¹Ndiwoka marudzi aEsau unova Edhomu:

²Esau wakatora vakadzi vake kuvakunda veKanani, Adha, mukunda waEroni muHeti, naHoribhama mukunda waAna, mukunda waZibhioni muHivhi,

³naBhasimati mukunda waIshimaeri hanzvadzi yaNebhayoti.

⁴Adha ndokubereka Esau Erifazi; Bhasimati ndokubereka Rueri;

⁵Ohori­bhama ndokubereka Jeushi naJarami naKora; ava vanakomana vaEsau, vaakaberekerwa panyika yeKanani.

⁶Zvino Esau wakatora vakadzi vake nevanakomana vake nevakunda vake, nemweya yose yeimba yake, nemombe dzake nezvipfuwo zvake zvose, nenhumbi dzake dzose dzaakange awana munyika yeKanani, ndokuenda kune imwe nyika achibva pachiso chaJakove munin'ina wake.

⁷Nekuti zvipfuwo zvavo zvakange zvakawanda zvokuti vaiva vasingagoni kugara pamwe, uye nyika yeutorwa hwavo yakange isingagoni kuvatakura nekuda kwezvipfuwo zvavo.

⁸Esau ndokugara kugomo reSeiri; Esau ndiye Edhomu.

⁹Zvino awa marudzi aEsau, baba vevaEdhomu, kugomo reSeiri;

¹⁰awa mazita evanakomana vaEsau, Erifazi mwana­komana waAdha mukadzi waEsau, Rueri mwanakomana waBhasimati mukadzi waEsau.

¹¹Nevanakomana vaEri­fazi vaiva Temani, Omari, Zefo, naGatamu, naKenazi.

¹²Zvino Timuna waiva murongo waErifazi, mwanakomana waEsau; wakaberekera Erifazi muAma­reki; ava vanakomana vaAdha muka­dzi waEsau.

¹³Zvino ava vanakomana vaRueri, Nahati naZera, Shama naMiza; ava vanakomana vaBhasimati mukadzi waEsau.

¹⁴Zvino ava madzishe evana vaOhoribhama mu­kunda waAna, mukunda waZibhioni mukadzi waEsau; ndokuberekera Esau Jeushi naJarami naKora.

¹⁵Awa madzishe pakati evana vaEsau: Vanakomana vaErifazi dangwe raEsau: Ishe Temani, ishe Omari, ishe Zefo, ishe Kenazi,

¹⁶ishe Kora, ishe Gatamu, ishe Amareki; awa madzishe aErifazi munyika yeEdhomu; ava vanakomana vaAdha.

¹⁷Uye ava vanakomana vaRueri mwanakomana waEsau: Ishe Nahati, ishe Zera, ishe Shama, ishe Miza; aw madzishe aRueri munyika yeEdhomu; ava vanakomana vaBhasi­mati mukadzi waEsau.

¹⁸Uye ava vanakomana vaOhori­bhama, mukadzi waEsau: Ishe Jeushi, ishe Jarami, ishe Kora; ava madzi­she aOhoribhama, mukunda waAna, mukadzi waEsau.

¹⁹Ava vanakomana vaEsau, uye madzishe avo; unova Edhomu.

²⁰Ava vanakomana vaSeiri muHori, vagari venyika: Rotani naSho­bharu naZibhioni naAna

²¹naDhishoni naEzeri naDhishani; ava madzishe evaHori, vanakomana vaSeiri munyika yeEdhomu.

²²Uye vanakomana vaRotani vaiva Hori naHemani; nehanzvadzi yaRotani aiva Timuna.

²³Uye ava vanakomana vaShobharu: Avhani naManahati naEbhari Shefo naOnamu.

²⁴Uye ava vanakomana vaZibhioni: Vose Aja naAna; ndiAna akawana matsime emvura inopisa murenje achifudza madhongi aZibhioni baba vake.

²⁵Uye ava vanakomana vaAna: Dhi­shoni naOhoribhama, mukunda waAna.

²⁶Ava vanakomana vaDhishoni: Hemudhani naEshibhani naIturani naKerani.

²⁷Ava vanakomana vaEzeri: Bhirihani naZaavhani naAkani.

²⁸Ava vanakomana vaDhishani: Uzi naArani.

²⁹Ava madzishe evaHori: Ishe Rotani, ishe Shobharu, ishe Zibhioni, ishe Ana,

³⁰she Dhishoni, ishe Ezeri, ishe Dhishani; awa ma­dzishe evaHori, nemarudzi avo munyika yeSeiri.

³¹Uye awa madzimambo akatonga munyika yeEdhomu, Mambo asati atonga vana vaIsiraeri:

³²Uye Bhera mwanakomana waBheori wakatonga paEdhomu; uye zita reguta rake rainzi Dhinihabha.

³³Zvino Bhera wakafa, Jobhabhu mwanakomana waZera weBhozara akatonga pachinzvimbo chake.

³⁴Jobhabhu ndokufa, Hushamu wenyika yavaTemani akatonga pachinzvimbo chake.

³⁵Hushamu ndokufa; Hadhadhi, mwanakomana waBhedhadhi, uya akarova Midhiani kusango reMoabhu, akatonga pachigaro chake; uye zita reguta rake rainzi Avhiti.

³⁶Hadhadhi ndokufa; Samura weMasereka akatonga pachinzvimbo chake.

³⁷Samura ndokufa; Shauri weRehobhoti paRwizi akatonga pachinzvimbo chake.

³⁸Shauri ndokufa; Bhaarihanani mwanakomana waAkibhori akatonga pachinzvimbo.

³⁹Bhaari-Hanani mwanakomana waAkibhori ndokufa, Hadhari akatonga pachinzvimbo chake; uye zita reguta rake rainzi Pau; zita romukadzi wake rainzi Mehetabheri, mukunda waMatiredhi, mukunda waMehazahadhi.

⁴⁰Uye awa mazita emadzishe ekwaEsau, nedzimba dzavo, nenzvimbo dzawo, nemazita avo: Ishe Timuna, ishe Arivha, ishe Jeteti;

⁴¹nashe Ohori­bhama, nashe Era, nashe Pinoni;

⁴²i­she Kenazi, ishe Temani, ishe Mi­bhizari,

⁴³ishe Magidhieri, ishe Iramu; awa madzishe aEdhomu, maererano nenzvimbo dzavo dzekugara, munyika yenhaka yavo. Ndiye Esau, baba vaEdhomu.