¹Zvino zvakaitika nemazuva iwayo, chiga chakabuda kubva kuna Kesari Agasto, kuti nyika yose inyorwe.

¹Now it came to pass in those days, there went out a decree from Caesar Augustus, that all the world should be enrolled.

²Kunyorwa uku kwaiva kwekutanga kwakaitwa Kuriniosi ari mutungamiriri weSiria.

²This was the first enrolment made when Quirinius was governor of Syria.

³Vose ndokuenda kunonyorwa, umwe neumwe kuguta rekwake.

³And all went to enrol themselves, every one to his own city.

⁴NaJosefawo akakwira achibva Garirea muguta Nazareta, akaenda Judhiya kuguta raDhavhidhi, rinonzi Bhetirehemu, nekuti waiva weimba nedzinza raDhavhidhi,

⁴And Joseph also went up from Galilee, out of the city of Nazareth, into Judaea, to the city of David, which is called Bethlehem, because he was of the house and family of David;

⁵kunonyorwa naMaria mukadzi wakange atsidzira kuwanikwa naye, ava nemimba.

⁵to enrol himself with Mary, who was betrothed to him, being great with child.

⁶Zvakaitika kuti vachipo, mazuva okusununguka kwake akazadzisika;

⁶And it came to pass, while they were there, the days were fulfilled that she should be delivered.

⁷ndokuzvara mwanakomana wake wedangwe, akamuputira nemicheka, akamuvanzarika muchidyiro, nekuti makange musina nzvimbo yavo muimba yevaeni.

⁷And she brought forth her firstborn son; and she wrapped him in swaddling clothes, and laid him in a manger, because there was no room for them in the inn.

⁸Zvino kwakange kune vafudzi munyika iyoyo vaigara kuuragu vachichengetedza nguva dzekurinda mapoka avo usiku.

⁸And there were shepherds in the same country abiding in the field, and keeping watch by night over their flock.

⁹Zvino tarira, mutumwa waIshe akamira pedo navo, nekubwinya kwaIshe kukapenya kwakavakomba; vakatya nekutya kukuru.

⁹And an angel of the Lord stood by them, and the glory of the Lord shone round about them: and they were sore afraid.

¹⁰Zvino mutumwa akati kwavari: Musatya; nekuti tarirai, ndinokuparidzirai mashoko akanaka emufaro mukuru, uchava kuvanhu vose;

¹⁰And the angel said unto them, Be not afraid; for behold, I bring you good tidings of great joy which shall be to all the people:

¹¹nekuti mazvarirwa nhasi Muponesi, unova Kristu Ishe, muguta raDhavhidhi.

¹¹for there is born to you this day in the city of David a Saviour, who is Christ the Lord.

¹²Zvino ichi chiratidzo kwamuri: Muchandowana mucheche akaputirwa nemicheka, avete muchidyiro.

¹²And this [is] the sign unto you: Ye shall find a babe wrapped in swaddling clothes, and lying in a manger.

¹³Uye pakarepo kukavapo pamwe nemutumwa chaunga chehondo yekudenga vachirumbidza Mwari, vachiti:

¹³And suddenly there was with the angel a multitude of the heavenly host praising God, and saying,

¹⁴Rumbidzo kuna Mwari kumusoro-soro, norugare panyika; chishuwo chakanaka kuvanhu.

¹⁴Glory to God in the highest, And on earth peace among men in whom he is well pleased.

¹⁵Zvino kwakaitika kuti vatumwa vabva kwavari vaenda kudenga, vanhu vafudzi vakataurirana, vachiti: Ngatiende ikozvino Bhetirehemu, tinoona chinhu ichi chakaitika, Ishe chaatizivisa.

¹⁵And it came to pass, when the angels went away from them into heaven, the shepherds said one to another, Let us now go even unto Bethlehem, and see this thing that is come to pass, which the Lord hath made known unto us.

¹⁶Zvino vakakurumidza kusvika, vakawana vose Maria naJosefa, nemucheche avete muchidyiro.

¹⁶And they came with haste, and found both Mary and Joseph, and the babe lying in the manger.

¹⁷Vakati vaona, vakazivisa kose shoko ravakange vaudzwa maererano neucheche uyu.

¹⁷And when they saw it, they made known concerning the saying which was spoken to them about this child.

¹⁸Zvino vose vakanzwa vakashamisika nezvinhu zvakange zvataurwa kwavari nevafudzi.

¹⁸And all that heard it wondered at the things which were spoken unto them by the shepherds.

¹⁹Asi Maria wakachengeta zvinhu izvi zvose, achifungisisa mumoyo make.

¹⁹But Mary kept all these sayings, pondering them in her heart.

²⁰Zvino vafudzi vakadzokera, vachikudza nekurumbidza Mwari pamusoro pezvinhu zvose zvavakange vanzwa nekuona, sezvakange zvataurwa kwavari.

²⁰And the shepherds returned, glorifying and praising God for all the things that they had heard and seen, even as it was spoken unto them.

²¹Mazuva masere akati apera kuti mucheche adzingiswe, zita rake ndokunzi Jesu, raakange atumidzwa nemutumwa asati agamuchirwa mudumbu.

²¹And when eight days were fulfilled for circumcising him, his name was called JESUS, which was so called by the angel before he was conceived in the womb.

²²Zvino mazuva ekunatswa kwake nemurairo waMozisi akati apera, vakauya naye kuJerusarema, kuti vamukumikidze kuna Ishe,

²²And when the days of their purification according to the law of Moses were fulfilled, they brought him up to Jerusalem, to present him to the Lord

²³(sezvazvakanyorwa pamurairo waIshe kuti: Chirume chose chinozarura chizvaro, chichanzi chitsvene kuna Ishe),

²³(as it is written in the law of the Lord, Every male that openeth the womb shall be called holy to the Lord),

²⁴uye vabayire chibayiro sezvazvakarehwa pamurairo waIshe, hangaiwa mbiri, kana njiva mbiri duku.

²⁴and to offer a sacrifice according to that which is said in the law of the Lord, A pair of turtledoves, or two young pigeons.

²⁵Zvino tarira, kwakange kune munhu muJerusarema, zita rake raiva Simioni, ndiyewo munhu waiva akarurama akazvipira kushumira Mwari, akamirira kunyaradzwa kwaIsraeri, neMweya Mutsvene wakange uri pamusoro pake.

²⁵And behold, there was a man in Jerusalem whose name was Simeon; and this man was righteous and devout, looking for the consolation of Israel: and the Holy Spirit was upon him.

²⁶Zvino zvakange zvaratidzwa kwaari neMweya Mutsvene, kuti haangaoni rufu asati aona Kristu waIshe.

²⁶And it had been revealed unto him by the Holy Spirit, that he should not see death, before he had seen the Lord's Christ.

²⁷Wakapinda mutembere neMweya; zvino vabereki vakati vachiuisa mucheche Jesu, kuti vaite pamusoro pake netsika yemurairo,

²⁷And he came in the Spirit into the temple: and when the parents brought in the child Jesus, that they might do concerning him after the custom of the law,

²⁸iye akamutora mumaoko ake, akavonga Mwari, achiti:

²⁸then he received him into his arms, and blessed God, and said,

²⁹Tenzi, ikozvino regai muranda wenyu aende nerugare, seshoko renyu;

²⁹Now lettest thou thy servant depart, Lord, According to thy word, in peace;

³⁰nekuti meso angu aona ruponeso rwenyu,

³⁰For mine eyes have seen thy salvation,

³¹rwamakagadzirira pamberi pezviso zvevanhu vose;

³¹Which thou hast prepared before the face of all peoples;

³²chiedza chekuzarurira vahedheni, nekubwinya kwerudzi rwenyu Israeri.

³²A light for revelation to the Gentiles, And the glory of thy people Israel.

³³Josefa namai vake vakashamisika nezvinhu zvakarehwa pamusoro pake.

³³And his father and his mother were marvelling at the things which were spoken concerning him;

³⁴Zino Simioni akavaropafadza, akati kuna Maria mai vake: Tarira, uyu wakaisirwa kuwa nekumuka kwevazhinji kuna Israeri, nekuva chiratidzo chichapikiswa;

³⁴and Simeon blessed them, and said unto Mary his mother, Behold, this [child] is set for the falling and the rising of many in Israel; and for a sign which is spoken against;

³⁵uye newe, munondo uchapinda nemweya wako pachako; kuti ndangariro dzemoyo mizhinji dzifukurwe.

³⁵yea and a sword shall pierce through thine own soul; that thoughts out of many hearts may be revealed.

³⁶Zvino kwakange kuna Ana muporofitakadzi, mukunda waFanueri, wedzinza raAsheri; wakange akwegura kwazvo, wakararama nemurume makore manomwe kubvira paumhandara hwake.

³⁶And there was one Anna, a prophetess, the daughter of Phanuel, of the tribe of Asher (she was of a great age, having lived with a husband seven years from her virginity,

³⁷Uye ari chirikadzi yemakore angava makumi masere nemana, wakange asingabvi mutembere, achishumira nemitsanyo neminyengetero usiku nemasikati.

³⁷and she had been a widow even unto fourscore and four years), who departed not from the temple, worshipping with fastings and supplications night and day.

³⁸Naiye wakati achisvika nenguva iyoyo akatenda Mwari, akataura pamusoro pake kuna vose vakange vachitarisira kusunungurwa muJerusarema.

³⁸And coming up at that very hour she gave thanks unto God, and spake of him to all them that were looking for the redemption of Jerusalem.

³⁹Zvino vakati vapedza zvinhu zvose zvaienderana nemurairo waIshe, vakadzokera Garirea kuguta ravo Nazareta.

³⁹And when they had accomplished all things that were according to the law of the Lord, they returned into Galilee, to their own city Nazareth.

⁴⁰Mucheche akakura, akasimba mumweya, akazara nenjere; nenyasha dzaMwari dzakange dziri pamusoro pake.

⁴⁰And the child grew, and waxed strong, filled with wisdom: and the grace of God was upon him.

⁴¹Zvino vabereki vake vaienda kuJerusarema makore ose pamutambo wepasika.

⁴¹And his parents went every year to Jerusalem at the feast of the passover.

⁴²Zvino wakati ava nemakore gumi nemaviri, vakakwira kuJerusarema zvichienderana netsika yemutambo,

⁴²And when he was twelve years old, they went up after the custom of the feast;

⁴³vakati mazuva apera, pakudzoka kwavo, mwana Jesu akasara kuJerusarema, asi Josefa namai vake vasingazvizivi,

⁴³and when they had fulfilled the days, as they were returning, the boy Jesus tarried behind in Jerusalem; and his parents knew it not;

⁴⁴asi vaimufungira kuva mune vamwe vevakange vachifamba navo, vakafamba mufambo wezuva, vakazomutsvaka pakati pehama nekuvazikanwi.

⁴⁴but supposing him to be in the company, they went a day's journey; and they sought for him among their kinsfolk and acquaintance:

⁴⁵Asi vakati vasingamuwani, vakadzokera kuJerusarema vachimutsvaka.

⁴⁵and when they found him not, they returned to Jerusalem, seeking for him.

⁴⁶Zvino zvakaitika shure kwemazuva matatu, vakamuwana mutembere, agere pakati pavadzidzisi, achivateerera, achivabvunza.

⁴⁶And it came to pass, after three days they found him in the temple, sitting in the midst of the teachers, both hearing them, and asking them questions:

⁴⁷Vose vakange vachimunzwa vakavhiringidzika nekuziva nemhinduro dzake.

⁴⁷and all that heard him were amazed at his understanding and his answers.

⁴⁸Zvino vakati vamuona vakakatyamara; mai vake vakati kwaari: Mwana, waitirei zvakadai kwatiri? Tarira, baba vako neni tanga tichikutsvaka tichishungurudzika.

⁴⁸And when they saw him, they were astonished; and his mother said unto him, Son, why hast thou thus dealt with us? behold, thy father and I sought thee sorrowing.

⁴⁹Akati kwavari: Munonditsvaka sei? Manga musingazivi kuti ndinofanira kuva pazvinhu zvaBaba vangu here?

⁴⁹And he said unto them, How is it that ye sought me? knew ye not that I must be in my Father's house?

⁵⁰Asi ivo havana kunzwisisa shoko raakataura kwavari.

⁵⁰And they understood not the saying which he spake unto them.

⁵¹Zvino akaburuka navo, akasvika Nazareta; akazviisa pasi pavo. Asi mai vake vakachengeta mashoko iwayo ose mumoyo mavo.

⁵¹And he went down with them, and came to Nazareth; and he was subject unto them: and his mother kept all [these] sayings in her heart.

⁵²Jesu akawedzera panjere nekukura, nepakudiwa naMwari nevanhu.

⁵²And Jesus advanced in wisdom and stature, and in favor with God and men.