¹Vana vaRubheni navana vaGadhi vakanga vane zvipfuwo zvizhinji kwazvo; zvino vakati vachitarira nyika yeJazeri nenyika yeGiriyadhi, vakaona kuti inzvimbo yakafanira zvipfuwo.

¹And the children of Reuben and the children of Gad had much cattle, a very great multitude; and they saw the land of Jaazer, and the land of Gilead, and behold, the place was a place for cattle.

²Ipapo vana vaGadhi navana vaRubheni vakauya vakataurirana naMozisi naEreazari mupristi namachinda eungano, vakati,

²And the children of Gad and the children of Reuben came and spoke to Moses, and to Eleazar the priest, and to the princes of the assembly, saying,

³Ataroti neDhibhoni neJazeri neNimura neHeshibhoni neEreari neSebhami neNebho neBheoni.

³Ataroth, and Dibon, and Jaazer, and Nimrah, and Heshbon, and Elaleh, and Sebam, and Nebo, and Beon,

⁴Nyika dzakakundwa naJehovha pamberi peungano yaIsiraeri, inyika yakafanira zvipfuwo; zvino isu varanda venyu, tine zvipfuwo.

⁴the country that Jehovah smote before the assembly of Israel, is a land for cattle, and thy servants have cattle;

⁵Vakati, Kana takawana nyasha pamberi penyu, nyika ino ngaipiwe varanda venyu, ive yavo; musatiyambutsa henyu Joridhani.

⁵and they said, If we have found favour in thine eyes, let this land be given to thy servants for a possession: bring us not over the Jordan.

⁶Mozisi akati kuvana vaGadhi navana vaRubheni, Ko hama dzenyu dzingaenda kundorwa, imwi mukagara pano here?

⁶And Moses said to the children of Gad, and to the children of Reuben, Shall your brethren go to war, and shall *ye* abide here?

⁷Munoodzereiko moyo yavana vaIsiraeri varege kuenda kunyika yavakapiwa naJehovha?

⁷And why do ye discourage the children of Israel from going over into the land that Jehovah has given them?

⁸Ndizvo zvakaita madzibaba enyu nguva yandakavatuma vari paKadheshi-bharinea, kundoshora nyika.

⁸Thus did your fathers, when I sent them from Kadesh-barnea to see the land:

⁹nekuti vakati vakwira kumupata weEshikori, vakaona nyika, vakaodza moyo yavana vaIsiraeri, kuti varege kupinda munyika yavakanga vapiwa naJehovha.

⁹they went up to the valley of Eshcol, and saw the land, and discouraged the children of Israel, that they should not go into the land that Jehovah had given them.

¹⁰Jehovha akatsamwa nomusi iwoyo, akapika, akati,

¹⁰And Jehovah's anger was kindled the same time, and he swore, saying,

¹¹Zvirokwazvo, hakungavi nomumwe wavarume vakabuda Egipita, ana makore makumi maviri nounopfuura, ungandoona nyika yandakapikira Abhurahamu naIsaka naJakove, nekuti havana kunditevera nomoyo wose;

¹¹If the men that came up out of Egypt, from twenty years old and upward, shall see the land that I swore to Abraham, to Isaac, and to Jacob! for they have not wholly followed me;

¹²asi Karebhu, mwanakomana waJefune, muKenizi, naJoshua, mwanakomana waNuni, nekuti ivo vakatevera Jehovha nomoyo wose.

¹²save Caleb the son of Jephunneh the Kenizzite, and Joshua the son of Nun; for they have wholly followed Jehovah.

¹³Jehovha akatsamwira vaIsiraeri, akavadzungairisa murenje makore ana makumi mana, kusvikira rudzi rwose rwakanga rwatadza pamberi paJehovha rwaparadzwa.

¹³And Jehovah's anger was kindled against Israel, and he made them wander in the wilderness forty years, until the whole generation was consumed that had done evil in the eyes of Jehovah.

¹⁴Zvino tarirai, imwi makamuka panzvimbo yamadzibaba enyu, vana chaivo vavanhu vezvivi, kuti muwedzere kutsamwa kukuru kwaJehovha pamusoro paIsiraeri.

¹⁴And behold, ye are risen up in your fathers' stead, a progeny of sinful men, to augment yet the fierce anger of Jehovah toward Israel.

¹⁵nekuti kana mukatsauka pakumutevera, uchavasiyazve murenje; imwi muchaparadza vanhu ava vose.

¹⁵If ye turn away from after him, he will yet again leave them in the wilderness; and ye shall destroy all this people.

¹⁶Vakaswedera kwaari, vakati, Tichavakira zvipfuwo zvedu matanga navana vedu vaduku maguta pano;

¹⁶And they drew near to him, and said, We will build sheepfolds here for our cattle, and cities for our little ones;

¹⁷asi isu tichazvigadzirira kurwa, kuti titungamirire vana vaIsiraeri, kudzimana tavasvitsa kunzvimbo yavo; vana vedu vachagara mumaguta akakombwa namasvingo nokuda kwavanhu vagere munyika.

¹⁷but we ourselves will go with diligence armed before the children of Israel, until we have brought them to their place; and our little ones shall dwell in the strong cities because of the inhabitants of the land.

¹⁸Hatingadzokeri kudzimba dzedu kudzimana vana vaIsiraeri vose vapiwa nhaka yavo.

¹⁸We will not return to our houses, until the children of Israel have inherited each one his inheritance.

¹⁹Nekuti hatingagari nhaka pamwechete navo mhiri kwaJoridhani nemberi; nekuti isu tagoverwa nhaka yedu nechouno mhiri kwaJoridhani kurutivi rwamabvazuva.

¹⁹For we will not inherit with them on yonder side the Jordan, and further, because our inheritance is fallen to us on this side the Jordan eastward.

²⁰Zvino Mozisi akati kwavari, Kana mukaita chinhu ichi, kana mukashonga nhumbi dzenyu dzokurwa, kuti muende pamberi paJehovha kundorwa,

²⁰And Moses said to them, If ye do this thing, if ye arm yourselves before Jehovah for war,

²¹mumwe nomumwe wenyu wakashonga akayambuka Joridhani pamberi paJehovha, kudzimana iye adzinga vavengi vake pamberi pake,

²¹and all of you that are armed go over the Jordan before Jehovah, until he have dispossessed his enemies from before him,

²²nyika ikakundwa pamberi paJehovha, ipapo mungadzoka henyu, hamungavi nemhosva kuna Jehovha nokuvaIsiraeri; nyika ino igova nhaka yenyu pamberi paJehovha.

²²and the land is subdued before Jehovah, and afterwards ye return, ye shall be guiltless toward Jehovah and toward Israel, and this land shall be your possession before Jehovah.

²³Asi kana mukasaita saizvozvo, tarirai matadzira Jehovha, muzive kuti zvivi zvenyu zvichakuwanai.

²³But if ye do not do so, behold, ye have sinned against Jehovah, and be sure your sin will find you out.

²⁴Vakirai henyu vana venyu maguta namakwai enyu matanga; itai sezvamakataura.

²⁴Build yourselves cities for your little ones, and folds for your flocks, and do that which has gone out of your mouth.

²⁵Vana vaGadhi navana vaRubheni vakataura naMozisi, vakati, Varanda venyu vachaita sezvakaraira tenzi wedu.

²⁵And the children of Gad and the children of Reuben spoke to Moses, saying, Thy servants will do as my lord commands.

²⁶Vana vedu, navakadzi vedu, nezvipfuwo zvedu, nemombe dzedu dzose, zvichagara mumaguta eGiriyadhi;

²⁶Our little ones, our wives, our cattle, and all our beasts shall be there in the cities of Gilead;

²⁷asi varanda venyu vachayambuka, vose vakazvigadzirira kundorwa, kundorwa pamberi paJehovha, sezvakataurwa natenzi wedu.

²⁷but thy servants will pass over, every one armed for war, before Jehovah to battle, as my lord says.

²⁸Naizvozvo Mozisi akaraira pamusoro pavo Ereazari mupristi, naJoshua, mwanakomana waNuni, navakuru vedzimba dzamadzibaba amarudzi avana vaIsiraeri;

²⁸So concerning them Moses commanded Eleazar the priest, and Joshua the son of Nun, and the chief fathers of the tribes of the children of Israel.

²⁹Mozisi akati kwavari, Kana vana vaGadhi navana vaRubheni vakayambuka nemi, murume mumwe nomumwe wakazvigadzira kundorwa pamberi paJehovha, nyika ikakundwa pamberi penyu; ipapo munofanira kuvapa nyika yeGiriyadhi, ive yavo.

²⁹And Moses said unto them, If the children of Gad and the children of Reuben pass with you over the Jordan, every one armed for battle, before Jehovah, and the land be subdued before you, then ye shall give them the land of Gilead for a possession;

³⁰Asi kana vasingayambuki nemi, vakashonga nhumbi dzavo dzokurwa, vanofanira kupiwa nhaka yavo pakati penyu panyika yeKanani.

³⁰but if they do not pass over with you armed, they shall have possessions among you in the land of Canaan.

³¹Ipapo vana vaGadhi navana vaRubheni vakapindura, vakati, Sezvakareva Jehovha kuvaranda venyu, ndizvo zvatichaita.

³¹And the children of Gad and the children of Reuben answered, saying, As Jehovah has said to thy servants, so will we do.

³²Tichayambukira pamberi paJehovha kunyika yeKanani, takashonga nhumbi dzedu dzokurwa, kuti tipiwe nhaka yedu nechouno mhiri kwaJoridhani.

³²We will pass over armed before Jehovah into the land of Canaan, and the possession of our inheritance on this side the Jordan shall be ours.

³³Zvino Mozisi akavapa, ivo vana vaGadhi navana vaRubheni, nehafu yorudzi rwaManase, mwanakomana waJosefa, ushe hwaSihoni, mambo wavaAmori, noushe hwaOgi, mambo weBhashani, nyika namaguta ayo nemiganhu yayo, iwo maguta enyika yose yakapoteredza.

³³And Moses gave to them, to the children of Gad, and to the children of Reuben, and to half the tribe of Manasseh the son of Joseph, the kingdom of Sihon king of the Amorites, and the kingdom of Og the king of Bashan, the land, according to its cities and territories, the cities of the land round about.

³⁴Vana vaGadhi vakavaka Dhibhoni, neAtaroti, neAroeri,

³⁴And the children of Gad built Dibon, and Ataroth, and Aroer,

³⁵neAtirotishofani, neJazeri, neJogibheha,

³⁵and Atroth-Shophan, and Jaazer, and Jogbebah,

³⁶neBheti-nimura, neBheti-harani, ari maguta akakombwa namasvingo, ana matanga amakwai.

³⁶and Beth-Nimrah, and Beth-haran, strong cities, and sheepfolds.

³⁷Vana vaRubheni vakavaka Heshibhoni, neEreari, neKiriataimi,

³⁷-- And the children of Reuben built Heshbon, and Elaleh, and Kirjathaim,

³⁸neNebho, neBhaari-meoni (vashandura mazita awo), neSibhima; vakatumidza maguta avakavaka mamwe mazita.

³⁸and Nebo, and Baal-meon (of which the names were changed), and Sibmah; and they gave other names to the cities that they built.

³⁹Vana vaMakiri, mwanakomana waManase, vakaenda Giriyadhi, vakarikunda, vakadzinga vaAmori vakanga vageremo.

³⁹-- And the children of Machir the son of Manasseh went to Gilead, and took it, and they dispossessed the Amorites that were therein.

⁴⁰Mozisi akapa Makiri, mwanakomana waManase, Giriyadhi, iye akagaramo.

⁴⁰And Moses gave Gilead to Machir the son of Manasseh; and he dwelt therein.

⁴¹Jairi, mwanakomana waManase, akakunda misha yaro, akaitumidza Misha yaJairi.

⁴¹And Jair the son of Manasseh went and took their hamlets, and called them Havoth-Jair.

⁴²Nobha akandokunda Kenati, nemisha yaro yakanga yakabatwa naro, akaritumidza Nobha, nezita rake.

⁴²And Nobah went and took Kenath, and its dependent villages, and called it Nobah, after his name.