¹Zvino zvakaitika apo Jesu apedza mashoko iwayo, akabva Garirea, akasvika kumiganhu yeJudhiya mhiri kweJoridhani.

¹And it came to pass when Jesus had finished these words, he departed from Galilee, and came into the borders of Judaea beyond the Jordan;

²Zvaunga zvikuru zvikamutevera, akazviporesapo.

²and great multitudes followed him; and he healed them there.

³VaFarisi vakauyawo kwaari, vachimuidza vachiti kwaari: Zvinotenderwa here kumunhu kuramba mukadzi wake nemhaka ipi neipi?

³And there came unto him Pharisees, trying him, and saying, Is it lawful [for a man] to put away his wife for every cause?

⁴Akapindura, akati kwavari: Hamuna kurava here, kuti uyo wakavaita kubva pakutanga wakavaita murume nemukadzi?

⁴And he answered and said, Have ye not read, that he who made [them] from the beginning made them male and female,

⁵Akati: Nekuda kwaizvozvi munhu uchasiya baba namai, uye uchanamatira kumukadzi wake; avo vaviri vachava nyama imwe.

⁵and said, For this cause shall a man leave his father and mother, and shall cleave to his wife; and the two shall become one flesh?

⁶Naizvozvo havachisiri vaviri, asi nyama imwe. Naizvozvo izvo Mwari zvaakabatanidza ngakurege kuva nemunhu unoparadzanisa.

⁶So that they are no more two, but one flesh. What therefore God hath joined together, let not man put asunder.

⁷Vakati kwaari: Mozisi wakagorairei kupa rugwaro rwekurambana, nekumuramba?

⁷They say unto him, Why then did Moses command to give a bill of divorcement, and to put [her] away?

⁸Akati kwavari: Nekuda kweukukutu hwemoyo yenyu Mozisi wakakutenderai kuramba vakadzi venyu; asi kubva pakutanga zvakange zvisina kudaro.

⁸He saith unto them, Moses for your hardness of heart suffered you to put away your wives: but from the beginning it hath not been so.

⁹Asi ndinoti kwamuri: Ani nani unoramba mukadzi wake, kunze kwemhaka yeupombwe, akawana umwe, unopomba; neunowana wakarambwa unopomba.

⁹And I say unto you, Whosoever shall put away his wife, except for fornication, and shall marry another, committeth adultery: and he that marrieth her when she is put away committeth adultery.

¹⁰Vadzidzi vake vakati kwaari: Kana nyaya yemunhu nemukadzi yakadaro, hazvibatsiri kuwana.

¹⁰The disciples say unto him, If the case of the man is so with his wife, it is not expedient to marry.

¹¹Asi akati kwavari: Vose havagamuchiri shoko iri, kunze kwevakaripiwa.

¹¹But he said unto them, Not all men can receive this saying, but they to whom it is given.

¹²Nekuti kune vakachekwa, vakaberekwa vakadaro kubva mudumbu ramai; uye kune vakachekwa, vakaitwa vakachekwa nevanhu; uye kune vakachekwa vakazviita vakachekwa nekuda kweushe hwekumatenga. Unogona kugamuchira izvi, ngaagamuchire.

¹²For there are eunuchs, that were so born from their mother's womb: and there are eunuchs, that were made eunuchs by men: and there are eunuchs, that made themselves eunuchs for the kingdom of heaven's sake. He that is able to receive it, let him receive it.

¹³Zvino kwakauyiswa kwaari vana vaduku, kuti aise maoko pamusoro pavo, anyengetere; asi vadzidzi vakavatsiura.

¹³Then were there brought unto him little children, that he should lay his hands on them, and pray: and the disciples rebuked them.

¹⁴Asi Jesu wakati: Tenderai vana vaduku, musavadzivisa kuuya kwandiri; nekuti ushe hwekumatenga ndehwevakadai.

¹⁴But Jesus said, Suffer the little children, and forbid them not, to come unto me: for to such belongeth the kingdom of heaven.

¹⁵Akaisa maoko pamusoro pavo, akabvapo.

¹⁵And he laid his hands on them, and departed thence.

¹⁶Zvino tarira, kwakaswedera umwe akati kwaari: Mudzidzisi wakanaka, ndingaita chinhu chakanaka chipi kuti ndive neupenyu husingaperi?

¹⁶And behold, one came to him and said, Teacher, what good thing shall I do, that I may have eternal life?

¹⁷Akati kwaari: Unondiidzirei wakanaka? Hakuna wakanaka, kunze kweumwe, ndiye Mwari. Asi kana uchida kupinda muupenyu, chengeta mirairo.

¹⁷And he said unto him, Why askest thou me concerning that which is good? One there is who is good: but if thou wouldest enter into life, keep the commandments.

¹⁸Akati kwaari: Ipi? Jesu ndokuti: Usauraya, usapomba, usaba, usapupura nhema;

¹⁸He saith unto him, Which? And Jesus said, Thou shalt not kill, Thou shalt not commit adultery, Thou shalt not steal, Thou shalt not bear false witness,

¹⁹kudza baba vako namai, uye, ude umwe wako sezvaunozvida iwe.

¹⁹Honor thy father and mother; and, Thou shalt love thy neighbor as thyself.

²⁰Jaya rikati kwaari: Izvozvo zvose ndakazvichengeta kubva pauduku hwangu; ndichiri kushaiwei?

²⁰The young man saith unto him, All these things have I observed: what lack I yet?

²¹Jesu akati kwariri: Kana uchida kuva wakaperera, enda utengese zvaunazvo upe varombo, uye uchava nefuma kudenga; ugouya pano unditevere.

²¹Jesus said unto him, If thou wouldest be perfect, go, sell that which thou hast, and give to the poor, and thou shalt have treasure in heaven: and come, follow me.

²²Asi jaya rakati ranzwa shoko iro rikaenda richishungurudzika; nekuti rakange rine nhumbi zhinji.

²²But when the young man heard the saying, he went away sorrowful; for he was one that had great possessions.

²³Jesu akati kuvadzidzi vake: Zvirokwazvo ndinoti kwamuri: Mufumi ucharemerwa kupinda muushe hwekumatenga.

²³And Jesus said unto his disciples, Verily I say unto you, It is hard for a rich man to enter into the kingdom of heaven.

²⁴Ndinotizve kwamuri: Zvakarerukira kamera kudarika nemuburi retsono, kumufumi kupinda muushe hwaMwari.

²⁴And again I say unto you, It is easier for a camel to go through a needle's eye, than for a rich man to enter into the kingdom of God.

²⁵Vadzidzi vake vakati vazvinzwa, vakashamisika kwazvo, vachiti: Ndiani ungagona kuponeswa?

²⁵And when the disciples heard it, they were astonished exceedingly, saying, Who then can be saved?

²⁶Asi Jesu wakatarira akati kwavari: Kuvanhu izvi hazvibviri, asi kuna Mwari zvose zvinobvira.

²⁶And Jesus looking upon [them] said to them, With men this is impossible; but with God all things are possible.

²⁷Ipapo Petro akapindura, akati kwaari: Tarirai, isu takasiya zvose, tikakuteverai; tichagowanei?

²⁷Then answered Peter and said unto him, Lo, we have left all, and followed thee; what then shall we have?

²⁸Jesu akati kwavari: Zvirokwazvo ndinoti kwamuri: Imwi makanditevera, pakuberekwa kutsva kana Mwanakomana wemunhu achizogara pachigaro cheushe chekubwinya kwake, imwiwo muchagara pazvigaro zveushe gumi nezviviri, muchitonga marudzi gumi nemaviri aIsraeri.

²⁸And Jesus said unto them, Verily I say unto you, that ye who have followed me, in the regeneration when the Son of man shall sit on the throne of his glory, ye also shall sit upon twelve thrones, judging the twelve tribes of Israel.

²⁹Uye umwe neumwe wakasiya dzimba, kana vanin'ina nemadzikoma, kana hanzvadzi, kana baba, kana mai, kana mukadzi, kana vana, kana minda, nekuda kwezita rangu, uchagamuchira zvine zana, akagara nhaka yeupenyu husingaperi.

²⁹And every one that hath left houses, or brethren, or sisters, or father, or mother, or children, or lands, for my name's sake, shall receive a hundredfold, and shall inherit eternal life.

³⁰Asi vazhinji vekutanga vachava vekupedzisira, nevekupedzisira vekutanga.

³⁰But many shall be last [that are] first; and first [that are] last.