¹Zvino Jehovha akataura naMozisi, akati,

¹And Jehovah spoke to Moses, saying,

²Tsiva vana vaIsiraeri kuvaMidhiani; shure kwaizvozvo iwe uchasanganiswa navanhu vako.

²Avenge the children of Israel upon the Midianites; afterwards shalt thou be gathered unto thy peoples.

³Mozisi akataura navanhu, akati, Varume pakati penyu ngavazvigadzirire kurwa, kuti vandorwa navaMidhiani, vatsivire Jehovha kuvaMidhiani.

³And Moses spoke to the people, saying, Arm from amongst you men for military service, that they go against Midian to execute Jehovah's vengeance upon Midian.

⁴Munofanira kutumira kuhondo vane chiuru chimwe kurudzi rumwe norumwe rwamarudzi avaIsiraeri.

⁴Of every tribe a thousand, of all the tribes of Israel, shall ye send to the war.

⁵Naizvozvo vakaverenga kuzviuru zvavaIsiraeri chiuru chimwe kurudzi rumwe norumwe, vakasvika zviuru gumi nezviviri vakazvigadzirira kundorwa.

⁵And there were levied out of the thousands of Israel, a thousand by tribe, twelve thousand armed for war.

⁶Mozisi akavatuma kundorwa, chiuru chimwe kurudzi rumwe norumwe, ivo naPinehasi, mwanakomana waEreazari mupristi, kundorwa, iye akabata nhumbi dzeimba tsvene nehwamanda dzokuridzisa nadzo.

⁶And Moses sent them to the war, a thousand by the tribe, them and Phinehas the son of Eleazar the priest, to the war, and the holy instruments, even the alarm-trumpets in his hand.

⁷Vakarwa navaMidhiani, sezvakarairwa Mozisi naJehovha, vakauraya varume vose.

⁷And they warred against Midian, as Jehovah had commanded Moses, and slew all the males.

⁸Vakaurayawo madzimambo avaMidhiani, pamwechete navamwe vakaurawa, vaiti: Evhi, naRekemu, naZuri, naHuri, naRebha, madzimambo mashanu avaMidhiani; naBharamu, mwanakomana waBheori, vakamuurayawo nomunondo.

⁸And they slew the kings of Midian, besides the others slain, Evi, and Rekem, and Zur, and Hur, and Reba, five kings of Midian; and Balaam the son of Beor they slew with the sword.

⁹Vana vaIsiraeri vakatapa vakadzi vavaMidhiani navana vavo; nemombe dzavo dzose namakwai avo ose, nefuma yavo yose , vakazvitapa.

⁹And the children of Israel took the women of Midian captives, and their little ones, and took for a spoil all their cattle and all their flocks and all their goods;

¹⁰Namaguta avo ose mavakanga vagere, nemisasa yavo yose, vakazvipisa nomoto.

¹⁰and all their cities in their settlements and all their encampments they burned with fire.

¹¹Vakatora zvavakapamba zvose, nenhapwa dzose dzavanhu nedzezvipfuwo.

¹¹And they took all the booty, and all the prey, of man and of cattle;

¹²Vakauya navatapwa, nezvavakatapa, nezvavakapamba kuna Mozisi, nokuna Ereazari mupristi, nokuungano yose yavana vaIsiraeri, kumisasa pamapani aMoabhu, ari paJoridhani paJeriko.

¹²and they brought to Moses and Eleazar the priest, and to the assembly of the children of Israel, the captives and the prey and the booty, to the camp in the plains of Moab, which are by the Jordan of Jericho.

¹³Zvino Mozisi naEreazari mupristi, namachinda ose eungano, vakaenda kundosangana navo kunze kwemisasa.

¹³And Moses and Eleazar the priest and all the princes of the assembly went forth to meet them outside the camp.

¹⁴Mozisi akatsamwira vatariri vehondo, navakuru vezviuru navakuru vamazana, vakanga vachidzoka pakundorwa;

¹⁴And Moses was wroth with the officers of the army, with the captains of thousands, and captains of hundreds, who came from the service of the war;

¹⁵Mozisi akati kwavari, Makachengeta vakadzi vose vari vapenyu here?

¹⁵and Moses said to them, Have ye saved all the women alive?

¹⁶Tarirai, ndivo vakatadzisa vana vaIsiraeri pamberi paJehovha pazvakaitwa paPeori, vapiwa mano naBharamu, denda rikavapo pakati peungano yaJehovha.

¹⁶Lo, these, through the counsel of Balaam, caused the children of Israel to commit sin against Jehovah in the matter of Peor, and there was a plague on the assembly of Jehovah.

¹⁷Naizvozvo zvino urayai vakomana vose vari pakati pavana, muurayewo mukadzi mumwe nomumwe akavata nomurume;

¹⁷And now slay every male among the little ones, and slay every woman that hath known man by lying with him,

¹⁸asi muzvichengetere vanasikana vose, vasina kumbovata nomurume.

¹⁸but all the children among the women that have not known lying with a man, keep alive for yourselves.

¹⁹Asi imwi, endai mundogara mazuva manomwe kunze kwemisasa; ani naani akauraya munhu, ani naani akabata munhu akaurawa, muzvinatse pazuva retatu nerechinomwe, imwi navatapwa venyu.

¹⁹And encamp outside the camp seven days; whoever hath killed a person, and whoever hath touched any slain; ye shall purify yourselves on the third day, and on the seventh day, you and your captives.

²⁰Munofanirawo kusuka nguvo dzenyu dzose, nezvose zvakaitwa namatebwe, nezvose zvakarukwa nemvere dzembudzi, nezvinhu zvose zvakaitwa namatanda.

²⁰And every garment, and every vessel of skin, and all work of goat's hair, and every utensil of wood shall ye purify.

²¹Ereazari mupristi akati kuvarwi vose vakanga vandorwa, Uyu ndiwo murayiro wakarairwa Mozisi naJehovha:

²¹And Eleazar the priest said to the men of war that had gone to the battle, This is the statute of the law which Jehovah hath commanded Moses.

²²Ndarama, nesirivha, nendarira, nedare, netini, nomutobvu,

²²Only the gold, and the silver, the copper, the iron, the tin, and the lead,

²³zvose zvisingaparadzwi nomoto, munofanira kuzvipinza mumoto kuti zvinatswe; kunyange zvakadaro zvinofanira kucheneswa nemvura yokunatsa; asi zvose zvingaparadzwa nomoto, munofanira kuzvipinza mumvura.

²³everything that passeth through the fire, ye shall make it go through the fire, and it shall be clean; only it shall be purified with the water of separation; and everything that cannot pass through the fire ye shall make go through the water.

²⁴Munofanira kusuka nguvo dzenyu nezuva rechinomwe, kuti muve vakanaka, mugopinda mumisasa pashure.

²⁴And ye shall wash your garments on the seventh day, and ye shall be clean; and afterwards ye may come into the camp.

²⁵Zvino Jehovha akataura naMozisi, akati,

²⁵And Jehovah spoke to Moses, saying,

²⁶Verenga vakatapwa zvamakatapa zvavanhu nezvezvipfuwo, iwe naEreazari mupristi, navakuru vedzimba dzamadzibaba eungano;

²⁶Take the sum of the prey that was taken, of man and of cattle, thou, and Eleazar the priest, and the chief fathers of the assembly;

²⁷mukamure zvakatapwa napakati, ive migove miviri; mugovere pakati pavarume vanoziva kurwa, vakanga vandorwa, neungano yose;

²⁷and divide the prey into halves, between them that conducted the war, who went out to the battle, and the whole assembly.

²⁸zvino uraire kuti mugove wakatarwa utsaurirwe Jehovha navarume vehondo vakanga vandorwa: Chipenyu chimwe kumazana mashanu, kuvanhu, nokumombe, nokumadhongi, nekumakwai;

²⁸And thou shalt levy a tribute for Jehovah of the men of war who went out to the army, one soul of five hundred of the persons, and of the oxen, and of the asses, and of the small cattle.

²⁹uzvitore pahafu yavo, ugozvipa Ereazari mupristi, chive chipiriso chinotsaurirwa Jehovha.

²⁹Of their half shall ye take it, and give it unto Eleazar the priest, for a heave-offering of Jehovah.

³⁰Asi pahafu yavana vaIsiraeri unofanira kutora chimwe kumakumi mashanu, kuvanhu, nokumombe, nokumadhongi, nekumakwai, kuzvipfuwo zvose, ugozvipa vaRevhi vanochengeta tabhenakeri yaJehovha.

³⁰And of the children of Israel's half, thou shalt take one portion of fifty, of the persons, of the oxen, of the asses, and of the small cattle, of every [kind of] beasts, and thou shalt give them unto the Levites, who keep the charge of the tabernacle of Jehovah.

³¹Mozisi naEreazari vakaita sezvakarairwa Mozisi naJehovha.

³¹And Moses and Eleazar the priest did as Jehovah had commanded Moses.

³²Zvino zvakatapwa zvakanga zvasara, varume vehondo vatora mugove wavo, zvaiva makwai ane zviuru zvina mazana matanhatu nezviuru zvina makumi manomwe nezviuru zvishanu,

³²And the prey, the rest of the spoil, which the men of war had taken, was six hundred and seventy-five thousand sheep,

³³nemombe dzine zviuru zvina makumi manomwe nezviviri,

³³and seventy-two thousand oxen,

³⁴nemadhongi ane zviuru makumi matanhatu nechiuru chimwe;

³⁴and sixty-one thousand asses,

³⁵navakadzi vasina kumbovata navarume vane zviuru zvina makumi matatu nezviviri.

³⁵and of human persons, of the women that had not known lying with a man, all the persons were thirty-two thousand.

³⁶Hafu, yakagoverwa vakanga vaenda kundorwa, aiva makwai ane zviuru zvina mazana matatu, nezviuru zvina makumi matatu, nezviuru zvinomwe, namazana mashanu;

³⁶And the half, the portion of them that had gone out to the war, was in number three hundred and thirty-seven thousand five hundred sheep,

³⁷mugove wakatarwa, wakatsaurirwa Jehovha, waiva makwai ana mazana matanhatu namakumi manomwe namashanu.

³⁷and the tribute for Jehovah of the sheep was six hundred and seventy-five;

³⁸Mombe dzaiva zviuru zvina makumi matatu nezvitanhatu; mugove wakatarwa, wakatsaurirwa Jehovha kunaidzo, waiva mombe dzina makumi manomwe nembiri.

³⁸and the oxen were thirty-six thousand, and the tribute thereof for Jehovah, seventy-two;

³⁹Madhongi aiva zvuru makumi matatu nemazana mashanu; mugove wakatarwa, wakatsaurirwa Jehovha kunaidzo, waiva madhongi makumi matanhatu neimwe.

³⁹and the asses were thirty thousand five hundred, and the tribute thereof for Jehovah, sixty-one;

⁴⁰Vanhu vaiva zviuru zvine gumi nezvitanhatu; mugove wakatarwa, wakatsaurirwa Jehovha kuna ivo, waiva vanhu vana makumi matatu navaviri.

⁴⁰and the human persons were sixteen thousand, of whom the tribute for Jehovah was thirty-two persons.

⁴¹Mozisi akapa Ereazari mupristi mugove wakatarwa, chakanga chiri chipiriso chakatsaurirwa Jehovha, sezvakarairwa Mozisi naJehovha.

⁴¹And Moses gave the tribute of Jehovah's heave-offering to Eleazar the priest, as Jehovah had commanded Moses.

⁴²Pahafu yavana vaIsiraeri, yakanga yakamurwa naMozisi kuvanhu vakanga vandorwa,

⁴²And of the children of Israel's half, which Moses had divided, [taking it] from the men that served in the war,

⁴³(zvino hafu yeungano yaiva makwai ane zviuru zvina mazana matatu namakumi matatu, nezviuru zvinomwe namazana mashanu,

⁴³(now the half belonging to the assembly was of the sheep, three hundred and thirty-seven thousand five hundred,

⁴⁴nemombe dzine zviuru zvina makumi matatu nezviuru zvitatu,

⁴⁴and thirty-six thousand oxen,

⁴⁵nemadhongi zviuru zvina makumi matatu namazana mashanu,

⁴⁵and thirty thousand five hundred asses,

⁴⁶navanhu vane zviuru zvine gumi nezvitanhatu).

⁴⁶and sixteen thousand human persons,)

⁴⁷Pahafu yavana vaIsiraeri Mozisi akatora chimwe kumakumi mashanu, kuvana nokuzvipfuwo, akazvipa vaRevhi vaichengeta tabhenakeri yaJehovha; sezvakarairwa Mozisi naJehovha.

⁴⁷... of the children of Israel's half, Moses took one portion of fifty, of man and of cattle, and gave them to the Levites who kept the charge of the tabernacle of Jehovah; as Jehovah had commanded Moses.

⁴⁸Zvino vatariri vaiva pamusoro pezviuru zvehondo, navakuru vezviuru, navakuru vamazana vakaswedera kuna Mozisi,

⁴⁸And the officers who were over the thousands of the host, the captains of thousands, and captains of hundreds, came near to Moses,

⁴⁹vakati kuna Mozisi, Varanda venyu vakaverenga varume vehondo vanorairwa nesu; hakuna mumwe wedu usipo.

⁴⁹and they said to Moses, Thy servants have taken the sum of the men of war who were under our hand, and there is not one man of us lacking.

⁵⁰Zvino tauya nechipo chaJehovha, zvakawanikwa nomumwe nomumwe: Zvishongo zvendarama, neketani dzomumakumbo nedzomumaoko, nezvindori zvemimwe, nezvindori zvomunzeve, nezvomumutsipa, kuyananisira mweya yedu pamberi paJehovha.

⁵⁰So we present the offering of Jehovah, that which each one hath found, jewels of gold, chains, and bracelets, rings, earrings, and necklaces, to make atonement for our souls before Jehovah.

⁵¹Mozisi naEreazari mupristi vakagamuchira kwavari ndarama, zviri zvishongo zvamarudzi ose zvakaitwa nayo.

⁵¹And Moses and Eleazar the priest took the gold of them, all manner of wrought jewels.

⁵²Ndarama yose yechipiriso chakatsaurwa, chavakapa Jehovha, chavakuru vezviuru nechavakuru vamazana, aiva mashekeri ane zviuru zvine gumi nezvitanhatu namazana manomwe namakumi mashanu.

⁵²And all the gold of the heave-offering that they offered to Jehovah was sixteen thousand seven hundred and fifty shekels, from the captains of thousands and the captains of hundreds.

⁵³(Nokuti varume vehondo vakanga vatora mugove wavo wezvakatapwa, mumwe nomumwe.)

⁵³(The men of war had taken spoil each one for himself.)

⁵⁴Mozisi naEreazari mupristi vakagamuchira ndarama kuvakuru vezviuru navamazana, vakaiisa mutende rokusangana, kuti chive chirangaridzo kuvana vaIsiraeri pamberi paJehovha.

⁵⁴And Moses and Eleazar the priest took the gold of the captains of thousands and of hundreds, and brought it into the tent of meeting, as a memorial for the children of Israel before Jehovah.