¹Zvino maererano nezvinhu zvamakandinyorera, ndinoti: Zvakanakira munhu kuti arege kubata mukadzi.

¹But concerning the things of which ye have written [to me]: [It is] good for a man not to touch a woman;

²Asi nekuda kweupombwe, murume umwe neumwe ngaave nemukadzi wake, nemukadzi umwe neumwe ngaave nemurume wake.

²but on account of fornications, let each have his own wife, and each [woman] have her own husband.

³Murume ngaaripire mukadzi zvakamufanira; nemukadzi saizvozvowo kumurume.

³Let the husband render her due to the wife, and in like manner the wife to the husband.

⁴Mukadzi haana simba pamusoro pemuviri wake, asi murume; uye saizvozvowo murume haana simba pamusoro pemuviri wake, asi mukadzi.

⁴The wife has not authority over her own body, but the husband: in like manner also the husband has not authority over his own body, but the wife.

⁵Musanyimana, kunze kwekutenderana kwechinguva, kuti muzvipe kukutsanya nekunyengetera, mugosanganazve, kuti Satani arege kukuidzai pakusagona kwenyu kuzvidzora.

⁵Defraud not one another, unless, it may be, by consent for a time, that ye may devote yourselves to prayer, and again be together, that Satan tempt you not because of your incontinency.

⁶Asi ndinotaura izvi nemvumo, kwete nemurairo.

⁶But this I say, as consenting [to], not as commanding [it].

⁷Nekuti ndinoda kuti dai vanhu vose vava seni. Asi munhu umwe neumwe une chipo chake chinobva kuna Mwari, mumwe cherudzi urwu, mumwe cheurwo.

⁷Now I wish all men to be even as myself: but every one has his own gift of God: one man thus, and another thus.

⁸Asi ndinoti kune vasina kuwana nechirikadzi: Zviri nani kwavari kana vachigara seni.

⁸But I say to the unmarried and to the widows, It is good for them that they remain even as I.

⁹Asi kana vasingagoni kuzvidzora, ngavawane; nekuti zviri nani kuti vawane pakutsva.

⁹But if they have not control over themselves, let them marry; for it is better to marry than to burn.

¹⁰Zvino kune vakawana ndinoraira, kwete ini asi Ishe, kuti mukadzi arege kubva kumurume wake,

¹⁰But to the married I enjoin, not *I*, but the Lord, Let not wife be separated from husband;

¹¹Asi kana iye achibva, ngaarambe asina kuwanikwa, kana ayananiswe nemurume wake, nemurume ngaarege kurasa mukadzi wake.

¹¹(but if also she shall have been separated, let her remain unmarried, or be reconciled to her husband;) and let not husband leave wife.

¹²Zvino kune vamwe ndini ndinotaura, kwete Ishe, Kana hama ine mukadzi usingatendi, kana iye achida kugara naye, ngaarege kumurasa.

¹²But as to the rest, *I* say, not the Lord, If any brother have an unbelieving wife, and *she* consent to dwell with him, let him not leave her.

¹³Nemukadzi une murume usingatendi, kana iye achida hake kugara naye, ngaarege kumusiya.

¹³And a woman who has an unbelieving husband, and he consents to dwell with her, let her not leave [her] husband.

¹⁴Nekuti murume usingatendi unoitwa mutsvene nemukadzi, nemukadzi usingatendi unoitwa mutsvene nemurume. Kana zvisina kudaro vana venyu vaiva netsvina, asi zvino vatsvene.

¹⁴For the unbelieving husband is sanctified in the wife, and the unbelieving wife is sanctified in the brother; since [otherwise] indeed your children are unclean, but now they are holy.

¹⁵Zvino kana usingatendi achizviparadzanisa, ngaaende. Hamarume kana hamakadzi haisungwi nezvakadaro; asi Mwari wakatidanira kurugare.

¹⁵But if the unbeliever go away, let them go away; a brother or a sister is not bound in such [cases], but God has called us in peace.

¹⁶Nekuti unozivei iwe mukadzi, zvimwe uchaponesa murume wako? Kana iwe murume unozivei, zvimwe uchaponesa mukadzi wako?

¹⁶For what knowest thou, O wife, if thou shalt save thy husband? or what knowest thou, O husband, if thou shalt save thy wife?

¹⁷Asi Mwari sezvaakagovera kune umwe neumwe, Ishe sezvaakadana umwe neumwe, ngaafambe saizvozvo. Ndizvo zvandinoraira pakereke dzose.

¹⁷However, as the Lord has divided to each, as God has called each, so let him walk; and thus I ordain in all the assemblies.

¹⁸Kune mumwe here wakadamwa adzingiswa? Ngaarege kuzova usakadzingiswa. Kune umwe here wakadamwa asakadzingiswa, ngaaarege kudzingiswa.

¹⁸Has any one been called circumcised? let him not become uncircumcised: has any one been called in uncircumcision? let him not be circumcised.

¹⁹Dzingiso hachizi chinhu, nekusadzingiswa hachizi chinhu, asi kuchengeta mirairo yaMwari.

¹⁹Circumcision is nothing, and uncircumcision is nothing; but keeping God's commandments.

²⁰Umwe neumwe ngaagare pakudamwa kwaakadamwa nako.

²⁰Let each abide in that calling in which he has been called.

²¹Wakadamwa uri muranda here? Usazvidya moyo nazvo; asi kana ungasunungurwa, zviri nani uzvishandise.

²¹Hast thou been called [being] a bondman, let it not concern thee; but and if thou canst become free, use [it] rather.

²²Nekuti uyo wakadamwa muna Ishe, ari muranda, wava musunungurwa waIshe; saizvozvowo uyo wakadamwa akasununguka, muranda waKristu.

²²For the bondman that is called in [the] Lord is the Lord's freedman; in like manner [also] the freeman being called is Christ's bondman.

²³Makatengwa nemutengo; musava varanda vevanhu.

²³Ye have been bought with a price; do not be the bondmen of men.

²⁴Umwe neumwe zvaakadanirwa, hama, ngaagare pane izvozvo naMwari.

²⁴Let each, wherein he is called, brethren, therein abide with God.

²⁵Zvino maererano nemhandara, handina murairo waIshe; asi ndinotema sewakawana tsitsi dzaIshe kuva wakatendeka.

²⁵But concerning virgins, I have no commandment of [the] Lord; but I give my opinion, as having received mercy of [the] Lord to be faithful.

²⁶Naizvozvo ndinofunga kuti izvi zvakanaka nekuda kwematambudziko aripo, kuti zvakanakira munhu kuti zvidai.

²⁶I think then that this is good, on account of the present necessity, that [it is] good for a man to remain so as he is.

²⁷Wakabatanidzwa kumukadzi here? Usatsvaka kusunungurwa. Wakasunungurwa kubva kumukadzi here? Usatsvaka mukadzi.

²⁷Art thou bound to a wife? seek not to be loosed; art thou free from a wife? do not seek a wife.

²⁸Asi zvino kana wawana, hauna kutadza; nemhandara kana ichiwanikwa, haina kutadza. Asi vakadaro vachava nedambudziko panyama; asi ini ndinoda kukutavirirai.

²⁸But if thou shouldest also marry, thou hast not sinned; and if the virgin marry, they have not sinned: but such shall have tribulation in the flesh; but I spare you.

²⁹Asi zvino izvi ndinozvitaura hama, kuti nguva ipfupi; kuti kubva zvino vane vakadzi vave sevasina;

²⁹But this I say, brethren, the time is straitened. For the rest, that they who have wives, be as not having [any]:

³⁰nevanochema, sevasingachemi; nevanofara sevasingafari; nevanotenga sevasina chinhu;

³⁰and they that weep, as not weeping; and they that rejoice, as not rejoicing; and they that buy, as not possessing;

³¹nevanoshandisa nyika ino, sevasingaishandisi; nekuti chimiro chenyika ino chinopfuura.

³¹and they that use the world, as not disposing of it as their own; for the fashion of this world passes.

³²Zvino ndinoda kuti murege kuva nekufunganya. Usina kuwana unofunganya zvinhu zvaIshe, kuti ungafadza Ishe sei;

³²But I wish you to be without care. The unmarried cares for the things of the Lord, how he shall please the Lord;

³³asi wakawana, unofunganya zvinhu zvenyika, kuti ungafadza mukadzi sei.

³³but he that has married cares for the things of the world, how he shall please his wife.

³⁴Pane musiyano pakati pemukadzi nemhandara. Usina kuwanikwa unofunganya zvinhu zvaIshe, kuti ave mutsvene zvose pamuviri nepamweya; asi uyo wakawanikwa unofunganya zvinhu zvenyika, kuti ungafadza murume sei.

³⁴There is a difference between the wife and the virgin. The unmarried cares for the things of the Lord, that she may be holy both in body and spirit; but she that has married cares for the things of the world, how she shall please her husband.

³⁵Izvi ndinotaurira rubatsiro rwenyu; kwete kuti ndikande musungo pamusoro penyu asi kuti mufambe zvakafanira nekunamatira Ishe musingakanganiswi.

³⁵But I say this for your own profit; not that I may set a snare before you, but for what [is] seemly, and waiting on the Lord without distraction.

³⁶Asi kana mumwe achifunga kuti haazvibati zvakafanira kumhandara yake, iyo yakura, uye zvakafanira kuti zviitike saizvozvo, ngaaite zvaanoda, haatadzi; ngavawaniswe.

³⁶But if any one think that he behaves unseemly to his virginity, if he be beyond the flower of his age, and so it must be, let him do what he will, he does not sin: let them marry.

³⁷Asi unomira akasimba pamoyo pake, asingamanikidzwi chinhu, asi ane simba pamusoro pechido chake, akatema mumoyo make kuti uchachengeta mhandara yake unoita zvakanaka.

³⁷But he who stands firm in his heart, having no need, but has authority over his own will, and has judged this in his heart to keep his own virginity, he does well.

³⁸Naizvozvo uyo unowananisa unoita zvakanaka; asi usingawananisi unoita zvinopfuura.

³⁸So that he that marries himself does well; and he that does not marry does better.

³⁹Mukadzi wakasungwa nemurairo kana murume wake achingova mupenyu chete; asi kana murume wake afa, wasununguka kuwanikwa newaanoda; asi muna Ishe chete.

³⁹A wife is bound for whatever time her husband lives; but if the husband be fallen asleep, she is free to be married to whom she will, only in [the] Lord.

⁴⁰Asi unganyanya kufara kana achigara akadaro, pakufunga kwangu uye ndinofungawo kuti neni ndine Mweya waMwari.

⁴⁰But she is happier if she so remain, according to my judgment; but I think that *I* also have God's Spirit.