¹Ipapo Jobho akapindura, akati,

¹And Job answered and said,

²Haiwa, dai kutambudzika kwangu kwaiyerwa, Nenjodzi dzangu dzaivunganidzirwa pachiyero!

²Oh that my grief were thoroughly weighed, and all my calamity laid in the balances!

³nekuti zvino zvairema kupfuura jecha ramakungwa; Naizvozvo mashoko angu aiva okuvhurumuka.

³For now it would be heavier than the sand of the seas; therefore my words are vehement.

⁴nekuti miseve yoWamasimba yakandibaya mukati mangu, Mweya wangu unomwa uturu hwayo; Zvinotyisa zvaMwari zvazvigadzirira kurwa neni.

⁴For the arrows of the Almighty are within me, their poison drinketh up my spirit: the terrors of +God are arrayed against me.

⁵Ko mbizi ingachema kana ine bumhudza here? Ko nzombe ingakuma pazvokudya zvayo here?

⁵Doth the wild ass bray by the grass? loweth an ox over his fodder?

⁶Ko chisinganaki chingadyiwa chisino munyu here? Ko zvichena zvezai zvinozipa here?

⁶Shall that which is insipid be eaten without salt? Is there any taste in the white of an egg?

⁷Mweya wangu unoramba kuzvibata; Kwandiri zvakafanana nezvokudya zvinosemesa.

⁷What my soul refuseth to touch, that is as my loathsome food.

⁸Haiwa! Dai ndaipiwa zvandinokumbira;

⁸Oh that I might have my request, and that +God would grant my desire!

⁹Dai Mwari aitenda hake kundipwanya, Dai aitambanudza hake ruoko rwake, akandiparadza.

⁹And that it would please +God to crush me, that he would let loose his hand and cut me off!

¹⁰Ipapo ndainyaradzwa hangu; Zvirokwazvo ndaifara pakurwadziwa kusine tsitsi; nekuti handina kuramba mashoko oMutsvene.

¹⁰Then should I yet have comfort; and in the pain which spareth not I would rejoice that I have not denied the words of the Holy One.

¹¹Simba rangu ndereiko, randingamirira naro rufu? Mugumo wangu ndeweiko, kuti nditsungirire?

¹¹What is my strength, that I should hope? and what is mine end, that I should have patience?

¹²Simba rangu rakafanana neramabwe here? Nyama yangu indarira kanhi?

¹²Is my strength the strength of stones? is my flesh of brass?

¹³Handizinoshaiwa rubatsiro mukati mangu here? Uchenjeri kwahwo hahuzadzingwa chose kwandiri here?

¹³Is it not that there is no help in me, and soundness is driven away from me?

¹⁴Munhu, anorwisa kuziya, anofara kuitirwa nyasha neshamwari dzake; Angazorega kutya waMasimbaose.

¹⁴For him that is fainting kindness [is meet] from his friend; or he forsaketh the fear of the Almighty.

¹⁵Hama dzangu dzakaita nokusatendeka sorukova, Sokuyerera kwehova dzinopfuura;

¹⁵My brethren have dealt deceitfully as a stream, as the channel of streams which pass away,

¹⁶Dzakasviba nokuda kwamazaya echando, Uye panovanda chando;

¹⁶Which are turbid by reason of the ice, in which the snow hideth itself:

¹⁷Kana zuva ropisa, dzonyangarika; Kana kopisa dzinopedzwa panzvimbo yadzo.

¹⁷At the time they diminish, they are dried up; when heat affecteth them, they vanish from their place:

¹⁸Vafambi vanofamba nenzira yadzo vanotsauka, Vanokwira kurenje ndokuparara

¹⁸They wind about in the paths of their course, they go off into the waste and perish.

¹⁹Vafambi veTema vakatarira, Mapoka eShebha akadzimirira.

¹⁹The caravans of Tema looked, the companies of Sheba counted on them:

²⁰Vanonyadziswa nekuti vakanga vane tariro; Vakasvikapo vakakanganiswa.

²⁰They are ashamed at their hope; they come thither, and are confounded.

²¹nekuti zvino hamuzi chinhu; Munoona chinotyisa, ndokutya.

²¹So now ye are nothing; ye see a terrible object and are afraid.

²²Ko ndakati, Ndipei here? Kana, Ndivigirei chipo chinobva pafuma yenyu here?

²²Did I say, Bring unto me, and make me a present from your substance?

²³Kana, Ndirwirei paruoko rwomudzivisi here? Kana, Ndidzikunurei paruoko rwavamanikidzi here?

²³Or, rescue me from the hand of the oppressor, and redeem me from the hand of the violent?

²⁴Ndidzidzisei, ndinyarare hangu; Mundidudzire pandatadza.

²⁴Teach me, and I will hold my tongue; and cause me to understand wherein I have erred.

²⁵Mashoko akarurama ane simba sei! Asi kutuka kwenyu kunotukeiko?

²⁵How forcible are right words! but what doth your upbraiding reprove?

²⁶Munofunga kutuka mashoko here? nekuti mashoko omunhu, arasha moyo, anotorwa nemhepo.

²⁶Do ye imagine to reprove words? The speeches of one that is desperate are indeed for the wind.

²⁷Zvirokwazvo munoda kukanda mijenya pamusoro penherera isina baba, Munoda kutengesa shamwari yenyu.

²⁷Yea, ye overwhelm the fatherless, and dig [a pit] for your friend.

²⁸Naizvozvo zvino chindonditarirai henyu; nekuti zvirokwazvo handingarevi nhema pamberi penyu.

²⁸Now therefore if ye will, look upon me; and it shall be to your face if I lie.

²⁹Dzokai henyu, ndizvo zvandinokumbira, kusarurama kurege kuvapo, Dzokai henyu, mhaka yangu yakarurama.

²⁹Return, I pray you, let there be no wrong; yea, return again, my righteousness shall be in it.

³⁰Parurimi rwangu panokusarurama here? Kuravira kwangu hakungasaruri zvinhu zvakashata here?

³⁰Is there wrong in my tongue? cannot my taste discern mischievous things?