¹Nekuti ushe hwekumatenga hwakafanana nemunhu, mwene weimba, wakabuda mangwanani-ngwanani kunopinza basa vashandi mumunda wake wemizambiringa.

¹For the kingdom of heaven is like unto a man that was a householder, who went out early in the morning to hire laborers into his vineyard.

²Wakati atenderana nevabati padhenari* pazuva, akavatuma kumunda wake wemizambiringa.

²And when he had agreed with the laborers for a shilling a day, he sent them into his vineyard.

³Akabuda neawa rinenge rechitatu, akaona vamwe vamire pamusika, vasina chekuita;

³And he went out about the third hour, and saw others standing in the marketplace idle;

⁴akati kwavariwo: Endai imwiwo mumunda wemizambiringa, ndigokupai chero zvakafanira. Vakaendawo.

⁴and to them he said, Go ye also into the vineyard, and whatsoever is right I will give you. And they went their way.

⁵Akabudazve neawa rinenge rechitanhatu nerepfumbamwe, akaita saizvozvo.

⁵Again he went out about the sixth and the ninth hour, and did likewise.

⁶Zvino neawa rinenge regumi nerimwe wakabuda, akawana vamwe vamire vasina chekuita, akati kwavari: Makamirirei pano zuva rose musina chekuita?

⁶And about the eleventh [hour] he went out, and found others standing; and he saith unto them, Why stand ye here all the day idle?

⁷Vakati kwaari: Nekuti hapana munhu wakatipinza basa. Akati kwavari: Endai nemwiwo mumunda wemizambiringa, muchagamuchira zvose zvakafanira.

⁷They say unto him, Because no man hath hired us. He saith unto them, Go ye also into the vineyard.

⁸Kuzoti ava madekwana, mwene wemunda wemizambiringa wakati kumutariri wake: Dana vabati, uvape mubairo, uchitanga kune vekupedzisira, kusvikira kune vekutanga.

⁸And when even was come, the lord of the vineyard saith unto his steward, Call the laborers, and pay them their hire, beginning from the last unto the first.

⁹Zvino vakati vachiuya veawa rinenge regumi nerimwe, vakagamuchira umwe neumwe dhenari*.

⁹And when they came that [were hired] about the eleventh hour, they received every man a shilling.

¹⁰Asi vekutanga vakati vachiuya, vakafunga kuti vachagamuchira zvakapfuura; asi ivo vakagamuchira umwe neumwe dhenari*.

¹⁰And when the first came, they supposed that they would receive more; and they likewise received every man a shilling.

¹¹Vakati vagamuchira vakagunun'unira mwene weimba,

¹¹And when they received it, they murmured against the householder,

¹²vachiti: Ava vekupedzisira, vakabata awa rimwe chete, asi mavaenzanisa nesu takatakura mutoro wezuva nekupisa.

¹²saying, These last have spent [but] one hour, and thou hast made them equal unto us, who have borne the burden of the day and the scorching heat.

¹³Asi wakapindura akati kune umwe wavo: Shamwari, handikuitiri zvisakarurama; hauna kutenderana here neni padhenari*?

¹³But he answered and said to one of them, Friend, I do thee no wrong: didst not thou agree with me for a shilling?

¹⁴Tora zvako uende; ndinoda kupa kune uyu wekupedzisira sewewo.

¹⁴Take up that which is thine, and go thy way; it is my will to give unto this last, even as unto thee.

¹⁵Ko handitenderwi kuita zvandinoda nezvangu here? Ziso rako rakaipa, nekuti ini ndakanaka here?

¹⁵Is it not lawful for me to do what I will with mine own? or is thine eye evil, because I am good?

¹⁶Saizvozvo vekupedzisira vachava vekutanga, nevekutanga vekupedzisira; nekuti vazhinji vakadamwa, asi vashoma vachasarudzwa.

¹⁶So the last shall be first, and the first last.

¹⁷Jesu wakati okwira kuJerusarema akatora vadzidzi gumi nevaviri vari vega munzira, akati kwavari:

¹⁷And as Jesus was going up to Jerusalem, he took the twelve disciples apart, and on the way he said unto them,

¹⁸Tarirai, tinokwira kuJerusarema, zvino Mwanakomana wemunhu uchakumikidzwa kuvapristi vakuru nevanyori, vachamutongera rufu.

¹⁸Behold, we go up to Jerusalem; and the Son of man shall be delivered unto the chief priests and scribes; and they shall condemn him to death,

¹⁹Vachamukumikidza kuvahedheni, kuti vasveveredze, varove netyava, nekuroverera pamuchinjikwa; asi nezuva retatu uchamuka.

¹⁹and shall deliver him unto the Gentiles to mock, and to scourge, and to crucify: and the third day he shall be raised up.

²⁰Zvino kwakauya kwaari mai vevanakomana vaZebhedhi nevanakomana vavo, vakagwadama vachikumbira chimwe chinhu kwaari.

²⁰Then came to him the mother of the sons of Zebedee with her sons, worshipping [him], and asking a certain thing of him.

²¹Akati kwavari: Munodei? Vakati kwaari: Rairai kuti vanakomana vangu ava vaviri vagare, umwe kuruoko rwenyu rwerudyi, umwe kuruboshwe, muushe hwenyu.

²¹And he said unto her, What wouldest thou? She saith unto him, Command that these my two sons may sit, one on thy right hand, and one on thy left hand, in thy kingdom.

²²Asi Jesu akapindura, akati: Hamuzivi chamunokumbira. Mungagona kumwa mukombe wandichamwa ini here, uye kubhabhatidzwa nerubhabhatidzo rwandinobhabhatidzwa narwo ini? Vakati kwaari: Tinogona.

²²But Jesus answered and said, Ye know not what ye ask. Are ye able to drink the cup that I am about to drink? They say unto him, We are able.

²³Akati kwavari: Muchamwa zvirokwazvo mukombe wangu, nekubhabhatidzwa nerubhabhatidzo rwandinobhabhatidzwa narwo ini; asi kugara kuruoko rwangu rwerudyi, nekuruboshwe rwangu, hazvisi zvangu kuti ndipe, asi ndezvevakazvigadzirirwa naBaba vangu.

²³He saith unto them, My cup indeed ye shall drink: but to sit on my right hand, and on [my] left hand, is not mine to give; but [it is for them] for whom it hath been prepared of my Father.

²⁴Vanegumi vakati vanzwa, vakatsamwira avo mukoma nemunin'ina vaviri.

²⁴And when the ten heard it, they were moved with indignation concerning the two brethren.

²⁵Asi Jesu akavadanira kwaari, akati: Munoziva kuti vatungamiriri vechirudzi vanovatsikirira, nevakuru vanoratidza simba pamusoro pavo.

²⁵But Jesus called them unto him, and said, Ye know that the rulers of the Gentiles lord it over them, and their great ones exercise authority over them.

²⁶Asi hazvingazodaro pakati penyu; asi ani nani unoda kuva mukuru pakati penyu, ngaave mushandiri wenyu.

²⁶Not so shall it be among you: but whosoever would become great among you shall be your minister;

²⁷Ani nani unoda kuva wekutanga pakati penyu, ngaave muranda wenyu.

²⁷and whosoever would be first among you shall be your servant:

²⁸SeMwanakomana wemunhu usina kuuya kuzoshandirwa, asi kuzoshandira, nekupa upenyu hwake rwuve rudzikinuro rwevazhinji.

²⁸even as the Son of man came not to be ministered unto, but to minister, and to give his life a ransom for many.

²⁹Vakati vachibuda Jeriko, chaunga chikuru chikamutevera.

²⁹And as they went out from Jericho, a great multitude followed him.

³⁰Zvino tarira, mapofu maviri agere parutivi rwenzira, akati achinzwa kuti Jesu wopfuura, akadanidzira, achiti: Tinzwirei tsitsi, Ishe, Mwanakomana waDhavhidhi!

³⁰And behold, two blind men sitting by the way side, when they heard that Jesus was passing by, cried out, saying, Lord, have mercy on us, thou son of David.

³¹Chaunga chikaatsiura kuti anyarare; asi akanyanya kudanidzira, achiti: Tinzwirei tsitsi, Ishe, Mwanakomana waDhavhidhi!

³¹And the multitude rebuked them, that they should hold their peace: but they cried out the more, saying, Lord, have mercy on us, thou son of David.

³²Jesu ndokumira, akaadana, akati: Munoda kuti ndikuitirei?

³²And Jesus stood still, and called them, and said, What will ye that I should do unto you?

³³Akati kwaari: Ishe, kuti meso edu asvinudzwe:

³³They say unto him, Lord, that our eyes may be opened.

³⁴Jesu akanzwa tsitsi, akabata meso awo; pakarepo meso awo akaonazve, akamutevera.

³⁴And Jesus, being moved with compassion, touched their eyes; and straightway they received their sight, and followed him.