¹Zvino wakati kuvadzidzi: Hazvigoneki kuti zvigumbuso zvisauya; asi une nhamo wazvinouya kubudikidza naye.

¹And he said unto his disciples, It is impossible but that occasions of stumbling should come; but woe unto him, through whom they come!

²Zvaiva nani kwaari kuti guyo rinorema risungirirwe kupoteredza mutsipa wake, ndokukandirwa mugungwa, pakuti agumbuse umwe wevaduku ava.

²It were well for him if a millstone were hanged about his neck, and he were thrown into the sea, rather than that he should cause one of these little ones to stumble.

³Muzvichenjerere imwi. Zvino kana hama yako ikakutadzira, mutsiure; uye kana akatendeuka, mukangamwire.

³Take heed to yourselves: if thy brother sin, rebuke him; and if he repent, forgive him.

⁴Uye kana akutadzira kanomwe pazuva, akadzoka kwauri kanomwe pazuva, achiti: Ndatendeuka; uchamukangamwira.

⁴And if he sin against thee seven times in the day, and seven times turn again to thee, saying, I repent; thou shalt forgive him.

⁵Zvino vaapositori vakati kuna Ishe: Wedzerai kwatiri rutendo.

⁵And the apostles said unto the Lord, Increase our faith.

⁶Ishe ndokuti: Kana maiva nerutendo rwakaita setsanga yemasitadha, maiti kumuhabhurosi uyu: Dzurwa, usimwe mugungwa; uye waikuteererai.

⁶And the Lord said, If ye had faith as a grain of mustard seed, ye would say unto this sycamine tree, Be thou rooted up, and be thou planted in the sea; and it would obey you.

⁷Asi ndeupi kwamuri une muranda unorima kana kufudza, uchati achingopinda achibva kumunda: Swedera ugare pakudya?

⁷But who is there of you, having a servant plowing or keeping sheep, that will say unto him, when he is come in from the field, Come straightway and sit down to meat;

⁸Asi ungarega here kuti kwaari: Gadzira zvandingaraira, uye uzvisunge chiuno, undishandire, kusvikira ndadya, ndikamwa; zvino mushure iwe udye nekumwa?

⁸and will not rather say unto him, Make ready wherewith I may sup, and gird thyself, and serve me, till I have eaten and drunken; and afterward thou shalt eat and drink?

⁹Unotenda muranda uyo nekuti wakaita zvarairwa here? Handifungi.

⁹Doth he thank the servant because he did the things that were commanded?

¹⁰Saizvozvo neimwi, kana maita zvose zvamakarairwa, muti: Tiri varanda pasina, nekuti taita zvataifanira kuita.

¹⁰Even so ye also, when ye shall have done all the things that are commanded you, say, We are unprofitable servants; we have done that which it was our duty to do.

¹¹Zvino zvakaitika pakuenda kwake kuJerusarema, kuti iye wakapfuura nepakati peSamaria neGarirea.

¹¹And it came to pass, as they were on their way to Jerusalem, that he was passing along the borders of Samaria and Galilee.

¹²Zvino wakati achipinda mune umwe musha, varume gumi vaiva nemaperembudzi vakasangana naye, vamire kure.

¹²And as he entered into a certain village, there met him ten men that were lepers, who stood afar off:

¹³Zvino ivo vakasimudza inzwi, vachiti: Jesu, Tenzi, tinzwirei tsitsi!

¹³and they lifted up their voices, saying, Jesus, Master, have mercy on us.

¹⁴Zvino wakati achivaona, akati kwavari: Endai munozviratidza kuvapristi. Zvino zvakaitika kuti vachienda, vakanatswa.

¹⁴And when he saw them, he said unto them, Go and show yourselves unto the priests. And it came to pass, as they went, they were cleansed.

¹⁵Zvino umwe wavo paakaona kuti aporeswa, wakadzoka achikudza Mwari nenzwi guru;

¹⁵And one of them, when he saw that he was healed, turned back, with a loud voice glorifying God;

¹⁶ndokuwira pasi nechiso patsoka dzake, achimuvonga; zvino iye wakange ari muSamaria.

¹⁶and he fell upon his face at his feet, giving him thanks: and he was a Samaritan.

¹⁷Asi Jesu wakapindura akati: Vanga vasiri gumi here vanatswa? Ko vapfumbamwe varipi?

¹⁷And Jesus answering said, Were not the ten cleansed? but where are the nine?

¹⁸Hapana kuwanikwa vadzokera kuzopa Mwari rukudzo, kunze kweuyu mutorwa.

¹⁸Were there none found that returned to give glory to God, save this stranger?

¹⁹Zvino akati kwaari: Simuka, enda; rutendo rwako rwakuponesa.

¹⁹And he said unto him, Arise, and go thy way: thy faith hath made thee whole.

²⁰Zvino wakati achibvunzwa nevaFarisi, kuti ushe hwaMwari hwunosvika rinhi, akavapindura akati: Ushe hwaMwari hahwuuyi nekuonekwa;

²⁰And being asked by the Pharisees, when the kingdom of God cometh, he answered them and said, The kingdom of God cometh not with observation:

²¹uye havangati: Tarirai pano; kana: Tarira uko. Nekuti tarirai, ushe hwaMwari hwuri mukati menyu.

²¹neither shall they say, Lo, here! or, There! for lo, the kingdom of God is within you.

²²Zvino wakati kuvadzidzi: Mazuva achasvika amuchashuva kuona rimwe ramazuva eMwanakomana wemunhu, asi hamungarioni.

²²And he said unto the disciples, The days will come, when ye shall desire to see one of the days of the Son of man, and ye shall not see it.

²³Zvino vachati kwamuri: Tarirai pano; kana: Tarirai uko; regai kuenda, kana kutevera.

²³And they shall say to you, Lo, there! Lo, here! go not away, nor follow after [them]:

²⁴Nekuti semheni inopenya ichibva kune rumwe rutivi pasi pedenga ichivhenekera kusvikira kune rumwe rutivi pasi pedenga, saizvozvo zvichaitawo Mwanakomana wemunhu nezuva rake.

²⁴for as the lightning, when it lighteneth out of the one part under the heaven, shineth unto the other part under heaven; so shall the Son of man be in his day.

²⁵Asi kutanga unofanira kutambudzika zvinhu zvizhinji, nekurambwa nezera iri.

²⁵But first must he suffer many things and be rejected of this generation.

²⁶Uye sezvazvakange zvakaita mumazuva aNowa, ndizvo zvazvichavawo mazuva eMwanakomana wemunhu.

²⁶And as it came to pass in the days of Noah, even so shall it be also in the days of the Son of man.

²⁷Vaidya, vaimwa, vaiwana, vachiwaniswa, kusvikira zuva iro Nowa raakapinda naro muareka, mafashame akasvika, ndokuvaparadza vose.

²⁷They ate, they drank, they married, they were given in marriage, until the day that Noah entered into the ark, and the flood came, and destroyed them all.

²⁸Saizvozvowo sezvazvakange zvakaita mumazuva aRoti; vaidya, vaimwa, vaitenga, vaitengesa, vaidzvara, vaivaka;

²⁸Likewise even as it came to pass in the days of Lot; they ate, they drank, they bought, they sold, they planted, they builded;

²⁹asi nemusi Roti waakabuda muSodoma, kwakanaya moto nesarufa zvichibva kudenga, zvikaparadza vose.

²⁹but in the day that Lot went out from Sodom it rained fire and brimstone from heaven, and destroyed them all:

³⁰Zvichava seizvi nezuva Mwanakomana wemunhu raachabudiswa pachena naro.

³⁰after the same manner shall it be in the day that the Son of man is revealed.

³¹Muzuva iro, uyo uchava pamusoro pedenga reimba, nenhumbi dzake dziri mumba, ngaarege kuburuka kundodzitora; neuri kumunda saizvozvo ngaarege kudzokera zvinhu zviri shure.

³¹In that day, he that shall be on the housetop, and his goods in the house, let him not go down to take them away: and let him that is in the field likewise not return back.

³²Yeukai mukadzi waRoti.

³²Remember Lot's wife.

³³Ani nani unotsvaka kuponesa upenyu hwake ucharashikirwa nahwo, uye ani nani unorashikirwa nahwo uchahwuraramisa.

³³Whosoever shall seek to gain his life shall lose it: but whosoever shall lose [his life] shall preserve it.

³⁴Ndinoti kwamuri: Muusiku uhwo kuchava nevaviri pamubhedha umwe; umwe uchatorwa, uye umwe uchasiiwa.

³⁴I say unto you, In that night there shall be two men on one bed; the one shall be taken, and the other shall be left.

³⁵Vaviri vachava vachikuya pamwe, umwe uchatorwa, uye umwe uchasiiwa.

³⁵There shall be two women grinding together; the one shall be taken, and the other shall be left.

³⁶Vaviri vachava mumunda; umwe uchatorwa, uye umwe asiiwe.

³⁶[There shall be two men in the field; the one shall be taken, and the other shall be left.]

³⁷Zvino vakapindura vakati kwaari: Kupi Ishe? Ndokuti kwavari: Pane mutumbi, ndipo pachaunganidzwa magora.

³⁷And they answering say unto him, Where, Lord? And he said unto them, Where the body [is], thither will the eagles also be gathered together.