¹Zvino Jesu wakatungamirirwa neMweya kurenje kuti anoidzwa nadhiabhorosi.

¹Then was Jesus led up of the Spirit into the wilderness to be tempted of the devil.

²Zvino wakati atsanya mazuva makumi mana neusiku makumi mana, akazonzwa nzara.

²And when he had fasted forty days and forty nights, he afterward hungered.

³Zvino muidzi wakati auya kwaari, akati: Kana uri Mwanakomana waMwari, raira kuti mabwe awa aite zvingwa.

³And the tempter came and said unto him, If thou art the Son of God, command that these stones become bread.

⁴Asi iye wakapindura akati: Kwakanyorwa kuchinzi: Munhu haangararami nechingwa choga, asi neshoko rimwe nerimwe rinobuda mumuromo maMwari.

⁴But he answered and said, It is written, Man shall not live by bread alone, but by every word that proceedeth out of the mouth of God.

⁵Zvino dhiabhorosi akamutora akamuisa muguta dzvene, akamumisa pachiruvu chetembere,

⁵Then the devil taketh him into the holy city; and he set him on the pinnacle of the temple,

⁶ndokuti kwaari: Kana uri Mwanakomana waMwari, zvikandire pasi; nekuti kwakanyorwa kuti: Iye ucharaira vatumwa vake pamusoro pako, pamaoko vachakugamha, zvimwe ungagumbusa rutsoka rwako pabwe.

⁶and saith unto him, If thou art the Son of God, cast thyself down: for it is written, He shall give his angels charge concerning thee: and, On their hands they shall bear thee up, Lest haply thou dash thy foot against a stone.

⁷Jesu akati kwaari: Kwakanyorwa zvekare: Usaidza Ishe Mwari wako.

⁷Jesus said unto him, Again it is written, Thou shalt not make trial of the Lord thy God.

⁸Dhiabhorosi akamuisazve pagomo refusa, akamuratidza ushe hwose hwenyika, nekubwinya kwahwo.

⁸Again, the devil taketh him unto an exceeding high mountain, and showeth him all the kingdoms of the world, and the glory of them;

⁹Akati kwaari: Zvose zvinhu izvi ndichapa kwauri kana ukawira pasi ukandinamata.

⁹and he said unto him, All these things will I give thee, if thou wilt fall down and worship me.

¹⁰Ipapo Jesu akati kwaari: Ibva, Satani, nekuti kwakanyorwa kuchinzi: Uchanamata Ishe Mwari wako, uchashumira iye woga.

¹⁰Then saith Jesus unto him, Get thee hence, Satan: for it is written, Thou shalt worship the Lord thy God, and him only shalt thou serve.

¹¹Ipapo dhiabhorosi akamusiya; zvino tarira, vatumwa vakauya vakamushandira.

¹¹Then the devil leaveth him; and behold, angels came and ministered unto him.

¹²Zvino Jesu wakati anzwa kuti Johwani wakumikidzwa mutirongo, akabva akaenda Garirea.

¹²Now when he heard that John was delivered up, he withdrew into Galilee;

¹³Zvino wakabva Nazareta, akauya akagara muKapenaumi riri pagungwa, mumiganhu yeZebhuroni neNafitarimi;

¹³and leaving Nazareth, he came and dwelt in Capernaum, which is by the sea, in the borders of Zebulun and Naphtali:

¹⁴kuti zvizadziswe zvakarehwa naIsaya muporofita, achiti:

¹⁴that it might be fulfilled which was spoken through Isaiah the prophet, saying,

¹⁵Nyika yeZebhuroni nenyika yeNefitarimi, panzira yegungwa, mhiri kwaJoridhani, Garirea revahedheni;

¹⁵The land of Zebulun and the land of Naphtali, Toward the sea, beyond the Jordan, Galilee of the Gentiles,

¹⁶vanhu vakange vagere murima vakaona chiedza chikuru; nevakange vagere panharaunda nemumumvuri werufu, chiedza chakabudira kwavari.

¹⁶The people that sat in darkness Saw a great light, And to them that sat in the region and shadow of death, To them did light spring up.

¹⁷Kubvira panguva iyoyo Jesu wakatanga kuparidza nekuti: Tendeukai, nekuti ushe hwekumatenga hwaswedera.

¹⁷From that time began Jesus to preach, and to say, Repent ye; for the kingdom of heaven is at hand.

¹⁸Zvino Jesu wakati achifamba-famba pagungwa reGarirea akaona vanakomana vemunhu umwe vaviri, Simoni anonzi Petro, naAndiriya munin'ina wake, vachikandira mumbure mugungwa; nekuti vakange vari varedzi.

¹⁸And walking by the sea of Galilee, he saw two brethren, Simon who is called Peter, and Andrew his brother, casting a net into the sea; for they were fishers.

¹⁹Akati kwavari: Nditeverei, ndigokuitai varedzi vevanhu.

¹⁹And he saith unto them, Come ye after me, and I will make you fishers of men.

²⁰Pakarepo vakasiya mimbure vakamutevera.

²⁰And they straightway left the nets, and followed him.

²¹Zvino wakati apfuurira kubva ipapo akaona vamwe vaviri vanakomana vemunhu umwe, Jakobho waZebhedhi naJohwani munin'ina wake muchikepe pamwe naZebhedhi baba vavo, vachigadzira mimbure yavo, akavadana.

²¹And going on from thence he saw two other brethren, James the [son] of Zebedee, and John his brother, in the boat with Zebedee their father, mending their nets; and he called them.

²²Pakarepo vakasiya chikepe nababa vavo vakamutevera.

²²And they straightway left the boat and their father, and followed him.

²³Jesu akapota neGarirea rose achidzidzisa mumasinagoge avo, nekuparidza evhangeri yeushe, achiporesa denda roga roga neurwere hwoga hwoga pavanhu.

²³And Jesus went about in all Galilee, teaching in their synagogues, and preaching the gospel of the kingdom, and healing all manner of disease and all manner of sickness among the people.

²⁴Shoko rake rikabudira kuSiria yose; vakauyisa kwaari varwere vose, vakabatwa nehosha dzakasiyana-siyana nemarwadzo, nevakange vane madhimoni, nevaiva nezvipusha, nevakange vakafa mitezo; akavaporesa.

²⁴And the report of him went forth into all Syria: and they brought unto him all that were sick, holden with divers diseases and torments, possessed with demons, and epileptic, and palsied; and he healed them.

²⁵Zvino zvaunga zvikuru zvakamutevera, vaibva Garirea, neDhekapori, neJerusarema, neJudhiya, nemhiri kwaJoridhani.

²⁵And there followed him great multitudes from Galilee and Decapolis and Jerusalem and Judaea and [from] beyond the Jordan.