¹Naizvozvo ivai vateveri vaMwari, sevana vanodikamwa;

¹Be ye therefore imitators of God, as beloved children,

²uye fambai murudo, Kristu sezvaakatidawo, akazvipa nekuda kwedu, ave chipo nechibayiro kuna Mwari kuva hwema hwunonhuhwira.

²and walk in love, even as the Christ loved us, and delivered himself up for us, an offering and sacrifice to God for a sweet-smelling savour.

³Asi upombwe netsvina yose kana kuchiva ngazvirege kutongorehwa pakati penyu, sezvinofanira vatsvene;

³But fornication and all uncleanness or unbridled lust, let it not be even named among you, as it becomes saints;

⁴neunzenza, nekutaura kweupenzi, kana kunemera, izvo zvisina kufanira; asi zviri nani kuvonga.

⁴and filthiness and foolish talking, or jesting, which are not convenient; but rather thanksgiving.

⁵Nekuti izvi munozviziva kuti hakuna mhombwe, kana munhu usina kuchena, kana munhu unochiva, unova munamati wezvifananidzo, ungava nenhaka muushe hwaKristu nehwaMwari.

⁵For this ye are [well] informed of, knowing that no fornicator, or unclean person, or person of unbridled lust, who is an idolater, has inheritance in the kingdom of the Christ and God.

⁶Ngakurege kuva nemunhu unokunyengerai nemashoko asina maturo; nekuti nemhaka yezvinhu izvi kutsamwa kwaMwari kunouya pamusoro pevanakomana vekusateerera.

⁶Let no one deceive you with vain words, for on account of these things the wrath of God comes upon the sons of disobedience.

⁷Naizvozvo regai kuva vagovani navo;

⁷Be not ye therefore fellow-partakers with them;

⁸Nekuti maimbova rima, asi zvino mava chiedza muna Ishe; fambai sevana vechiedza.

⁸for ye were once darkness, but now light in [the] Lord; walk as children of light,

⁹Nekuti chibereko chemweya chiri mukunaka kose nekururama, nechokwadi,

⁹(for the fruit of the light [is] in all goodness and righteousness and truth,)

¹⁰muchiidza zvinofadza kuna Ishe;

¹⁰proving what is agreeable to the Lord;

¹¹uye musadyidzana nemabasa erima asina zvibereko, asi zviri nani mumhure;

¹¹and do not have fellowship with the unfruitful works of darkness, but rather also reprove [them],

¹²Nekuti zvinhu zvinoitwa navo pakavanda zvinonyadzisa kunyange kutaura nezvazvo.

¹²for the things that are done by them in secret it is shameful even to say.

¹³Asi zvinhu zvose zvinomhurwa zvinoratidzwa nechiedza; nekuti zvose, zvinoratidzwa chiedza,

¹³But all things having their true character exposed by the light are made manifest; for that which makes everything manifest is light.

¹⁴saka unoti: Muka iwe uvete, muka kuvakafa, zvino Kristu uchakuvhenekera.

¹⁴Wherefore he says, Wake up, [thou] that sleepest, and arise up from among the dead, and the Christ shall shine upon thee.

¹⁵Naizvozvo chenjerai kuti munofamba sei nekuchenjerera, kwete semapenzi asi sevakachenjera;

¹⁵See therefore how ye walk carefully, not as unwise but as wise,

¹⁶muchidzikunura nguva, nekuti mazuva akaipa.

¹⁶redeeming the time, because the days are evil.

¹⁷Saka musava matununu, asi vanonzwisisa kuti kuda kwaIshe kwakadini.

¹⁷For this reason be not foolish, but understanding what [is] the will of the Lord.

¹⁸Uye regai kudhakwa newaini, makuri mune bongozozo guru, asi zadzwai neMweya;

¹⁸And be not drunk with wine, in which is debauchery; but be filled with the Spirit,

¹⁹muchitaurirana nemapisarema nenziyo, nenziyo dzeMweya, muchiimba nekuita mutinhimira mumoyo yenyu kuna Ishe;

¹⁹speaking to yourselves in psalms and hymns and spiritual songs, singing and chanting with your heart to the Lord;

²⁰muchipa kuvonga nguva dzose pamusoro pezvinhu zvose kuna Mwari naBaba, muzita raIshe wedu Jesu Kristu;

²⁰giving thanks at all times for all things to him [who is] God and [the] Father in the name of our Lord Jesus Christ,

²¹muchizviisa pasi umwe kune umwe mukutya Mwari.

²¹submitting yourselves to one another in [the] fear of Christ.

²²Vakadzi zviisei pasi pevarume venyu, sekuna Ishe.

²²Wives, [submit yourselves] to your own husbands, as to the Lord,

²³Nekuti murume musoro wemukadzi, saKristuwo ari musoro wekereke; uye ndiye Muponesi wemuviri.

²³for a husband is head of the wife, as also the Christ [is] head of the assembly. *He* [is] Saviour of the body.

²⁴Asi kunyange kereke sezvairi pasi paKristu, saizvozvowo vakadzi kuvarume vavo pachinhu chose.

²⁴But even as the assembly is subjected to the Christ, so also wives to their own husbands in everything.

²⁵Varume, idai vakadzi venyu, Kristu sezvaakadawo kereke, akazvipa nekuda kwayo;

²⁵Husbands, love your own wives, even as the Christ also loved the assembly, and has delivered himself up for it,

²⁶kuti aiite tsvene ainatse nekushambidza kwemvura neshoko,

²⁶in order that he might sanctify it, purifying [it] by the washing of water by [the] word,

²⁷kuti aikumikidze kwaari iri kereke inobwinya isina gwapa kana kuwonyana, kana chimwe chinhu chakadai; asi kuti ive tsvene isina chaingapomerwa.

²⁷that *he* might present the assembly to himself glorious, having no spot, or wrinkle, or any of such things; but that it might be holy and blameless.

²⁸Saizvozvowo varume vanofanira kuda vakadzi vavo semiviri yavo. Unoda mukadzi wake, unozvida iye;

²⁸So ought men also to love their own wives as their own bodies: he that loves his own wife loves himself.

²⁹Nekuti hakuna munhu wakatongovenga nyama yake, asi unoifunda nekuichengetedza, saizvozvo Ishe kukereke;

²⁹For no one has ever hated his own flesh, but nourishes and cherishes it, even as also the Christ the assembly:

³⁰Nekuti isu tiri mitezo yemuviri wake, yenyama yake neyamafupa ake.

³⁰for we are members of his body; [we are of his flesh, and of his bones.]

³¹Nekuda kwaizvozvi munhu uchasiya baba namai vake, abatanidzwe kumukadzi wake; uye ava vaviri vachava nyama imwe.

³¹Because of this a man shall leave his father and mother, and shall be united to his wife, and the two shall be one flesh.

³²Chakavanzika ichi chikuru, asi ndinotaura zvaKristu nekereke.

³²This mystery is great, but *I* speak as to Christ, and as to the assembly.

³³Asi imwiwo umwe neumwe pachake ngaade mukadzi wake sezvaanozvida iye; nemukadzi ngaatye murume.

³³But *ye* also, every one of you, let each so love his own wife as himself; but as to the wife [I speak] that she may fear the husband.