¹Hareruya. nekuti zvakanaka kuti Mwari wedu aimbirwe nziyo dzokurumbidza; Zvinofadza, uye kurumbidza kwakafanira.

¹Praise ye Jah! for it is good. Sing psalms of our God; for it is pleasant: praise is comely.

²Jehovha anovaka Jerusaremu; Anounganidza vakadzingwa vaIsiraeri.

²Jehovah doth build up Jerusalem: he gathereth the outcasts of Israel.

³Anoporesa vane moyo yakaputsika, Anosunga mavanga avo.

³He healeth the broken in heart, and bindeth up their wounds.

⁴Anotara kuwanda kwenyeredzi; Anodzipa dzose mazita adzo.

⁴He counteth the number of the stars; he giveth names to them all.

⁵Ishe wedu mukuru, anesimba guru; Njere dzake hadziperi.

⁵Great is our Lord, and of great power: his understanding is infinite.

⁶Jehovha anobatsira vanyoro;

⁶Jehovah lifteth up the meek; he abaseth the wicked to the earth.

⁷Imbirai Jehovha muchimuvonga, Imbirai Mwari wedu nziyo dzokurumbidza nembira;

⁷Sing unto Jehovah with thanksgiving; sing psalms upon the harp unto our God:

⁸Iye anofukidza denga namakore, Anogadzirira pasi mvura, Anomeresa uswa pamakomo.

⁸Who covereth the heavens with clouds, who prepareth rain for the earth, who maketh grass to grow upon the mountains;

⁹Anopa zvipfuwo zvokudya zvazvo, Navana vamakunguvo, anochema.

⁹Who giveth to the cattle their food, to the young ravens which cry.

¹⁰Haafadzwi nesimba rebhiza; Haafariri makumbo omurume.

¹⁰He delighteth not in the strength of the horse, he taketh not pleasure in the legs of a man;

¹¹Jehovha anofara navanomutya, Navanotarira tsitsi dzake.

¹¹Jehovah taketh pleasure in those that fear him, in those that hope in his loving-kindness.

¹²Rumbidza Jehovha, iwe Jerusaremu; Rumbidza Mwari wako, iwe Ziyoni.

¹²Laud Jehovah, O Jerusalem; praise thy God, O Zion.

¹³nekuti wakasimbisa mazariro amasuwo ako; Akaropafadza vana vako mukati mako.

¹³For he hath strengthened the bars of thy gates; he hath blessed thy children within thee;

¹⁴Anoisa rugare panyika yako; Anokugutisa nezviyo zvakaisvonaka.

¹⁴He maketh peace in thy borders; he satisfieth thee with the finest of the wheat.

¹⁵Anotuma mirairo yake panyika; Shoko rake rinomhanya kwazvo.

¹⁵He sendeth forth his oracles to the earth: his word runneth very swiftly.

¹⁶Anopa vanhu chando samakushe amakwai, anoparadzira chando samadota.

¹⁶He giveth snow like wool, scattereth the hoar frost like ashes;

¹⁷Anokanda chimvuramabwe chake sezvimedu; Ndianiko angamira pachando chake?

¹⁷He casteth forth his ice like morsels: who can stand before his cold?

¹⁸Anotuma shoko rake, ndokuzvinyausa; Anovhuvhutisa mhepo yake mvura ndokuyerera.

¹⁸He sendeth his word, and melteth them; he causeth his wind to blow -- the waters flow.

¹⁹Anozivisa Jakove shoko rake, Nalsiraeri mitemo yake nezvaakatonga.

¹⁹He sheweth his word unto Jacob, his statutes and his judgments unto Israel.

²⁰Haana kutongoitira rumwe rudzi saizvozvo; Kana zviri zvaakatonga, havana kuzviziva. Hareruya!

²⁰He hath not dealt thus with any nation; and as for [his] judgments, they have not known them. Hallelujah!