1Zvino chaunga chavo chose chakasimuka, chikamutungamidza kuna Pirato.
1And the whole company of them rose up, and brought him before Pilate.
2Zvino vakatanga kumupomera, vachiti: Tawana uyu achitsausa rudzi, nekudzivisa kupa mutero kuna Kesari, achiti iye pachake ndiKristu Mambo.
2And they began to accuse him, saying, We found this man perverting our nation, and forbidding to give tribute to Caesar, and saying that he himself is Christ a king.
3Zvino Pirato wakamubvunza achiti: Iwe uri Mambo wevaJudha here? Ndokumupindura, akati: Unoreva iwe.
3And Pilate asked him, saying, Art thou the King of the Jews? And he answered him and said, Thou sayest.
4Pirato ndokuti kuvapristi vakuru nezvaunga: Handiwani mhosva kumunhu uyu.
4And Pilate said unto the chief priests and the multitudes, I find no fault in this man.
5Asi vakasimbisa, vachiti: Unopesva vanhu, achidzidzisa muJudhiya rose, kutanga paGarirea kusvikira pano.
5But they were the more urgent, saying, He stirreth up the people, teaching throughout all Judaea, and beginning from Galilee even unto this place.
6Pirato wakati anzwa zveGarirea, akabvunza kana munhu uyu ari muGarirea.
6But when Pilate heard it, he asked whether the man were a Galilaean.
7Zvino paakangoziva kuti ndeweushe hwaHerodhe, wakamutumira kuna Herodhe, iye waivawo muJerusarema pamazuva iwayo.
7And when he knew that he was of Herod's jurisdiction, he sent him unto Herod, who himself also was at Jerusalem in these days.
8Zvino Herodhe paakaona Jesu wakafara zvikurusa; nekuti waishuva kumuona kwenguva refu, nekuti wakange anzwa zvinhu zvizhinji pamusoro pake; uye wakatarisira kuona chimwe chiratidzo chichiitwa naye.
8Now when Herod saw Jesus, he was exceeding glad: for he was of a long time desirous to see him, because he had heard concerning him; and he hoped to see some miracle done by him.
9Ndokumubvunza nemashoko mazhinji; asi iye haana kumupindura chinhu.
9And he questioned him in many words; but he answered him nothing.
10Zvino vapristi vakuru nevanyori vakamira vakamupomera zvine simba.
10And the chief priests and the scribes stood, vehemently accusing him.
11NaHerodhe nemauto ake vakamuzvidza, nekusweveredza, vakamupfekedza nguvo inobwinya, vakamudzosera kuna Pirato.
11And Herod with his soldiers set him at nought, and mocked him, and arraying him in gorgeous apparel sent him back to Pilate.
12Nemusi iwoyo Pirato naHerodhe vakava shamwari neshamwari; nekuti paimbova neruvengo pakati pavo.
12And Herod and Pilate became friends with each other that very day: for before they were at enmity between themselves.
13Zvino Pirato wakati adanira pamwe vapristi vakuru nevatungamiriri nevanhu,
13And Pilate called together the chief priests and the rulers and the people,
14akati kwavari: Mauyisa munhu uyu kwandiri seunotsausa vanhu; zvino tarirai ini ndaongorora pamberi penyu, handina kuwana mhosva kumunhu uyu yezvinhu zvamunomupomera;
14and said unto them, Ye brought unto me this man, as one that perverteth the people: and behold, I having examined him before you, found no fault in this man touching those things whereof ye accuse him:
15kwete, kunyange Herodhe; nekuti ndinokutumai kwaari; zvino tarirai, hapana chakafanira rufu chakaitwa naye.
15no, nor yet Herod: for he sent him back unto us; and behold, nothing worthy of death hath been done by him.
16Naizvozvo ndichamurova ndigomusunungura.
16I will therefore chastise him, and release him.
17Nekuti zvaiva zvakafanira kuti avasunungurire umwe pamutambo.
17[Now he must needs release unto them at the feast one prisoner.]
18Asi vose vakadanidzira pamwe vachiti: Kure neuyu, asi mutisunungurire Bharabhasi.
18But they cried out all together, saying, Away with this man, and release unto us Barabbas: --
19(Iye wakange akandirwa mutirongo nemhaka yerimwe bongozozo rakange raitika muguta, uye nemhaka yeumhondi).
19one who for a certain insurrection made in the city, and for murder, was cast into prison.
20Naizvozvo Pirato achida kusunungura Jesu, wakataurazve kwavari.
20And Pilate spake unto them again, desiring to release Jesus;
21Asi vakadanidzira, vachiti: Roverera pamuchinjikwa, muroverere pamuchinjikwa!
21but they shouted, saying, Crucify, crucify him.
22Akati kwavari rwechitatu: Nemhaka yei, iye waita chakaipa chipi? Handina kuwana mhosva yerufu maari; naizvozvo ndichamurova ndigomusunungura.
22And he said unto them the third time, Why, what evil hath this man done? I have found no cause of death in him: I will therefore chastise him and release him.
23Asi vakasimbisa nemanzwi makuru, vachikumbira kuti arovererwe pamuchinjikwa. Manzwi avo neevapristi vakuru akabudirira.
23But they were urgent with loud voices, asking that he might be crucified. And their voices prevailed.
24Zvino Pirato akagura kuti chikumbiro chavo chiitike.
24And Pilate gave sentence that what they asked for should be done.
25Akavasunungurira uyo wavakakumbira, wakange akandwa mutirongo nekuda kwebongozozo neumhondi; asi akakumikidza Jesu kuchido chavo.
25And he released him that for insurrection and murder had been cast into prison, whom they asked for; but Jesus he delivered up to their will.
26Zvino vakati vachimutungamidza, vakabata umwe Simoni muKurini achibva kuruwa, vakamutakudza muchinjikwa, kuti atakure shure kwaJesu.
26And when they led him away, they laid hold upon one Simon of Cyrene, coming from the country, and laid on him the cross, to bear it after Jesus.
27Zvino kwakatevera kwaari chaunga chikuru chevanhu, nevakadzi vairirawo nekumuchema.
27And there followed him a great multitude of the people, and of women who bewailed and lamented him.
28Asi Jesu wakatendeukira kwavari akati: Vakunda veJerusarema, musachemera ini, asi muzvichemere imwi nevana venyu;
28But Jesus turning unto them said, Daughters of Jerusalem, weep not for me, but weep for yourselves, and for your children.
29nekuti tarirai, mazuva anouya avachati nawo: Dzakaropafadzwa mhanje, nezvizvaro zvisina kubereka, nemazamu asina kumwisa.
29For behold, the days are coming, in which they shall say, Blessed are the barren, and the wombs that never bare, and the breasts that never gave suck.
30Ipapo vachatanga kuti kumakomo: Wirai pamusoro pedu; nekuzvikomo: Tifukidzei.
30Then shall they begin to say to the mountains, Fall on us; and to the hills, Cover us.
31Nekuti kana vachiita zvinhu izvi kumuti munyoro, chii chichaitika kune wakawoma?
31For if they do these things in the green tree, what shall be done in the dry?
32Zvino kwakatungamidzwawo vamwe vaiti vezvakaipa vaviri, kuti vaurawe pamwe naye.
32And there were also two others, malefactors, led with him to be put to death.
33Zvino vakati vasvika panzvimbo inonzi Dehenya, ipapo vakamuroverera pamuchinjikwa, nevaiti vezvakaipa, umwe kuruoko rwerudyi, neumwe kuruboshwe.
33And when they came unto the place which is called The skull, there they crucified him, and the malefactors, one on the right hand and the other on the left.
34Jesu ndokuti: Baba, vakangamwirei; nekuti havazivi chavanoita. Zvino vakagovana nguvo dzake, vakakanda mujenya.
34And Jesus said, Father, forgive them; for they know not what they do. And parting his garments among them, they cast lots.
35Vanhu ndokumira vakatarira. Nevatongiwo pamwe navo vakamusweveredza, vachiti: Wakaponesa vamwe, ngaazviponese, kana iye ari Kristu, musanangurwa waMwari.
35And the people stood beholding. And the rulers also scoffed at him, saying, He saved others; let him save himself, if this is the Christ of God, his chosen.
36Nemautowo akamusweveredza, achimuvigira vhiniga,
36And the soldiers also mocked him, coming to him, offering him vinegar,
37uye vachiti: Kana iwe uri Mambo wevaJudha, zviponese.
37and saying, If thou art the King of the Jews, save thyself.
38Zvino kwakange kune rugwarowo rwakanyorwa pamusoro pake nemavara echiGiriki nechiRoma nechiHebheru, rwaiti: UYU NDIMAMBO WEVAJUDHA.
38And there was also a superscription over him, THIS IS THE KING OF THE JEWS.
39Uye umwe wevaiti vezvakaipa vakange vakaremberedzwa wakamunyomba achiti: Kana iwe uri Kristu, zviponese iwe nesu.
39And one of the malefactors that were hanged railed on him, saying, Art not thou the Christ? save thyself and us.
40Asi umwe wakapindura achimutsiura, achiti: Iwe hautyi Mwari kanhi, zvauri pakutongwa kumwe?
40But the other answered, and rebuking him said, Dost thou not even fear God, seeing thou art in the same condemnation?
41Isu zvirokwazvo zvakarurama, nekuti tinogamuchira zvakafanira mabasa edu; asi uyu haana kuita chinhu chisakafanira.
41And we indeed justly; for we receive the due reward of our deeds: but this man hath done nothing amiss.
42Zvino akati kuna Jesu: Ishe mundirangarire kana masvika muushe hwenyu.
42And he said, Jesus, remember me when thou comest in thy kingdom.
43Jesu ndokuti kwaari: Zvirokwazvo ndinoti kwauri: Nhasi uchava neni muParadhiso.
43And he said unto him, Verily I say unto thee, To-day shalt thou be with me in Paradise.
44Zvino rakange rava awa rinenge rechitanhatu; kukavapo rima pamusoro penyika yose, kusvikira paawa repfumbamwe.
44And it was now about the sixth hour, and a darkness came over the whole land until the ninth hour,
45Nezuva rakadzikatirwa, uye vheiri retembere rakabvarurwa nepakati.
45the sun's light failing: and the veil of the temple was rent in the midst.
46Zvino Jesu wakati adanidzira nenzwi guru achiti: Baba, mumaoko enyu ndinokumikidza mweya wangu; akati areva izvozvi, akapa mweya.
46And Jesus, crying with a loud voice, said, Father, into thy hands I commend my spirit: and having said this, he gave up the ghost.
47Zvino mukuru wezana wakati aona zvakaitika, akarumbidza Mwari, achiti: Zvirokwazvo munhu uyu wakange akarurama.
47And when the centurion saw what was done, he glorified God, saying, Certainly this was a righteous man.
48Nezvaunga zvose zvakange zvakaungana kuzoona izvozvo, zvakati zvichiona zvakaitika, zvikadzokera zvichizvirova zvifuva.
48And all the multitudes that came together to this sight, when they beheld the things that were done, returned smiting their breasts.
49Nevazikanwi vake vose, nevakadzi vaimutevera vachibva Garirea, vakamira kure, vachiona zvinhu izvi.
49And all his acquaintance, and the women that followed with him from Galilee, stood afar off, seeing these things.
50Zvino tarira, murume wainzi Josefa, nhengo yedare, murume wakanaka uye wakarurama;
50And behold, a man named Joseph, who was a councillor, a good and righteous man
51iye wakange asina kutenderana nezano nechiito chavo; waiva weArimatia, guta revaJudha, naiyewo wakange achimirira ushe hwaMwari.
51(he had not consented to their counsel and deed), [a man] of Arimathaea, a city of the Jews, who was looking for the kingdom of God:
52Iye wakaenda kuna Pirato akakukumbira mutumbi waJesu.
52this man went to Pilate, and asked for the body of Jesus.
53Zvino wakauburusa, akauputira nemucheka werineni, ndokuuradzika muguva rakange rakacherwa pabwe, makange musina kumboradzikwa munhu.
53And he took it down, and wrapped it in a linen cloth, and laid him in a tomb that was hewn in stone, where never man had yet lain.
54Zvino waiva musi wegadziriro, uye sabata roswedera.
54And it was the day of the Preparation, and the sabbath drew on.
55Nevakadziwo, vakange vauya naye vachibva Garirea, vakatevera mumashure, vakaona guva, nekuti mutumbi wake waradzikwa sei.
55And the women, who had come with him out of Galilee, followed after, and beheld the tomb, and how his body was laid.
56Uye vakadzokera, vakagadzirira zvinonhuhwira nezvizoro. Zvino vakazorora nesabata zvichienderana nemurairo.
56And they returned, and prepared spices and ointments. And on the sabbath they rested according to the commandment.