¹Ndakati, Ndichachenjerera nzira dzangu, Kuti ndirege kutadza norurimi rwangu; Ndichachengeta muromo wangu netomu, Kana wakaipa ari pamberi pangu.

¹For the Chief Musician, Jeduthun. A Psalm of David. I said, I will take heed to my ways, That I sin not with my tongue: I will keep my mouth with a bridle, While the wicked is before me.

²Ndakanga ndiri mbeveve ndisingatauri, Ndakanyarara hangu, ndiri kure nezvakanaka. Kuchema kwangu kukamutswa.

²I was dumb with silence, I held my peace, even from good; And my sorrow was stirred.

³moyo wangu wakange uchipisa mukati mangu; Ndakati ndichifunga, moto ukapfuta; Ipapo ndakataura norurimi rwangu, ndikati,

³My heart was hot within me; While I was musing the fire burned: [Then] spake I with my tongue:

⁴Jehovha, ndizivisei mugumo wangu, Uye mwero wamazuva angu, kuti akadini; Ndizivisei kuti ndinongopfuura hangu.

⁴Jehovah, make me to know mine end, And the measure of my days, what it is; Let me know how frail I am.

⁵Tarirai, makaita mazuva angu sohupamhi bwechanza; Uye nguva yokurarama kwangu sechinhu chisipo pamberi penyu; Zvirokwazvo, munhu mumwe nomumwe kunyange akasimba kwazvo, mweya chete.

⁵Behold, thou hast made my days [as] handbreadths; And my life-time is as nothing before thee: Surely every man at his best estate is altogether vanity. Selah

⁶Zvirokwazvo, munhu mumwe nomumwe anofamba-famba somumvuri; Zvirokwazvo, vanoita bope pasina; Anounganidza fuma, asi haazivi kuti ndiani achaidya.

⁶Surely every man walketh in a vain show; Surely they are disquieted in vain: He heapeth up [riches], and knoweth not who shall gather them.

⁷Zvino Ishe, ndakarindireiko? Tariro yangu iri kwamuri.

⁷And now, Lord, what wait I for? My hope is in thee.

⁸Ndirwirei pakudarika kwangu kose; Regai kundiita munhu anosekwa namapenzi.

⁸Deliver me from all my transgressions: Make me not the reproach of the foolish.

⁹Ndakanga ndiri mbeveve, handina kushamisa muromo wangu; nekuti ndimi makazviita.

⁹I was dumb, I opened not my mouth; Because thou didst it.

¹⁰Bvisai shamhu yenyu kwandiri; Ndapera nokurohwa noruoko rwenyu.

¹⁰Remove thy stroke away from me: I am consumed by the blow of thy hand.

¹¹Kana muchiraira munhu muchimuranga pamusoro pezvakaipa, Munopedza kunaka kwake sechifusi; Zvirokwazvo munhu mumwe nomumwe mweya hake.

¹¹When thou with rebukes dost correct man for iniquity, Thou makest his beauty to consume away like a moth: Surely every man is vanity. Selah

¹²Inzwai munyengetero wangu, Jehovha, rerekerai nzeve yenyu munzwe kuchema kwangu; Musanyarara muchiona misodzi yangu, nekuti ndiri mweni kwamuri, Mutorwa, sezvakanga zvakaita madzibaba angu ose.

¹²Hear my prayer, O Jehovah, and give ear unto my cry; Hold not thy peace at my tears: For I am a stranger with thee, A sojourner, as all my fathers were.

¹³Regai kunditarira, kuti ndimbonaya hangu, Ndisati ndabva pano, ndikasazovapo.

¹³Oh spare me, that I may recover strength, Before I go hence, and be no more.