¹Zvino wakati asimukapo, akauya kumiganhu yeJudhiya, achigura nemhiri kwaJoridhani; chaunga chikaunganirazve kwaari; akapamha kuvavadzidzisa zvose sezvaakange ajaira.

¹And he arose from thence and cometh into the borders of Judaea and beyond the Jordan: and multitudes come together unto him again; and, as he was wont, he taught them again.

²VaFarisi vakauya kwaari, vakamubvunza vachiti: Zviri pamutemo here kuti murume arambe mukadzi? vachimuidza.

²And there came unto him Pharisees, and asked him, Is it lawful for a man to put away [his] wife? trying him.

³Akapindura, akati kwavari: Mozisi wakakurairai chii?

³And he answered and said unto them, What did Moses command you?

⁴Zvino vakati: Mozisi wakatendera kunyora rugwaro rwerambano, nekumuramba.

⁴And they said, Moses suffered to write a bill of divorcement, and to put her away.

⁵Jesu akapindura akati kwavari: Nekuda kweukukutu hwemoyo yenyu, wakakunyorerai murairo uyu.

⁵But Jesus said unto them, For your hardness of heart he wrote you this commandment.

⁶Asi kubva pakutanga kwezvisikwa, Mwari wakavaita murume nemukadzi.

⁶But from the beginning of the creation, Male and female made he them.

⁷Nekuda kweizvozvo munhu uchasiya baba namai vake, anamatire mukadzi wake;

⁷For this cause shall a man leave his father and mother, and shall cleave to his wife;

⁸zvino avo vaviri vachava nyama imwe. Naizvozvo havasichiri vaviri, asi nyama imwe.

⁸and the two shall become one flesh: so that they are no more two, but one flesh.

⁹Naizvozvo Mwari zvaakabatanidza, ngapasava nemunhu unoparadzanisa.

⁹What therefore God hath joined together, let not man put asunder.

¹⁰Mumba vadzidzi vake vakapamha kumubvunza pamusoro pazvo.

¹⁰And in the house the disciples asked him again of this matter.

¹¹Zvino akati kwavari: Ani nani unoramba mukadzi wake, akawana umwe, unoita upombwe kwaari.

¹¹And he saith unto them, Whosoever shall put away his wife, and marry another, committeth adultery against her:

¹²Uye kana mukadzi achiramba murume wake, achiwanikwa neumwe, unoita upombwe.

¹²and if she herself shall put away her husband, and marry another, she committeth adultery.

¹³Zvino vakauya nevana vaduku kwaari, kuti avabate; asi vadzidzi vakatsiura avo vaiuya navo.

¹³And they were bringing unto him little children, that he should touch them: and the disciples rebuked them.

¹⁴Zvino Jesu wakati achizviona, akatsamwa zvikuru, akati kwavari: Tenderai vana vaduku kuuya kwandiri, uye musavadzivisa, nekuti ushe hwaMwari ndohwevakadai.

¹⁴But when Jesus saw it, he was moved with indignation, and said unto them, Suffer the little children to come unto me; forbid them not: for to such belongeth the kingdom of God.

¹⁵Zvirokwazvo ndinoti kwamuri: Ani nani usingagamuchiri ushe hwaMwari semucheche, haangatongopindi mahuri.

¹⁵Verily I say unto you, Whosoever shall not receive the kingdom of God as a little child, he shall in no wise enter therein.

¹⁶Uye akavagumbatira, achiisa maoko pamusoro pavo, akavaropafadza.

¹⁶And he took them in his arms, and blessed them, laying his hands upon them.

¹⁷Zvino wakati achibudira kunzira, umwe wakamumhanyira, akamufugamira akamubvunza, achiti: Mudzidzisi wakanaka, ndingaitei kuti ndigare nhaka yeupenyu husingaperi?

¹⁷And as he was going forth into the way, there ran one to him, and kneeled to him, and asked him, Good Teacher, what shall I do that I may inherit eternal life?

¹⁸Jesu akati kwaari: Unondiidzirei wakanaka? Hakuna wakanaka, kunze kweumwe, iye Mwari.

¹⁸And Jesus said unto him, Why callest thou me good? none is good save one, [even] God.

¹⁹Unoiziva mirairo inoti: Usaita upombwe, usauraya, usaba, usapupura nhema, usabiridzira, kudza baba namai vako.

¹⁹Thou knowest the commandments, Do not kill, Do not commit adultery, Do not steal, Do not bear false witness, Do not defraud, Honor thy father and mother.

²⁰Zvino akapindura akati kwaari: Mudzidzisi, izvi zvose ndakazvichengeta kubva pauduku hwangu.

²⁰And he said unto him, Teacher, all these things have I observed from my youth.

²¹Jesu ndokumutarira akamuda, akati kwaari: Chinhu chimwe chaunoshaiwa; enda, utengese zvose zvaunazvo, upe varombo, zvino uchava nefuma kudenga; ugouya utakure muchinjikwa, unditevere.

²¹And Jesus looking upon him loved him, and said unto him, One thing thou lackest: go, sell whatsoever thou hast, and give to the poor, and thou shalt have treasure in heaven: and come, follow me.

²²Asi atsamwa neshoko iro, wakaenda neshungu, nekuti wakange ane nhumbi zhinji.

²²But his countenance fell at the saying, and he went away sorrowful: for he was one that had great possessions.

²³Ipapo Jesu akaringa-ringa, akati kuvadzidzi vake: Vacharemerwa sei vane fuma kupinda muushe hwaMwari!

²³And Jesus looked round about, and saith unto his disciples, How hardly shall they that have riches enter into the kingdom of God!

²⁴Vadzidzi vakashamisika nemashoko ake. Asi Jesu wakapindurazve, akati kwavari: Vana, zvinorema sei kune vanovimba nefuma kupinda muushe hwaMwari;

²⁴And the disciples were amazed at his words. But Jesus answereth again, and saith unto them, Children, how hard is it for them that trust in riches to enter into the kingdom of God!

²⁵zvingarerukira kamera kudarika nemuburi retsono, pane kuti mufumi apinde muushe hwaMwari.

²⁵It is easier for a camel to go through a needle's eye, than for a rich man to enter into the kingdom of God.

²⁶Ipapo vakashamisika zvisingaverengeki, vachitaurirana vachiti: Ndiani zvino ungagoponeswa?

²⁶And they were astonished exceedingly, saying unto him, Then who can be saved?

²⁷Zvino Jesu wakati achivatarira, akati: Kuvanhu hazvibviri, asi kwete kuna Mwari; nekuti kuna Mwari zvinhu zvose zvinobvira.

²⁷Jesus looking upon them saith, With men it is impossible, but not with God: for all things are possible with God.

²⁸Petro akatanga kuti kwaari: Tarira, isu takasiya zvose tikakuteverai.

²⁸Peter began to say unto him, Lo, we have left all, and have followed thee.

²⁹Jesu akapindura akati: Zvirokwazvo ndinoti kwamuri: Hakuna munhu wakasiya imba, kana vanin'ina nemadzikoma, kana hanzvadzi, kana baba, kana mai, kana mukadzi, kana vana, kana minda, nekuda kwangu nekweevhangeri,

²⁹Jesus said, Verily I say unto you, There is no man that hath left house, or brethren, or sisters, or mother, or father, or children, or lands, for my sake, and for the gospel's sake,

³⁰usingazogamuchiri kane zana ikozvino nenguva ino, dzimba, nevanin'ina nemadzikoma, nehanzvadzi, nanamai, nevana, neminda; pamwe nekushushwa, neupenyu husingaperi munguva inouya.

³⁰but he shall receive a hundredfold now in this time, houses, and brethren, and sisters, and mothers, and children, and lands, with persecutions; and in the world to come eternal life.

³¹Asi vazhinji vekutanga vachava vekupedzisira, nevekupedzira vekutanga.

³¹But many [that are] first shall be last; and the last first.

³²Zvino vachiri munzira vachikwira kuJerusarema; Jesu akavatungamirira; vakashamisika; zvino pavaitevera, vaitya. Akatorazve vanegumi nevaviri, akatanga kuvaudza zvinhu zvakange zvichizoitika,

³²And they were on the way, going up to Jerusalem; and Jesus was going before them: and they were amazed; and they that followed were afraid. And he took again the twelve, and began to tell them the things that were to happen unto him,

³³achiti: Tarirai, tinokwira kuJerusarema, uye Mwanakomana wemunhu uchakumikidzwa kuvapristi vakuru nekuvanyori, uye vachamutongera rufu, nekumukumikidza kuvahedheni,

³³[saying], Behold, we go up to Jerusalem; and the Son of man shall be delivered unto the chief priests and the scribes; and they shall condemn him to death, and shall deliver him unto the Gentiles:

³⁴vachamusveveredza, vachamurova netyava, nekumupfira, nekumuuraya; zvino nezuva retatu uchamukazve.

³⁴and they shall mock him, and shall spit upon him, and shall scourge him, and shall kill him; and after three days he shall rise again.

³⁵Zvino Jakobho naJohwani, vanakomana vaZebhedhi, vakauya kwaari vachiti: Mudzidzisi, tinoda kuti mutiitire chero chatichakumbira.

³⁵And there come near unto him James and John, the sons of Zebedee, saying unto him, Teacher, we would that thou shouldest do for us whatsoever we shall ask of thee.

³⁶Akati kwavari: Chii chamunoda kuti ndikuitirei?

³⁶And he said unto them, What would ye that I should do for you?

³⁷Vakati kwaari: Tipei kuti tigare, umwe kuruoko rwenyu rwerudyi, uye umwe kuruboshwe rwenyu mukubwinya kwenyu.

³⁷And they said unto him, Grant unto us that we may sit, one on thy right hand, and one on [thy] left hand, in thy glory.

³⁸Asi Jesu wakati kwavari: Hamuzivi chamunokumbira. Mungagona kumwa mukombe wandinomwa ini here? nekubhabhatidzwa norubhabhatidzo rwandinobhabhatidzwa narwo ini here?

³⁸But Jesus said unto them, Ye know not what ye ask. Are ye able to drink the cup that I drink? or to be baptized with the baptism that I am baptized with?

³⁹Vakati kwaari: Tingagona. Jesu akati kwavari: Muchamwa zvirokwazvo mukombe wandinomwa ini, nekubhabhatidzwa norubhabhatidzo rwandinobhabhatidzwa narwo ini;

³⁹And they said unto him, We are able. And Jesus said unto them, The cup that I drink ye shall drink; and with the baptism that I am baptized withal shall ye be baptized:

⁴⁰asi kugara kuruoko rwangu rwerudyi nekuruboshwe rwangu, hazvisi zvangu kupa, asi zvevakazvigadzirirwa.

⁴⁰but to sit on my right hand or on [my] left hand is not mine to give; but [it is for them] for whom it hath been prepared.

⁴¹Vanegumi vakati vachizvinzwa, vakatanga kutsamwira zvikuru Jakobho naJohwani.

⁴¹And when the ten heard it, they began to be moved with indignation concerning James and John.

⁴²Asi Jesu akavadanira kwaari akati kwavari: Munoziva kuti avo vanonzi machinda evahedheni anovadzvinyirira, nevakuru vavo vanoshandisa simba pamusoro pavo.

⁴²And Jesus called them to him, and saith unto them, Ye know that they who are accounted to rule over the Gentiles lord it over them; and their great ones exercise authority over them.

⁴³Zvino hazvingadaro pakati penyu; asi ani nani unoda kuva mukuru pakati penyu, ngaave mushandiri wenyu;

⁴³But it is not so among you: but whosoever would become great among you, shall be your minister;

⁴⁴ani nani wenyu unoda kuva wokutanga, ngaave mushandi wevose.

⁴⁴and whosoever would be first among you, shall be servant of all.

⁴⁵Nekuti kunyange Mwanakomana wemunhu haana kuuya kuzoshumirwa, asi kushumira, nekupa upenyu hwake ruve rudzikunuro rwevazhinji.

⁴⁵For the Son of man also came not to be ministered unto, but to minister, and to give his life a ransom for many.

⁴⁶Vakasvika Jeriko; zvino wakati achibuda Jeriko nevadzidzi vake nechaunga chikuru, Bhatimio bofu, mwanakomana waTimio, akange agere padivi penzira achipemha.

⁴⁶And they come to Jericho: and as he went out from Jericho, with his disciples and a great multitude, the son of Timaeus, Bartimaeus, a blind beggar, was sitting by the way side.

⁴⁷Wakati anzwa kuti ndiJesu weNazareta, akatanga kudanidzira nekuti: Jesu Mwanakomana waDhavhidhi, ndinzwirei tsitsi!

⁴⁷And when he heard that it was Jesus the Nazarene, he began to cry out, and say, Jesus, thou son of David, have mercy on me.

⁴⁸Vazhinji vakamutsiura kuti anyarare; asi iye wakanyanya kudanidzira kwazvo, achiti: Mwanakomana waDhavhidhi, ndinzwirei tsitsi!

⁴⁸And many rebuked him, that he should hold his peace: but he cried out the more a great deal, Thou son of David, have mercy on me.

⁴⁹Jesu ndokuramba amire, akati adamwe; vakadana bofu vachiti kwariri: Tsunga moyo; simuka, unokudana.

⁴⁹And Jesus stood still, and said, Call ye him. And they call the blind man, saying unto him, Be of good cheer: rise, he calleth thee.

⁵⁰Ipapo rikarasha nguvo yaro rikasimuka, rikauya kuna Jesu.

⁵⁰And he, casting away his garment, sprang up, and came to Jesus.

⁵¹Jesu akapindura, akati kwariri: Unoda kuti ndikuitirei? Bofu rikati kwaari: Rabhoni*, kuti ndionezve.

⁵¹And Jesus answered him, and said, What wilt thou that I should do unto thee? And the blind man said unto him, Rabboni, that I may receive my sight.

⁵²Jesu akati kwariri: Enda; rutendo rwako rwakuponesa. Pakarepo rikaonazve, rikatevera Jesu munzira.

⁵²And Jesus said unto him, Go thy way; thy faith hath made thee whole. And straightway he received his sight, and followed him in the way.