, Not so; but he shall be called John.

⁶¹Vakati kwaari: Hakuna munhu kuhama dzenyu unodaidzwa nezita iro.

⁶¹And they said unto her, There is none of thy kindred that is called by this name.

⁶²Vakataura nemaoko kuna baba vake, kuti vanoda kuti anzi ani.

⁶²And they made signs to his father, what he would have him called.

⁶³Vakakumbira chinyorero, vakanyora vachiti: NdiJohwani zita rake; vakashamisika vose.

⁶³And he asked for a writing tablet, and wrote, saying, His name is John. And they marvelled all.

⁶⁴Muromo wake ukazarurwa pakarepo, nerurimi rwake rukasununguka, akataura, achirumbidza Mwari.

⁶⁴And his mouth was opened immediately, and his tongue [loosed], and he spake, blessing God.

⁶⁵Kutya kukawira vose vaigara vakavakomba; nemashoko iwayo ose akanzwikwa kunyika yose yezvikomo yeJudhiya.

⁶⁵And fear came on all that dwelt round about them: and all these sayings were noised abroad throughout all the hill country of Judaea.

⁶⁶Zvino vose vakanzwa, vakazviisa mumoyo yavo, vachiti: Mucheche uyu uchazova ani? Uye ruoko rwaIshe rwakava naye.

⁶⁶And all that heard them laid them up in their heart, saying, What then shall this child be? For the hand of the Lord was with him.

⁶⁷Zvino Zakaria baba vake vakazadzwa neMweya Mutsvene, vakaporofita, vachiti:

⁶⁷And his father Zacharias was filled with the Holy Spirit, and prophesied, saying,

⁶⁸Ngaarumbidzwe Ishe Mwari waIsraeri, nekuti wakashanyira kuvanhu vake nekuvadzikunura;

⁶⁸Blessed [be] the Lord, the God of Israel; For he hath visited and wrought redemption for his people,

⁶⁹akatisimudzira runyanga rworuponeso mumba maDhavhidhi muranda wake;

⁶⁹And hath raised up a horn of salvation for us In the house of his servant David

⁷⁰sezvaakataura nemuromo wevaporofita vake vatsvene, vakange varipo kubva pasichigare;

⁷⁰(As he spake by the mouth of his holy prophets that have been from of old),

⁷¹ruponeso pamhandu dzedu, neparuoko rwavose vanotivenga;

⁷¹Salvation from our enemies, and from the hand of all that hate us;

⁷²kuitira madzibaba edu tsitsi, nekurangarira sungano yake tsvene,

⁷²To show mercy towards, our fathers, And to remember his holy covenant;

⁷³mhiko yaakapika kuna Abhurahamu baba vedu;

⁷³The oath which he spake unto Abraham our father,

⁷⁴kutipa, kuti tasunungurwa muruoko rwevavengi vedu, timushumire tisingatyi;

⁷⁴To grant unto us that we being delivered out of the hand of our enemies Should serve him without fear,

⁷⁵muutsvene nekururama pamberi pake mazuva ose eupenyu hwedu.

⁷⁵In holiness and righteousness before him all our days.

⁷⁶Newe mucheche, uchanzi muporofita weWokumusoro-soro, nekuti uchatungamira pamberi pechiso chaIshe, kugadzirira nzira dzake;

⁷⁶Yea and thou, child, shalt be called the prophet of the Most High: For thou shalt go before the face of the Lord to make ready his ways;

⁷⁷kupa ruzivo rweruponeso kuvanhu vake nekangamwiro yezvivi zvavo;

⁷⁷To give knowledge of salvation unto his people In the remission of their sins,

⁷⁸netsitsi dzaMwari wedu, mauri mambakwedza ekudenga anotishanyira;

⁷⁸Because of the tender mercy of our God, Whereby the dayspring from on high shall visit us,

⁷⁹kuvhenekera vagere murima nemumvuri worufu, nekururamisa tsoka dzedu munzira yerugare.

⁷⁹To shine upon them that sit in darkness and the shadow of death; To guide our feet into the way of peace.

⁸⁰Mucheche akakura, akasimba mumweya, akava mumarenje, kusvikira zuva rekuratidzwa kwake kuna Israeri.

⁸⁰And the child grew, and waxed strong in spirit, and was in the deserts till the day of his showing unto Israel.