¹Teererai murayiro wangu, imwi vanhu vangu; Rerekerai nzeve dzenyu munzwe mashoko omuromo wangu.

¹Maschil of Asaph. Give ear, O my people, to my law: Incline your ears to the words of my mouth.

²Ndichashamisa muromo wangu nditaure nomufananidzo; Ndichaparidza mashoko akavanzika ekare,

²I will open my mouth in a parable; I will utter dark sayings of old,

³Zvatakanzwa nezvatakaziva, Nezvatakaudzwa namadzibaba edu.

³Which we have heard and known, And our fathers have told us.

⁴Hatingazvivanziri vana vavo, Asi tichaudza rudzi runotevera mabasa angarumbidzwa aJehovha , Nesimba rake, namabasa ake, anoshamisa, aakaita.

⁴We will not hide them from their children, Telling to the generation to come the praises of Jehovah, And his strength, and his wondrous works that he hath done.

⁵nekuti akamutsa chipupuriro pakati paJakove, Akatema murayiro pakati paIsiraeri, Akazviraira madzibaba edu, Kuti vazvizivise vana vavo;

⁵For he established a testimony in Jacob, And appointed a law in Israel, Which he commanded our fathers, That they should make them known to their children;

⁶Kuti rudzi runotevera ruzvizive, ivo vana vachazoberekwa; Ivo vasimuke vazviudze vana vavo;

⁶That the generation to come might know [them], even the children that should be born; Who should arise and tell [them] to their children,

⁷Kuti tariro yavo ive kuna Mwari, Varege kukangamwa mabasa aMwari, Asi vachengete mirairo yake;

⁷That they might set their hope in God, And not forget the works of God, But keep his commandments,

⁸Varege kufanana namadzibaba avo, Rwakanga ruri rudzi rusingateereri, rwakamukira Mwari. Rudzi rwakaramba kururamisa moyo yavo, Uye mweya yavo yakanga isina kutendeka kuna Mwari.

⁸And might not be as their fathers, A stubborn and rebellious generation, A generation that set not their heart aright, And whose spirit was not stedfast with God.

⁹Vana vaEfuraimu, kunyange vakanga vakashonga nhumbi dzokurwa nouta, Vakadzokera shure pazuva rokurwa.

⁹The children of Ephraim, being armed and carrying bows, Turned back in the day of battle.

¹⁰Havana kuchengeta sungano yaMwari, Vakaramba kufamba nomurayiro wake;

¹⁰They kept not the covenant of God, And refused to walk in his law;

¹¹Vakakangamwa zvaakaita, Namabasa ake akashamisa, aakavaratidza.

¹¹And they forgat his doings, And his wondrous works that he had showed them.

¹²Wakaita zvinhu zvinoshamisa pamberi pamadzibaba avo, Panyika yeEgipita, pasango reZoani.

¹²Marvellous things did he in the sight of their fathers, In the land of Egypt, in the field of Zoan.

¹³Wakapamura gungwa, akavayambusa; Akamisa mvura ikafanana nomurwi.

¹³He clave the sea, and caused them to pass through; And he made the waters to stand as a heap.

¹⁴Masikatiwo wakavafambisa negore, Nousiku hwose nechiedza chomoto.

¹⁴In the day-time also he led them with a cloud, And all the night with a light of fire.

¹⁵Wakapamura matombo murenje, Akavamwisa zvakanaka kwazvo sapamvura inobva pakadzika.

¹⁵He clave rocks in the wilderness, And gave them drink abundantly as out of the depths.

¹⁶Akabudisawo hova dzemvura padombo, Akayererisa mvura zhinji yakaita senzizi.

¹⁶He brought streams also out of the rock, And caused waters to run down like rivers.

¹⁷Kunyange zvakadaro vakaramba vachimutadzira, Nokumukira Wekumusoro-soro murenje.

¹⁷Yet went they on still to sin against him, To rebel against the Most High in the desert.

¹⁸Vakaidza Mwari mumoyo mavo Vachikumbira zvokudya zvavakanga vachidawo.

¹⁸And they tempted God in their heart By asking food according to their desire.

¹⁹Zvirokwazvo vakapopotera Mwari Vakati, Mwari angatigadzirira chokudya murenje here?

¹⁹Yea, they spake against God; They said, Can God prepare a table in the wilderness?

²⁰Tarirai, akarova dombo, mvura zhinji ikadzutuka, Hova dzakayerera; Ko angapa chingwawo here? Ungavigira vanhu vake nyama here?

²⁰Behold, he smote the rock, so that waters gushed out, And streams overflowed; Can he give bread also? Will he provide flesh for his people?

²¹Saka Jehovha akanzwa, akatsamwa; Moto ukaveserwa Jakove, Kutsamwa kukamukira Isiraeri.

²¹Therefore Jehovah heard, and was wroth; And a fire was kindled against Jacob, And anger also went up against Israel;

²²Nekuti havana kutenda Mwari, Havana kuvimba nokuponesa kwake.

²²Because they believed not in God, And trusted not in his salvation.

²³Kunyange zvakadaro wakaraira denga rose kumusoro, Akazarura mikova yokudenga;

²³Yet he commanded the skies above, And opened the doors of heaven;

²⁴Akanisa mana*pamusoro pavo kuti vadye, Akavapa zviyo zvokudenga.

²⁴And he rained down manna upon them to eat, And gave them food from heaven.

²⁵Vanhu vakadya chingwa chavatumwa; Akavatumira zvokudya kusvikira vaguta.

²⁵Man did eat the bread of the mighty: He sent them food to the full.

²⁶Akabudisa mhepo yakabva mabvazuva, ikarira kudenga; Akafambisa mhepo yakabva nyasi nesimba rake.

²⁶He caused the east wind to blow in the heavens; And by his power he guided the south wind.

²⁷Akanisawo nyama pamusoro pavo ikaita seguruva, Neshiri, dzina mapapiro, dzikaita sejecha regungwa;

²⁷He rained flesh also upon them as the dust, And winged birds as the sand of the seas:

²⁸Akazviwisira pakati pemisasa yavo, Pose-pose pavakanga vagere.

²⁸And he let it fall in the midst of their camp, Round about their habitations.

²⁹Ipapo vakadya, vakaguta kwazvo; Akavapa zvavakanga vachikarira.

²⁹So they did eat, and were well filled; And he gave them their own desire.

³⁰Vakanga vasati vanyaradza kukara kwavo, Zvokudya zvavo zvakanga zvichiri mumiromo yavo,

³⁰They were not estranged from that which they desired, Their food was yet in their mouths,

³¹Kutsamwa kwaMwari kukavamukira, Akauraya vakakoresa pakati pavo, Akaparadza majaya aIsiraeri.

³¹When the anger of God went up against them, And slew of the fattest of them, And smote down the young men of Israel.

³²Kunyange zvakadaro vakaramba vachitadza, Vakasatenda mabasa ake aishamisa.

³²For all this they sinned still, And believed not in his wondrous works.

³³Saka akapedza mazuva avo panezvisina maturo, Namakore avo panezvinotyisa.

³³Therefore their days did he consume in vanity, And their years in terror.

³⁴Zvino akati achivauraya, ipapo vakamubvunza , vakashingaira kutsvaka Mwari.

³⁴When he slew them, then they inquired after him; And they returned and sought God earnestly.

³⁵Vakarangarira kuti Mwari ndiye dombo ravo, NaMwari Wokumusoro-soro mudzikunuri wavo.

³⁵And they remembered that God was their rock, And the Most High God their redeemer.

³⁶Asi vakamubata kumeso nemiromo yavo, Vakamurevera nhema nendimi dzavo.

³⁶But they flattered him with their mouth, And lied unto him with their tongue.

³⁷Nekuti moyo yavo yakanga isina kururama kwaari, Uye vakanga vasina kutendeka pasungano yake.

³⁷For their heart was not right with him, Neither were they faithful in his covenant.

³⁸Asi iye, zvaakanga ane nyasha huru, akavakangamwira kuipa kwavo, akasavaparadza; Zvirokwazvo, kazhinji akadzora kutsamwa kwake, Akasamutsa hasha dzake dzose.

³⁸But he, being merciful, forgave [their] iniquity, and destroyed [them] not: Yea, many a time turned he his anger away, And did not stir up all his wrath.

³⁹Akarangarira kuti vakanga vari nyama chete; Nemhepo, inopfuura, isingadzokizve.

³⁹And he remembered that they were but flesh, A wind that passeth away, and cometh not again.

⁴⁰Vakamumukira murenje kazhinji sei, Nokumunzwisa shungu mugwenga!

⁴⁰How oft did they rebel against him in the wilderness, And grieve him in the desert!

⁴¹Vakapamhidzazve, vakaidza Mwari, vakakuvadza Mutsvene waIsiraeri.

⁴¹And they turned again and tempted God, And provoked the Holy One of Israel.

⁴²Havana kurangarira ruoko rwake, Kana zuva raakavadzikunura pamudzivisi.

⁴²They remember not his hand, Nor the day when he redeemed them from the adversary;

⁴³Panguva yaakavaratidza zviratidzo zvake Nezvishamiso zvake pasango reZoani;

⁴³How he set his signs in Egypt, And his wonders in the field of Zoan,

⁴⁴Akashandura nzizi dzavo dzikava ropa, Nehova dzavo, vakakoniwa kumwa mvura yadzo.

⁴⁴And turned their rivers into blood, And their streams, so that they could not drink.

⁴⁵Akatuma pakati pavo mapupira enhunzi, dzakavaruma; Namatafi, akavaparadza.

⁴⁵He sent among them swarms of flies, which devoured them; And frogs, which destroyed them.

⁴⁶Zvibereko zvavo wakazvipa mhunduru, Zvavakabatira akazvipa mhashu.

⁴⁶He gave also their increase unto the caterpillar, And their labor unto the locust.

⁴⁷Akaparadza mizambiringa yavo nechimvuramabwe, Nemionde yavo nechando.

⁴⁷He destroyed their vines with hail, And their sycomore-trees with frost.

⁴⁸Mombe dzavo akadziisawo pachimvuramabwe, Zvipfuwo zvavo akazviisa pamheni.

⁴⁸He gave over their cattle also to the hail, And their flocks to hot thunderbolts.

⁴⁹Akatuma pakati pavo kutsamwa kwake kukuru, Nehasha neshungu nokutambudza, Rikaita boka ravatumwa vezvakaipa.

⁴⁹He cast upon them the fierceness of his anger, Wrath, and indignation, and trouble, A band of angels of evil.

⁵⁰Akagadzirira kutsamwa kwake nzira; Haana kubvisa mweya wavo parufu, Asi akaisa upenyu hwavo kuhosha;

⁵⁰He made a path for his anger; He spared not their soul from death, But gave their life over to the pestilence,

⁵¹Akarova matangwe ose paEgipita, Ivo vokutanga vesimba ravo pamatende aHami;

⁵¹And smote all the first-born in Egypt, The chief of their strength in the tents of Ham.

⁵²Asi akabudisa vanhu vake samakwai, Akavaperekedza murenje seboka rezvipfuwo.

⁵²But he led forth his own people like sheep, And guided them in the wilderness like a flock.

⁵³Akavafambisa vakafara, vakasatya; Asi gungwa rakafukidza vavengi vavo.

⁵³And he led them safely, so that they feared not; But the sea overwhelmed their enemies.

⁵⁴Akavasvitsa panyika yake tsvene, Pagomo iri, raakatenga noruoko rwake rworudyi.

⁵⁴And he brought them to the border of his sanctuary, To this mountain, which his right hand had gotten.

⁵⁵Akadzingawo ndudzi pamberi pavo, Akavaganhurira ivo vave nhaka yavo, Akagarisa vaIsiraeri pamatende avo.

⁵⁵He drove out the nations also before them, And allotted them for an inheritance by line, And made the tribes of Israel to dwell in their tents.

⁵⁶Kunyange zvakadaro vakaidza Mwari Wekumusoro-soro, vakamumukira, Vakasachengeta zvipupuriro zvake;

⁵⁶Yet they tempted and rebelled against the Most High God, And kept not his testimonies;

⁵⁷Asi vadzoka, vakaita zvinonyengera. Vakatsauka souta hunonyengera.

⁵⁷But turned back, and dealt treacherously like their fathers: They were turned aside like a deceitful bow.

⁵⁸Nekuti vakamutsa kutsamwa kwake namatunhu avo akakwirira, Vakamutsa godo rake nezvifananidzo zvavo zvakaveziwa.

⁵⁸For they provoked him to anger with their high places, And moved him to jealousy with their graven images.

⁵⁹Zvino Mwari akati achizvinzwa, akatsamwa kwazvo, Akasema Isiraeri kwazvo-kwazvo.

⁵⁹When God heard [this], he was wroth, And greatly abhorred Israel;

⁶⁰Akabva patabhenakeri yeShiro, Tende raakanga akaisa pakati pavanhu;

⁶⁰So that he forsook the tabernacle of Shiloh, The tent which he placed among men;

⁶¹Akaisa simba rake mukutapwa, Nokubwinya kwake muruoko rwomudzivisi.

⁶¹And delivered his strength into captivity, And his glory into the adversary's hand.

⁶²Vanhu vake wakavaisawo kumunondo; Akatsamwira nhaka yake kwazvo.

⁶²He gave his people over also unto the sword, And was wroth with his inheritance.

⁶³Moto wakapedza majaya avo; Vasikana vavo havana kuimbirwa pakuwanikwa kwavo.

⁶³Fire devoured their young men; And their virgins had no marriage-song.

⁶⁴Vapristi vavo vakaurawa nomunondo; Chirikadzi dzavo hadzina kuchema.

⁶⁴Their priests fell by the sword; And their widows made no lamentation.

⁶⁵Ipapo Ishe akapepuka somunhu akanga avete, Semhare inoridza mhere nokuda kwewaini.

⁶⁵Then the Lord awaked as one out of sleep, Like a mighty man that shouteth by reason of wine.

⁶⁶Akarova vadzivisi vake, vakadzokera sure. Akavanyadzisa zvisingaperi.

⁶⁶And he smote his adversaries backward: He put them to a perpetual reproach.

⁶⁷Akarambawo tende raJosefa, Akasanangura rudzi rwaEfuremu.

⁶⁷Moreover he refused the tent of Joseph, And chose not the tribe of Ephraim,

⁶⁸Asi akasanangura rudzi rwaJudha, Negomo reZiyoni raakanga achida.

⁶⁸But chose the tribe of Judah, The mount Zion which he loved.

⁶⁹Akavaka nzvimbo yake tsvene senhare dzakakwirira, Sapasi paakateya nokusingaperi.

⁶⁹And he built his sanctuary like the heights, Like the earth which he hath established for ever.

⁷⁰Akasanangurawo Dhavhidhi muranda wake, Akamubvisa pamatanga amakwai;

⁷⁰He chose David also his servant, And took him from the sheepfolds:

⁷¹Akandomutora paaifudza matunzvi aimwisa, Kuti ave mufudzi wavanhu vake Jakove, naIsiraeri nhaka yake.

⁷¹From following the ewes that have their young he brought him, To be the shepherd of Jacob his people, and Israel his inheritance.

⁷²Naizvozvo akavafudza nokururama komoyo wake; Akavaperekedza nouchenjeri hwamaoko ake.

⁷²So he was their shepherd according to the integrity of his heart, And guided them by the skilfulness of his hands.